عذب الأطباع
¬°•| عضو مبتدى |•°¬
أنتظر تقييمكم ونقدكم ...
البارح أتعبتني جروحي والهم عالي مستواه ...
والفكر دندن ونومي غدا صعب المنال ...
وآهات قلب حيّرتني وقّفت نبض الحياه ...
أتعبت حال المنتظر بعشق بنت الحلال ...
ياهيه اسمعي عذب الأطباع وافهمي زين مبداه ...
ماهو مجرد حرف فوق الورق يقرا وينقال ...
أنا الوفا طبعي ولا أرضى بهذي الدنيا سواه ...
انا امبراطور المحبة وبركانه أنا الزلزال ...
أنا برنس الشوق بجنة غرامك أنا منتهاه ...
أمشي واثق الخطوة بهيبة ملك فوق الرمال ...
متعاطي حب وقلبك سقى قلبي حتى رواه ...
أشرب وأقول أنا الزعيم من جنوبه للشمال ...
انا أسير المحبة في سجن حبك ياشبيه المهاه ...
واشجون الغلا ترافقني بطول أيامي والليال ...
هيه يامن روحي تحبه يادوا قلبي وشفاه ...
ضناني الشوق بغيابك ونبع الخواطر سال ...
يا اللؤلؤة يامضامين الوصل ياالبرد وشتاه ...
ياملاك الحب ياتعابير طفلة(ن) فيها دلال ...
ارحمي دمعة حنان هلّت واستقرّت بالشفاه ...
بعدك الجرّاح أدمى محاجرها وسبّب اختلال ...
ترى الجرح أرحم من فراق(ن) لوى ضلعي وثناه ...
ليه ياروح الطفولة وانتي من كنتي لي ظلال ...
ركود ياطاري الطفولة اسمعي الصوت وصداه ...
يذكّرني برذاذ حلم(ن) أسميته أنا حلم الخيال ...
تذكرين ياروح البراءة غدير(ن) ياما لعبنا بماه ...!!
كنتي مثل جوري أحمر امتلى حسن وجمال ...
أتذكّر يوم أضحك وانتي تقولين وشفيك هاه...؟
كنت أضحك من حروفك يوم تقلبين القاف دال ...
تقولين دلوعة بكيفي أنطق الحرف مثل ماأباه ...
دلع بنات وانت اسكت وخل عنك شغل الهبال ...
وأتذكّر يو انك فقدتيني قلتي وينه وش بطاه ..؟
قلتي ذا شكله مايتوب ويحب لعب العيال ...
قلتي هذا الولد عاصي ويبغا يتعبني معاه ...
وساعة سألتي وقالوا اني مريض الغضب زال ...
وجيتي بهدوء أنثى وقلتي عسى السو يخطاه ...
ودقّات قلبك مثل إيقاع المطر في سرع انهمال ...
وأرسلتي باقة ورد فيها حرفك وحرفي وراه ...
كتبتي ياأمير الروح وينك بس مافيني احتمال ...
شوقي ياأمير الذوق فضحني بيّح السد وخفاه ...
وإذا كنت تبي تعرف اقرب وهات اذنك تعال ...
شوقي مثل زهور في ضي القمر وأبيض سناه ...
ويوم حسّت في قطرات الندى سوّت احتفال ...
وأتذكّر أول يوم شفتك وانتي لابسة فيه العباة ...
وقفت انا كاتم العبرة وهقواتي صارت طوال ...
طفلة في تعابير أنثى والزين مانلقى حلاه ...
ذبحني غلاها وحبها للقلب أعلن احتلال ...
آه ياصمت القهر بنحرم شوفك آهين ثم آه ...
غطّوك ياريم الفلا شبيه البدر في وقت اكتمال ...
ويلاه منك ياهاجس لعب بالعقل ثم ضيّق مداه ...
هاجس الذكرى اللي حكمني بين جرح(ن) وترحال ...
وأصبح الموسيقار لحياتي والناي يعزف به أداه ..
وجماهيره حزن وألم وأشواق مع ضيقة البال ...
ياوردة العشاق قلبي على ذاك العهد باقي تراه ...
وحبك بروحي ياحياة الروح باقي لايزال ...
ياأميرة الذوق روفي بقلبي ولبّي ذا الصوت ونداه ...
واغمريني في حنانك وكل غنجك والدلال ...
لاتخليني أتعب وأشكي جور هالوقت وقساه ...
وحدي مع دمعة يتيمة ننتظر فوق الأطلال ...
كانوا دايم يقولون ابتسم تبتسم معْك الحياه ...
وأنا أقول ان ابتسامي بدونك لايمكن محال ...
ياالله يامنجي نبيك من جوف الحوت بوسط ماه ...
تنهي أيام الجفا بيني وبينه ويتغيّر للوصال ...
وختامها صلّوا على المصطفى الرحمة المهداه ...
