عندي حل لمشكلة الزحمة

[oetc65]

صباح الخيرات قصدي صباح الزحمة
عندي لحل مشلكة الزحمة بشرط يكون معاي الناس سواء نساء او الرجال ب معني الكلمة
الحل توقيف خط الشاحنات اللي تمر علي طريق خطمة الشكلة
والله اتحدي اقل من ساعات قليلة حتي تروح الزحمة في منفذ عود التوبة و هيلي و تنحل المشلكة
انا بكون أول واحد
بصراحة لو اعتمدنا علي الوالي او المحافظ ( اللي أهم شي معاهم كرسي اب حل معاناة اهالي البريمي ) ما تنحل
طبعا بعض منكم يرد ما عندكم الحق في التوقيف الشاحنات,,,,,,, في هذي الحالة اطلب منه يقترح علينا حل ثاني لحل مشكلة الزحمة

 

[•¦[محمد السعدي]¦•]

عندي حل ثاني نوقف السيارات من دخول الأراضي العمانيه في منفذي المضيف والهيلي بدال مانضرب خط لختم الشكله ونسوي حدود بروحنا ويامكثر الكلاب الله يعزكم فالبريمي بنصفهم على الحدود

أسلوب حلو في حل المشاكل بس صار بلا فايده في هذي الأيام وعلى قولة الكثير يوم يصيح الياهل خله يصيح بروحه بيسكت اما أذا قلتله لاتصيح فبيأذيك اكثر

وهذيل يهال يصيحون وكل ماتكلمهم يصيحون اكثر وفخلوهم بيسكتون

 

[oetc65]

قصدي نوقف الشاحنات مال الكسارات

 

[•¦[محمد السعدي]¦•]

انا عندي حل ثاني الشرطه العمانيه بدال ماتخالف الناس عند دار الفريج كل يوم تروح توقف عند منفذ الهيلي وترجع الوافدين الي يدخلون الاراضي العمانيه بدون أقامات فهم على أقامة لكفيل اماراتي ويشتغلون في العين ويسكنون فالبريمي بدون اي اقامه مجرد عقد أجار مسكن فالبريمي وهذا واقع

 

[شموخ بريماويه]

اي كلاب واي يهال واي شاحنات ممكن توضحووون اكثر ؟؟؟؟

 

[•¦[محمد السعدي]¦•]

اي كلاب واي يهال واي شاحنات ممكن توضحووون اكثر ؟؟؟؟

أقري الموضوع عدل وأكثر من مره بتفهمين عدل

 

[مغروره بس معذوره]

يسلمووووووووووو اخوي
بس لا تعب روحك الزحمه مالها الا حل واحد بس مب بايدنا ..........................

 

[رهييب]

أحسن حل نسوي مقاطعه نروح العين ... عساها ما جنت الخلد.

الحين حتى اللاب توب يفتشوه وتشغله ويجعدو يقلبو فيه.

 

[الزناتي]

رد مخالف
محذوف من قبل الاداره =)

 

[موزة النعيمي]

انا عندي حل ثاني الشرطه العمانيه بدال ماتخالف الناس عند دار الفريج كل يوم تروح توقف عند منفذ الهيلي وترجع الوافدين الي يدخلون الاراضي العمانيه بدون أقامات فهم على أقامة لكفيل اماراتي ويشتغلون في العين ويسكنون فالبريمي بدون اي اقامه مجرد عقد أجار مسكن فالبريمي وهذا واقع

أتفق معاكم في هذي النقطه رد منطقي وعقلاني
وبصراحه هالشي لازم توقف الحكومه فيه مع الشعب
مايصير يخلون الشعب جذا متبهدلين . .

وخير ان شاء الله

 

[المغرم الهاوي]

تبون الصج احلي شي يسون حدود بعيد عن المدينه

يعني حدود كبير وفيه عددة اقسام مثل صوب الفوعه

يكون كبير ووسيع ومافيه زحمه مجرد راي

 

[شموخ بريماويه]

:dunno: بعدني ما فهمت شدخل الشاحنات والجلاب فالسالفه

 

[إنسآنـﮧ]

اللي عيني تفكريك ما شاء الله عليك

وهذا دليل ع غيرتك ع بلادك.....وحبك لـ البريمي

 

[AL W$WAS]

عندي حل نسوي مظاهرات

ونسوي مشاكل ونيب شيول ونشل الشبك مالهم:ar15firing:

 

[Ąℓŋ3αỉмỉ]

مجرد انه نسكر منفذ خطم الشكله نص اشغال شيووخ الامارات رراح تتوقف ..

اعتقد مرره سكروو المنفذ امام الكسارات والشااحناات

وفــ سااعتهاا فتحوو المركز ومشت الزحمه ..

لو فيه خطاب من الجهاات الامنيه بالسلطنه حق الاماررات صدقووني رراح تسير الزحمه

لكن وين اللي يتكلم ..

 

[بدوي آلبريمي]

تسسسلم .. والفكره حلؤه .. لأنه نعأني من الزحمه والله يصبرنا بسس

 

[علي بن سيف الساعدي]

الحين المدارس الخاصه متوفره بالبريمي والمدارس الحكوميه متوفره بالبريمي

والجامعات متوفره بالبريمي

والاسواق متوفره بالبريمي بس لازم الناس تشتري ويكون هناك طلب عشان المحلات التجاريه تزيد من بضاعتها وبعد تنوع في بضاعتها

بس على ما اعتقد انه كل البضائع المتواجده بالعين متوفره بالبريمي

اكبر خطاء توقيف الوافدين اللي يدخلون البريمي لانه هالشي بيطيح باقتصاد البريمي وبتنخفض المبيعات عند اصحاب المطاعم والمحلات التجاريه وبتكون هناك شقق وبيوت كثيره فاضيه ومحد ساكننها وكثير من المحلات والشركات بتسكر ابوابها وبتضطرون تروحون للعين لكل شي

لازم اهل البريمي يدعمون التجاره بالبريمي وبعدين بيصير هناك تنوع وبعد بتظهر لنا محلات تجاريه جديده واشياء جديده والاسعار بتبدا ترخص لانه بيزيد عدد المحلات وبتكون هناك منافسه

 

[موزة النعيمي]

بس على ما اعتقد انه كل البضائع المتواجده بالعين متوفره بالبريمي

أين هي ؟ ؟
ونحن اول الناس اللي بندعمهم . .
لايوجد وجه مقارنه اخي
وانا ادرس صارلي ثلاث سنوات في دبي
مابقدر اقطع دراستي الحين عقب هالعمر :balloon:

اللي عندهم أهل من وين بييبون غيرهم؟
العلاج الي في العين أفضل نسيبا من العلاج في البريمي- وهذي حقيقه- . .

وايد امور
بس ان شاء الله مع الايام كل شي يتعدل
ومانصير في حاجة حد . .

 

[مصبح الكعبي]

الحين المدارس الخاصه متوفره بالبريمي والمدارس الحكوميه متوفره بالبريمي

والجامعات متوفره بالبريمي

والاسواق متوفره بالبريمي بس لازم الناس تشتري ويكون هناك طلب عشان المحلات التجاريه تزيد من بضاعتها وبعد تنوع في بضاعتها

بس على ما اعتقد انه كل البضائع المتواجده بالعين متوفره بالبريمي

اكبر خطاء توقيف الوافدين اللي يدخلون البريمي لانه هالشي بيطيح باقتصاد البريمي وبتنخفض المبيعات عند اصحاب المطاعم والمحلات التجاريه وبتكون هناك شقق وبيوت كثيره فاضيه ومحد ساكننها وكثير من المحلات والشركات بتسكر ابوابها وبتضطرون تروحون للعين لكل شي

لازم اهل البريمي يدعمون التجاره بالبريمي وبعدين بيصير هناك تنوع وبعد بتظهر لنا محلات تجاريه جديده واشياء جديده والاسعار بتبدا ترخص لانه بيزيد عدد المحلات وبتكون هناك منافسه

أحترم كلامك الساعدي
و لكن نحن دعمنا تجارة البريمي و تجاوزنا بالبظاعة الموجوده رغم جودتها التي عليها أكثر من خط فهل التجار من أهل البريمي راعوا ضروف الناس و دخلهم المتواضع ؟؟؟؟
ما نراه من إرتفاع تعدى ما نراه في مدينة العين المجاوره بمراحل عده.
إذا أراد التجار وقفتنا معاهم فيتقوا الله في أسعارهم من عقار و من مواد إستهلاكيه و غيرها و لا يغير الله ما بقوم حتى يغيروا ما بأنفسهم فإذا كان الجشع بأنفسنا فلن تنحل أي مشكل و أعدكم بالقادم سيكون أصعب .

 

[oetc65]

ردا علي علي بن سيف بن علي الساعدي
اللي باين انت أهم شي معاك التجارة بصراحة انت اناني
طز في التجارة او اقتصاد مقابل الامن
الامن هو اساس كل شي
اقولها بكل بصراحة اللي يسكن وافد غير مقيم اقامة الشرعية في عمان في شقه من شققه يعتبر مساعد لتدني مستوي الامن في البريمي
بسكم يا اصحاب الشقق من الانانية
مساكيين شباب البريمي الشقق ارتفعن اكثر من 120 ريال