محل للبيع بـ 18 ألف ريال عُماني ..مصنوع من ذهب بالبريمي ..

[•¦[محمد السعدي]¦•]

محل للبيع بـ 18 ألف ريال عُماني ..مصنوع من ذهب بالبريمي ..



الخلو : بين مسؤولين الحكومه والتجار >> قصدي الوافدين ..

يعني كل بنايه تنبني نشوف ذاك البنقالي ولاالهندي أو المصري يستولي عليها .. ويا عيني على الخلو ألفين وثلاث ألاف ريال وغيرها .. أما الأيرانيين والباكستانيه ماقصروا ..
الخلو من 6 الاف للـ عشره والبعض منهم ماقصروا 18 الف ريال أبا أعرف قانون الأجار وين دائرة التجاره وين ..

الاجار مايتعدى الميتين والخلو أكثر من الفين ..

الي أبا أشوفه بس عُماني يطلب خلوه ماشي كله بنقال وايرانيه .. انزين من وراهم هذيلا أكيد عُماني غافل عن هالشي أو مأيد له ..

ماقول غير .. ياريت واحد من الشباب يخترع مظاد للصق الي حاطنينه مسؤولين الحكومه عشان يتحركون من عرشهم ..


الوافدين لاعبينها صح .. والمواطنين ...................... !!

 

[في الصميم]

صدجت العرين
ما شئ رقابة عليهم ولا ما شئ قانون ينظم ويسير عمليات الخلو؟؟؟!!!

لازم يتابع الموضوع من جهات الإختصاص

وبالتعاون معنا طبعا


في الصميم

 

[oetc65]

ترا الخلو بس موجود في البريمي فقط
طبعا حتي يستفيد و يرد صاحب البناية سعر البناء
ترا بديت اكره كل وافد في البريمي هم السبب الرئيسي في كل مشاكل البريمي
متي المحافظ يكون جريء و شجاع يقرر و يحدد لوقف مشاكل الوافدين
تراه مجرد احلام نحلم فيها

 

[همس البريمي]

بصررراحه ..
الوافدين مسيطرين ع كل شي ...

و الكفيل يدور من وراهم كل شهر 10 ولا 20 ريال وهو مستانس و الوافد يلعب لعبته و منو الخاسر ...؟ اكيد المواطن ...


تحياتي ...​

 

[إنسآنـﮧ]

هذي مشكلة وحده من مشاكل التجارة عندنا فالبريمي.....

والخلو مثل ماسمعت بس فالبريمي والولايات الثانية حتى مايعرفون شويعني خلو.....

الله المستعان

العرين كلآمك صح....ويلآمس واقعنا..

بصراحة ماعندي رد شافي لموضوعك...السموحة منك​

 

[DarkFireSlash]

شو يعني الخلو ؟

^^

 

[حميد راشد]

لازم يسوو حد حق ها الموضوع

 

[موزة النعيمي]

نزين شمعنى في البريمي موجود وباجي المناطق مش موجود؟
انا اللي اعرفه يعني ان الخلو هو مثل المقدم صح؟
ولكنه مبلغ كبير مثل عشرين او ثلاثين الف .!

لكن بالضبط ماعرفت شو سالفته^^

شكرا لك العرين على الطرح
وان شاء الله توصل الرساله للجهات المعنية

:364370309157ae42e12

 

[αℓ-ѕαиανι]

صدقت والله

........................:nocomennt:

 

[عايش يومه]

مساء الخير ....
انزين يمكن محتويات المحل تسوى هالمبلغ ؟؟
انا مرة سألت افغاني بكم تبيع المحل مالك؟؟ محل تبديل اطارات .. كم تتوقعون قالي؟؟
انتوا لو شفتوا المحل بتقولون عنه شبه خرابه
قالي الاغراض اللي فيه بروحها سعرها فوق 17 الف ريال !!!

والشيء الثاني اللي ممكن يرفع قيمة المحل وهو اهم شيء بالنسبة للمستاجر ... الموقع . نعم الموقع فكل ما كان الموقع مميز كل ما ارتفع سعر المحل لانه المستاجر عارف انه في هذا المكان مثلا بيحصل اضعاف الربح

مشكور على الموضوع

 

[عايش يومه]

نسيت اقولكم صح... انا اشتريت محل بـ 1800 ريال ... وبعته بـ 3300 ريال

 

[•¦[محمد السعدي]¦•]

رقمي فالتوقيع أي مسؤول يبي يقضي على الظاهره بس يتصلي ..

طبعاً أكيد الخلو موجود فالبريمي بس وهو ممنوع من قبل قانون التجاره العماني ..
والخلو مثل المقدم بس هو مش مقدم .. كلنا نعرف الي يبي يستأجر بيت أو محل لازم يدفع اجار كل شهر .. والخلو تندفع مقدم الأجار بس مايمد الأجار بصله .. وتكون كبيع البيت او المحل .. لاكن بعقد أجار .. اتمنى التعريف وصل صح ..

ومثال على هاذا طبعاً هاذا مب تشهير بس هذي نقطه في بحر التجاره الفاسده ..

البنايه اليديه الي جنب مركز المها .. مالكها ماعرفه منو .. بس الي ماسكها أيراني .. وياعيني على الخو 6 ألاف ريال .. سوري 60 درهم الحبيب مايبي بالعماني ..

والمحلات اغلبهن فاضيه أو بعدها من دون صبغ أو كهربا بعد ويبون عليها خلو ..

 

[موزة النعيمي]

والمحلات اغلبهن فاضيه أو بعدها من دون صبغ أو كهربا بعد ويبون عليها خلو ..

ترا بعضهم ياخذون الخلو عشان يكملون بنيانهم..^^
كيف يعني مثل الاجار ومايمد بصله للأجار؟
يعني الخلو شو بالضبط؟ هل هو مقدم شهور وبعدين مايدفع المستاجر لمدة اشهر لين ينتهي مبلغ الخلو؟
او انه بس جيه بيزات وتروح في جيب المؤجر من دون فايده للمستأجر؟

ودام انه ممنوع في ا لقانون التجاري ا لعماني كيف منتشر وبكثره عندنا؟:92:

 

[•¦[محمد السعدي]¦•]

ترا بعضهم ياخذون الخلو عشان يكملون بنيانهم..^^
:92:

مايكمل البنيان يعني المحل يكو فاضي تقريبا .. وأنت تسويله صبغ او ديكورات وتركب باقي الكهرباً ..

او انه بس جيه بيزات وتروح في جيب المؤجر من دون فايده للمستأجر؟

ودام انه ممنوع في ا لقانون التجاري ا لعماني كيف منتشر وبكثره عندنا؟:92:

أيوا هاذا هو الخلو ..

وليش منتشر ... هاذا السؤال لازم يجاوب عليه موظفين التجاره .. الي نظامهم بطيئ ..

 

[شموخ بريماويه]

شي غريب جدا كل اوحد يبا ياكل من لحم الثاني ...ويستغلون بعض ومحد يفكر الا في مصلحته صدق الدنيا تغيرت ...ودامت الحكومه في سبات ونوم عميق ...الله المستعان عسى حد يسمع ويحاول يسوي شي في هالموضوع

 

[بريمي دار عيني]

لا تعليق ، لانه ما عندي خبر عن الموضوع ..

تقبلوـإ مروري ..​

 

[بو جاسم]

ما نقول غير حسبي الله ونعم الوكيل

يالسين يبيعونا ونحن نتفرج بس وين المسؤولين؟

لكل شيء اذا ما تم نقصانو فلا يغر بطيب العيش انسانو


تقبلو مروري

 

[علي بن سيف الساعدي]

كل مازاد العرض قل الطلب

وكل ما قل الطلب زاد العرض

كل ما كثرت المحلات بيقل الخلو وبينتهي مع الزمن لكن مع النقص في عدد المحلات التجاريه ينوجد الخلو ويرتفع سعره

افضل حل انه الشباب يشوفون لهم بنايه ويستثمرونها ويإجرون المحلات اللي فيها ويستفيدون

وفي طرق اخرى مثلا يتم انشاء شركه ذات مسؤوليه محدوده ويستطيع تملك الشركه 40 شريك كحد اقصى وشريكين كحد ادنى

وكل واحد منهم يدفع مبلغ ويشترون ارض وتتسجل باسم الشركه وبعدين يتم بناء الارض وبها الطريقه اللي محتاج محل بيستاجر من شركته اللي يملك فيها وهذا دخل له وشي جيد لانه بتكون له فايدتين ولا انه يساهم بالشركه بس ما يستأجر محلات وهذا شي جيد بعد لانه بيحصل على ارباح من الشركه نتيجة الايجارات من المحلات

واذا الواحد بيحسبها هالطريقه جيده للجميع وخاصة انه فيه الكثير من الناس اللي ما عندهم امكانية لامتلاك بناية تجاريه او بناء بنايه تجاريه بروحهم لكن عنده مبلغ 2000 ريال او 5000 ريال ويريد يستثمرهم ولا ننسى انه البنايه بتوفر للشركه مدخول لمدة 30 سنه او 25 سنه على اقل تقدير يعني الشخص اللي بيحط 1000 ريال او اكثر بيستفيد الكثير