مراكز البريمي جاري تفعيلها

[ANGELOO]

السلام عليكم ورحمة الله وبركاته


طبعا الموضوع اليوم اهوه عن تفعيل مراكز البريمي الحدوديه اللي اهيه بالقرب من مركز المضيــــف واللي بالقرب من مركز هيلي ومركز الروووضـــــــــــه


قبل يوميـــــــــن مريت ف الليل وشفت عدد من السيارات العسكريه واللي اهيه سيارات الشرطه فعلا قاعديين يجهزوو مراكز البريمي


واستفسرت من عند حد من الاشخاص قالولـــــي الكلام صدق المراكز راح تتفعل في شهـــر 4


برأيكـــــــــم :

هالشي ما بيضر اهالي البريمـــــي بشكل اكبر ؟؟

وشو حالنا نحن في البريمي لما نصير بين عشريين مركز ؟؟

تحياتي للجميـــع
إداري​

 

[غرور العزاني]

طبعااااا بيضر اهل البريمي بشكل كبير

خاااااصة الي يشتغلوووون فالعين

بس شو نسوي حكم القوي ع الضعيف

نصيحة الي يداوووم فالعين يطلع قبل دوامه بساعنين :cm: :cm:

 

[الشامسي]

سمعت انهم بيفعلونه ..

شو تبونا انسوي .. فعلو ويلا ما فعلو .. الامر اصبح واقعي ولا محاله ..

نصبح ونمسي كل يوم في طابور ومعاناة لا اول ولا تالي ..

تعبت اصابعنا من الكتابه وشرح الحاله .. ولكن لا جدوى

ويمكن يكون في تفعيل المراكز خير لنا ويمكن يكون شر علينا


ويمكن تكون بادره لرفع المنافذ التاليه عنا : وادي الجزي .. صاع

بالتالي : سنرى من المتضرر ومن المستفيد ..

 

[ANGELOO]

شكرا لمروركم
يعني ننتظر الى ان ان يتم تفعيلها ونشوف هل اهيه بتنفعنا او بتضرنا
http://hh7.net

 

[عالم البسكوت]

مسائك خير وبركه

من وجهة نظري اتوقع راح تصير زحمه على الاخر الحين مركز حدودي ويالله يالله نلحق نطوف عاد مركزين الله يستر علينا بس ماتشوفون كيف مركز وادي الجزي والزحمه يوم الخميس الله المستعان بس راح نتفائل بالخير ان شاء الله مابتكون فيه زحمة والله يعطيك الصحه والعافيه ياخوي

 

[بدوي آلبريمي]

رحنا فيها والله بنتحر ولا ابا ادش العين خلوني فالبريمي احسن يعني نحن ناقصين زحمه .!؟؟

ولـإ ويوم بندش العين مركز عمأن بيقولنا المخفي< بدوي بس يفكر فالمخفي ماله هههههههه:c7b527d8bebeab132b5

 

[ناصر الخميساني]

اللي أعرفه ان اذا فعلوا مركزين عود لتوبة وهيلي
راح يلغون وادي الجزي وصاع..

ليش يفعلونها نحن ما وافقنا ومحد تكلم ف الموضوع
...



ليش؟؟


بسأل أخوي وبرد عليكم...​

 

[ع ـديم إحسـآس]

يلآ ع’ــسى ان تكرهوآ شيئـآ وهو خ’ــيرآ لكم
و نقول ع’ــسى ان فيهـآ خ’ــير لنـآ
,,

 

[رابط راسه]

منو قال بشهر 4 !
التفعيل بوجه السرعه الأسبوع القادم أو اللي بعده إن شاء الله حسب ما سمعنا

و أنا قلت لكم في خبر راح يهز البريمي ______ سبرايس

 

[ANGELOO]

شكرا لمروركم الجميـــــــــل

انا سمعت ان وادي الجزي وصاع راح ينلغن كاساس مركز وبيكونن نقطه حدوديه لا غير
http://hh7.net

 

[نفسي عزيزة]

وعليكم السلام ورحمة الله وبركاته

لا تسئل عن حالنا يا اخي بعد تفعيل مراكز البريمي ..

فلا أدري ما سر خنقنا بالمراكز .. قد تكون المراكز الحدودية بيننا وبين دولة الإمارات أمر طبيعي ومن حق أي دولة ..

لكن نحن كمحافظة تقع في عمان لماذا نفصل عن بقية محافظات ومناطق السلطنة بالمراكز ؟؟

حتى منطقة الروضة لابد من ان تمر على المركز اولا ..اظف مركز صاع .. و وادي الجزي ..

لماذا كل هذا الضغط والخنق علينا :dunno: .. وفي النهاية حتى الشوارع عاثرة .. !!

وكأننا منبوذين .. لا عمان دامجتنا مع أراضيها ولا الأمارات ..

الهوية والجواز وربما في يوم من الأيام حتى ملكية المنزل والأراضي لا بد ان تبرزها عند نقاط التفتيش ..

غرباء يا اهل محافظة البريمي غرباء ... يالا سخرية القدر ..

إن شاء الله في المستقبل عند كل شارع مركز ^^ فالكم طيب ..

 

[في الصميم]

الظاهر يبوا يخلونا ف دولة بروحنا!!!

20 ألف مركز على البريمي
وتفتيش وغيرها

تكلمنا وايد ... وكلما زدنا بعد ف الكلام زادوا الخناق علينا
يالله بالستر,,, شو مستوي ف الدنيا

مشكور إداري جامعة البريمي ع الخبر

 

[طهر]

اتوقع ان النظام بيكون شرات منفذ حفيت
يعني عند دخولنا للعين .. نقطة التفتيش وابراز البطاقة بيكون عند أمن الإمارات
وعند دخولنا للبريمي .. العكس ^^

والله يعينا .. صدق بنتغربل

 

[خسر من تحدآإني]

حسبي الله ونعم الوكيييل..~

الموضوع هب بايدنا ..ولا نقدر نسوي شيء ..

يعني نقوم نسوي مظاهرات مثلا ..!

يمكن الموضوع فيه خيرره .. اتريوو وان شاء الله يكون خير لنا جميعا..

واذا صارت زحمه اكثر عن جي اكيد فيه حد راح يتكلم ..

والشعب ما يقصر بمطالبه .. بس اكيد فيه سبب عسب يفجونهم ولاحد يدري به ..


الله يعين بس ويكون فعونا .. ^^


خويتك / المقباليييه ..~

 

[ANGELOO]

يعطيكم العافيه على المرور


http://hh7.net

 

[ANGELOO]

على حسب الاخبار الاخيـــــــره
المنافـــــــذ راح تبـــدأ شغلها في 01/04/2011
http://hh7.net

 

[نظر عيني]

عاد صدق بتصير زحمه الله يعينا

 

[ANGELOO]

نظــــر عينـــــــي
شكرا لمرورج الجميـــــل
والله يعينـــــا على الزحمــــــه
http://hh7.net

 

[موزة النعيمي]

السلام عليكم ورحمة الله وبركاته ..
بصراحه ماندري هل هذا الموضوع خير ولا شر علينا
ولكن مراكز عمان اذا تفعلت راح اتي معاها اشياء ثانيه وامور اخرى يمكن مانستوعبها الحين^^
ويمكن يكون خير لنا من ناحيه وشر لنا لانه راح تصير زحمه وراح نتلعوز شوي ..
ولكن اكيد راح تكون فيه حلول
مستحيل نمر ع المركزين بنفس الوقت^^ ..​

بالنسبة للي يتمذرون لوجود كثرة المراكز
انا معاكم صح هالشي مزعج ولكن فكروا فيها
البريمي منطقه حدوديه وكل من هب ودب اييها
ويكون شال منها وماخذ منها .. ولو هب هالمراكز جان مانظفوها او ع الاقل يحاولون يقضون على الناس اللي تتسلل واللي تهرب والي والي .... ​

شكرا اداري على طرح الموضوع
والله كريم ان شاء الله​

 

[•¦[محمد السعدي]¦•]

الحمد لله واخيراًً طبعاً هالشي من صالح البريمي .. لنهم بينظمون امور كثيره .. ومنها التهريب من العين للبريمي ..