وهذا قصيدي كتبته من اللي بخاطري جال ...
وسلامتكم ...
البارح أتعبتني جروحي والهم عالي مستواه ...
والفكر دندن ونومي غدا صعب المنال ...
وآهات قلب حيّرتني وقّفت نبض الحياه ...
أتعبت حال المنتظر بعشق بنت الحلال ...
ياهيه اسمعي عذب الأطباع وافهمي زين مبداه ...
ماهو مجرد حرف فوق الورق يقرا وينقال ...
أنا الوفا طبعي ولا أرضى بهذي الدنيا سواه ...
انا امبراطور المحبة وبركانه أنا الزلزال ...
أنا برنس الشوق بجنة غرامك أنا منتهاه ...
أمشي واثق الخطوة بهيبة ملك فوق الرمال ...
متعاطي حب وقلبك سقى قلبي حتى رواه ...
أشرب وأقول أنا الزعيم من جنوبه للشمال ...
انا أسير المحبة في سجن حبك ياشبيه المهاه ...
واشجون الغلا ترافقني بطول أيامي والليال ...
هيه يامن روحي تحبه يادوا قلبي وشفاه ...
ضناني الشوق بغيابك ونبع الخواطر سال ...
يا اللؤلؤة يامضامين الوصل ياالبرد وشتاه ...
ياملاك الحب ياتعابير طفلة(ن) فيها دلال ...
ارحمي دمعة حنان هلّت واستقرّت بالشفاه ...
بعدك الجرّاح أدمى محاجرها وسبّب اختلال ...
ترى الجرح أرحم من فراق(ن) لوى ضلعي وثناه ...
ليه ياروح الطفولة وانتي من كنتي لي ظلال ...
ركود ياطاري الطفولة اسمعي الصوت وصداه ...
يذكّرني برذاذ حلم(ن) أسميته أنا حلم الخيال ...
تذكرين ياروح البراءة غدير(ن) ياما لعبنا بماه ...!!
كنتي مثل جوري أحمر امتلى حسن وجمال ...
أتذكّر يوم أضحك وانتي تقولين وشفيك هاه...؟
كنت أضحك من حروفك يوم تقلبين القاف دال ...
تقولين دلوعة بكيفي أنطق الحرف مثل ماأباه ...
دلع بنات وانت اسكت وخل عنك شغل الهبال ...
وأتذكّر يو انك فقدتيني قلتي وينه وش بطاه ..؟
قلتي ذا شكله مايتوب ويحب لعب العيال ...
قلتي هذا الولد عاصي ويبغا يتعبني معاه ...
وساعة سألتي وقالوا اني مريض الغضب زال ...
وجيتي بهدوء أنثى وقلتي عسى السو يخطاه ...
ودقّات قلبك مثل إيقاع المطر في سرع انهمال ...
وأرسلتي باقة ورد فيها حرفك وحرفي وراه ...
كتبتي ياأمير الروح وينك بس مافيني احتمال ...
شوقي ياأمير الذوق فضحني بيّح السد وخفاه ...
وإذا كنت تبي تعرف اقرب وهات اذنك تعال ...
شوقي مثل زهور في ضي القمر وأبيض سناه ...
ويوم حسّت في قطرات الندى سوّت احتفال ...
وأتذكّر أول يوم شفتك وانتي لابسة فيه العباة ...
وقفت انا كاتم العبرة وهقواتي صارت طوال ...
طفلة في تعابير أنثى والزين مانلقى حلاه ...
ذبحني غلاها وحبها للقلب أعلن احتلال ...
آه ياصمت القهر بنحرم شوفك آهين ثم آه ...
غطّوك ياريم الفلا شبيه البدر في وقت اكتمال ...
ويلاه منك ياهاجس لعب بالعقل ثم ضيّق مداه ...
هاجس الذكرى اللي حكمني بين جرح(ن) وترحال ...
وأصبح الموسيقار لحياتي والناي يعزف به أداه ..
وجماهيره حزن وألم وأشواق مع ضيقة البال ...
ياوردة العشاق قلبي على ذاك العهد باقي تراه ...
وحبك بروحي ياحياة الروح باقي لايزال ...
ياأميرة الذوق روفي بقلبي ولبّي ذا الصوت ونداه ...
واغمريني في حنانك وكل غنجك والدلال ...
لاتخليني أتعب وأشكي جور هالوقت وقساه ...
وحدي مع دمعة يتيمة ننتظر فوق الأطلال ...
كانوا دايم يقولون ابتسم تبتسم معْك الحياه ...
وأنا أقول ان ابتسامي بدونك لايمكن محال ...
ياالله يامنجي نبيك من جوف الحوت بوسط ماه ...
تنهي أيام الجفا بيني وبينه ويتغيّر للوصال ...
وختامها صلّوا على المصطفى الرحمة المهداه ...
وهذا قصيدي كتبته من اللي بخاطري جال ...
وسلامتكم ...