إغلاق منفذ عود التوبة

[قلب الأسد]

ان شاء الله يحصلون حصل لهالمشكلة في حد ذاتها صايرة الحين ؟؟

ونحن نتظر .. اخر المستجدات في هذا الموضوع

 

[قلب الأسد]

صدقيت منوة ..

ما اقول غير الله يكون في العووووووون

وين الشيوخ وين المسؤولين ؟؟

 

[منوة الروح]

خلني ساكته الله يخليك << لا يشيلووني من بيتنا الحين

 

[رفيق العمر]

المتضرر الوحيد...

ذكرياتنا العفيفه...
ومشاورينا الطفيفه...
وعمليات التبادل والتنهال..
كل العنوان سوف تكون معقده
العين البريمي لا لا لن يكون هكذا العنوان
بل العين حساب البريمي حساب
سيكون لدخول العين وقع اثر بين الاهل
سيكون الحسبان بحسبان ...
سيكون العنوان الذين نستطيع أن نتداوله حينها
رحمك الله يالشيخ زايد...




رفيق العمر​

 

[لمسة إحتراف]

اليوم ابويه يجولي ان الحدود بتتسكر شهر 7


يالله ابي اشووف شو بيصير



يمكن هم قررو يسكرو الحدود عشان هالفترة الاخيرة كثرة سوالف التهريب


ويمكن بعد حيلة خبيثة منهم


عشاان الناس ادبر عمرها لحد مااتفتح المدارس

 

[لمسة إحتراف]

الموضوع عن ترسيم الحدود بين الامارات و سلطنة عمان ( البريمي )

مثل ما يعرف الجميع ان البريمي ولاية عمانية محاذية لمدينة العين

و الكثير يعرف .... و خاصة اهل العين ان رايحين يسوون مركز حدودي بين العين و البريمي

و في ناس عمانيين مساكين يترزقون من سكان العين و احيانا من ابوظبي الي ايروحون للبريمي عشان يشترون الخضار و الفراكه لانها في البريمي ارخص من دولة الامارات و لان كثير من سكان البريمي مزارعين و يسوقون انتاجهم في سوق البريمي و سكان العين يشترون منتجاتهم و اعتقد ان في ناس من سكان العين في لهم مزارع في سلطنة عمان فبتكون في صعوبة في متابعهم لحلالهم.

و اذا سوّو مركز حدودي فيه ضرر لهالمزارعين لان مزارع عماني ما بيشتري من مزارع عماني كل مزارع عنده نفس الانتاج و كلهم يبغون يبيعون انتاجهم انا اضن ان المركز الحدودي القديم الموجود بين العين و عمان يكفي لان اذا حطو مركز ممكن يصير ازدحام كبير و تعطيل للناس و صعوبة التنقل بين الدولتين

فبتكون مضار المركز الحدودي الجديد اكثر من منافعه.

و اذا بيقولون انه بيقلل تسلل الاسيويين فهم مخطئين لان معبر وادي الجزي صعب حد يمر منه و مرور المتسللين من البريمي للعين اسهل منما يتوقعون لان المركز بيكون محاط بغابات و مزارع و سهل التخفي.

ولا شو رايكم؟

و السموحة

 

[لمسة إحتراف]

صح انه المركز له أثر ايجابي من حيث تقليل عدد المتسللين
لاكن

شي مواطنين ساكنين في البريمي (بعض منهم ساكنين باجار بسبب انه الاجار رخيص ف البريمي>>>>>>الله يعينهم

وشي معلمين من العين ساكنين ف البريمي لانه الأجار رخيص>>>>>>الله يعينهم

وشي عمانيين يتشغلون في العين وابوظبي ويوميا يمرون من الحدود(اي واحد يدش الدوله بيدفع30 درهم او 20 درهم).>>>>>>الله يعينهم

أكثر السياح الي ايوون زياره للعين يباتون في فنادق البريمي واستراحاتها( بسبب رخص الأجار) .>>>>>الله يعينهم

الشيخ زايد الله يرحمه كان مانع المركز الحدودي!!!

والسموحه...

 

[لمسة إحتراف]

من قبل كانت حرس الحدود يومياً يزخون .. ما معدله 20 إلى 30 متسلل .. من كل أنواع الجنسيات

وهذيلا ما لهم هدف إلا أنهم يوصلون دبي .. ومن يوصلون .. خلاص .. التأشيرة عندهم من يدبرها لهم

وبعدين الشبك .. قلل وااااااااايد .. من هالأعداد ..

و لو معبر وادي اليزي .. على قولتك .. واليبال العالية ..
ليش كانت قبل اتي هالأعداد .. اما الحين قلّت .. ؟؟؟

أخوي .. هالمعبر الحدودي .. له إيجابيات .. وله سلبيات ..

لكن السلبيات لن تترك .. على حالها .. ( أتوقع ) ..

هناك طرق لحلها .. فأنا سمعت يتكلمون في استوديو واحد عن الهوية ..

وعن أنها هي اللي بتكون الوثيقة اللي تمكن لمواطني مجلس التعاون التنقل بين هالدول ..

 

[لمسة إحتراف]

معلومه!!

الي عنده سياره مب باسمه مايقدر يخطفها من المركز...

 

[لمسة إحتراف]

اولا البريمي والعين كانن كدوله ومنطقه وحده بسبب تقارب العادات بشكل كبير ..

ثانيا ان ثلاثة ارباع البريمي مواطنين اماراتين طبعا باستثناء الناس اللي ينتقلون من عمان داخل الى البريمي ..

ثالثا ان ربع العين كانوا عمانين ومع الوقت اتجنسوا وحصلوا جوازات ومافيه شخص بالبريمي ماله حد من اهله بالعين ولاحتى فيه شخص من العين ماله اهل من البريمي الا قليل ..

رابعا الناس اللي كل يوم سايره وراده عالدوامات واللي تمر بالمركز بشكل يومي هذيل حراام نص راتبهم بيروح حق الرسوم اللي بيدفعونها حق الحدود يعني قرب يكون حالته حال الهنود مايمر الا بهويه او جواز مب ناقص الا اقامه بعد !! >> ويقولون مجلس التعاون ومادري شوه واخرتها يدفعون الخلق رسوم أي تعاون هذا الله يهديهم مادري !!

خامسا تبون الصدج محد متشجع للمركز هذا أبد !!
>> واذا كانوا يبون يحطون مركز على قولتهم للمتسللين بطاقة الهويه تكفي الفلوس يدفعونها ليش يعني بيكتشفون المتسلل انه متسلل اذا مادفع فلوس !! ولايبون يجمعون فلوس المقاول اللي بنى لهم المركز هههههههههه والله حاله ..
الله يرحمك ويغفر لك يازايد ..

 

[قلب الأسد]

تسلمين بصمة بهامي ع المرور

وما امليتمية

ابصراحه تشكرين عليه


ومثل ما قلتو

بتبقى ذكرى وكلمة نترددها

رحمك الله يا ابونا الشيخ زايد

 

[طهر]

السلام عليكمـ ،،

الناس تتكلمـ ،، بس من يسمع

لي كان يطلع الساعه 6 من البيت لدوامه في العين (مدارس ، جامعات ،الخ )

احين اعتقد بيكون قبل الصلاة في الشتاء والساعه 5 في الصيف ..

الله يعين ،،

لا تسبقون الاحداث ،، سبحان الله دايما الانسان يشوف الايجابيات قليلة ،، لكن معناها كبير ..

فانتظروا لي ذلك الوقت .. اذا شي بيفيد عقب الانتظار

السموحه ،،

 

[غريب الدار]

متــــــــابع...

ولا تعليــــــــق لانه قلنا وتكلمنــــــا وايـــــــــد...

وما نقول الا الله يرحمــــــــــــك يا بوخليفــــــــه...

دمتـــــــــــــــم بود...

 

[منوة الروح]

الله يرحمك يا بو خليفه ويغمد رووحك الجنه ان شاء الله



كلام بنت البدوو صح


بنشوووف يمكن يكوون خير لنا
محد يدري شو بيصير بعدين !!

 

[قلب الأسد]

ابصراحه الصورة مؤثرة الله يرحمك ابونا الشيخ زايد

 

[وقباوي]

ابصراحه الصورة مؤثرة الله يرحمك ابونا الشيخ زايد

والله يبقيك يا سلطاننا
((جلالة السطان قابوس بن سعيد المعظم))

 

[السَعيدي]

معلومه!!

الي عنده سياره مب باسمه مايقدر يخطفها من المركز...

بيجدر ان شاء الله بس لازم يعمل توكيل بقيمة ريال واحد من المحكمة في البريمي

يعني اللي عنده سيارة رقم الامارات وهو عماني لازم يعمل هذا التوكيل​

 

[السَعيدي]

السلام عليكم ورحمة الله وبركاته

في بدايت حديثي احب اشكر اخوي ع طرحة الي يدور في اذهان الجميع


واطلعت على مرور الاعضاء وما امليتموه


وبالفعل هالاخبار اكيدة .. بس من مصادر ( الشرطة السلطانية ) ... هناك بعض المحاولات في تعديل هذا القرار

نعم اخوي السلطنة رافظه هذا الشي وهذي هو حال كل مواطن عماني واماراتي بأستثناء الحكومه الاماراتيه هي الوحيده اللي مصره على هذا القرار السيء​

وفي جعبتي الكثير لاذكره في هذه القضية ؟؟؟

وين فالسابق وين الحين

بالفعل صارت حياتنا محيرة

كل يوم نسمع بخبر

كل يوم نتفاجاة باخبار ما تسر

نحن ف السابق انقول كل ما اتجي سنه نتمنا ان الاوضاع تتحسن

بس نتفاجا عكس ذالك

وين فالسابق البريمي والعين .. لا يفصلهم غير مطب ؟؟

وتعالو الحين سين وجيم قبل ما تدخل ؟؟

وين دور الخليج ؟؟

يعني الحين .. اذا طبقون هالمراكز

بتزيد الزحمة

ومن غير الاقتصاد ف البريمي الى راح يتذبذب

الاقتصادر راح ينتعش من جانب
لاتنسى اخوي ان في بعض الناس يسيرون يشترو الاشياء اللي يبونها من العين وهي اصلا موجوده في البريمي بس بعد ما يغلق الحدود وتصير في رسوم وزحمه ... كل واحد منا بيشتري الاشياء اللي يباها من البريمي.

وهنا بتكون الفايده الاولى للتجار​

والله ما ندري منو المسؤول في هالموضوع ومنو انلوووووووووم

نلوم الاشخاص اللي يردو يطبقوا القرار حكومة اخوانا الاماراتيين​

يعني الحين اذا بالفعل هالمركز بيطبقونه

شو الفايدة من المركز الي سوته عمان صوب المطبات ؟؟

اخوي لازم يكون لكل فعل ردة فعل.. السلطنة بعد ما شافت اصرار الحكومه الاماراتيه على القرار ارتئة ظروره عمل مركز لانه ما حلوه بحقها تكون الامارات عامله مركز وهي لا .. لانه مش من المعقول انه الحكومة الاماراتيه هي اللي تنظم الدخول الى ارض السلطنه

يعني لازم نحن نتحكم بمدخلنا​

تعالووووووو نرجع الاحداث السابقة؟؟

تذكرون اول ما سكرو علينا ؟؟

قامت عمان اتسوي المراكز ويشتغلون ليل نهار عليهن

قلنا عيل عمان بتسوي ردت فعل قوية

بس تفاجانا .. بعد ما جهزن المراكز .. ما صار شيء ؟؟

كما ذكرت لك يا خوي ما حلوه الحكومه الاماراتيه تتحكم بمدخل السلطنة . نحن دوله ولها سياستها وحكومتها المستقله يعني المركز يجب ان يكون موجود من جانب عمان.

والسلطنة جزاهم الله خير ما حبو يعملو بلبله وفوضه وزحمة وتفتيش وغيره وماخذين الامور بحكمة.​

لا وعشان يقنعونا .. حولو البريمي الى محافظة ...

بشو يقنعونا ؟؟!!!! يعني لو ما عملوها محافظه راح نهاجر ... طبعا لا ولكن هذا المرسوم السلطاني اعطا البريمي حقها وحسن من وضهعها عن السابق.​

صح من اصبحت محافظة في تغير جذري صار فالبريمي من كل الجوانب ؟؟

ولكن .. السؤال هنا ؟؟

ماذا بعد تطبيق هذه المراكز؟؟

الله يعين .. بس نحن ما نعلم شو راح يصير .. وكذلك نحن نثق بسياسه حكومة الامارات ويمكن هم شايفين شي نحن ما نشوفه.​

يمكن الشارع الجديد صحار البريمي يحل قليل من هالمشكلة ولكن


لا نريد ان نقطع تواصلنا مع دول الخليج ؟؟؟

اخوكم قلب الاسد كان هنا​

اخوي قلب الاسد
ردك لفت انتباهي فحبيت اعلق عليه
واكيد اختلاف الرئي لا يفسد لود القضيه

وهذا مصيرنا الجميع والله يعين​

 

[وقباوي]

ما الهدف من عمل مركز حدودي ؟
لتقليل المتسللين وظبط النظام في الدخول إلى الدولة
ليش ما يكون في مركز عود التوبة هذا النظام؟
لجعل المنفذ الآخر خطم الشكلة وزيادة الإزدحام هناك
ليش عمان ما تفتح المراكز ؟
لا ندري لأن سياسة عمان غامضة
ليش الإمارات سوت هالحدود ؟
لكسر البريمي وجعلها أضعف المناطق وتقدر تفاوض فيها
كيف نستقل بذاتنا ولا نحتاج للعين؟
نسجل أبناءنا في مدارس في البريمي وتوجد مدارس خاصة أيضا
نجعل جميع منتجاتنا من سوق البريمي والأسواق الأخرى
بس الله يعين الموظفين العمانين في أبوظبي والعين
أما من ناحية الضرر فالكل بيتضرر أكثر مصالح تجار العين في البريمي والعكس صحيح​

 

[المشاعر]

السلام عليكم ورحمة الله وبركاته
حبيت أسأل فقط
هل هناك معلومات حول هذا الموضوع وهو إغلاق منفذ عود التوبة
لأن المعلوما التي وصلتنا والتي يتداولهاالناس الأن هو إغلاق منفذ عود التوبة وجعل منفذ خطم الشكلة للوافدين ومنفذ هيلي للخليجيين
هل هنا أخبار جديدة​

صح كلامك هذي اللي صاير .. حاليا