لعبة علمية

[مبدعة]

السلام عليكم
عندي حقكم اقتراح ........ شو رايكم نلعب لعبة علمية فيها تطوير للشخصية؟؟
اي شغلة ف بالك ؟؟

 

[نملة متحنية]

نايس خيتوو بصرراحة .."

نتريااا رراي الاعضااء ..؟

 

[شووق قطر]

فكره حلوه بس يآريت لو توضحين لهم آكثر شلوون تكون الطريقه

وان شآء آلله نجوف تفآعل

 

[مبدعة]

حد فيكم يبتدي ف مشكلة واقعية عاشها وله سمعبها ؟؟
ونشاركه فيها آخر مشارك نوقف عنده يعرض هو مشكلة 2 ؟

 

[ملاذ الطير]

فكره جميلة لكن نتمنى توضيح قواعد اللعبة حتى يستمتع بها الجميع

تقبل أرق تحياتي

 

[مبدعة]

خلاص أنا ببتدي وياكم
فيني سلبية اممممممممم
ادرس واحضر واراجع واحس اني فاهمه المقرر حتى اشرح حق ربيعاتي بس ف الكلاس تنقصني الجرأة والخوف وحاولت جذا مرة لنه الكلاس في شباب ؟؟؟؟؟

 

[غزلان البريمي]

اهاااااااا
جي السالفه
اووووووووك انزين وكيف رح نطور من شخصيتنا عقب ؟؟؟!!!:ax:

 

[قطوة البريمي]

مممممم يمكن نفس مشكلة ربيعتي لانها واايد تستحي

عن نفسي استحي بعد بس مب لدرجة اني ما اشارك ف الكلاس

ما علي منهم .. خلج واثقه من نفسج وحاولي شوي شوي تتجرأين


.. عندي ربيعه جيه كانت تستحي واااايد واايد بس ف البزنتيشن انصدمنا منها يتها جرأه غريبه

الشباب حتى ضحكو عليها حرام لانهم اول مرع يشوفونها جيه ..
فلا تخليلهم المجال انهم يطنزون عليج

بالعكس يوم بيشوفونج جيه احس اكثر بيتمون يطالعونج وبتستحين زوود ...

انا صح استحي منهم بس الحمدلله ف كليتنا ماشي شباب يعني بس ف ستنتنا 6 شباب وفيه واحد بس ف كل كلاساتي ف تعودنا عليه ما صرت استحي واايد منه ..

لانه الاساتذه يجبرونا نكلمهم

 

[مبدعة]

مشكوره فديتج قطوة البريمي كلامج حلو ..
احينه شورايج اطرحين مشكلتج:47:

 

[قمــــ كلهم ــــرهم]

خلي نفسج واثقه منها لا تخونينها وتذلينها بس عليج تشجعين وتقولين في نفسج ثبت لليميع انج الاميز وشدي الهمة وكانجما تشوفي حد قداااااااااااااااااااامج ... حفزي بس نفسج وكووني الافضلية من بين الكلاس وتوكلي على الله وحفزي نفسج بعبارات التفاؤل قولي بنجح وبياوب وبيكون صح وجي ... اتمنالج التطوير والتميز.. وقولي ربي معاي وما بيفشلني يعني خلي ظنج حسن بالله قولي ما دام ربي معاي بتوفق ولا بفشل .. اتمنالج التوفيق ولليميع :icon_smile_eyebrows

ثاااااااااانيكوووووووووه ي وووووووووووووووووه يوووووووووووووووووووووووووه

 

[رهييب]

البرزنتيشن والمشاركه اثناء المحاضره هي فن يجب ان يتقنه الطالب...

من نصائحي خلي جروب الشباب عباره عن عدو استراتيجي هههه.... ه1ا العداء المفروض يعطيك طاقه للإنطلاق بإيجابيه نحو الامام والتميز.

عطي نفسك ثقه وشاركي واذا فيه واحد طايش من الشباب ظل يتضحك خبريه ان مب فسوق السمك بدون ما تستحي لان المفروض جاي يدرس مب معلق او ناقد... وانت ما جالسه تنكتي.

اهم شي تسوي برزنتيشن من انشائك مب كوبي بيست بحيث تكون مميزه وصدقيني بتحصلي ثناء من الدكتور .

كنت استحي من شي اسمه بنات فالصف الين ضربتني عصبه من كثر ما منكس راسي... بعدين قلت فنفسي هذي الحاله ما تصرف... بدأت أشارك واحضر دروسي اول بأول ,اجهز قائمة اسئله للدكتور اسأله عنهن فالمحاضرة وبعدها كل الدكاتره بدو يحترموني ويشجعوني واول ما يسألو سؤال يقولو هالسؤال للكل بإستثناء فلان لان تميت الدكتور ما ينطق السؤال والا انا عاطنه الجواب .... حسيت بثقه كبيره فنفسي بعدها رشحوني الدكاتره كافضل طالب مجتهد والحمد لله...
​

 

[مبدعة]

رهيب ماشالله عليك طالب مجنهد
مشكوووور ع التعاون
شو رايك رهيب تظرحلنا أي مشكلة ثانية .؟

 

[مبدعة]

سوري تطرحلنا
فيوزات عفب الدوام خخخخخ:angel: