أخواننا الهنود ..

[mixrix]

بسم الله الرحمن الرحيم ..
على ما جااااء من لسااااان صاااحبي :


"" ف البداية حبيت اقووول ... أن كل البشر من آدم وحواء وكلنا نعتبر أخوان بعض ...

وف الحقيقة انا جربت حياة البنغالي اللي يشتغل ف مطعم بتجربة دامت 7 ايام ... من غير مأوى ولا أي شي ..,,

وبصراحة حبيت تكوون التجربة هذي حقيقية .... لدرجة أني كنت محتفظ بمبلغ معين ...عشان اكون ف موقف ذاك البنغالي ..
المهم :
كانت مهمتي البحث عن وظيفة ف السوق ..... ( وظيفة عادية براتب 100 ريال ف الشهر ) ..
6 أيام مضت وف اليوم الاخير حصلت
....
ولكن قبل اليوم هذا كنت انام ف المسجد , واكل خبزتين وشاي ,,,,, ف الصباح .. ""

سؤااالي لكم يا اعضاء المنتدى ..

ليش تعتبر الهندي حاجة اقل منك ..؟؟

وليش ما يعطى الاسيوي حقه من الاحترام ...؟؟؟؟

هل لأنه فقير ..؟؟؟

 

[سِكًـآرِيُبِ]

اخوووي الموضوووع حلووووو.. بس لو صغته بأسلوووبك.. أحسن لأن يمنع المنقووول.. لو تعيييد كتابته قبل لا ينحذف..


لي عووووووده :e025fb6133::e025fb6133:

 

[هيباتيا]

ليش تعتبر الهندي حاجة اقل منك ..؟؟

وليش ما يعطى الاسيوي حقه من الاحترام ...؟؟؟؟

هل لأنه فقير ..؟؟؟

المسألة مسألة العصبية العرقية التي ما زالت مغروسة في النفوس !

لذلك نرى أنفسنا أفضل من غيرننا ... ونسينا إن أكرمنا عند الله الأتقى !

ولكن من يطبقها؟؟؟


شكرا أخي

 

[عليا العلوي]

بالنسبه لى احترم كل الناس...كان مسلم او كافر....هندى او افغاني...لكن في نسبه كبيره من هاذي الفئه ما همها غير لفلوس والنظر على عورات الناس من دون احترام ...وهى خربت على البقيه الباقيه ...شراه كرتون الطماط وحده خربت على الطماط الباجي وما شريتها..والطماط ثمره هشه ناعمه تخترب بسرعه شراه هاذي الفئه ما عندها الوازع الديني

 

[AL W$WAS]

الله يعطيك العافيه...

 

[قيادة حرس الرئاسة]

ليش تعتبر الهندي حاجة اقل منك ..؟؟
امــ غرور ..
وليش ما يعطى الاسيوي حقه من الاحترام ...؟؟؟؟
نظره المجتمع لا تتغير
هل لأنه فقير ..؟؟؟
يمكنــ ..^^لا مب يمكن أكيد ..


...
ميرسي ع الموضوع الرائع ..
​

 

[mixrix]

تسلمون احبائي ع الردووووووووود:65feefa3889db737a61

 

[& ظبية أبوها &]

الاحترام واجب منا تجاه كل شخص سواء عربي او اجنبي
لان اذا نحن ما حترمناهن كيف تبوهم يحترمونا
والسموحة ومشكور ع الموضوع

 

[فنتكـ]

اخوي كاتب الموضوع

لكل شخص احترامه
ولاكن الهندي اذا دزيت له وجه يركب عليك
هاذا ف ياغلبهم بس اذا صارخت عليه يشتغل صح
لانه ايخاف
بس اذا امن منك ما يدز لك وجه

اما الي يحترمو انفسهم فبالتئكيد نحترمهم
وفي اعتقادي الفقر والغنا ماله اي سبب في هاه الشي

وتجربه حلوه الي جربتها انت
منكم نستفيد

 

[»اماراتـ ﮓسرتيم ـيه™«]

ليش تعتبر الهندي حاجة اقل منك ..؟؟

انا ف حياتي ماعتبرت الهندي اقل مني
وليش ما يعطى الاسيوي حقه من الاحترام ...؟؟؟؟

اممم مادري
هل لأنه فقير ..؟؟؟


لا مب عسب جي اكيد في سبب ثاني :7:



ربي لاهانك خيو ع الطرح

 

[المغرم الهاوي]

الهندي احيانا يرفعلك الضغط تقوله يب كذا وسوي كذا تحصله معاند

واذا بعد ديزتله ويه ووايد تحصله برفع صوته وفعالا صارلي هالموقف شخصيا


بس تراه حد من الهنوود تحترمهم وحد منهم تسولف وياهم بس بالاخير هم بشر نصرخ وجي عشان يسون صح ويفهمون الشغل وكل وواحد وضميره عاد


واما بالنسبه لانه فقير مااااعتقد له دخل بالموضوع بصراحه فيه هنود عندهم فلوس

تسلم عالمووضوع الحلو ناااااااايس

 

[بلوشية كريزي]

الهنود وغير الهنود بشر

ولازم معاملتنا لهم تكون محترمه

لأنهم في بلادنا

( عامل الناس مثل ما تحب يعاملوك )

فديتهم والله الهنود

أحس فيهم براءه ( ههههه )

بس ما كلهم طبعآ

.............​

 

[mixrix]

:biglaugh: ههههههه براااءة هااااااه ..!

