◄♨░░. •εïз •.░ ♨هِيــبَة بْدّو♨░. •εïз •.░░ ♨►

[Samt Sohar]

^^ اتابع بصمت


وبقوة بعد​

 

[شيخه البدو]

فيري ناايص

المتحف ماا شااء الله عليكن

مب مقصرااتت




متاابعين من فوق..:19:

 

[هيبة بدو]

^^ اتابع بصمت


وبقوة بعد​

يلبي الي يتابع وهو صاامت :imuae47:

عسى دوم يارب اشوفج هون

 

[هيبة بدو]

فيري ناايص

المتحف ماا شااء الله عليكن

مب مقصرااتت




متاابعين من فوق..:19:

تسلمين غاليتي شيخة على الكومنت

اهم ما في الموضوع التكريم الي بينا من السفاره :icon_smile_eyebrows مع اني مراح اطلع استلم :19:

وليه تتشوفين مدونتي من فوق افا بث قربي قربي :dumb:

 

[هيبة بدو]

خلوني اعيشكم واقع هيبة بدو

البارح اونها نوت تدرس لامتحانها بعد ما رجعت من الجامعه بختها رقده الى اساعه 3 جلست تراجع الى 4 وجلست تتشوف اوراق متساقطه :crazy: ادنيا بخير عندها خلصت كملت مراجعه الى فليل بعدها وصلها مسج من ناس عفسوى مزاجها وما صار لها خاطر تدرس وعقت الملازم على صوب ورحت صوب ناس تلعب كيرم جلست اعلق واضحك وياتني شبيهتي وقلت الي عنده متحان ينجلع يقابل كتبه هي منغاضة لانها تدرس وانا ماخذه بريك

الزبده اوني قلت بقوم اراجع رحت بلحوش كان في كوس

ما اشوف الا اربع دقيت سوالف الى اساعه 2

ورجعت حجرتي وسمعت لبنت وقلت لها ضبطي المنبه اساعه 4ونص بقوم اراجع اوني :blushing:

قمت الفير نزلت تحت بلحوش استبردت دخلت داخل بس ياني رقاد ورجعت بلحوش وربي هبوبه مشي احسن منها ترد افاد وتخليك ترقد ذيج ارقده

ورحت سيده صوب شبريتي بخيتها رقده

طوفت اول محاضرة

وراجعت من اساعه 7 الى 11ونص

تجهزت بنص ساعه ورحت اتغدى ورحت الجامعه وجلست اسولف مع شبيهتتي فديتها

عطيتني قلمها الازرق عسب احل فيها للامتحان ومكان عندي غير اقلام ملونه :crazy:

حضرت محاضرة ومن بعدها رحت صوب مبنى المطاعم خذت لي كافيه لاتيه عشان اعدل راسي ورحت المكتبة قلت لي موضفة شرب مشروبج برع ممنوع :007:

وربي عصبت منها

شربت ودخلت المكتبة راجعت حول ساعتين ونص ورحت امتحن وطلعت اخر وحده هع :blushing:

وبث هذا كان يومي

صح وكلمة اعز اعز ربيعاتي بلفون ويلست اكلمها الى ما رجعت البيت

 

[هيبة بدو]

من يبى شبس اسمه سوبر رينخ مدري جان تعرفوه ولا لا

وعصير وباسكوت مملح :0962b59e9642d670ff5

 

[هيبة بدو]

سهرانه اتريا ناس ادش المسن

اووف ما تسوى عليه

:crazy: لازم ارقد علاقل شوي وراي قومه اصبح مراجعه

 

[هيبة بدو]

لــآـآ قلت *., أنـا على حبــ{ـك} ونيس

..{ ضوء المساء خفت وناره جمالكـ..}

يا سيدي قد توك قلبي حبيب

.. وقد صرت على شفى الزفاف اسير..}

كلا يقول هاي هي بقوامها تميل

..والقلب يبكي بهواه الرميم

نسيتني وتركتني بين ايدي غريبه

هذا جزاء القلب لا اوطنك ترابه

..$ والحفك بدفئ حبه وجذوره

اسفي عليكـ وعلى تلك الفتاه..}​

هيبة بدوو

هيبة بدو

هيبة بدو

 

[هيبة بدو]

ليش..

كلما انت تعز اناس وتغليه,,!!

يفسر اعمالك واقولك عكس الي انت تبيه..!!

ليش..!!

لا رحت بعيد بعالمي وترجيتك

وقلت لك ان غلاك زاد به المطاف..!

شو عساك ناوي تكسر فيني

غير الي انكسر فيني...}

هيبة بدوووو

 

[هيبة بدو]

تصبحووون على خيررر

وربي اني برقد وحدي متضااايقة

الله يسامح الي كاان السبب

 

[هيبة بدو]

وااااوو :excited:اخيرا رضى فووني يتقبل برنامج لابي الحين اقدر احط صوور بمدونتيه من تصويري وه بث

 

[هيبة بدو]

هذي صور لجامعتنا العزيزة

كنت مخلصة محاضرة وراايحه صوب المواقف

هذي الصورة مسواين مسرح في ساحة الجامعه ومدري شفت فيه بنات يدربن فيه بس مسرع ما خازوه

هذي كنت قبل عن اروح الجامعه اظهر شفت العمال يعلقوهن بفلل السكن

فديت علم عمان علقوه صوب المطعم بس في علم ثاني حطوه بلفلل الاخيره من السكن وفيه عمانيات طشونه

 

[هيبة بدو]

البارحه كان عندي امتحان بعد ما خلصت محاضرتي رحت صوب المكتبة ابى اراجع واشتريت لي كافيه لاتيه

وشافتني وحده من الموضفات وطلبت مني اشربه برع عصبت عليه قلت شو تبيني ايلس بلحر قالت هذي شروط الجامعه قهرتني :imuae51:

وكنت يالسه بلمكتبة تحت ومن القهر يلست اصور قعدتي هناك هههههه

وهذي حلاوات عطتني ياهن ربيعتي ولما فتحت شنطتي شفتهن هههه يلبي مال اول :32:

 

[هيبة بدو]

اووف اليوم محد رمسني من هلي :lll-_-:

بس اتصلت ابارك لربيعتي على عيد ميلادها وخبرتني انهم مسوين عرسي

خاطري بهريس وعرسيه

خبرتني ان خالوه مرقده بلمستشفى وضغطها مرتفع فديتهاا

الله يشافيها ويقومها بسلامه يارب​

 

[هيبة بدو]

الظلمـ الحقيقي انكـ ترغب بلقي نـآـآس وهم يرفضون ذالكـ

ما هو ذنبي ..؟؟​

 

[هيبة بدو]

هل تلذذ احد بطعم الغربة..؟!!

وذاق الغربهـ وحيدآآ بعيداً عن اهلكـ وناسكـ..!!..}

هل تشفق عليهمـ ..ـآـآم تشفق على نفسك ..!!

يسألك الناس ما جأآء بك هنـآـآ

..لمـا انت وحيداً,,تحزن


يضيق قلبك..}

~..ترى جماعات تمشي مع بعضها البعض

اسرة تجلس وضحكاتهم تطعن صدركـ,,,:

هل تحزن..وترى ,,ام تجري هارباً..!!

هل ستعوود لاهلكـ..!

ام ان الغربة تلزم عليك وتحبسك بجدرانها ..

وتقول متى يا ترى ساعود...

وتنظر مضي الاياـآـآم..

واساعات..}}



هيبة بدوو
هيبة بدو
هيبة بدو

 

[هيبة بدو]

بقوم اراجع وبووقع راسي

دعوووااااتكمـ لي ..ان الله يسهل علي امتحاناتي }​

 

[Samt Sohar]

ويؤؤؤؤؤؤؤؤؤؤ تلبسين نظاره ..


كشفتج ... هههاااي

بالتوفيق الغلا ..​

 

[هيبة بدو]

زرت كم مدونه ما شاء الله عليهم الاعضاء كل واحد مدونته تقول الزود عندي :imuae40:

معليه انا مدونتي متواضعه :blushing: فلا تقاروني بمدونات الغير

 

[هيبة بدو]

ويؤؤؤؤؤؤؤؤؤؤ تلبسين نظاره ..


كشفتج ... هههاااي

بالتوفيق الغلا ..​

هو صح اني البس نظارة

بس هذي الي بصورة نظارة شمسية لونها رصاصي :kiss: فصلتها ومالها شبيه :aa_france2: