وينك اخوي عبدالله الجابري

[nobalahmed]

من فتره تقريبا بشهر مارس طرح اخونا عبدالله الجابري موضو ع مهم وهو تصوير اجسامنا عبر الجهاز اللي ركبوه علي الحدود
والجميل بالموضوع انه ذاكرين انه مايسبب غير اضرار بسيط جدا يعني قطره قطره لين يستوي وادي وكثير من الناس يمروا علي الجهاز وهم ماعندهم خبر انه خطر علي الحوامل
وانا بتصوري ان هذا النوع من الاجهزه المفروض يتركب علي الحدود اللي الناس تسافر عبرها كل سنه مره مب حدود البريمي اللي الناس تمر عليها كل يوم عدة مرات يعني حتي الضرر البسيط بيكبر
بس ما نقول غير حسبي الله ونعم والوكيل

 

[قيادة حرس الرئاسة]

ايه والله يقتلوكم شوي شوي ..
..
والناس يحليلها ما تدري ..
..
هو أهم شي عندهم يمشوكم بسرعه بأي طريقه ولو كانت مضره لكم ..
شو نسوي ..
ومثل ما قلت ها المفروض بالمطآرات بسس ما ينفع بين البريمي والعين لآنه في ناس يمرون يومياتي مرتين ع الأقل ....
لا حياه لمن تنادي ..
​

 

[بدوي آلبريمي]

أسستغفر الله ياربي ..! الله يعينـإ بس..!

 

[•¦[محمد السعدي]¦•]

حتى المطارات ماتستخدمها بشكل دايم بس في حالات الشكوك الكبرى

أما حدود العين العالميه الي مساحتها 70 الف كيلو متر لازم يفحصون الأوادم كل يوم خوفا من التهريب على قولتهم

وكلن يري الناس بعين طبعه


اول مره اشوف حدود عدال بعض وكل واحد فبحر والحياه مستمره

 

[الوتر الحزين]

الله يستر بس
\انا يوميا امر الحدود

 

[نيلوفر]

السلام للجميع ,,
وجهت نظري ..انه اساسا المفروض مايكون بينا حدود عاد بغض النظر عن السلبيات الثانيه
مثل الزحمه والمشاكل ألي اتصير بسبب الزحمه ,وخاصتا الجهاز الي حاطينه الحين
وانا طبعا انصح اي واحد يحاتي صحته لا يدخل الجهاز ,,وانا الصراحه اذا قالي الشرطي ادخل الجهاز برفض ))

 

[سنيوريتا]

تقدررو تغير وتسيرو المسار الثاني

 

[»̶»̶̥ м̽ɐ̲łќ 3̨̐τ̅н̲]

قاااطعو العين ولا تسيرو من المضيف بس هيلي

 

[موزة النعيمي]

ممم بس في نقطه :
اول مره سرت من بعد مافتحون كانوا يخطفون الحريم من مسار ثاني مسار مافيه الجهاز اما الشباب اجباري تحته . .!

ولكن البارحه كانوا فاتحين مسارين وكل واحد حر . .
يا انه يمشي تحت الجهاز او انه يوقف في زحمة تفتيش الجمارك . .~

واصلاً ماشي زحمه وايد يوم يفتشون بس يطالعون السياره
وهالشي اهون من اني اخطف تحت ذاك اللي مايتسمى . .

عندي صور ولكن بطرحهن خلاف^^

ومتابعه للموضوع ​

 

[Ąℓŋ3αỉмỉ]

الله المستعاان

 

[مستشار]

يخبرونا قصه صارت ف نهاية التسعينات ... في واحد سعودي مر الحدود من العين بأتجاه البريمي ف ستغرب الوضع قال معقوله في دولتين وحتى ترسيم حدود ولا مراكز مابينهم!!!؟؟
ياناس وين الوضع قبل ووين الحين؟؟ قبل ماشي تهريب والحين شي؟؟
قبل كانت جرائم ف الامارات والحين ماشي..؟؟
كل سؤال يجر عنده سؤال.. وفالنهاية الاجابه معدوووووومه!!!
بس انا اعتقد كل هذا صار من عين السعودي حسدنا ... اوووف أما انه عينه حاره ... غربلنا

 

[الشامسية]

الله يعين الجميع​

 

[صقر آلبريمي]

الله المستعآن...


هذه هي الحـال دآئمـآ ​

 

[مروض الكهان]

الله يعيـــــــــــن الي دواماتهم هناك

وطرين انهم يدشون ويطلعون مناك

 

[nobalahmed]

اشكر اخواني الاعضاء علي جميع الردود
بس المشكله انه في الحدود لاحظة شغله انه كل ما يخترعوا شغله اذا ما شافوا اي معارضه علي الموضوع يستمروا فيه واذا شافوا المعارضه كبيره غيروا الموضوع واستبدلوا ذلك بشي ثاني والدليل اغلاق حدود المضيف لما شافوا المعارضه ردوا وافتتحوا الحدود مره ثانيه والجهاز هذا تم تركيبه بمركز مزيد سابقا وشافوا ما في اي اعتراض ركبوه في المضيف ولو رفضوا الناس انهم يمروا تحت الجهاز لخسروا قيمة الجهاز ورجعوه وانا برأيي نرفض كلنا الدخول تحت الجهاز وخليهم يفتشوا هم اللي بيتعبوا وبيمشوا الطوابير غصب عنهم لان بالجهاز زحمه وبدونه زحمه والله يعينا
وما نقول غير حسبنا الله ونعم الوكيل