عيد سبيشل،
قبل العيد بيوم ، فبيت بوسنيده ~
أنا: "فراوله وطماطه نامو عندي اليوم" ~> ماعرفت شسميهم -_-"
طماطه: "ليش؟"
أنا: "بس :1eye:"
فراوله: "عيل بسير أخبر أمي"
----
المهم أنا رحت الصاله حقتهم الي تحت ويلست احمل روايه من النت~
نزلت خالوه قالت: "سبيشل تخافي؟"
قلتلها: "هيييييييييه :biglaugh:"
قالت: "خلاص شليهم عندج"
---
أنا مش خوافه بس صدق غرفة الضيوف حقتهم فيها اصوات غريبه -_-" ،
---
الموهيم بالغصب رقّدتهم ،
كل مره يقولولي اقريلنا قصه -_-"
آخر شي شليتهم وحده وحده وفريتهم عالسرير ~
---
يوم رقدو يلست اقرا الروايه ~> متفيقه =_= ,,
ورقدت الساعه 1 نص الليل ~
---
ما مدالي ارقد ، كل مره القى ريول فويهي ومدري شو ،
آخر شي سحبت مخدتي ورقدت فالارض ~
---
اليوم الثاني /
خالتي: بعدكم نايمين
، قومو اليوم عيد !
---
لبست ثوب العيد ، فصطان ، كلنا كنا لابسين فساتين مدري شو حل علينا !
كان القميص حقه يضحك ، وقمت ولبست جاكيت فوقه ~> فهالحر !!
وحطيت كحل طشونه ، وقلت بتعدل عند شادو يوم نروح بيتهم ~
---
طلعت من الغرفه على التكبير : الله أكبر الله أكبر الله أكبر ، لا اله الا الله ~
أول عيد أقوم فيه متأخره ،
يعني طبعا عمي ما واحيت أسلم عليه :imuae59: ~
---
البيت كان فاضي محد فيه من الاولاد ~
قمت اتمشى فالممرات والخدامات كل مايشوفوني يقولولي: عيد مبارك ،
أقولهم : عطووني عيديه :biglaugh: ~> ماشي اتكيت !
---
بما انه ماشي اولاد فالبيت، وخالتي مشغوله مادريبها شو تسوي،
يعني محد ياي يودينا بيت شادو ~
يلست اقراا الروايه :biglaugh: ،
---
ياتني خالوه، "سبيشل سيري عدلي السياره الين ما اتجهز"
"أوووك :gd:" ~> باثفندر، لازم تسوقها هه
---
ركبن الخدامات ورا ، وفراوله وطماطه احتلن الكرسي الي قدام ~> صدق ماعندهن اتكيت،،
أنا: "حوو نزلو امكم بتركب هنيه"
طماطه: "لا تسوقي انتي، خلي امي تسوق"
أنا: " افاا -_-' "
فراوله: "ابوي مايريد حد يسوق سيارته بدون ليسن!"
أنا: "منو أمس ودانا البيت الثاني؟"
طماطه: "سيف"
أنا: "سيف عنده ليسن؟"
طماطه: "لأ"
أنا: "عيل جب"
---
نزلت خالتي وهي تتكلم فالتلفون،
يوم وصلت عند السياره خلصت مكالمتها وقالتلي،
"أنا بسوق أحمد يبا يرد البيت بنوصله"
~> يعني الحين احمد يمشي يبا يرد البيت ومب متفيق يمشي يبا حد يوصله ~> فهمتو؟
المهم عقيت عمري ورا، والبنات بدون محد يخبرهن نطن ورا ~> من الخوف :badboy:
فالحلقه الاخيره احمد ماركب ويانا، ليتني ساقيت -_-"
---
يوم وصلنا سرت سييييييييده فوق ،
استقبلوني الاطفالين بضحكاتهم ~
بسبب الفستان أونه شكله شجره -_-"
---
يلست ادور شادو
ويوم شفتها بروحي يلست اضحك
صدق شكلها شجره :ea7c3893b48cfc59205
---
يلست شادو تطالع دراما عاللابتوب ~> متفيقه
أنا: "عطيني الحلقات" ~> مب توها تقول متفيقه
شادو: "خذيهم من عند شامس انا مشغوله"
---
رحت عند شامس، وماطاعت تعطيني الهاردسك حقها،
الين ما تفاوضت وياها وخذت هاردسكي المليء بالاسرار وخذيت هاردسكها
عاد شامس مابتقصر كل شي بتشوفه -_-" ، الله يستر ~
---
يلسنا نطالع الدراما والناس تحت معيدين ~
نازعونا ونزلنا،
لقينا وايد ناس،
بس محد منهم عطاني عيديه،
لقيت ابوي يوزع فلوس
رحت وصفيت طابور
وعطاني ريال شفته بنص عين وابتسم وعطاني خمس -_-" ،
واول ماراح ابوي الكل هجم علي، "يالعمانيه بنعطيج ريال عطينا عشر" ~> :m39b2:
----
وصلت عموه المياصه وكلنا هجمنا ع حمدان فوديته ~ (ولدها الجميل)
بعدين فريناه عند الصغاريه وصرقنا الكيمرا حقت عموتي،
ويلسنا نصور صور جميله،
---
بعد ماخلصنا الحلاوه الي فالصاله ردينا فوق نطالع الدراما ~> ادمااان
