حادث دهس صباح اليوم

[Aminoo91]

بسم الله اللرحمن الرحيم ..

كفى الله الجميع شر الحوادث ..

وقع صباح اليوم في الساعه السابعة والنصف حادث دهس لعامل كان يعبر شارع الخضراء المزدوج بدراجته الهوائيه ..
واذا بشاب طائش ومتهور لا مبالي بقود بسرعه تتخطى السرعه المحدده ويدهس العامل مع دراجته ليبعثر جسده ودراجته وتركه مرمي على الارض ما بين الحياة والموت ..


بنتكلم بالعاميه افضل .. هالكلام على لسان ابوي .. والحادث صار قدام عينه ..

لين متى هالحوادث ولين متى هالطيش واللامبالاه .. يعني هذا عامل فقير جاي من بلاده يبا رزقه ورزق عياله .. بدال ما يحصل المعامله الزينه يلاقي الموت ..

اتمنى من كل شاب متهور يراجع نفسه ويفكر في المستقبل افضل من الحاضر ..
ترا عمر ونعيشه مره وحده ونتمنى تكون الخاتمه والله راضي علينا ..





أخوكم
Aminoo91

 

[احساس طفله]

لا حول ولا قوة إلا بالله


الله يهدي هالشباب من السرعه ومن حركات الطيش :c7b527d8bebeab132b5

الله يرحم العامل ويصبر اهله ياربي


تسلم اخوي ع الخبر

يعطيك العافيه

^^

 

[ناصر الخميساني]

مسكين وشو أخبار الهندي...


فرقبته المتهور هذا..


يا ربي شو صار فيهم شباب البريمي..

والله ما كنا متعودين نسمع عنهم إلا كل خير



الله يهديهم ويصلح بالهم​

 

[الهاجس]

والله هالشارع المفروض يسمونه شارع الموت ولا يشوفون له حل

المدهوس بنغالي الجنسية فالعشرينات من العمر توفي بقسم العناية المركزة متأثر بالإصابات اللي تعرض لها

الله يرحمه ويرحم جميع المسلمين​

 

[نورين]

الله يرحم الاموات المسلمين يارب الله يهدي الشباب البريمي

 

[يموع كزونا]

لا حول ولا قوة الا بالله

 

[دمي البريمي]

1. انا شفت الحادث بس كنت مستعجل رايح اودي الاولاد المدرسة لما رجعت ماحصلت احد كان ودي اعرف شو صار
2. سبحان الله من سنة تقريبا صار نفس الحادث وتقريبا نفس المكان بس ع_الساعه 7المغرب والضحية عجوز كانت تقطع الشارع:giving-up::giving-up::giving-up:
3. انالله وانا الية راجعون
4. امس ماخذ الليسن واليوم قتل الناس

:ashamed::ashamed::ashamed::ashamed:

 

[سِكًـآرِيُبِ]

:007: هذي حااال الدنيااا

 

[طواش]

الله يهدي اخواننا

 

[نظر عيني]

لا حول ولا قوة إلا بالله

 

[بو جاسم]

الله يرحمة ويغمد روحة الجنة

الله يهدي الشباب ويصلحهم


وبعد فية عدم مبالاة من قبل العمال يعني دوم يعقو عمارهم فالشوارع ما اتكلم عن هالحادث اتكلم عن وضع هذي المسأل من قبل العمال.


واكيد كلكم صادفتو عمال يعقو بعمارهم فوق السيارة

 

[أبـوشـهـاب]

لا حول ولا قوة الا بالله

 

[عالم البسكوت]

صباحك دوم محروس بعين الرحمن

لا حول ولا قوة إلا بالله تهور الشباب هالايام زايد شوي كان الله في العون والله يعطيك الصحه والعافيه

 

[جرووح دفينه]

لا حول ولا قوة الا بالله

الله يهدي الشبااب ليش كل ها السرعه

في وااايد حوووادث تسير فها الشااارع

يسلموووو ع الخبر

 

[سيدة أعمال]

أصلا كل يوم نشوف قطو متقطع في نص الشارع

أو حيوان

وأوادم مدعومين في هالشوارع

حشـــــــا مب فواد عليهم حصا والعياذ بالله

لين متى هالطيش ما أعرف

أخرة هالمسرعين الموت وقبرهم السيارة إللي يسرعون فيها

ويذبحون خلق الله

أونه نبا من الحكومة ترحمنا وتعدل من أوضاعنا كمواطنيين

كيف ونحن في أوضاعنا الحالية الميؤس منها بطرانييين على الخلق

إذا عندنا شو بنسوي !!!!!!!!!!!!!!!

 

[الهدف]

خبرني أبوي عن السالفه وأنا رايحه الدوام شفت الآثار


توفى بسبب طيش الشاب


الله يهديهم بس


إنا لله وإنا إليه راجعون​

 

[غرور العزاني]

لا حول ولا قوة لإلا بالله

 

[مس بنوته]

لاحول ولا قوة الابالله

 

[خسر من تحدآإني]

حسبي الله ونعم الوكيل ..

يب يب سمعت بالحادث .. بس ماعرفت وًشً صار بالبنقالي ..

الله يرحمه ويغمد روحه الجنه ..

الله يهديكم يـّآ شباب خفوا هالسرعه ترى الكل عنده سيايرر ..

ارحموا من فالارض يرحمكم من فالسماء ..

لا حول ولا قوة الا بالله..

انا لله وانا اليه راجعون.. ><

 

[بن يعقوب]

والله ما تعرف الشباب متهورين ولا الاسيوين ينتحرون


السنه اللي طافت اندهس هندي عند هدايا البريمي

شهود عيان قالوا ان الاسيوي بالعمد رمى نفسه على السياره((انتحر))
واللي كان يسوق السياره((بنت))

ما فكل الحالات يكون الغلط على السايق
ولا نقدر نبري من الخطاء​