أب يزوج أبنته ب 50 ريال عماني

[الرمل الذهبي]

صراحه بادرة خير

حتى أنا مابي يرفع أبوي المهر

مساكين الشباب يبوا يحصنوا نفسهم بالزواج

والرسول موصي بهالشئ

الله يسعدهم ويسهل الأمور

صح 50 شوي وماتسوي شئ بس عاد عقب بتتسهل الأمور إن شاء الله

مامهم المظاهر الخارجيه أهم شئ الحياة الزوجية اللي يسودها الاحترام والمحبه

وجهة نظر لاغير<<<​

عجبني ردك واااااايد ^_^

 

[•¦[محمد السعدي]¦•]

طبعاً للي قالو 50 ريال ماتسوى شي ..

على ماعتقد هاذا زواج وفيه ستر من الصوبين ومش مهم المكياج والشنط ..

وياريت تعطوني عنوانه هالريال يباله شكر والنعم فيه عاقل مش مثل هذيل الي يعنس بنته والسبه المهر ..

وفالنهايه البنت مش جاريه تنباع من الأبو ويشتريها الريل ..

اما المهر فشي رمزي لا اكثر ..

 

[ذابحني غروري]

والله مهم ومو حلوه تظهر العروسه بمظهر غير لايق امام زوجها بالاخص بأول ليلة ف العرس..هذا لانك ريال تبي تسهل ع نفسك صح؟؟؟

 

[•¦[محمد السعدي]¦•]

يعني اروح أتسلف وخلي على ضهري قروض عشان زوجتي تكون بمظهر حلو بس ..

وبعدين تبدأ المشاكل ..


واصحاب المهر البسيط بيعيشون فسلام وحب طول الحياه ,
,الله يبارك لهم لنهم ماأسرفو من البدايه..

 

[ذابحني غروري]

صح كلامك بس ماراح استسلم وان شاءالله مهري بيكون مو أقل عن أربعة آلاف ونصف إإإإإإإإإإإإيه وانا مو أي بنت

 

[Queen Love]

لا تعلييييييييييييييييق:a7m:

 

[ذابحني غروري]

بعده أربعة آلاف ونصف مو كأنه شوي ""العرين""؟؟

 

[•¦[محمد السعدي]¦•]

4.5 ريال

شو الملكه اليزابث ولا سندريلا ..

أذا 4.5 درهم اوكي معقوله ..

 

[ذابحني غروري]

لاتغلط تراني بنت شيوخ....ياربي هالعرين بياكلني قبل عن أشوف مستقبلي((((تراااااااااااااه أمزح))))))الله يوفقهم والمبلغ مو كااااااااااااااااااافي

 

[•¦[محمد السعدي]¦•]

السالفه مش سالفة المبلغ كافي حق العرس ولا الريال فكر فالمستقبل لا اكثر ..

و 50 ريال بكرامت بنتك ..
ولا 4000 وبعد شهرين مطلقه ..

لن الريال بحس أنه أبو البنت مفضل عليه بالمهر ولا بيفكر فالطلاق ابد ..

 

[ذابحني غروري]

خلاااااااااااااااااااااااص بفكك بروح أنام

 

[بدوي آلبريمي]

ما بعلق طريقة زؤاجهم والمبلغ ..!


يكفيني أقول ..! الله يوفقهم ويسعدهم ..!

 

[قڵبيـﮱْ خَـقـأإقْ ❥'¬.]

يدوه كان مهرها 50 ريال والله هيه خبرتني :=D:



شو بتسوي فييييييهن​

 

[نقطه]

:1: ربي يوفجهم ويعيشون مستانسين:1:

 

[بنت محضه]

انا اعرف بنات متزوجات شباب ع قد حالهم لكن ما يقصروا عليهن بشي...ويحبوهن ويحترموهن واااايد ويحترموا اهلهن...ومعاملتهم زينه لهن ول عيالهم....صح اول سكنو ف بيت اهلهم لكن مع مرور الايام قدروا يجمعوا مبلغ وبنوا بيوت لهم...وفي بنات تزوجن اصحاب فلوس لكن قسم دايم مشاكل ....الرجال يلعب بفلوسه ويسوي اللي يباه واذا قالت له زوجته شي قال تراني اروم اخذ غيرج لا تعوريلي راسي...
شو رايكم البنات والاولاد يسو مظاهرات عشان الاهل ما يغلو بالمهر...او عالاقل يطالبوا بانشاء صندوق يساعد الشباب عالزواج وهيك يعني..

 

[يوسف الكعبي]

يزاه الله الف خير

مافيها شي... الاول يزوجوا بناتهم بيونية سح