ْ{ .. كِلْ مِنْ عِجَز يُوْصَلْنِي قَآل عنّي مَغْرٌوْرَة !

[أم حور]

الســـلآم عليـــــكم ورحمـــة آلله وبـــركآآآته ~

،,


بين فترة والثآنية الإنسآن محتآي إنه يفضفض ويعبر عن آللي بخآطره { مو مهم إذا حد عرف أسرآره ، أولاً وأخيراً اللي يقرآ مآ يعرف هـ الشخص .. واللي يكتبه عن نفسه هو آللي يخلي آلغير يحددون شخصيته ويعرفونه عدل !!

،,

،,

منووو أنآآآآ ؟؟! ~

" NadoOosh " > هآ آسم آلدلع ^^ عمري 21 سنة وأدرس بـ جآمعة آلسلطآن قآبوٍس { تخصصي قآنون !!

من صحآر طبعاً ^^ أحب آلقراءة وآلكتآبة ( آلخوآطر ، آلقصص ، آلمقآلآت ) وآلسفر وآلتصوير !! وآلنت >> بس حبي لـ آلنت بدآ يقل قبل كنت مدمنة نت !!

ألوآني آلمفضلة / آلوردي وآلبنفسجي والأسود والأزرق ^^ وأكلتي آلمفضلة المعكرونة بآلبآشميل ^^ وآلمرقوقة ^^ وشرآبي آلمفضل آلفيتآمين سي بس مش مدمنة عليه ع حسب المزآج ^^ .. >>> مآ آشرب غآزآت عصآئر وبس والعصير آلمفضل آلكوكتيل ^^

متذوقة شعر وأحب أسمعه / وأحب أسمع الأنآشيد ^^ كنت أسمع أغآني وآآآيد وياتني حآلة م آلضيج لآ قعدت أسمع .. وأحس إني مخنوقة لين عزمت وتوكلت على الله وحذفت كل الأغآني اللي ف لآب توبي أو ف آلفوون .. والحمدلله إن آلله هدآني .. صآرلي أكثر من 5 شهور مقآطعتهم لو إن خوآني يتنذلون فيني ويسوون لي حركآت خصوصاً لا ركبت آلسيارة ويآهم ^^

عندي وآيد أحلآم أبي أحققهآ ومآ أدري هل آلقدر بيسعفني أو لآ .. بس أتمنآ إني أحقق جزء منهآ أقل شي أكون سويت شي مفيد بـ حيآتي !!

أحب أهلي وآيد وهم عندي بآلدنيآ ، ودوم آسميهم funny family .. وآلسبة آلسوآلف آللي يسوونهآ ^^

ليش إخترت هـ آلعنوآن حق يوميآتي { كل من عجز يوصلني قآل عني مغرورة ^^
دوم آسمع آلبنآت يرمسن إني بطرآنة وشآيفة نفسي .. بس أنآ مش جيه أبداً .. وصدج إنه آللي مآ يعرفك مآ يقدر يثمنك .. ولهآلسبب آخترت هـ آلعبآرة ^^

شخصيتي هآدية نوعاً مآ بس إذا آرتبشت وتفآعلت ويآ شي .. محد إيي صوبي ^^ أحشر آلبقعة ^^
مآ بمدح نفسي بس فديتني وآيد طيبة وأحب آسآعد آلنآس يعني إذا حد طلب مني خدمة مآ أرده إذا كنت أقدر عليهآ .. وإذا ما قدرت أحس بتأنيب آلضمير ^^
قبل لآ أدش عآلم آلنت مآ كنت إجتمآعية مول .. حتى إذا حد يآ عندنآ أنآ قاعدة بدآري ومآ يخصني فـ حد .. عآدي تمر أيام مآ اظهر م آلبيت ولآ أشوف آلشمس فيهآ .. بس من بديت أختلط مع آلنآس تغيرت شخصيتي وآيد !!

