عآجل\ تجمع شباب البريمي من أجل مظاهره جديده ..!!

[بدوي آلبريمي]

السلام عليكم ورحمة الله وبركاته​

قبل شوي وانا راد من الكليه مريت صوب دوار الجامع شفت الباركنات مال مسيد الجامع زحمه ​

وكله سيارات بس مب وايد والشرطه عند دوار الجامع تراقب الوضع عن بعد ,!! ​

والي فهمته من الشباب انه الحين يتربون عسبة يجمعون الشباب ..!!​

وهذا فيديو من المظاهره بتاريخ اليوم​

[YOUTUBE]Afbp-uAmLpw[/YOUTUBE]

وهذه بعض الصور الملتقه بالامس :









المصدر : منتديات محافظة البريمي​

 

[الوتر الحزين]

انا ما اقول الا انهم ما عندهم سالفه بصراحه
كرهت المظاهرات باللي صار خصوصا في صحار
ما عندهم اسلوب حواري ولا اسلوب راقي
وصل بهم الحد للقتل
وين احنا ..ووين شعب عمان اللي معروف بطيبته
شوه صار الاخ صار يقتل اخوه عشان فلوس زايله
صار الاعداء واعداء الدين يتشمتون فينا احنا كعرب مسلمين
نسوي جيه
...

 

[دمعة حزن*]

الله يستر خويه


تسلم ع التطلعات الحلوه

دمت بودد.........ْْْْ.~ْ

 

[قلبها عليل]

الله يستر وين بوصلونا من هالمظاهرات

الواحد يطالب بس مب يسوي الي هم يسوونه

 

[موزة النعيمي]

استغفر الله ..
خاطري اعرف ليش مافيهم صبر؟
اتمنى حد من الشباب العاقل يروح ويفهمهم ويقولون بسنا مظاهرات
مانبا نبداها صغيره وعقب يصير لي مانباه ..

\


بدوي وافينا بالجديد
لو صورتهم كمن صوره نشوف :364370309157ae42e12
شكرا لك

 

[يديدة^^]

صدق نااااااااااااااااااااااااس ما فيها خير وناكرين للجميل


احترموا واحد حكمكم 40 سنه ...المهم خلاكم ف امن وامان ..

عيب والله عيب...

انا اماراتيه وواقفه ويا السلطان ..مع انه ما عطاني شي وسكنت من 7 سنين بس يسد اني

انام اقوم وانا مرتاحه ومطمنه الحمدلله..دوله ما فيها امان محد يعيشها ..

الي يعرف حد من اهله مسوي مظاهره يكلمه وهدوؤ الوضع بليييز ...تجرحون انسان كرس حياته لشعبه

الله يهديهم..

 

[بدوي آلبريمي]

اليازيه ..

الكلأم ما يسوي شي امس الصراحه عند مركز الشرطه ناس تكلمو وهدو الشباب وحصلو آهآنآت قويهـ

..!! والشرطه تقولهم ما يخصنا نحن .. وع فكره صار التخميس عند دوار الشرطه والشرطه مب قادره تروح تسوي شي بسب تتجمع المتظاهرين عند المركز ..!!

وقال ظابط المركز الحين منو المسؤل لو حد سرق شي ولأ صارت اي مشكله كيف نحن بنتصرف وانتو معرقلين حركتنآ؟ <​

 

[بدوي آلبريمي]

بروح اصلي وبمر صوبهم وبشوف شو اليديد وبخبركم ان شاء الله فاقرب فرصه ​

 

[عۈد بطرآنيـے]

سمعته الخبر
ويقولون انهم اللي بيسوون المظاهرات يايين من منطقة من مناطق عمان
وبيجتمعون هني عسب يولفون شباب البريمي ويسوون مظاهرات


اللي يبا يوصل مطالبه يوصلها بطريقة لبقة وأسلوب محترم
وما فيه داعي للتخريب وهالفوضى الل تصير
لانه مجرد تشويه للسمعه

وكأنه المظاهرات صايره موضة هالسنة
​

 

[FOX90]

دقايق واكوووون هنااااااك

 

[موزة النعيمي]

اليازيه ..​

الكلأم ما يسوي شي امس الصراحه عند مركز الشرطه ناس تكلمو وهدو الشباب وحصلو آهآنآت قويهـ​

..!! والشرطه تقولهم ما يخصنا نحن .. وع فكره صار التخميس عند دوار الشرطه والشرطه مب قادره تروح تسوي شي بسب تتجمع المتظاهرين عند المركز ..!!​

وقال ظابط المركز الحين منو المسؤل لو حد سرق شي ولأ صارت اي مشكله كيف نحن بنتصرف وانتو معرقلين حركتنآ؟ <​

وشو رايك بهالتصرف؟
هذا تصرف ناس متحضره؟
هل بهالطريقه راح يحصلون الي يبونه؟ ع فكره ترا اذا زودوهها عاادي تنقلب الامور ضدهم وربي ..
ياليت يردون لعقلهم شووي
يسوون كل شي لكن لايعطلون مصالح الشعب
احين الشرطي صدقه لو حد احتايهم كيف بيسيرون؟
والله انا اشوف ان هذه تصرفات بلا وعي وبلا مسؤولية ولا عقلانيه
واحترامي للجميع ..

ارد يعبر عني انا شخصيا

 

[موزة النعيمي]

الآن : الشباب غالقين دوار الجامع وفاتحين فقط سيد واحد ..وطبعا لازدحام بدا
وطبعا اخوي وهو مار سمعهم يقولون : ليش الوزير راح صحار ومايا عندنا هني البريمي ؟



شو ينرد عليهم هالناس؟
:arigato:
​

 

[عۈد بطرآنيـے]

الآن : الشباب غالقين دوار الجامع وفاتحين فقط سيد واحد ..وطبعا لازدحام بدا

وطبعا اخوي وهو مار سمعهم يقولون : ليش الوزير راح صحار ومايا عندنا هني البريمي ؟​

شو ينرد عليهم هالناس؟
:arigato:​

الصراحه تفكير متخلف اذا صدق حد قال جيه
ليش هيه حلاوه ويبون يطاعمونها !

الله يهديهم ان شاء الله
​

 

[بدوي آلبريمي]

بآك

طبعآ قبل شوي وانا راد من عند المتظاهرين الي عند دوار الجامع

والي فهمته انهم كانو مجتمعين من الساعه اربع العصر فباركنات الجامع ومحد ياهم وايد ..!!

وبعدين قررو أنهم يوقفون حركة سير دوار الجامع عسبة الناس تشوفهم

وصاير ازتحام وايد عند الدوار ..!


والخلاصه < والاهم

أنآ وىآحد من الشباب يا المظاهره ..!! قبل شوي وطلب من الشباب انهم يروحون الباركنات عسبة يتفقون<ويخلون حركة السير تمشي ::: ويسون اجتماع ثاني ويحددون مطالبهم ..!

للاقي هالشخص رفض عنيف جدـإ ووصلت السالفه الى حد المنأزعه بينهم وشوي والا يضاربون ..!!
​

 

[الوتر الحزين]

ناس فاضيه وما عندها سالفه
تخلف بعين العقل
شرات امس نصاص الليالي لما استوت المظاهره
اونهم متلثمين ويدقون ع سيارات الاوادم اللي مارين
بسيايرهم ووياهم اهلهم ومسكرين الشوارع
شوه هذا قسم بالله
فشلونا
الحسنه تخص والسيئه تعم
شوهو سمعت بلادنا

 

[موزة النعيمي]

هؤلاء يسمون " مخربين " ويسعون للدمار باي صوره وفقط تقليد أعمى ..!
اللي يحب بلاده ويبا الخير بالفعل مابيسوي هالحركات اللي مش حلوه وابدا


الله يهديكم يا شبابنا

 

[بدوي آلبريمي]

بالفعل .. هالي صار يعني الواحد اذا مار بسيارته ومعه اهله يوقفونهـ؟

هاي الصراحه لأ من اخلاقنا ولـإ من دينا

حتى دينا ما يسمح بهالشي الي يصير ولأ تربيتنا تسمح لنا ولأ علمتنا نسوي مثل هالتصرفات ..!!

واحد اقترح اقتراح حلو قالهم ليش ما نروح صوب مكتب المحافظ ونخلي المحافظ يرمسنا ..!! شو تبون فالشارع الشارع فيه الشايب وفيه النساء وفيه العوائل ..!

لكن للاسف محد سمع كلآمه ..!!

المظاهره بختصار احسها عدة قروبآت بين الشباب ..!! وكل وأحد له افكار معينه ومختلفه ..!!
​

 

[سكرهـ]

الله يهديهم ان شاءالله ويردهم لعقلهم ..

بهذا الي يسونه مايضرون الا نفسهم
بلا مظاهرات وبلا عنف .. خل نطالب حقوقنا بسلام وراح يتنفذ كل الي يبونه الشعب ...

 

[Samt Sohar]

يسوون حركات هبال

وبعد هبال اطفااال

 

[الوتر الحزين]

الي سمعت سبب مظاهرتهم ليش السلطان طرش بعثه تشوف مطالب اهل صحار اللي تظاهرو وشوه يبون بالضبط ..هم يفكرون ان بتلبى مطالب اهل صحار بس وما بيعم
انا اقولهم :-
يا ناس يا عالم يا هوه
المراسيم السلطانيه لما تصدر ما تصدر لمنطقه محدده فقط
السلطان يبى يعرف شوه الطلبات بالضبط كوجه عام
يعني الطلبات ما بيخصها لأهل صحار
بتنفذ الطلبات وتكون عاااااااااااااااااامه لكافة الشعب والمنااااااطق
وعندكم مطالب مثل ما اقترحو الاخوان يكتبوها برساله موجهه للسلطان
ويعطوها المحافظ والمحافظ بيوصل طلبهم او رسالتهم بالاحرى لجلالته
بسكم تخلف
اصحووو وردو لاشغالكم ولا تخلون الغير يضحك عليكم