ياتنا بنت عموتي وقالت "متى تفتحو الصالون؟"
قلنالها بابتسامه: "الحييييين :013:"
وعاد يلسنا نحط وايد اشياءات فويهنا صرنا كليوبترات//
شعشبونه وشامس حطولهم لحيه بالكحال وشنب،
طلعو اولاد وسيمين ههههه،
شعشبونه صدق تشبه بادي ارهابي -_-"
شامس تشبه الشحاتين ~> بتصفع :=D:
---
بعد ما استوينا سحر، سرنا تحت
الا واشوف الكل يرابع فالبيت
الي تدو نعالها والي تدور عباتها
أنا: "وين رايحين؟"
"نزور شسمهم"
أنا: "بسيييير"
واستويت كماهم ادور نعالتي وعباتي،
لكني يوم طلعت لقيت عمي قدامي،
يلس يطالعني وقالي بصوته الي مخلص: "شو مسويه بويهج؟"
ضحكتله وشردت :asd:،
---
في السياره
أم شادو: "خبرتيها شادو انج رحتي؟"
أنا: "لأ"
وجان كلهم يقولولي ياويلج منها ~> -_-"
---
رحنا وايد بيوت
وسلمنا ع وايد ناس
وردينا عند شعشبونه وشادو الي ماراحو ويانا
ويلسو ينازعوني لانهم يلسو يربو اخوي
والله ماحلفت عليهم يربوه -_-"
---
يلسنا عالماسنجر
نرمس شمآ علوش،
راوتنا ثورها الي تقول عنه جميل
مب جميل ولا هم يحزنون ~> هههههههه بتصفعني
شعشبونه نطت مادريبها من وين وقالت حيلووو، ووسيم
:999:
---
فالليل قالتلي شادو: "باتي عندنا :cm: !"
أنا: "ملابسي فبيت العم~"
قالت: "انزين سيري ييبيهم وخلي رشود يردج، :1eye:"
أنا: "هيه عشان يذبحوني عمومتج"
هي: "تراهم عمومتج انتي بعد على فكره -_-"
أنا: "يوه، كنت بقول حق سيف يوصلني، بس يقولون عمي نازعه لانه ساق بدون ليسن"
فراوله [دخلت عرض]: "خلي حجي اييبج!"
أنا: "مابا اركب عنده بروحي بيختطفني هع"
---
فالنهايه شليت شادو وشامس وياي بيت العم، ~> رهائن، عسب بعدين يطرشولهم حد يشلهم وانا اسير وياهم
أول ماوصلنا لقينا البيت كله أولادين،
ولقينا بادي ارهابي وابتسمنا ابتسامة النصر،
هو بيرجعنا البيت دامه صارق الستيشن~
---
جهزت شنطتي وكل شي ~> رايحه تسافر
ترا البيتين عدال بعض -_-"
بس شنسوي يوم ماشي مواصلات
ولو رحنا مشي بيقتلونا !
---
طلعنا بره، جوّ البيت مب حلو كله اولاد -_-"
يلسنا فالخيمه نطالع كراميش وساسوكي كل مره يبدل القناه يوم تعيبنا ~> غياااظ :Bored_Whackin:
فراوله وشامس دخلو علينا فجأه هم ويقولو: "شفنا ريال نزل عند بيتنا وسكر الليتات اللي عدال الباب الرئيسي :914:"
عاد نحن يلسنا نتمصخر
"يمكن يبانا نقتصد في الكهرباء"
"يمكن ياي يخطب سبيشل" ~> شدخلني -__-"
أنا: "اذا وسيم هيه اباه" ~> ماشيه عالدور :aa_france2:
ماواحيت اخلص الجمله الا واشوفهم يطلعو من الخيمه ويقولو بصوت عالي
"
انت ياي تخطب سبيشل؟؟"
فشششششششله من الخاطر :dead:
عاد انا ماعرفت شو اسوي يلست اطالعهم كذيه :7:
وبعدين ياتني شامس تقول: "شكله يشتغل، عنده سياره، يعني عنده فلوس، وواقف يوم نكلمه مايرد علينا، شكله رزين.... والخ" ~> يالسه تخطبلي الاخت
أنا: "مواطن؟"
فراوله: "هييه شفته لابس ابيض"
شامس: "يالغبيه هذاك قميصه"
أنا: ":74:"
---
الا ويطلع رشود من البيت
وكلنا قلنا: "ربيييع رشود"
شادو يلست تضحك علي طالعتها بنص عين وسكتت :17:
---
الكل اختفى بقينا انا وشادو فالصاله،
ساسوكي مادريبه وين اختفى، ولا البنات
ويلست اقول حق شادو: "فشششله :cute:,"
شادو: "عادي لو خطبج شامس تقول عنده فلووس"
أنا: "لااه؟"
---
بعد مده ردولنا البنات وهن طايحات عالارض من الضحك،
"طلع راعي المطعم وبدال مايدق الجرس سكر الليت بالغلط" :503601dbefe7863c5f6
// ومن الجهة الأخرى
ردلنا ساسوكي وهو يقول: "فالبيت أحمد ورشود وسيف وعبادي وسعيد، ههههه أكيد سمعو ربشتكم وهبلكم"
أنا: ":182fd25f9b06446ba41"
---
ردينا البيت وبدال مانرقد يلسنا نطالع الدراما ،
ورقدنا متأخرين :999: ~
---
خلص أول يوم :batman:
