عندي حل لمشكلة الزحمة

[علي بن سيف الساعدي]

أين هي ؟ ؟
ونحن اول الناس اللي بندعمهم . .
لايوجد وجه مقارنه اخي
وانا ادرس صارلي ثلاث سنوات في دبي
مابقدر اقطع دراستي الحين عقب هالعمر :balloon:

اللي عندهم أهل من وين بييبون غيرهم؟
العلاج الي في العين أفضل نسيبا من العلاج في البريمي- وهذي حقيقه- . .

وايد امور
بس ان شاء الله مع الايام كل شي يتعدل
ومانصير في حاجة حد . .

شو هي البضائع المتواجده بالعين وغير متواجده بالبريمي؟؟

اوكي انتي تدرسين من زمان بدبي لكن في ناس الحينه يروحون يسجلون في الجامعات مع العلم انه هناك جامعتين بالبريمي

كل يوم من الصباح لين العصر نشاهد عشرات الباصات المحمله بطلاب المدارس والجامعات تتجه الى العين مع العلم انه بالبريمي جامعات ومدارس

الحين كثرن العيادات الخاصه بالبريمي وهالشي صار فيه تنوع وبعد منافسه واعتقد الحينه حتى العلاج بالبريمي جيد

 

[علي بن سيف الساعدي]

أحترم كلامك الساعدي
و لكن نحن دعمنا تجارة البريمي و تجاوزنا بالبظاعة الموجوده رغم جودتها التي عليها أكثر من خط فهل التجار من أهل البريمي راعوا ضروف الناس و دخلهم المتواضع ؟؟؟؟
ما نراه من إرتفاع تعدى ما نراه في مدينة العين المجاوره بمراحل عده.
إذا أراد التجار وقفتنا معاهم فيتقوا الله في أسعارهم من عقار و من مواد إستهلاكيه و غيرها و لا يغير الله ما بقوم حتى يغيروا ما بأنفسهم فإذا كان الجشع بأنفسنا فلن تنحل أي مشكل و أعدكم بالقادم سيكون أصعب .

من الخطا انه الشخص يشتري بضاعه بجوده منخفضه ولكن هناك طلب كبير على البضاعه اللي جودتها منخفضه لرخص سعرها ولا التاجر ما بيجيب كميات منها

ارتفاع الاسعار لانه ما شي هناك منافسه قووويه لكن مع زيادة عدد المحلات بتزيد المنافسه وبتتنوع المنتجات

العقار بالتاكيد انه بينزل لانه البنايات والمنازل اللي تنبني كثيره ولكن هناك عرض وطلب والتاجر يستفيد من العرض والطلب يعني كل ما قلة السلعه ارتفع سعرها ولا ننسى انه هناك ناس بنوا بيوتهم وبناياتهم بتكلفه عاليه يوم الغلى وارتفاع اسعار مواد البناء فهذي فرصه انه يرد شوي من خسارته خاصة انه ما في شي يستمر على حاله فتره طويله يعني مع ارتفاع المعروض بتنخفض الاسعار وهالشي الحينه نشووفه انه الاسعار بدات تقل في الايجارات بالبريمي

وبعدين لا ننسى ايجارات المحلات مرتفعه والتاجر لازم يدفع الايجار والماء والكهرباء واجراءات القوى العامله والشرطه من الارباح اللي يحصلها بالمحل وبعد هو لازم يستفيد من المحل يحصل منه على ربح

 

[علي بن سيف الساعدي]

ردا علي علي بن سيف بن علي الساعدي
اللي باين انت أهم شي معاك التجارة بصراحة انت اناني
طز في التجارة او اقتصاد مقابل الامن
الامن هو اساس كل شي
اقولها بكل بصراحة اللي يسكن وافد غير مقيم اقامة الشرعية في عمان في شقه من شققه يعتبر مساعد لتدني مستوي الامن في البريمي
بسكم يا اصحاب الشقق من الانانية
مساكيين شباب البريمي الشقق ارتفعن اكثر من 120 ريال

مب اهم شي عندي التجاره ولكن التجاره مهمه لتطوير البريمي مهمه لتميز البريمي مهمه لانها تساعد الناس على تحسين معيشتهم وزيادة دخلهم مهمه لانه الناس يحصلون على وظائف مهمه لانه الشخص يشتري ويحصل السلعه اللي يريدها تكون قريبه منه

اي امن تقصد؟؟

اذا على المخالفين فهم كثيرين بالبريمي وهم اصحابهم اهل البريمي شخص يعملك شركة مقاولات وياخذ عن كل شخص 1000 ريال ويخلي العامل يسرح ويمرح وين ما يريد

اما بخصوص الوافدين اللي يشتغلون بالعين ويسكنون بالبريمي فهذيل عندهم بصمات واقامات وكل شي بشرطة العين وما اعتقد انه اذا صارت جريمة وما حصلوا شرطة البريمي بسجلاتهم بصمات الشخص انه من الصعب انهم يروحون شرطة العين ومع العلم هناك تعاون كبير بين شرطة البريمي وشرطة العين في ما يخص الجرائم والتهريب

يعني تدني الامن من الوافدين اللي عندهم اقامات عمان ومسرحين ويعطون كفيلهم مبلغ كل شهر او مبلغ مقابل شراء الاقامه او من الوافدين المتسللين واللي ما عندهم لا اقامات ولا فيزاء ولا بصمات وهذيل ياكثرهم ويدخلون عن طريق السواحل العمانيه وهذا السبب الرئيسي لانشاء الامارات الشبك والمراكز الحدوديه لانها كانت تعاني من الجرائم والسرقات ولكن المتهم مجهول لانه متسلل ولا توجد لديه لا بصمات ولا اوراق ثبوتيه ولا داخل الامارات بشكل قانوني

 

[شموخ بريماويه]

:92:مااااااشي حل غير مظاهره ونوقف كلنا يد وحده عند الحدود لا نخلي حد يظهر ولا حد يدخل لين ما يحصلون لنا حل والامور جيه بتنحل خاصه لو وصل الخبر لوسائل الاعلام

 

[•¦[محمد السعدي]¦•]

بخصوص الي يشتكون من الجامعات والمحلات والمستشفيات مش موجوده فالبريمي أو جوده المنتجات مش لين هناك فأنا عندي منتجات مثل الي تعرض في معضم متاجر العين وسعرها اذا كان عندي بـ 100 ريال راح تحصله فالعين بـ 1000 درهم يعني أرخص أو خلونا نقول نفس الشي بس العيب فينا ليش لنا مانحب غير الرزه بمقوله ( يفلان من وين ماخذ هالشي ) اذا قال من البريمي قامة القيامه وكأن البريمي أو البضايع الي فيها ولا شي بالنسبه للعين مع العلم أن اسعار التلفونات ارخص واسعار العيادات مقارنه بأريج وياس أرخص والمعامله جميله جدا

والي يبون كليات وجامعات تتوفر فالبريمي في حل سهل سجلو فالجامعات المتوفره الحين وبالضغط راح تلقون كذا كليه جديده فالبريمي

وبالنسبه فالتعاون بين شرطة البريمي والعين فلايوجد تعاون بتاتا والي يبا يتأكد يروح يسأل عن أي وافد في شرطة البريمي محد راح يفيده وأيسأل عن سياره برقم الامارات ماراح يلقا بيانات وهذا واقع وبعدين الوافدين النظاميين فالبريمي لوعندهم عقود أجار فالعين ماراح يدخلون العين الا بأقامه للامارات فليش العكس عادي

 

[موزة النعيمي]

وبعدين الوافدين النظاميين فالبريمي لوعندهم عقود أجار فالعين ماراح يدخلون العين الا بأقامه للامارات فليش العكس عادي

نقطه مهمه . .:02:

كل اللي اقدر اقوله :
أني اتمنى الخير لبلادي
ومن قلبي
وماودي ابدي الغريب عليها

لين تتحسن الاوضاع وتتعدل
بنظل في حاجه للعين . .

- وهذي حقيقه -

وعسى خير . . من ردودكم حسيت انكم ممكن تغيرون البريمي للأفضل . .
ليش لا كل شي بأيدكم . .

بارك الله فيكم​

 

[•¦[محمد السعدي]¦•]

نقطه مهمه . .:02:

كل اللي اقدر اقوله :
أني اتمنى الخير لبلادي
ومن قلبي
وماودي ابدي الغريب عليها

لين تتحسن الاوضاع وتتعدل
بنظل في حاجه للعين . .

- وهذي حقيقه -

وعسى خير . . من ردودكم حسيت انكم ممكن تغيرون البريمي للأفضل . .
ليش لا كل شي بأيدكم . .

بارك الله فيكم​

ماراح نحتاج للعين اخر مره دخلت فيها العين قبل أرمضان بأيام لن كل شي متوفر فالبريمي بس المحلات الي فالبريمي الي تستورده من الصين ماتطبع عليه صنع سويسرا بعكس محلات كثيره فالعين يعني تبيعلكم الماركه المقلده وانتم تضحكون

 

[موزة النعيمي]

يقصون علينا يعني ؟ ؟ :cry::cry::cry:

 

[•¦[محمد السعدي]¦•]

يقصون علينا يعني ؟ ؟ :cry::cry::cry:

والله يختي في اشياء مثلا الملابس نفس القطعه بس فالبريمي ب 10 ريالات والي فالعين ب 250 درهم والأستيكر انا مخوزنه بيدي ( أستيكر صنع فسويسرا ) والله مكتوب عليه صنع فالصين نفس القطعه الي فالبريمي وازيدج من الشعر بيت نفس العلبه وتشكيله

 

[شموخ بريماويه]

الحين القضيه هب قضية جامعات ومدارس ومحلات .... والي اهلهم كلهم فالعين شووو يسووووون يدورون لهم نسخ فالبريمي بعد ؟؟؟

ماعرف اذا انتو مع او ضد هالكلام البريمي جزء من العين والعين جزء من البريمي من طلعنا على الدنيا ونحن مع بعض وهالحدود ماراح تفرق امبينا وتخلينا ننهزم بهالسهوله .....واذا ردينا لسالفة البضايع مع احترامي لك بس ابدا البضايع مب شرات العين واذا ع التلفونات انا مره قررت اخذ تلفون من البريمي وياريت ما خذته بعض التجار هم الي يشووهون صور البضايع كله غش فغش البطاريه كانت محترقه والتلفون كل يوم معلق واونه يديد والبلوتوث فيه اسم يعني الفون مستعمل بس ينصبون على خلق الله ...ليش نفضل بضاعة العين لان ع االاقل فيه رقابه مب شرات البريمي تعال واحلف جذب وانصب على خلق الله والسموحه منكم

 

[•¦[محمد السعدي]¦•]

والي اهاليهم فالعين لازم كل يوم يروحون لهم وبعدين عجيب امرج تحكمين على الشي من اول مره يعني القضايا الي فالمحاكم الأماراتيه بخصوص الأشخاص الي يشترون من الموزعين الي فالعين وطبعا الواحد يحمل سيارته ويوم يوصل محله فالباطنه أو عبري وغيرها من الولايات تطلع معضمها اشكال ماخطرت على بالج
وبعدين مستوى المبيعات فالبريمي جميله جدا يعني من 6 اشهر الي اشتكو من سوء القطع الجديده ينعدون على الأصابع

 

[Jύsт sмιℓε]

حل الزحمة النهائيـ..

 

[Jύsт sмιℓε]

خخخخخخخخخخ
الكل ع سيااااااااكلـــ.. يكفييييييييه:i-can-fly:

 

[•¦[محمد السعدي]¦•]

ماسدنا هالأسيويين على سياكلهم ويعافدون جدام السياير نكملها نحن

 

[Jύsт sмιℓε]

هههههههههههههههه
:imuae40:
بيكوون الشاارع أكثر تنااسقـ..:91:

 

[شموخ بريماويه]

والي اهاليهم فالعين لازم كل يوم يروحون لهم وبعدين عجيب امرج تحكمين على الشي من اول مره يعني القضايا الي فالمحاكم الأماراتيه بخصوص الأشخاص الي يشترون من الموزعين الي فالعين وطبعا الواحد يحمل سيارته ويوم يوصل محله فالباطنه أو عبري وغيرها من الولايات تطلع معضمها اشكال ماخطرت على بالج
وبعدين مستوى المبيعات فالبريمي جميله جدا يعني من 6 اشهر الي اشتكو من سوء القطع الجديده ينعدون على الأصابع

محد اشتكى لانهم مب متفيجين يسيرون ويعورون راسهم ويشتكون ....وعن الاهالي اذا مب كل يوم ع الاقل مره فالاسبوع ...عندك المستشفيات لاتقولي ياس وربعه ولا حتى مستشفى البريمي ...السالفه كلها سالفة انعدام ثقه خلهم يكونون قد الثقه وعقب يصير خير ...وطبيعي الانسان يحكم على الشي من اول مره المسلم لا يلدغ من جحر مرتين ....يعني مثلا جربنا العياده الفلانيه والمحل الفلاني والسوق الفلاني وكله ضدنا كيف تبانا نثق فيهم ونستمر عليهم ؟؟؟؟

تويتي احلى حل ههههههه والي دوامه لين عشارج فالمقام اسمنهن بتطلع روووحهن لين ما يوصلن ....

 

[»̶»̶̥ м̽ɐ̲łќ 3̨̐τ̅н̲]

ماااااااشي حل

 

[المليونير]

الزحمه مالها حل!!!!!!!

بس في حل واحد فقط




كل واحد يشتري سيارتين وحده فالعين والثانيه فالبريمي ويطوف المركز مشي

انسب حل

 

[•¦[محمد السعدي]¦•]

رد مخالف
محذوف من قبل الاداره =)

الزحمه مالها حل!!!!!!!

بس في حل واحد فقط




كل واحد يشتري سيارتين وحده فالعين والثانيه فالبريمي ويطوف المركز مشي

انسب حل

بعدها الزحمه مابتخلص بيفتشوهم حتى لو مشي

يمكن مهربين اوادم فثيابهم

 

[بلوط الكليه]

انا وربيعتي علقوم عندنا الحل....
بس خلونا نفكر وبنعطيكم الحل الأنسب..
احين نخطط
والثموحه:banana: