~|تصادم مركبتين|~

[خسر من تحدآإني]

السلاااام عليكم ورحمه الله وبركاته..~

صبااااحكم/مسااااكم طاعه الرحمان..

ما زلت مستمرة في وضع اخر المستجدات الاخباريه في البريمي..

اليوم: الاثنين..

الساعه: 9:00مساءا ..

المكان: فطريق صحار.. عند محلات بن رشوده لبيع السجاد والاغنام والاعلاف..

المصدر: شخصي {بعيوني}..

طبعا في طريقنا لشراء الاعلاف الحيوانيه {حشيش وسبوس حق هوشنا}..

وقف ابوي ونزل داخل المحل .. فجاه وانا اسولف عند الوالدة..

اسمع صوت ضربه قويييييييه وانا اتطالع اللي يصير قدام عيوني..

حااااادث تصادم بين سيارتين .. بيكب وكورلا قديمه ..

حدث التصادم ويهه بويهه.. واحد ياي من الشرق والثاني من الغرب..

وكنت اشوف كيف البيكب تطير فالسماء وطلعت برع الشارع..

الله سلم البتان اللي يالسين هناك وسلم المحل وسلم راعي البيكب لا تطير به السيارة ع الكهرباء..

ونحن رحنا لانه ما بقى حد ما يـّآ ..

من رايي ان المفروض يحطون مطب فهذاك الطريق ..والا يدورون له حل دامه قيد الانشاء..
لا حول ولا قوة الا بالله الله واعلم وًشً اللي صار فيهم ..

اي حد عنده خبر يطمنا عن اللي صار .. وان شاء الله خيير..

والسمووحه منكم لكني انصدم لا من شفت حادث قدام عيوني ..

اتمنى من اللي يعرف شيء عن الموضوع يطمنا..





خويتكم/ المقبالييييه..|~

 

[أبـوشـهـاب]

الله يسلم الكل من الحوادث

 

[أبو سلطااان]

سمعت صوت سيارات الشرطة و توقعته حادث خطير ..
الله يحفظنا و يحفظ الناس من مخاطر الطرق ...
بمنتهى الأمانه من أوصل لاول نقطه بالتحويله هذه إلى أن أعديها أضع يدي على قلبي ليس لأني متهور و لكن لخطورة الطريق و تهور بعض الأخوان الله يهديهم الذين لا يراعوا حياتهم و حياة الآخرين ...
​

 

[نظر عيني]

الله يسلمهم ويقومهم بسلامه ...

 

[الفرقاني]

الله يسلم الجميع من الشر ،، وبصراحه الشركة المنفذه للمشروع بطيئه ! ونرجوا تدخل الجهة المسؤلة بشرطة عمان السلطانية لوضع حد من الحوادث في هذا المكان لحين الانتهاء من تحويل المسار الى الطريق البديل ، وذالك لتفادي وقوع حواث مؤسفة اكثر من ماشهدناه او سمعناه.، تقبلوا مشاركتي .

 

[موزة النعيمي]

الله يجيب العواقب سليمه ان شاء الله وماتكون هناك اصابات ..
بالفعل هذا الطريق وايد خطير ..
والله يكون بالعون
اختي المقبالية شكرا طرح الموضوع..​

 

[في الصميم]

لو يخلوني يوم واحد أشرف ع الشارع جان عرفت كيف أأدب هالشركة إللي في إسبوع واحد ما تشوف أي إنجاز لهم والحوادث ما يكاد يمر يوم إلا وتسمع حد مدعوم!!

مشكورة خويتي ع الخبر والله يسلهم يا رب


في الصميم

 

[بن يعقوب]

المفروض ان يكون الشارع جاهز لاكن هذي الشركه خبر خير بس يقصون هذا اليبل

سمعت ان عطوهم مهله 4 اشهر


ولا ضني بيخلصون ف هذي 4 اشهر​

 

[آلـَـچـٌہــۆٍرْيِ]

انشالله مامن شر

 

[خسر من تحدآإني]

تشكراتي لكم جميعا ع مروركم الطيب ...

وكلامكم صوح مييه فالميييه ..

بس لو فيه حد يشوف حل لهذا الموضوع لانه هب حادث وحادثين صارن هناك ..

ما نقوول غير الله يفرجها علينا ..

الشكر لكل اللي مرررو ونورا بتواجدهم .. ومثل ما قلتوا ان شاء الله خير .. ^^

تشكراتي الحاارة للجميع ..

 

[DarkFireSlash]

الله يسلم الجميع من شر هالحوادث