أصعب مواقف

[صوووع فكررري]

بسم الله الرحمن الرحيم

هذي القصيدة بقلمي . مهداة إلى ( ديين الكعبي و ..... ) .

اتمنى أن تنال إعجابكم الكريم .
أترككم مع القصيدة //

منته كفو يا داني أحدٍ يماشيك
متملكٍ ويهين وبلا هويه
ما أسامحك واقول نيران تصليك
طعنتني فـ الظهر طعنة خسيه
لو ييتني بالطيب ما كنت أعاديك
والـ إنته لابك مرجلة ولا نخيه
هذي الفعايل من سلوم الصعاليك
وعند العرب هذي الفعايل رديه
يا ذا الردي الرداء منك وفيك
زيَنت قولك لجل يمشي عليه
الأقنعة طاحت وبانت معانيك
كلتا عيوني تشوف صورتك حيه
يـ ديين لعبك للمرابيع يرميك
حطيت نفسك وسط ريحٍ عتيه
يا أنذل الأنذال بالسم بسقيك
وإلي وصلك اليوم مني شويه
شيطان فكري دار صوبك يحاذيك
ودَه يسوي فيك أكبر قضيه
تكره حياتي لا تعمد يلاقيك
وتصيح صايح حان وقت المنيه
دربٍ مشيته للمخاطر يوديك
اعميت عينٍ في قبالك غضيه
داهمك وقتك وانكشف لي تخفيك
وفاضحك يومٍ تلقيبه خفيه
فرقتنا بالغدر والناس تطريك
كنا حبايب في حياةٍ هنية
غلَقت باب الصدق للي يخاويك
وفتحت أبواب الكذب للبنية
لكن حسافة كان ذا الخل شاريك
ويبيع نفسٍ في هواها بليه
يـ فلان مهلك ما يفيدك تذريك
وإلا تهوجس بالحواجز خبيه؟
أمواعدة فـ كلاس هزرك ملاقيك؟
ورادار لي زوام صبح وعشيه
لا تحسب إني تاركنك وناسيك
ساكت ولي في حزة الفعل نيه
غدار قلبك ما وفا قلب مغليك
يلعب معايه يوم كنا سويه
نسيت أيام الشعر يوم أنا أهديك ؟
ثم بعتني وأنا شريتك شريه
جازيتني بالصد وشلون أجازيك
عكرت صفوة حب كانت نقيه
لو كنت في خطبتك الرب معفيك
بس الخيانة يالمرائي خطيه
جرمك تمادا ومن تكفل ينجيك
لنه محرم في كتبنا العليه
كان القلب والروح فـ يديك فـ يديك
كله انقلب متيوح رخص اللقيه
كنت الدرب وخطاي تتبع خطاويك
صرت الأذا ياهي دروبك شقيه
كنت السلام وكنت أحرب لطاريك
واليوم حرمت العروبة الحمية
كنت الوحيد إلي أنا ابيك وابغيك
ولا لي على هند ورقية وصفيه
من زود حبك العمر فاتحٍ شيك
هديه هديه ما وراها جزية
ياللأسف ياليت ما كنت هاويك
يـ الي هديتك عمر وارخصت بيه
أكبر خسارة نور خلك غدر قيك
ادكنت وجهٍ كانت نوَار ضيه
أصعب مواقف يوم خلك يخليك
والا القهر خلي يصاحب خوية
ياخاينٍ حبي ترا مثله ايجيك
بكرة يخونك إلي غدرني عليه
بوصيك ياقلبي على إلي يجافيك
جافاه لا تعطف تراها وصيه
حسبك وحسبك عقب موته يصحيك
حبٍ جديدٍ أو محبه رضيه
ــــــــــــــــــــــــ

والسموحـــــة على القصور ..

 

[القلب الأبيض]

بسمـ الله الرحمنـ الرحميـ
ـالسلامـ عليكمـ ورحمة الله وبركاتهـ

~~


إبداع لا متناهي منكـ أخي الغالي
منـ القصيدة ، نفهمـ أنكـ في فخ الخيانــة القاسية
حركت مشاعر قلب كل قارئها بجنون

ربي يهونـ الجرح الذي بداخلكـ ، وسامح الله منهو خانكـ
دائماً الإنسانـ يجد تلكـ المواقف صعبة في حياته وخصوصاً فـ [ اْلحٌبـْ ].

،،

لكـ مني أجمل تحية .​

 

[ذات أثر]

بسم الله الرحمن الرحيم
ـالسلام عليكم و رحمة الله و بركاتهـ"​

،​

مرحباً الســآع . . {

حقيقة ابدعت بنسج قلمك بصورة قاسية
و لكنها تعبر عن مكنون الفؤاد و الاحساس و الالم

صح لسانك شاعرنا ، و اعتلى شانك
بانتظار المزيد

،

و فالك التقييم ​

 

[حميد راشد]

جميل جداا يعطييك العافيه على الطرح المميز ..

ولا تحرمنا من ابداعاتك ..

 

[ANGELOO]

كلمات روووعه وجميله
واصعب شي في الحياه الخيانه اللي نسجتها بابيات جميله وحساسه
ربي لاهانك واعتلى شانك
والله يقدر على هالخيانه


فالك التقييم

 

[صوووع فكررري]

صحت ابدانكم

وشكراا على المرور الطيب

 

[احساس طفله]

يا أنذل الأنذال بالسم بسقيك
وإلي وصلك اليوم مني شويه


كلماااات رووعهـ :blushing:

صح لسآآآنك شاعرنا

تستاااهل التقيييييم :35:

^^

 

[كايدتهم]

صح لسانك الشيخ .....


تقبل مروري ....

 

[حميد راشد]

الله الله

يا ريال كلامك جميل ..

 

[مزيون جميرا]

هلا وغلا
بوجه رساله الى سعود المربوعي من جامعة البريمي

أن كان في خاطرك شي (س) تبي تقوله

النـــــت شــــــغال والكيبورد قدامــــــك
:0962b59e9642d670ff5

 

[كسرة عود]

نسيت أيام الشعر يوم أنا أهديك ؟
ثم بعتني وأنا شريتك شريه

صح لسانك ياطويل العمر

ياهي قويه هالقصيده...
يعني مشاعر جسدت لابيات شعريه
لكنهااا مازالت ملياااااانه احاسيس ودهاا تتفجر اكثر
اختياار موفق في الالفاظ الي استخدمتهااا في كتابة القصيده
اوقف احييك اخووي ,,,
لاهنت الشيخ

 

[مزيون جميرا]

سعوود يعني تخبر الناس انه حطوك مصخره؟ ياخي استح ع ويهك وبلا حركات اطفال
سعود
والله كلامات جميله يا شاعر
بس لو انا مكانك وجي حطووني مصخره بنتحر ابرك لي :
:brows:

 

[مزيون جميرا]

الى سعود المربوعي من جامعة البريمي

خسيت لعنبو جدك ؛ خسيتـ والغلـط ينعـاب
خسيت واقلبي وجهك ؛ ولا كلمـه ؛ ولاجابـه

خسيت والزمي حدك ؛ تراها ضاعـت الاداب
انا لاطاشت جنوني ؛ يعـرف الجاهـل ادابـه

وش المغزا من الكلمه بلا داعي بـلا الاسبـاب
وهرج الكذب والتجريح ؛ قول وش اسبابـه

انا الشرهه علي اني فتحت لخافقـي كـم بـاب
ولكن مثل ماجيت ترا كبـر الجمـل بابـه

خذ نفسك معك برا ؛ ثم انقلع بـدون إيـاب
فمان الله ؛ والا اقول :: فمان ابليس واصحابـه

 

[دلوعة الجامعة]

صح لسانك مزيون جميرا ما عليك قصور

 

[دلوعة الجامعة]

احلى مزيون جميرا

 

[صوووع فكررري]

يا سلام يا مزيون والله انك شاعر .. خخخخخخ لكن يا المزيون خخخخخ

الله يهديك كنك نسيت تكمل النسخ .. خخخخ ولا نسيت بعض الابيات

وهالقصيده مكانها مب هني هذي مكانها القسم المنقول الله يهديك ..


ِخسيتيـ لعنــبو جــدك ؛ خسيتـــ والغلــــط ينعـــاب
خسيتــيـ واقلبــيـ وجـــهك ؛ ولا كلمـــــه ؛ ولااجابـــــه..

خســـيتـيـ والزمــ حـدك ؛ تراهـا ضاعـــت الاداب
انــا لاطاشـــت جنونـــي ؛ يعــــرف الجــاهـل ادابـــه..

وش الـمغزا من الكلمــه بلا داعــي بـــلا الاسبـــاب
وهــرج الـــكذب والتجريــح ؛ قلي وش اسبابــه...

انا الشــرهه علــي انــي فتحــت لخافقـــي كـم بـــاب
ولـــكن مثل ماجيتـــ !!! ترا كبــــر الجمــــل بابــــه..

خــذ نفــسك مــعك بـرع؛ ثم انقلــع بــــدون إيـــاب
فمـــان الــلــه ؛ والا اقـــول :: فمــــان ابـــليس واصـــحابـه..

تحسبـني علــى فرقـــاك ابنــدم واغـــرق الاهـــداب
انــا مبســــوط يـــوم انـــي ؛؛ طــردت الشــوم وغرابـــه..

انــا ما اعاشـر الخــــاين ولا اسمــع هرجــــه الكـــذاب
ومــثلك قيمـــته عنـــدي تحـــت الزيـــر و حســابـه..


