اهل البريمي واهل عمان داخل !!

[بريمي دار عيني]

بســـم اللــه الرح ــمن الرح ــيم

والصلإة والسلـإم على اششرف الانبياء والمرسلين .. سيدنا محمد وعلى اله وصح ــبه اج ــمعين .. ـإم بعد ..


( اشك اني خطيب ) > هههههه ..

نرجع لموضعنأ .. الصراح ــــه عندي موضوع وعندي فضول كبير عسب اعرف ردودكم الح ــلوة ..

وموضوعي هــــــؤؤ .. عن وطـــنية اهل البريمي ...

كونــــه موضوع حساس ششوي .. ما رأح اطرق فيه ..

بس الي كادر ع خ ــأطري لهؤؤ ..

لمــأ نروح ع ــمأن دأخل .. يقولن .. لنـإ ...

بقول عن نفسسي :
يقولون . انتوـأ الحين فأي دوله .؟

والــــله وبعـإلى .. سمـإه ..

يع ــني لهـأي الدرج ــة صرنأ غرب من بينهم .؟

ولأ ازيدكم من شعر بيت ..
دامهم زخوأ واحد .. ويلسسو يقولون ..

انتوأ تقلدون ـأهل الامارات .. بالبس والغتر والــــخ ..


بس للاسف الكل يمكن ما يدري ...


ان سساس هاي الكندورة والمصر لهل البريمي ..


الحين لي جم سؤال لكم ..

وجاوبوأ بكل صراح ــة تامـــة ..

واتمنى مح ــدششل بخ ــاطره ..

س1/ هــــــل نح ــن منأ هذا ولـأ من حد ثأني .؟


س2/ يع ــني بخصوص اللبس نلبس عمأني عسب نريح الكل .. وبعدين يقولون هذا عماني صدق .؟

س3/ لو خيروكم بين الكمــــة والغتره ششو بتختارون .؟


وكل هذ1 وليشش .؟؟



اتمنى مح ـد يزعل .. وتقبلوأ مروري بكل حب واخلاص واتمنى لكم التوفيق ^^ ..




:boni3:​

ولاتنسسون ... افتخ ــر اني البسس عمـإني .. وما فييهأ شي ..


بس ناس للاسف ..
اونه .. لو الموت ما لبست الطربووشه ( وشي راجع له ) .. بس نحن .. غير ^،^

ولكم احلى تحيئه .. اخوكم / حكومـــة البريمي ..

 

[برستيج عيناوية]

والله كل شي جايز ..

وبعدين ما ادري ليش اهل البريمي يعتبروهم مب من عمان ..؟

 

[نظر عيني]

:003::003::003:

 

[راعي الجروح الدفينه]

س1/ هــــــل نح ــن منأ هذا ولـأ من حد ثأني .؟ من نظر البشر هذا الشي

س2/ يع ــنب بخصوص اللبس نلبس عمأني عسب نريح الكل .. وبعدين يقولون هذا عماني صدق .؟ العماني بالهويه مب باللبس

س3/ لو خيروكم بين الكمــــة والغتره ششو بتختارون .؟ الغالي الكل يعرف انه الكمه العمانيه .......مب للعمانين
و العرب ما يلبسو غير الغتره و الطاقيه و العقال

وكل هذ1 وليشش .؟؟ حسد​

 

[غرور الجامعه]

يسلموووووووووو ع الطرح حتى انا هذا السوال يراودني


نريد ردوووووووووود:027:

 

[القلب الأبيض]

موضوع روعة وفي نفس الوقت حساس . لكن تلكـ هي مشاعركـ يا أخي ومن حقكـ تعرف عنها .

في النهاية كل واحد وحريته الشخصية ، لكن من دون ما يلمس أحقية الغير .
إنته من حقكـ تلبس اللبس إلي يريحكـ وتتكلم الكلام إلي يريح و......و......و... إلي يريحكـ . بالمقابل ما تأذي أي أحد أو تجرح مشاعر إي أحد.

وإنته بهذي الحالة ما أذيت حد أبداً ، وجالس تسوي إلي يريحكـ .

ع العموم راح أجاوب ع تساؤلاتكـ :

س1/ هــــــل نح ــن منأ هذا ولـأ من حد ثأني .؟
هذي مب جريمة علشان تقول منكـ أو لأ .. بالعكس حريتكـ الشخصية .

س2/ يع ــنب بخصوص اللبس نلبس عمأني عسب نريح الكل .. وبعدين يقولون هذا عماني صدق .؟
إلي يريحكـ ، وخلكـ من كلام الناس بعدين إحنا والإمارات أشقاء يعني إيش فيها لو لبست مثلهم ؟؟

س3/ لو خيروكم بين الكمــــة والغتره ششو بتختارون .؟
كله واحد بالنسبة إلي إلي يريحه.