اهم صح مثل ما قلتوا كلكم يرفعوووون الضغط .... ولكن مع ذلك احس في شي غلط ف عقولنا نحن... لازم نغير تفكيرنا شوي .

 

[شوق العـــامري]

انا اقول اللي شايف عمره وما عايبنه شي يشتغل مكان هالهندي احسن
يالسين يشتغلون فبلادكم ويسون الشغل اللي المفروض نحن نشتغله
كل شي نحصله عالبراد وبطرانين الحين الهندي صارت عنده وطنيه اكثر منا نحن وعن الفلسفه الزايده الناس سواسية
يعني لو سوى شغلك هذا ممتاز واذا ما سووى صار غير عن البشر

من باجر كل واحد يشل مخمه ويخم الشارع واخر الشهر ياخذ الراتب اللي ياخذه الهندي ولا انتوا تتعبوا والهندي مكينه ما تتعب

 

[عسووولة]

انا اقول اللي شايف عمره وما عايبنه شي يشتغل مكان هالهندي احسن
يالسين يشتغلون فبلادكم ويسون الشغل اللي المفروض نحن نشتغله
كل شي نحصله عالبراد وبطرانين الحين الهندي صارت عنده وطنيه اكثر منا نحن وعن الفلسفه الزايده الناس سواسية
يعني لو سوى شغلك هذا ممتاز واذا ما سووى صار غير عن البشر

من باجر كل واحد يشل مخمه ويخم الشارع واخر الشهر ياخذ الراتب اللي ياخذه الهندي ولا انتوا تتعبوا والهندي مكينه ما تتعب

صدجتي يا شوق العامــــــــــــــــــــري ,,,

يا جماعه الخير هذا هندي ,,,هذا الهندي الي ما عجبنكــــــــــم ,,,يشتغل فالشمس وييكرف فهذي البيوت ,,,وف الشوارع ,,,وفوج هذا يخيط الملابس الي تلبسونهن ,,,هع هع بصراحه ما أتخيل حياتنا بدون هنود ,,,

طبعا أنتوا ما تجصروا أذا شوي بس عصب وجال شي أو ما عيبنه الشغله ,,,, عطيتوه شغله ,,,

وكلنا بشر ترا ,,,ونعامل الهندي مثل كل الناس ,,,ماشي فرق أبد ا,,,

خصوصا راعي دكانا بس أدج وأجـــــــــــــــــــول أريد شي ع طووووووووووووول يوصله البيت بدون ما يتذمر ولاشي ,,
هع هع هع هع ,,,

 

[ح ــــميد . . !]

الي مخلي عمره السبوس تلعبه الدياي

وهاا حال الهندي

لو انه مقدر نفسه ما استوى مصخره هني

 

[شوق العـــامري]

شفتي عسووله بذمتج لو وااحد مواطن راعي البلد بييج لين بيتج
البيوت اللي احنا ساكنينها سوها هنود واللي فيه خير يهد البيت ويبنيه مره ثانيه بروحه نحن ما نتضايج اذا حد سوالنا شي او حد من اهلنا صارله شي
عيل كيف اللي فغربته والله يعلم بحال اهله وهو يكرف فالحر والبرد واللبس اللي عليه ما يدفيه
لو ما محتاي ما بيسوي المستحيل وبيي وااايدين عايشين عيشه احسن من عيشتنا فبلادهم
ليش بلادهم فبلادنا كل واحد اشتغل وحصل نصيبه وعايش فبلادنا وملك ومحد يروم يرمس ويقول هذا هندي
انا اللي زعلني بعض الردود اللي مالها معنى يعني وين عايشين ما تشوفوا الواقع

 

[عسووولة]

شفتي عسووله بذمتج لو وااحد مواطن راعي البلد بييج لين بيتج
البيوت اللي احنا ساكنينها سوها هنود واللي فيه خير يهد البيت ويبنيه مره ثانيه بروحه نحن ما نتضايج اذا حد سوالنا شي او حد من اهلنا صارله شي
عيل كيف اللي فغربته والله يعلم بحال اهله وهو يكرف فالحر والبرد واللبس اللي عليه ما يدفيه
لو ما محتاي ما بيسوي المستحيل وبيي وااايدين عايشين عيشه احسن من عيشتنا فبلادهم
ليش بلادهم فبلادنا كل واحد اشتغل وحصل نصيبه وعايش فبلادنا وملك ومحد يروم يرمس ويقول هذا هندي
انا اللي زعلني بعض الردود اللي مالها معنى يعني وين عايشين ما تشوفوا الواقع

كلامج سليم يا شوق العامـــــــــــــــــــــــــــــــــــري ,,,بس منو يسمعنا ؟؟؟؟


أسعدني كلامج الطيب خيتو ,,,


:ba93::ba93::ba93::ba93:

 

[mixrix]

شوق العامـــــــــــــــــــــــــــــــــــري &|عسووولة

بالضبط هذا الكلام الصحيح ... ولو مثلا طرحنا سؤاااال للي يعااارضون والسؤال هو :

ترضى تشتغل ف شيشة البترول ؟؟؟؟؟؟؟؟؟؟؟


أريد اجابات مقنعة من اللي عااارضو .

 

[Jύsт sмιℓε]

صح كلاامك أخووي واحناا كلنااا عياال آدم وحوااء
قال الرسول (صلى الله عليه وسلم)"لا فرق بين عربي وأعجمي إلا بالتقوى"
موضووووووووع يحناااج النقاااش
يسلمو ع الطرح