عنييدة ورآسي يآبس .. وآللي أبيه لآزم يصير وإن مآ صآر أتضآيج بس أقول آلخيرة فيمآ آختآره آلله ^^
عصبية نوعاً مآ .. بس مآ أعصب بسرعة .. ولمآ أواجه موقف يعصبني وقبل لآ أتهور أبتسم .. ^^ عسب أخفف من حدة آلوضع ^^ لأني عآرفة إذا عصبت رآح تصير مصيبة فأتجنب آلمصآيب قبل لآ تصير ..!!
أزعل بس بسرعة أرضآ وإن مآ لقيت حد يرآضيني .. أرآضي نفسي بنفسي ..!
وأسوأ صفة فيني .. آلحسآسية آلزآيدة عن آللزوم .. يزقروني فـ البيت آلصيآآحة *_* .. دمعتي ع طرف عيني .. وأحاول أتخلص من هـ الصفة مآ أقدر .. أصيح أياً كآن الموقف .. يضحك ، يفرّح ، يضيج ، من آلهبآل آللي فيني نقعد نسوي مسآبقة منو يصيح أول شي .. طبعاً وبدون منآزع آخذ المركز الأول هع ^^

مآ أحب آلمشآكل .. وأتجنبهآ كثر مآ أقدر .. يمكن لأن فـ صغري شفت شلون آلمشآكل تدمر بيت بكبره .. مع ذلك إذا صآرت مشكلة أوآجههآ .. ومآ أحب أشوف آلغلط وأسكت .. بغض آلنظر عن آلشخص آللي جدامي .. كبير أو صغير ..!! وف نفس آلوقت وآيد صريحة ومآ أحب آلف وأدور .. واللي فـ خآطري أقوله !!


مآ صآرت يوميآت ^^ هآي سيرة ذآتية ^^

طبعاً يومياتي رآح أحط فيهآ الأشيآء آلمميزة آللي صآرت خلآل آليوم ^^ وبعض من كتآبآتي ^^ وآلصور آللي صورتهآ ^^ يعني كل شي رآح يكون خآص فيني ^^

وحيآكم آلله فـ أي وقت ^^

​

 

[أم حور]

{ آلطريق إلى آلجآمعة ~

آليوم آلجمعة ويبدآ آلمشوآر الأسبوعي صوب آلجآمعة { أو السجن بـ الأحرى ^^
كل جمعة نفس آلروتين .. لو إن من يمعتين قمنآ نأخر وقت آلطلعة .. بالعآدة نطلع الساعة 5 تجنباً للزحمة ^^
وقررنآ نطلع بعد صلاة العشآ ع الأقل نيلس وقت أطول ويآ الأهل ^^

بالرغم من إني أكتب بالعربية الفصحى فـ آلمنتديآت { قررت أغيّر هـ العآدة ^^ مآ أدري ليش بس أحس آلتعبير باللهجة العامية يكون أصدق ^^

مآ علينآ { من الظهر قآعدة ع آللاب توب ^^ وأخويه يزقرني أونه يبا يشوفني هع >>> مآ عليكم منه مب حباً فيني .. بس هـ الأيآم كلهم يحترموني هع ومخليني ع رآسهم وآلسبب إني يوم الأحد رآح أقبض الـ 1000 ريآل ^^ آلمكرمة آللي عطآنآ إيآهآ بابا قآبوس ^^

وأخويه آلعود يقول حق خوآني إحترموهآ عندهآ ألف >>> إخس عليج يآ دنيآ آلمصآلح هع
لا وكل وآحد فيهم محدد شو يبآ .. يعني الألف قبل لآ أيوده خلاص موزع ومخلص ^^

،,

^^ بيحطون آلعشآ أحينه ^^ عسب نتعشآ ونصلي ونروح مسقط ع طول ^^ طبعاً أختي هي آللي تسوق .. وأنا أوني المساعدة حقهآ وعآطتني مهمة { مراقبة الرادارات المتنقلة هع ^^ !! >>> ومع ذلك صآدهآ آلرادار 3 مرآت ^^

^^

بروح أزهب جنطتي ^^ وأغرآضي قبل العشآ !!​

 

[أم حور]

مسآآآآآآءوووو ^^


آلبآرحة كآنت عندنآ أمسية .. وطبعاً رآجعة م آلجآمعة متأخر ويآ دوب صليت وتزهبت حق الأمسية ^^
مممممم كآنت حلوة نوعاً مآ { بس مآ حبيتهآ وآيد ، صآر شي ضآيجني !! { ورجعت ع آلساعة 9 وربع تقريباً .. وطبعاً مآ كنت متغدية ولآ تعشيت بس نفسي انسدت عن الأكل والله يسآمح آللي كآن آلسبب =(

أول ما وصلت صليت .. وكنت أبي أدش آلنت بس حسيت بتعب هآ غير آلضيج آللي كنت حآسة فيه { تدرون آلواحد لمآ يبي ينكد ع روحه ^^ أنا جيه بليس قعد ع رآسي لين خلآني أنكد ع روحي =( وقعدت أصيح م آلضيج والحمدلله عقب مآ صليت ارتحت شوي ^^

،,

آليـوم دآومت ع آلفآضي !! { عندنآ مؤتمر آلمعلومآتية في آلكلية ، ومآ جآن فيه محآضرآت ، حضرت شوي م آلمؤتمر وبعدهآ ترخصت لأن كآن عندنآ إجتمآع ^^ تدرون نخطط نسوي قرية قآنونية ^^ يلسنآ قرابة الساعة ونص واتفقنآ ع كل شي وبعدهآ تغديت ورجعت آلجآمعة عسب أستلم بطآقة آلبنك ^^ وأخيــــــــــراً بس صج نحآسة قآلوا لنآ نتريآ أسبوع لين تتفعل ^^ بيذلونآ ع هـ الألف اللي بيعطونآ إيآه =)

وصآر عندي ألف هع حد يبآ سلف ^^

،,


ومِن بعد أن ردّ إليّ روحي ، ومعهآ فرحةَ آللقآء { سلبني إيآهآ بـ قسوة !!
نزع مني إحسآس آلفرح لـ قربهِ ، دون رأفة ! وحطّمني !!
فـ من ينتشلني من ضيآعي ، ؟! ومن يعيد إليّ صوآبي ، فـ أنآ أمآمهُ مسلوبة آلحوآس ، خآئرة آلقوى !!

ويآ رب { لآ تتخلى عنّي !!

،,​

 

[أم حور]

،,

درآآآآآسة تآآآآآآآآآيم ^^ { دعــوآتكـــــــم !!

عندي Quiz يوم الثــــلآثآء ^^ ومآ يمديني اخلص لو مآ بديت م آليوم ^^

بسيــر آذآكــــــــــر ^^



see u ^^​

 

[أم حور]

^^ للأسف نسيت أصور آلعشآ آليوم .. صج بتصيحون لآ شفتوآ الأكل آللي نآكله^^ .. !!

لا وبعد أخويه آلصغير مسوي نفسه عآلم زمآنه .. فـ آلبيت يزقروني آلدبة *_* مع إني مب جيه بس مآ عليه أطوفهآ لهم^^ .. حضرته قآعد يتفلسف يقول كآنت دبه ومن زود مآ يقولون لهآ دبه قررت مآ تآكل .. وإييبون الأكل لعندهآ وهي تبي تآكل بس تقول مآ أبا عسب تضعف لين مآ صآرت ضعيفة !! هع

وينه الأكل أصلاً عسب أقول مآ أبا .. أكل آلمطآعم ومرضت منه .. وأكل الجآمعة مآ شاء الله لآ حسد !! شو الحل !!
يعني شي طبيعي آلوآحد يضعف ويهزل ويمرض لآ ريوق ولآ غدآ ولآ عشآ شرآت الآوآدم *_*

آلظآهر بنسوي مظآهرآت يبدلون لنآ هـ الأكل وإلا آلبنآت قريباً بينقرضن هع ^^ وطبعاً آلشبآب مآ بيقدروآ يعيشوآ بدونهن فـ مآ رآح يآكلوآ وبينقرضوآ هم بعد >>> تسلم لي هـ آلثقة هع

،,

طبعاً في النهآية وفي الحلقة الأخيرة مآشي غيـر " آلنودلز " .. ^^

يآللآ شي أحسن من لآ شي ^^


،,



مِنْذُ رَحِيْلِكْ /
كَآنَتْ أشْوآقِي تَصُبُ حُبَكَ فِي قَلْبِيْ ، أدْرَكْتُ آليَومَ أنَّ قلْبِي كآنَ مثْقُوباً ولمْ يمْتَلئ بِكْ !

،,

​

 

[أم حور]

وهآي صورة غرفتي فديتهآ ^^ { غرفتي فـ آلسكن مش فـ آلبيت ^^

وأحينه عآد .. رقآآآآآآد تآآآآآآآيم ^^ { بآجر دوآم بس مآ فيه محآضرآت .. يبونآ ندآوم نحضر آلمؤتمر وإذآ مآ حضرنآ رآح يسوون لنآ غيآب ^^ شو آلحضور بـ آلعآفية مثلاً ^^


،,


لآ تبحث عن آلسعآدة ، دعهآ تبحث عنك ! { كل مآ عليك أن تعيش بـ قربِ الله ، وتصبحُ الامآني واقعاً !!

أحلآم سعيدة وآمآني محققة بـ إذن آلله =)​

 

[أم حور]

مسآآآآآءووووو ^^


آليـوم مب حلووو *_* .. كررررريه ^^

دآومت آلكلية آلسبآلة ع آلفآضي .. وآخر شي مآ درسنآ مووول ^^ وغصبونآ نحضر المؤتمر ^^ بـ آلغصب مثلاً !!
الله يسآمحهم ^^

يآ آلأستآذ آللي امتحنآ يوم الأربعآء فـ مآدته وقآل صحح الأورآق ^^ واللي يبي يشوف ورقته إيي المكتب بآجر ^^
وقآل إنه مر ع ورقتي بس مآ قال جم عطآني .. جآن يتمصخر ع آلبنآت أونه بيسوون حشرة لو مآ يآبن كلهن درجة نهآئية ~_~ !!
الإمتحآن جآن سهل شي طبيعي نسوي حشرة ~_~ !!
وآلشبآب يضحكون ويستهبلون .. بس عآآآدي طآف امبونهم جيه حسآآآآد وأنآنييين مآ يفكرون إلا فـ مصآلحهم ~_~

،,

آلمهم رجعت م آلكلية ورقدت شويه ^^ وبعدهآ نشيت أصلي آلعصر وأذآكر حق آلكويز بآجر والله يستر رآسي مفتر منه ^^
بس إن شاء الله .. بإذن الله رآح يكون سهل .. >>> دعوآتكم ^^

،,

أحينه عآد بسيـر أتعشــــآ ،, يقولون آليوم مسوين لنآ عيش حق آلعشـــــآ زين منهم وآلله ^^
وعقبهآ برجع آذآكر مـرة 2 .. ^^ أبي أييب درجة حلوووة فيه ^^
وأشوفكم بآجر وقت أطوول إن شآء الله ^^

،,


فِي آلحب { نعيشُ آلتنآقضآت !

نحنُ عندما نحب / نحبُ بإرادتنا ومع ذلك نخوض التجربة عن رغبة لا اقتناع !
وعندما نفارق / نفارقُ رغماً عنا ومع ذلك نمضي فيهِ عن اقتناع لا رغبة !
...ُ[ تنآقضٌ عجيب ] !

،,

​

 

[خطاي أغليتك!]

ربي يوفقج ان شالله..
الصراحة أول ما قريت شخصيتج حسيتج نفسي مرررررة,, بس في فرق اشوي..

امممممم ماكنت اتوقع حد يشابهني ف الشخصية,, انا نفسج اكتب يومياتي بس مب ف المنتدى
ف دفتر خااص فيني.. وانا بعدني يوميات المدرسة .. عقبال ما اكون نفسج واكتب يوميات الجامعة..
:50399aa2a5b1e0dda15
موفقه يااربي..

 

[أم حور]

صبآآآآآآآآآآحووووو >>>> وآيد أحبهآ هـ آلفطيرة هع ^^


،

أمس دقيتهآ رقآد م آلسآعة 10 وكل شوي أنش .. نشيت 12 .. شفت واصلتني رسآلتين ع آلفون .. وحده م عند ماماتي تقول فيهآ : إن أخويه اقترح عليهآ تكتب من أشهر آلنسآء في عمآن ليلى بنت نصيب هع .. طبعاً مب فاهمين شو آلسآلفة .. هي اتصلت فيني تبي تعرف منو أشهر النساء فـ عمآن فـ رديت عليهآ مآ أعرف ودورت لهآ فـ النت ومآ لقيت هع فـ اخويه اقترح عليهآ هـ الإقتراااح هع

والمسج الـ 2 من اخوووي الصغير .. شوفوا شو كآتب فيه :

1000
4
u

means

30
4
me

that's the deal

ok ^^

^^ ههههههههه فهمتوآ وإلا لا ..؟؟ يبي من الـ 1000 .. 30 ريآل ^^

آلمهم .. ونشيت عقب الساعة 1 .. وبعدهآ س 3 .. وبعدها 4 .. وآخر شي 5 ^^ نشيت أصلي ومن عقب الصلاة يلست أذآكر ^^

دآومت الساعة 7 .. والحمدلله الإمتحان جآن سهل وحلو وخفيف بس خرفت شووويه فيه ^^

وأحينه يفترض عندي محآضرة بس العميد ما يآي ^^

وباجي لي محآضرة 1 .. الساعة 11 ونص اللي هي محآضرة حآسب آلي ^^

،,


خطآآي اغليتــــــــك ^^

هلآ بج آلغآلية مرحبآ فيج فـ يوميآتي ^^

حلو الواحد يكتب يوميآته وين مآ جآن يكون .. أنا عندي دفتر خآص بـ اليوميات بس حق السفرآت .. مش لـ الأيام العآدية ^^ يعني إذا سآفرنآ مكآن أكتب شو صآر من أول مآ طلعنآ م البيت لين مآ رجعنآ آلبيت مرة 2 .. ^^ تحسي اليوميات تحفظ لج اللحظات الحلوة اللي تخآفي تنسيهآ !

إن شاء الله ليش لآ .. شدي حيلج وبـ التوفيج فـ المدرسة وعقبآل مآ ترفعين رآس هلج وتدشين آلجآمعة ^^

وتسلمين ع طلتج آلحلوة ^^
،,


وآحينه عآآآآد بسير أذآكر شوووي ^^ فآضية وخل أستغل آلوقت فـ شي مفيد ^^

سي يوووو ^^​

 

[أم حور]

مسآآآآآءوووو ^^


رجعت م آلكلية آلسآعة 4 .. مستغربة من شي هع .. لو عندي إمتحآن بآجر جآن دقيتهآ رقدة ^^ بس لأن مآشي .. آلرقآد مآ يآني ^^ .. سبحآن آلله لمآ يكون عندك مذآكرة يحلآ آلرقآد م آلخآطر هع

^^

آلمفروض بآجر مآ عندي محآضرآت .. { عندنآ مؤتمـر وحده من منظمة آلتجآرة آلدولية بتيي كليتنآ ^^ ولآزم نحضر لأن هـ آلشي رآح يفيدني فـ تخصصي ^^

ولجيه مآ عندي شي أسوويه آليوم .. يعني free

بووو

^^​

 

[أم حور]

وهآ دفتـر محآضرآتي لـ هـ آلكورس ^^ .. أورآقه جديمه جيه ستآيل هع .. وآلبنآت حشرني عليه ^^ أونه شو م آلعصر آلحجري ~_~ >>> أدري فيهن عآيبنهن بس جيه حسد ^^

^^ آلمهم هو هدية من عند أختي .. م بريطآنيآ ^^ { آآآه آشتقتلهآ =( .. بريطآنيآ مش اختي هع .. ترآ أختي فـ آلبلآد ^^

،,

شكلي بـ روح آخذ قيلولة ع آلسريع .. لين آذآن آلمغـرب ^^



،,


يبآغتني آلشوق { يثرثرُ على روحي آلتي شربتكَ حد الإدمآن !
يآ سيدي /!
إنسلخْ مِنْ أنآنيتٍكَ { واعتقني !
! :65:​

 

[أم حور]

مسآآآآآءووووو *_*


آليووووم مستآنسة ولله آلحمد ^^ الأوضآع حلوووة وآليووم حلووو وآلحيآة حلوووة ^^

ظهرنآ نتحوط فـ آلجآمعة ^^ وشرينآ عشآ ^^ ويلسنآ ع آلحشيش ^^ ورمسنآ .. ^^ وشفنآ آلسمآآآ بنجومهآ آلمتنآثرة وآلبرآد يهب علينآ من كل صووب .. >>> رومآنسية الأخت .. أحينه بتشعر هع ^^

هآ مسيد آلجآمعة ^^ وقت آلمغــــرب ^^

^^

ورجعنآ ع آلسآعة 9 ^^ .. وآحينه عآآآآآآآد مقفلة م آلخآآآطر ^^
آلشبرية تنآديني هع تعبآآآآآآآآآآآآآآآآنة مووووووت ^^ نآشة م آلسآعة 5 ومآ رقدت آلظهر شي طبيعي هـ آلتعب ^^

،,

وأحلآآآآ شي بآآجر بنرد آلبيت واااااااو ^^

يآللآآآآ بترخص أحيييييييييييينه .. هنآلك من آشتآآآق إلي ^^ >>> آلشبرية هع

،,



وقِحَة هِي آلذآكِرة { تأبى إلّآ أنْ تُقْحِمكَ فِيمَآ لآ يعْنِيكْ !
وآنَآ فِي وسَطِ إنشِغَآلِي / تَلمَعُ أنتَ بينَ حَنَآيَآ فؤآدي !
وأضيِعُ أنَآ
آضيعْ
آضيعْ !
...
أتُرآهآ أقْحَمتْنِي ذآكِرَتُكَ عُنْوة ؟! { أمَ أصْبَحتُ فِي عِدآدِ آلمنسيّينْ ؟!!! ​

 

[أم حور]

مسآآآآآءووووو

^^

قآعدة أنتظر أختي تمر عليّ بنرجع آلبيت ^^ ..!!

