السلام عليكم ورحمة الله وبركاته
سويت توست وحشيته بالخضار وحطيت عليه صوص القشطة ........... بصراحة حلو وسريع
المقادير
توست منزوع الجواف
نفرده حتى يصير خفيف
للحشوة :
بطاطس مقطع مربعات ومقلي - ملفوف - خس - ملح - فلفل اسود
نقلي الملفوف في زيت لحد ما يذبل
ثم الخس لحد ما يذبل بعد
ثم البطاطس المقلي ورشة ملح ورشة فلفل اسود
هذا شكله النهائي
ثم نضيف له جبن سائل على حسب الكمية الي ترغبون فيها
ثم نضيف له فلفل ( دقوس )
ثم نضع في كل حبة من التوست قليل من الحشوة
ونلفها
ونضع الكل في صينيه
الحين نجي في طريقة عمل خلطة ( الصوص)
نحتاج ( قشطة وحدة - 1م ك مايونيز - 2 م ك جبن سائل- رشة ملح - رشة فلفل اسود )
نخلط الكل مع بعض ما عدا الجبن المبشور
ونصبه فوق التوست ونوزع عليه الجبن المبشور
ملاحظة : (لو الصينية مكونه من طبقتين من التوست نحاول نضع شوي من الخلطة عليها ثم نضع الطبقة الثانية من التوست حتى لا تكون في الوسط فاضية بدون الخلطة)
ندخله الفرن من الاعلى بس
ونحاول نخرج حبة حبة حتى يكون الشكل مرتب
بصحة وعافية
