بدوي آلبريمي
¬°•| فخر المنتدى |•°¬
السلام عليكم ورحمة الله وبركاته ..
بدون مقدمات وعطول فالموضوع ..!
ومحتوى الموضوع باين من عنوانه طبعا يا اخواني مخالفة الكشافات في عمان ولكن انا متاكد من ان اكثر المخالفات التابعه للكشافات تصدر من البريمي ليش؟
الجواب بسيط وسهل لانه اهل الامارات هم السبب مع اهل البريمي طبعا لانه قانون الامارات لا يعطي من يستعمل الكشافات اثناء القياده "مخالفه"
ليش يعني الكشافات عليهن مخالفه؟ تضر الاخرين مثلا ؟؟
انا الشخصي اعتقد انه لازم يتم تحديث هذا القانون لانه الكشافات ليست من تركيب المواطن بل تاتي هذه الكشافات من الوكاله نفسها ..! المواطن مب مطر يدفع مخالفات ع شي ما يسوى ولا غير مقتنع فيه ..!
من اقوال الشرطه :. الكشافات لا تستعمل الا في عدم وضوح الروئيــه ..!
واحب اقول نقطه مهمه في سيارات في كل منطقه اصلها ليس خليجي " وأرد " من الخارج ..!
وعند استعمال الليتات العاديه دايركت < طوالي يشتغلن الكشافات ..! عاد الشرطه اقتلها ولأ تشوفك مشغل الكشافات كانك ارتكبت جريمه ..!
وبين كل يومين اشوف شرطة عمان السلطانيه موقفه سياره توها داشه البريمي طبعا رقم بوظبي داشه البريمي من العين :. اقول اأكيد بيحصل مخالفة كشافات .:
والله مستغرب من هالشي وفنفس الوقت فيني حره ع هذا القانون الغريب ..!
يعني مثلا مثلا الي ما بيشغل كشافات عشان الطريق اكيد بيشغل فول ليت < تبوهم يعني يعمو الناس ؟؟
البعض بيقول هاي صايره موضه عند الشباب والخ :. وانا اقول الموضه اذا كان الشخص الذي يقود السياره مشغل الليتات يعني مب كامل مع كشافات < هاي الصراحه تستحق المخالفه لأنها تقهر ..!
أخواني الاعضاء مادري حبيت أطرح هالمشكله واشوف ردودكم يمكن عندكم شي ينقال بخصوص الموضوع ما اعرفه انا ويفديني ..!
" قد يتحول كل شيء ضدك ويبقى الله معك، فكن مع الله، يكن كل شيء معك "