آليوم مآ درست شي طبعاً ^^ .. جآن عندنآ آلمؤتمر .. مؤتمر صغير هع !!

يآيين 2 من منظمة آلتجآرة آلعآلمية يعطونآ محآضرة عن آلمنظمة وتسوية المنآزعآت وجيه .. كآنت حلوووة طبعاً يلسة وحده من 9 - 12 ونص .. بس خذينا بريك نص سآعة !!

وفـ آلبريك سرت ويآ ربيعتي تشوف درجة الإمتحآن حقهآ .. أنآ يبتهآ أمس ونسيت أقولكم إني يبت 18/20 .. طبعاً توقعت أييب آلدرجة آلنهآئية بس الأستآذ نقصني ع أشياء تآفهه ^^ أونه آلتنظيم ومآ مسوية خآتمة لـ الموضوع .. بذمتكم سؤآل مقآلي أونه يبيله مقدمة وخآتمة !! بحث وإلا شو ..!! صج لآ تعليق !! وأساساً مآ جآن فيه وقت عسب نكتب :36:

الحمدلله درجتي حلووة مقآرنة بـ بآجي الدرجآت ليش إنه محد يآيب الدرجة آلنهآئية والأغلبية من 16 ع تحت درجآتهم !!

المهم سرنآ ودقينآ آلبآب ع آلأستآذ .. ومآ رضآ يفتح هع شكله طفر م آلطلآب !! وطآحن آلبنآت يحشن فيه وفـ الأخير طلع دآخل وظهر م آلمكتب وقفله هع وميت ضحك ع آلبنآت !! طبعاً أنآ آلوحيدة كنت مبردة فوآدي لأني عآرفة درجتي !! وخبرهم بييب آلدرجآت فـ آلقآعة !!

عقبهآ عآد خبرت ربيعتي نروح ندور خآتمي =( .. أمس كنت أسولف بحمآس ويآ بنآت وطيرت بإيدي ع فوق وطآر آلخآتم خخخخخخ ^^
دورته ومآ لقيته وقلت بسير آشوفه آليوم .. بس مآ حصلته

^^ سرت أسويلي نسكآفيه ^^ ومن بعدهآ رجعت مرة 2 لـ آلمؤتمر ^^ والحمدلله خلص ع 12 ونص وسرت ع طول أحضر آلمحآضرة ^^ مآ أحب هـ المحآضرة تفوتني .. >>> لغآية في نفس يعقوب هع

وعقب المحآضرة ع طول رجعت آلسكن ^^ صليت وأحينه أتريآ أختي .. وشكلي بظهر ليش إنهآ جريب توصل ^^

إلـــــى آلبيــــــــــت سِـــــــــــــر :50399aa2a5b1e0dda15


،,


فـ لـ تَعْذرنِي يآ أنتْ !
ذآكِرتِي مَآ عَآدتْ تَعْشَقُ تَفآصِيلكْ !

{ أطْفَآتُ آليَومْ شَمْعَةَ حُبّكَ ، قَبْلَ أنْ تَذوبْ / فـَ تنْصَهِرُ روحِي وجَعَاً !

​

 

[أم حور]

صبآآآآح آآآآلخيــــــر ^^

شو آلأخبآآر ..؟!؟

الأوضآآع فـ آلبيت ونآآسة هع

تحركنآ م مسقط آلسآعة 4 إلا ربع ^^ ووصلنآ صحآر آلسآعة 5 ونص ^^

وأول مآ وصلنآ آلبوآبة طبعاً نقآط تفتيش هنآك ^^

،,

وعقب آلبوآبة ع طول مدرعآت آلجيش ^^ صورتهم .. هع سويت نفسي ميودة آلفون أقرآ مسج هع وأنآ أصور ^^

حليلهم آلله يعطيهم آلعآآفية ^^

،,

ومرينآ صوب دوآر صحآر ^^ سرنآ نوصل ربيعتي رآجعة معنآ وشي أكيد صورت هع ^^

وبعدهآ رجعنآ آلبيت ^^

عقب آلمغرب تعشينآ ^^ وقعدنآ نسولف ويآ الأهل .. وخوآني محتشرين ينتظرون الألف هع ^^

وضحك وسوآلف جيه لين آلسآعة 9 ^^ ​

 

[أم حور]

بوووو آحينه قآعدة آتآبع مبآرآة آلريآل >>> للأسف يآبو جووولييين هع كنت أنتظر يخسرون عسب آغآيظ بدوي >>> نذآلة ^^

^^

للأسف مش وآيد وآضحة آلصـــورة ^^

،,

آلمهـــــــــــم / أظن حآن وقت آلرقآد هع ^^

تصبحووون ع خيــــــــــر ^^


،,



آنتَشَلَنِي مِنْ ضَعْفِي وإنْكِسَاري
ومَآ أدْرَكْتُ أنّه رَمِآنِي فِي إنْكِسآرٍ آخَرْ / إلا مُتَأخِرة !
حَطّمَ بـِ عَيْنِي جَمَآلَ آلْحَيَآة آلتِي قَرّرتُ أنْ أزَخْرفْهَآ بـِ إبْتِسَآمَتِي ، سَرَقَ إبْتِسَآمَتِي عُنْوَة
وَزَرَعَ فِي عَيْنِي مِلْيَآرَ دَمْعَة ؛ وفِي رُوَحِي بِلْيَآرَ وَجَعْ !
​

 

[أم حور]

صبآحوووو ^^


نشيت آلسآعة 9 ^^ .. وتريقت كـ آلعآدة كل خميس عقب مآ غسلت ويهي وأسنآني هع

وبعدهآ يلسنآ نشوف الأخبآر ^^ وطبعاً مآشي يديد كل الأخبآر عن الإعتصآمآت وآلمظآهرآت وآلضرآبآت والإعصآرآت ^^

آللهم إنآ نسألك آلعفو وآلعآفية =(

،,

آليوم رآح تكون فيه حملة تسوق هع خلآص بسحب الألف ^^ وبعزمهم ع آلعشآ برع ^^ بس جيه ضآرب فـ رآسي أظهر آتحوط آليوم هع

سرت أمس أسحب .. ومآ رضت آلمآكينة تطلع لي آلظآهر مآ كآنت مفعلة .. فـ طلعت وصل عسب آغآيظ خوآآآآني هع

وأمس كل مآ حد يآ طلعته عسب يشوووفه !! :hehe2:

لحد يقول يبي سلف ^^ 500 طآيرآت عآد قبل لآ أستلمه هع​

 

[أم حور]

تدرون شو آحلآ شي ^^ .. تنشووون وتقرأون روآية ^^ طبعاً روآية " أحببتكَ أكثر ممآ ينبغي " .. كنت أدورهآ من فترة .. واحتشرت أبي أروح معرض آلكتآب عسب آخذهآ ^^

خذيتهآ وقريتهآ .. وخلصتهآ بس آلسخيفة قهرتني وآآآآآيد :angry2:

أول مرة آشوف وحده تخلي الحب يسوي فيهآ جيه .. آلكل آنقهر هع حتى باباتي لمن قرآهآ وعرف شو آلنهآية عصب مع إنه ريآل ~_~

بس صج شي يقهر .. >>> آنصحكم تقرأوهآ إذا حآبين تعرفون شكثر آلبنآت إذآ حبّن صآرن غبيآآآآت !!

،,



بسيـــر أصلي أحينه ^^ .. ولنآ لقآء آخر بس يمكن مو آليوم هع
آليوم بزي .. بوآفيكم بآخر الأخبآر وآلتطورآت إذآ سنحت آلفرصة >> آخبآر الألف هع

،,​

 

[أم حور]

مسآآآآآءوووو !!


الأحدآث وآيد هع مآ أدري من وين آبدآ ^^

آمس مر جيه ع آلفآضي .. سرنآ ع آلسآعة 3 خور فكآن نودي أختي آلصغيرة عندهآ موعد فـ عيآدة آلجلد ^^ .. ورجعنآ السآعة 8 .. والمفروض نطلع نتعشآ برع بمآ إن الألف صآر عندي ^^ بس أختي خبرت البشكآرة تسوي عشآ .. فـ أجلنآ طلعتنآ لـ الأسبوع اليآي !!

عقب آلعشآ عآد .. يلست أوزع الألف هع .. وطبعاً صورته قبل لآ يتوزع ليش إنه بيطير ^^ .. ومآ بقآ منه حآلياً غير 400 ريآل ^^

وقعدت أحسب ودآر رآسي خخخخ وأختي تقولي ألف ومسوي فيج جيه .. عيل لو تقعدين تحسبين مهرج شو بيصير فيج خخخخخ

^^ بصرآحة يآني صدآع من زود مآ أحسب هع

آلمهم عقبهآ صليت آلوتر ورقدت ^^ وآليوم عآد نآشة آلسآعة 10 عقب موجة من الأحلآم آلغريبة هع مآ بقآ حد مآ حلمته مآ أدري شو السآلفة ^^

وعقب صلآة آلظهر .. قعدت أخلص الأسآيمنت عسب أوديه المكتبه أطلعه برنت .. والعصر كآنت جولتنآ صوب آلسوق ^^

مآ بقآ مكآن مآ خمينآه .. ورجعنآ عقب المغرب .. زهبت جنطتي ع آلسريع .. وتعشيت وصليت .. وبعدهآ رحنآ سنتر بوينت نآخذ هدية حق خوآتي آلصغآر عسب يعطنهآ مآمآتي ^^ ومرينآ ع ربيعتي نآخذهآ وخذينآ درب مسقط !!

صآر حدث في آلطريق .. رآح أكتبه فـ قسم آلنقآش ^^ لأنه فعلاً محتآي نقآش !! :banned:

وصلنآ آلساعة 11 .. ودشيت آلنت ^^ وأحينه بترخص لأن حدي تعبآنه ^^

ولنآ لقآء آخر !! ​

 

[أم حور]

مسآآآآآءوووو ^^

،

فيني رقآد مو طبيعي ^^ مآ أدري شو آلسآلفة ^^
حتى آلصبح نآشة بـ آلغصب حق آلدوآم ^^ .. وطبعاً آلكلية مآ جآن فيهآ شي حمآسي آليوم ^^
غير إن رحنآ نشتكي ع عآمل سبآل فـ آلكلية .. مآ بجت بنت مآ بقق عينه عليهآ أخ عليه صج مآ يستحي ، كل مآ يشوف بنت يهد شغله ويقعد يطآلعهآ ويبتسم بعد .. صج مآلت !!

طبعاً صآر لنآ فترة متأذين منه .. وكنت أقول قطع الأعنآق ولآ قطع الأرزآق بس والله too much ، طفرنآ منه ^^
وقآلت الإدارة رآح تتصرف ويآه وعسآ ينقلووووونه ونفتك ^^

،,

رجعت م آلدوآم آلسآعة 4 .. صليت آلعصر ودشيت آلنت ^^ وأحينه فيني رقآد ^^
شكلي بروح آخذ غفوة ربع سآعة قبل الآذآن ^^

ولنآ لقـــــــــــآء ^^​

 

[أم حور]

مسآآآآءووووو مرة 2 ^^

محظوظين إنتو جآن تشوفوني أكثر من مرة فـ آليوم >>> يآ عيني ع آلثقة هع

^^

لمن ظهرت مآ رقدت^^ .. عقب آلمغرب يلست أطبع آلقصة آلخآصة حقي ^^ وآصلة الجزء الأخير عآآآد وأبي أخلصه وأفتك ^^ وعقبهآ سرنآ نتعشـــآ وبعد آلعشآ صليت ودشيت آلنت !!

بآجر يفترض عندي 3 محآضرآت ^^ بس آلعميد وآلدكتور الـ 2 مآ رآح يحضرون .. يعني بدآوم عسب محآضرة وحده آلسآعة 11 ونص ^^ .. وكنت بطنشهآ بس بآجر عندنآ دورة في التحقيق الجنآئي وأبي أحضرهآ .. وقلت فـ آلوقت اللي بكون فآضية فيه بيلس آذآكر ^^


،,

هآي صورة الألف هع ^^

تدرون خوآني آلسبلآن أصغر مني .. طرشتلهم مسج أقولهم تعآلوآ فوق .. أول مآ يوآ وعطيتهم آلفلوس قآلوآ عسب جيه زآقرتنآ هع قآلت لهم آختي إنزين قولوآ لهآ شكراً .. أخويه آلصغير يقولي .. thanks but not from here ويأشر ع قلبه خخخخخخخخخخ ^^


يآللآ تصبحوون ع خيـــــــر


،,

" ومآت آليوم بس لحدن يعزيني { حرآم آلفآتحة تُقرأ على آمثآله !!!​