شكراً لكـ أخوي ، وتأكد إني محايد ..!!

 

[بريمي دار عيني]

مشكورين ع المروؤر الطيب ..

وارد واقوول اتمنــــي لح ــد يزعل ..

يعل عيني تفداكم ..​

:16:

 

[شيخ الشباب]

:0962b59e9642d670ff5:0962b59e9642d670ff5موضوع جيد

 

[القلب الأبيض]

مشكورين ع المروؤر الطيب ..

وارد واقوول اتمنــــي لح ــد يزعل ..

يعل عيني تفداكم ..​

:16:

شكراً .. أفى وليش نزعل ؟؟؟
من حقكـ الغالي ..!!
تلملنا عيونكـ .

 

[DarkFireSlash]

اللباس الحالي من تراث البريمي القديم ماله خص بوطنية واحد ساكن بالبريمي من 100 سنة كل عوائل البريمي يلبسون غتر وكندورة عربية يعني نحن ما قلدنا حد الاصل هو انه البريمي لبسهم التقليدي عقال وشماخ وكندورة عربية اما الي انفرض على اهالي البريمي هو الكمة والكندورة العمانية عشان تعكس روح الوطنية اقرا عن تاريخ البريمي وتعرف ليش يلبسوون كندورة عربية وغترة تراه يشجعونا نحافظ على التراث هذا تراثنا نحن اهالي البريمي كندورة عربية وغترة الاسباب الاخرى سياسية واجتماعية وتاريخية يخلينا نلبس اشكل وصعب تغير من تراث امة عاشت به فوق 200 سنة او 100 سنة بخصوص انه نقلد اهل الامارات هذا شي غلط البريمي كانت محط انظار الجميع وما فيه اي تقليد لكن الاعتزاز الوطني مشترك بحكم انه البريمي تم اقتطاعها نصفين بسبب الاستعمار والنزاعات الحدودية القديمة مما ادى الى نشوء تناقض بمشاعر اي واحد يسكن بالبريمي وضواحيها واراضيها السابقة لو تشوف انت في خلال ال 10 سنوات الي طافن 34% من سكان البريمي اخذوا جنسية اماراتية والعدد في ازدياد تقريبا البريمي يمثلونها القبائل الاصل الي سكنت مدة في البريمي لقرون هم الاصل هم اصحاب التراث الاصيل اي واحد يجي يفرض شي هذا دخيل وما ينلامون لو رحت داخل عمان اذا قالولك من اي دولة السبب انه عندك تراث وولاء مزدوج مثل ما قلت سابقا في تناقض من الداخل وشو يعني اهم شي عايشين وفخور بكوني من البريمي صح ولا لا يمكن كلامي ما يمشي على الكل -__-

ثاني عامل هو انا محافظة حدودية يعني في تشابك في العادات والتقاليد بينا وين الدولة المجاورة نفس الشي حاصل في خصب ومسندم وجنوب صلالة مع حدود اليمن و غرب السلطنة في المنطقة الوسطى مع حدود المملكة العربية السعودية لانه فيه عوامل اخرى مو سياسية لكنها اجتماعية تؤدي الى تكوين تراث اصلي حصري لاهل تلك المنطقة


اعرف اني تفلسفت وايد لكن قلت الي عندي

 

[القلب الأبيض]

بالعكس لم تتفلسف ن بل قلت ما عندكـ .... تشكر على الكلام الف مرة ..!!

 

[همس الشجون]

انا بقولكم راي وبكل صراحه انا عن نفسي ما من البريمي بس اشوف اولاد البريمي واجد يقلدوا الاماراتين في اشياء مثلا اللبس طريقة كلامهم وكل شيء فيهم ما اعرف ليش اسالكم انتو عمانين ولا اماراتين

 

[موزة النعيمي]

السلام عليكم ورحمة الله وبركاته
حكومة البريمي ماشاء الله مبدع بطرحك هاليومين ومنور القسم | أحيك على هالنشاط

بالنسبة لموضوك بصراحه هو حساس شووي
وهب بس الشباب متاذين منه
انا عن نفسي مره كنت في جامعة السلطان يوم اقولهم اني من البريمي كاني من بلده ثانية ويستغربون
ويوم ارمس صح انهم مايفهمون كل الكلمات ولكن يحسسوني وكأني مخلوق غريب يرمس
ويعتبرونه هالشي" خقه وبطره"

اونه انتوا بطرانين بنات البريمي
وانتن مادري شووه وانا بصراحه ماحب حد جيه يقولي.!

لان هالشي راجع لاصلنا وفصلنا وكل حد يعرف ان البريمي منطقه حدودية فشي طبيعي انه راح تاخذ من صوب عمان ومن صوب الامارات
وبحكم احتكاك اهلها بالعين عسب جيه يتشابهون في الطبايع
والغريب اللي اكثر الناس ماتشوفه في هالشي
ان الغتره والكندورة انها مأخوده من اهل البريمي
لان الاصل هم . . !

ع العموم مابتطرق لهاي النقطه لاني ما اعرف عنها وايد
ولكن اهل عمان هم اهلنا وعلى عينا وراسنا
والاختلاف موجود في كل عمان
يعني ليش مثلا مايقولون ان اهل صلاله يقلدون اليمنيين؟ اونه اهل صلاله مايعترفون انهم عمانيين؟
ليش يحطون على البريمي بس؟
ترا صلاله واهلها بعد ماخذين من اهل اليمين
شمعنى البريمي يححطون عليها؟

ع العموم متابعه ع الموضوع
ومرور سريع
الف شكر اخوي بارك الله فيك ​

 

[موزة النعيمي]

انا بقولكم راي وبكل صراحه انا عن نفسي ما من البريمي بس اشوف اولاد البريمي واجد يقلدوا الاماراتين في اشياء مثلا اللبس طريقة كلامهم وكل شيء فيهم ما اعرف ليش اسالكم انتو عمانين ولا اماراتين

مش تقليد
هذي عادات وتقاليد فقط.!
والغتره والكندوره هو لبس اهل البريمي
وبحكم ان من الاساس العين كانت جزء من البريمي فشي طبيعي بتكون نفس العادات .!

يعني ليش تشوفون ع اساس انها تقليد؟ هذا هب تقليد
ولكن هناك عدة اسباب :
عادات وتقاليد
منطقه حدودية
واهل وحبايب الدولتين

فشي طبيعي :2ef0feb6691ddf055e6

 

[DarkFireSlash]

انا بقولكم راي وبكل صراحه انا عن نفسي ما من البريمي بس اشوف اولاد البريمي واجد يقلدوا الاماراتين في اشياء مثلا اللبس طريقة كلامهم وكل شيء فيهم ما اعرف ليش اسالكم انتو عمانين ولا اماراتين

هو حد يقلد تراثه انت لو تدرس تاريخ بتعرف انه ماكان فيه شي امارات لما كانت البريمي يلبسون غتر وعقلان وكنادير عرربية

الامارات عهد حديث اما البريمي اهاليهم طبعهم من اول كذا حتى قبل ما يتم انشاء الامارات العربية المتحدة لازم العمانيين يعترفون في كل الولايات انه البريمي ارض البطولات الحقيقية والتمسك بالتراث الاصيل ادرس تاريخ البريمي بعدين تعال قول نقلد او لا


بخصوص التقليد الي انت تتحدث عنه هذا شي طبيعي يحصل لما تفرق اهالي ارض وحدة وهذا شي طبيعي بسبب تقسيمات الاستعمار يعني مافيه تقليد العين والبريمي لو جزئت ما بيجزئون الي فقلوب اهاليها نحن عمانيين عندنا عزة نفس !!ويوم من الايام كنا تحت حكم اكثر من حاكم فهذا شي بياثر في نفوس اهالي المنطقة طبعا عمان داخل كانو تحت الحكم العائلة المالكة اما البريمي ف 100 عام حكمها قادة مختلفين مش من الاسرة المالكة فهذا شي بياثر مثلا عائلة ال نهيان حكمت البريمي بعدين الشيخ صقر حكم البريمي وبعد كذا تم ضم البريمي لسلطنة عمان بسبب حل خلاف بسبب النفط وقتها كانت البريمي في ملف محكمة العدل الدولية
صحيح بتلقى ان البريمي لها سجل كبير في مخازن ملفات الامم المتحدة هذا امر اجتماعي سياسي تراثي قديم لو شفت واحد من البريمي يقلد اماراتي عادي لانه اصلا ما قلد شي جديد من قبل هذا في تراثهم


العيب الوحيد هو انه تجيك قبائل من عمان داخل مالها خص بالتراث القديم للبريمي وتروح تقلد الاماراتيين هذيلا الناس لازم ننتقدهم ووخلاص نحن عمانيين :2253446f49dd40fbf5e شئنا ام ابينا قلدنا ام لم نقلد نحن عمانيون ولنا كل الحق بان نكون مثلا يكونوا اخواننا ما وراء حدود البريمي :2253446f49dd40fbf5e لانه هذا ترثانا القديم واتحدى اي واحد يقول هذا غلط مب غلط لانه الاوامر السامية من حضرة صاحب الجلالة انه على الشعب انه يتمسك بتراثه وها انا اقولك انا متمسك بتراثي الغترة اولا ثم الكمة ثانيا وهذا هو تراثي انا احب البريمي واحب وطني واحب قائدنا المفدى هو من وقف خلفنا في ازماتنا ولن اخذله ^^

 

[موزة النعيمي]

العيب الوحيد هو انه تجيك قبائل من عمان داخل مالها خص بالتراث القديم للبريمي وتروح تقلد الاماراتيين هذيلا الناس لازم ننتقدهم ووخلاص نحن عمانيين

والله في هاذي صدقت . .
مب من البريمي ويلصقون عمرهم في البريمي واهل الامارات
عسب جيه العرب ياخذون فكرة هب زينه عن البريمي

 

[DarkFireSlash]

اذا شفت حد يقلد عادي


بس انا بنتقد الي يشجع منتخب الامارات يوم يباري عمان بشجع الامارات يوم يتاهلون بس ^__^

نحن ما قصرين كعمانيين نوقف خلف انجازات واحتفالات بلادنا والدليل انه عملنا امسيات وغيرها من الاشياء الي نثبت فيها وطنيتنا لعماننا الحبيبة لكن !!


هذا ما ينسينا اخوتنا الي بنيناها مع الاماراتيين لمدة 100 سنة هم بعد يوم يحتفلون نحتفل وياهم



انا اظن محد له حق ينتقدنا دام انه ماساكن بمنطقة حدودية في عمان !!

هذي البريمي اعزائي افضل من كل الدول محطوطة بصندوق واحد

 

[مروض الكهان]

اممم انا اقول يقولها بس علشااان انعصـــب وحتى لو قالوا الي قالوه // دامـــــــ انهم ما يعرفون في تاريخ هل البريمي // فالسكوت احسن لهم

وغيــــــــر جيه لو بغيــــت تفهمهم ما يرضووووون // يعني لو تتكلم من اليوم لحد باجر هم مقتنعين انا نحن انقـــلد

مع انه شيء غلط × غلــط

الأعضاء تكلموااا وااايد وانا معاهم

وانا عن نفسي أكيد ألبس غتـــره // وافتخـــر اني من البريمي دار عيني

 

[point]

معقدين جدا جدا .. اهل عمان داخل

اول ما دشيت الكليه حسسوني اني كائن فضائي ..

شكلج مب عمانيه ..!! @@

وليه ما تتكلمين باللهجه العمانيه .. >>ارمس هندي آمكن ..~

وليش انتو فالبريمي ما تحبوا عمان ..؟!

انصدمت من كل ذي الاشياء ..!

لا بعد آخر مره بنيه تقولي شو تحسبون عماركم دوله مستقله ..؟؟!!

منو قال ما نحب عمان وما عندنا وطنيه ؟؟!

شفتها وطنيتهم ..~ خرطي ماشي منه كله مظاهر ..
تلبسلج شرايط واوسمه ومدرش شو .. وفالويه تقولج لابستنهن بس جيه حركات لفت انتباه لا اكثر ..

..

 

[DarkFireSlash]

معقدين جدا جدا .. اهل عمان داخل

اول ما دشيت الكليه حسسوني اني كائن فضائي ..

شكلج مب عمانيه ..!! @@

وليه ما تتكلمين باللهجه العمانيه .. >>ارمس هندي آمكن ..~

وليش انتو فالبريمي ما تحبوا عمان ..؟!

انصدمت من كل ذي الاشياء ..!

لا بعد آخر مره بنيه تقولي شو تحسبون عماركم دوله مستقله ..؟؟!!

منو قال ما نحب عمان وما عندنا وطنيه ؟؟!

شفتها وطنيتهم ..~ خرطي ماشي منه كله مظاهر ..
تلبسلج شرايط واوسمه ومدرش شو .. وفالويه تقولج لابستنهن بس جيه حركات لفت انتباه لا اكثر ..

..

يمكن تبا تطير مكان والله الناس الصح الي يعرفون طبع البريمي اهل الباطنة وخصب ودبا كل ولاية لها شي خاص سمعت انه اهل صلالة ما يحبون اهل مسقط ويحبون الي من شمال غرب السلطنة



هذ يذكرني بالتناقظ الحاصل في امريكا بين الشمال والجنوب -_- شي طبيعي هالشي في كل دولة اختلاف مبادىء ووجهات نظر ورؤية في الحياة والتراث والثقافة