وانــــا مانيـــب حـــرف الـــجر ؛؛ تجرهـ علــى الاعــراب
انـــا حـرف(ن) جــزم نفســـه ؛ ومثلــي يصــعب اعــرابه..

تشـــوم النفــس عن زيـــنك عقــب مـــاطاح فيــها ذبـــاب
وانـــا حــر(ن) ولـــد حر ؛؛ تركـــت الزيــــن وذبابــــه


انــا شــيخ(ن) ولد شــيخ ؛ بذكــره تنعـــــم الانســـــاب.
اليــــا قام العــرب كــــلاً ؛؛ يراجـــع دفتـــر انســـابـه

ولد شيخ(ن) وسـ،ـــط ربــعه له بـــين الرجـــال حســـاب
اليـــا ضــــاقت به الاريــــاء ؛ يـــهز الارض مشعابــــــه


ترى بــدري على مـــثلك تعــــيب وساسهـــا معيـــاب
ياليــــت اللي يعيبنــــي ؛؛ يحـــــاول يستـــر اثيابــــه

انــا لاجتـــني الزلـــه ؛ من الجاهــــل وهـو كــــذاب.
تـــركت القــــافله تمشـــــي ؛؛ وراهــــا تنبـــح كلابــه

وانـــا ليـــا مـــن كشــــف ان الخــــوي اصـــبح لسانــــه داب
. نـــزعت الســم من عرقــه وكــــسرت بمخلبــــي نابــــه

خـــلاص الـــيوم يافلانـــــه ؛ كــــرهتك والقلـــــوب اغــــــراب
وتــــــــرى كل طير(ن) بكــــــبد السمـــــاء يشــــبع بمـــــخلابـه

خســـاره مــــثلك بقلبــــي تضمّـــه غرفــــة الاحـــبـاب
وخســـــــاره غلــــــطة الــــــعاشق ؛ يحـــــــطـك اول احبابـــــه

بـــــعد هذا تبيــــن ارجــــــع لاجل عيـــــنك نصــــير اصحــــاب
خســــيتي واقلبـــــــي وجـــــــهك ؛ ولا كلمـــــــــــه ؛ ولااجــــــــابـه




هههههههههههههه لي عودهـ ... !

 

[كسرة عود]

صوووع فكررري

والله انك منت هين ,,,,الله يستر من المستخبي

الله يهديكم بالعدااااااال ,,,:364370309157ae42e12

 

[علاوووي92]

صح لسانك:003:
كنا حبايب في حياةٍ هنية
غلَقت باب الصدق للي يخاويك
وفتحت أبواب الكذب للبنية
لكن حسافة كان ذا الخل شاريك
ويبيع نفسٍ في هواها بليه
:imuae49:

 

[بو جسيمـ]

السلامـ عليكمـ ورحمة اللهـ وبركاتهـ ..

قبل ما ارد ع الخوي أصعب مواقف برد ع الخوي مزيون جميرا

خوي انت مادري شو سالفتك مع الريال صوع فكري؟؟

هل انت معناي بالقصيده ولا شو ؟؟

كان انت معناي رد عليهـ بقصيده وشي موضوع اسمهـ مجاراة شاعر سيروا اتحاورا

واذا انت مب شاعر سير واجههـ فـ مكان ورمسهـ باللي فـ خاطرك انت ريال وهو ريال وانهوا الحجهـ

لا تحط ابيات منقولهـ بس حط ردك وخلاص .. وردك المفروض ما يتعدى الحدود

بالنسبهـ للخوي صوع فكري ,, لا هنت يالشاعر على طرح القصيده

انا مادري شسالفهـ لي دارت بينكمـ وبين ربيعك ومادري منو

أنا هنيهـ قدامي قصيده احاسبهـآ هي ما بحاسب احساسهـآ وفـ منو مكتوبهـ

القصيده موزونهـ والكلمات جدا جميلهـ .. ابدعت في وصف موفقك الذي تعيشهـ

لكن ودي انك ما طريت اسمـ عشان ما تستوي نشيبهـ مثل ما استوت الحينهـ فـ الموضوع

اذا خصيتهـآ للشخص سير قدامهـ وخبره ولا خبر حد يوصلهـى حقهـ .. لان المنتدى هنيهـ ملك الجميع

ومب حلوه تتسابون وتترداون هنيهـ فـ المنتدى قدامـ خلق اللهـ ,, المهمـ لا هنت يالشاعر

لك تقيمي وتستاهل الزود ,, ومنك السموحهـ .. وربي حافظك

فـ أمان الله
​

 

[دلوعة الجامعة]

لو هو ريال بيسير يواجهه بس مب ريال
هذا لعب يهال فالمنتدى مب ريال