حماية المستهلك البريمي في سبااااااااااااااات عميق...

[نورالبريمي]

بصراحه نحتاج وقفة حماية المستلك وقفه قويه
هلا ياخوي ابو سلطان يسعدني مرورك على الموضوع
المستهلك منهم و فيهم و هم بأنفسهم مستهلكين ألا يلاحظوا إرتفاع الإسعار المبالغ فيه

صدقت ياخوي تراه نحن عايشين في زمن نفسي نفسي شو على من الناس الثانيه
مثال على المطاعم مثلا من سنه المندى يتراوح بين ريال و ريال نص و الأن من ريال و نص للدجاج بدل ريال و ريالين و ريالين و نص للحم .
كان الله في عونا يعني ما يحسون في الانسان العزوبي اللي هله ماعنده وماعنده فرصه انه يطبخ او ماعرف من الاساس يعني ليش مايفكرون في اخوانهم في القطاع الخاص اغلبهم متغربين

بعض المطاعم القديمه المعروفه في البريمي و هي في واجه الشارع الرئيسي للبريمي كان الشوارما بالحمص ثمان مائه بيسه للصحن أصبح ريال و ثلاث مائه ..
هذا فيض من غيض ياخوي لو تدش على المطاعم اللي في حواري بتشوف التلاعب اكثرو تعليلهم المطاعم العربيه الصحن بريالين ليش ما نرفع نحن و أسعار المواد الغذائيه أرتفعت ..

للعلم أتصلت على مسقط و أكدوا لي بأن أسعار المواد الغذائيه لم ترتفه في القريب أبدا بالعكس أنخفظ أغلبها من الخارج و لكن الإرتفاع من الداخل ..
وين القصور الحين ياخوي مب حرااام يسرقونا عينك عينك

ناهيك عن أرتفاع المواد الكماليه تي شيرت كان سعره ريال نفسه أصبح أربع ريالات ..

ايه ياخوي تراه زيادة اللي صارت في الرواتب الشهر الماضي رفعت مكان تعليق التي شرت وانا اختك

أين أنتم يا أخوان
​

في سبااااااااااااااااااات عميق ياخوي

 

[نورالبريمي]

يمكن لانه نفووذ حماية المستهلك ضعيف امام هالتجار ^^

عشان كذا ما راموا يسوون شي

هلا ياخوي لعاد شوه الفائده منهم اذا اهم مكلفين من قبل الحكومه ومايقدرون يسون شئ ضد التجار نحن بنسوي ما اقول غير بااااي بااااي يالراتب من اول يوم يتم استيلامه مشكور على المرور ياخوي

 

[نورالبريمي]

السلام عليكم ورحمة الله وبركاته وين موقعهم وأي وزاره يتبعوا بمحافظة البريمي وماهو رقمهم المجاني لازم يعملوا حمله تعرفية عن نفسهم بسهم من سبات​

هلا ياخوي وانا اقول مثلك يالله نشو من سباتكم والله فضيحه هالامور تصير في البريمي داري ومرباي احس بغصه

في القلب لم اشوف حرمه كبيره تروح تتسوق واليتيم واللي يالله يالله راتبه يكفي الاخر الشهر بس شوه الواحد منا

يقدر يسوي ماشئ غير المقاطعه حق المحلات الكبار يخلصني اروح العين علشان اخسرهم ولو درهم واحد راح

اتحمل زحمة المركز الحدودي علشان بس اخليهم يحسون بقيمة سكان البريمي ابويه الدار دارنا مب دار التجار الوافدين

مشكور على المرور

 

[مميز]

وين دور لجنة حماية المستهلك لازم حد يتحرك​

:1422af4c52b5c5ae9e7

 

[نورالبريمي]

السلام عليكم ورحمة الله وبركاته

رجاءً كل الرجاء



لا تدخلون حماية المستهلك والعكس صحيح حماية التاجر مب المستهلك

وانا معاك في هالنقطه الحمايه حق التجار

نحن محد بيدمرنا وبيفقرنا غير حماية المستهلك
اقل مثال

تحيدون اول حلاقة اللحيه بكم كان بنص ريال وسوي اللي تتسويه في لحيتك يعني سو خنجر ماخنجر شل بخيرط وسو تدريج وكله هذا بنص ريال

ولما تدخلت حمايه المستهلك خبروني الحين كم السعر؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اخوي اكيد 100% السعر ارتفع منو يراقبهم وانا اختك شاكره لك هالمرور الكريم

 

[نورالبريمي]

السلام عليكم ورحمة الله وبركاته

للأسف فقط أصبحنا نشاهد أرقام لهم "في بعض الأماكن وبشكل غير واضح" لكن لا حركه ولا اتخاذ قرار من جهتهم!
موظفوا حماية المستهلك هم من المجتمع نفسه ف لماذا لا يتابعون الوضع؟!!!

وانا معك وينهم اهم مايشترون من هنيه ولا كيف ؟؟؟؟ اوجه لهم نفس السؤال ؟؟؟
أسئله تحتاج إلى إجابة واتخاذ قرار صارم من قبلهم للتجار الذين يبالغون وللأسف يغيب الضمير لديهم ويصبح الجشع سيدهم!

لو كان عندنا حماية مستهلك ضمير التجار مارح يقوى على المواطن الضعيف
يجب للضمير أن يستفيق قليلا !!

اخوي الكريم يسعدني مرورك على الموضوع ماراح يتحركون غير لم يعرفون انه المواطن اصبح يعرف اللي له والواللي
عليه ونطالب بانهم يؤدون عملهم على اكمل وجه في المحلات التجاره وغيره وتسلم

 

[نورالبريمي]

السلام عليكم ورحمة الله وبركاته

لجنة حماية المستهلك أكيد مابتقدر اتلف ع كل المحلآت إلا إذا تعاونتوا وياهم

......

رقم لجنة حماية المستهلك 25650892

الغاليه اكيد يد وحده ماراح تصفق لو شفنا من حماية المستهلك ننتظر حركه وحده منهم وانا متاكده انه كل اهلي

البريمي راح يتعاونون وياهم

 

[نورالبريمي]

السلام عليكم ورحمة الله وبركاته

انزين حد يعرف شو اخر شي سوته حماية المستهلك؟


ليش كل ما يقومون به يتم غامض وسر

اخوي الكريم انا بعد اريد اجابه على هاسؤال

 

[نورالبريمي]

السلام عليكم ورحمة الله وبركاته

لازم نبلغ عن كل التجار المتلاعبين بالاسعار نحن شو يخصنا بالعين هذيلاك رواتبهم قوية مب مثلنا نحن

اخوي ماشاء الله عليك رد مبدع بس يعني تتوقع لو عندنا دور حق حماية المستهلك بيكون نحن لازم نبلغ المستهلك ولا اهم من نفسها لازم يحسون فينا شوي

 

[العمده]

بسم الله الرحمن الرحيم

الموضوع مهم جدا ... بخصوص الاسعار واستغلال الهنود
مثل ما احنا عارفين ان صاحب الجلاله اصدر مرسوم بأنشاء الهيئه العامه لحمايه المستهلك قبل فتره
وحاليا جاري انشاء الهيئة ... الى الان يتم استقطاب الموظفين
يعني الشغلة شوي مطولة ...:73ffcdae29e6a906cb4
...
والاهم من كل شي ... تعاون المجتمع مع ادارة التجارة والصناعة
في قسم لحماية المستهلك في البريمي ولكن عدد الموظفين ما يتجاوز 2 مفتشين ورئيس القسم
ابصراحه انا زرتهم وشفت طبيعة عملهم ... عليهم ضغط كبير
...
الله يعين ...​

 

[نورالبريمي]

السلام عليكم ورحمة الله وبركاته

الدنيا خبر خير ... لا تلومو حماية المستهلك ولكن أرمو اللوم على التجار ..
ولكن بالتعآون معهم وإخبارهم بما يجري ..

مثل ما ذكر بعض الأخوان ما يقدرون يلفون على كل المحلات ..
وأنسانه وضعت لكم الرقم أتصلو بهم وأبلغوهم ..

اخوي الكريم انا اريدك تخبرني شئ انت لو مدير في مكان ورئيس الشركه قالك هالشغل انت لازم تسويه لاتنتظر اي من الموظفين يخبروك او يتواصلون وياك انت المسؤول شوه راح تسوي وانا اختك ؟؟؟؟ والتاجر مستحيل يتلاعب بالاسعار اذا كان مراقب من حد بيخاف صدقني

 

[نورالبريمي]

السلام عليكم ورحمة الله وبركاته

شاكره لك هالمرور اللي نور صفحتي

للأسف وإن كانت موجوده حماية المستهلك..
فالكثيرون لا يشعرون بتواجدها ولا حضورها..
وانا وحده منهم شوه ذنبي لم استلم الراتب اوصل عند الكاشير يقولي ادفعي الشئ الفلاني اطالع الاغراض احسها اشياء بسيطه ليش هالمبلغ اتمنى اني اشوف تواجدهم
وما زالت الارقام تلعب في السوق بلا رقيب ولا حسيب

وراح تضل الارقام في ارتفاع لحد ما يصحون من سباتهم

لمن يهمه الأمر فقط
​

 

[نورالبريمي]

السلام عليكم ورحمة الله وبراكته

الرقابه موجوده بس م فاضيه حق المواطن الي همها الوحيد كيف تستغل التاجر وم لازم اوضح اكثر عن كيه
القصد مفهوم

مفهوم ياخوي
بس نصيحه مني لكل مواطن عليكم بصبر
يقولو الصبر مفتاح الفرج
لو انه هذا المثال م يطبق عندنا لانه لو صبرنا 100 سنه م بنشوف شي
بس خلانا نضحك على افسنا
الصبر زين ياخوي بس لم ينفض الصبر يكون صعب يعني انت تشوفها حلوه الواحد يتسلف من ربيعه او ابوه او امه علشان الغلا اللي صاير لحين والصبر زين وليش نضحك على انفسنا يابابا نحن في 2011:1:
عسى الله يفرجها على العباد

اللهم امين والله يسمع منك

 

[نورالبريمي]

السلام عليكم ورحمة الله وبركاته

إنشاء الله أحد من الأخوة الذين يعملون في لجنة حماية المستهلك تصله هذه الرسالة والمطالب ويقوم بالرد على إستفسارات الأخوة الأعضاء ويوضح لنا الدور الذي يقومون به في محافظة البريمي
اخوي نتمنى لحد احين ماشفنا شئ وانا اختك ما اريد اذكر حد بس شوف لجنة الزكاه ماشاء الله عليهم ينشرون الخير في كل مكان يعني يعرفون المواطن سوء غني او فقير شوه يريدون من المجتمع سواء
أتمنى التوفيق للجميع

والله يوفقك دنيا واخره

 

[نورالبريمي]

السلام عليكم ورحمة الله وبركاته

هلا بشيخة الكل

الله كريم

عيل حد يبيع كرتون الطماط هالفتره بريالين ونص..

هيه بينباع ما دام المواطن محتاج يشتري راح يشتري غصب عنه وانا اختك

يخلصني اسير اشتري من مسقط بهالقيمه خمس كراتين او سته..

ههههه فكره حلوه بس ليش نتعب عمرنا وعندنا حماية مستهلك ننتظر يشوف لنا حل

ولاحد يقول في العين غالي بالعكس ارخص عن هنيه

الجبن بريال ونص هناك بريال وميتين..

وغيره وغيره

العين ياحبيبتي مب غاليه بس المشكله زحمة الحدود كان الواحد ارتاح