+][ يًٍَُوًَمًٍُ فًَُِيًًُِ حًًٍُيًَُاُةًًُِ عًٍَُضًًًُوًًٍََ ][+.

[مايستاهل وفاي]

اختار ريانة العود

سوررررررري عالتأخير

 

[سجين القلم]

لا عادي اختي

وراح نترقب الاخت ريانة العود

ونترقب يومها بفارغ الصبر والصراحه

فرحان انه موضوعي يلاقي اقبال منكم ​

 

[شيخة المزايين]

اعتقد الاخت ؤيانة بتاخر عليكم شوي لانهااا مشغولة هالاياااام

تقبلوا مروري

بس ما علية نتريااااهااا

 

[ᗩl - ᗰaha]

السلامـ عليكمـ ورحمــة اللــه وبركــاتهـ...

بالأول أشكركـ أخوي نــايف ع الموضووع النايس .....

ثانيا..مثل ما قالت أختي شيخة المزايين إنــي مشغووله شوي هالايــامـ...ظرووف الدراســهـ..

على العمووم لي عوده قريبه ان شاء الله .... وبكتبلكم ان شاء الله يومياتي...​

 

[أم أحمـد]

نظراا لإنشغال اختناا ريانه العود


تم اختيااار بنت البريمي


لحين عودتها وابلاغي باستعدادها للمشاركه


في انتظار

بنت البريمي لسرد يوم من حياتها

احترامي

سويرة

 

[ᗩl - ᗰaha]

شحـــالكمـ؟؟؟؟

عســاكمـ طيبــبن..؟؟؟؟


سمحــولي على التأخـير....(كالعــــاده ظروووف دراســهـ..)........طبعــا حبــيت أختــار لكمـ يوم الخميــس...بتــاريخ 5/6/2008... لان هذا اليــوم كــان شوي حــافل بالمغامــرات..خخخخخخخ


تــــــرن تــــــرن..طبعـا صووت المنبه الســاعه أربــع ونص الفجــر ...عسب نقـوم حج الصلاه....المهــم صليت وعلى طـول رجعــت..للرجــــاد..خخخخخخ....وبعديــن قمــت الســاعهـ..إممممممممم..تسعهـ....ايـه تقريبــا كذا تسعـهـ وخمــس....ههههههه....ما في فــرق......وطبعــا العــادات اليوميــه....مــا بعد النــومـ....و و و و و


على الســاعهـ تســع ونص..رحت أتريــق...توســت وجبن..مع كــوب شــاي....إممممممممم....وبعد مــا خلصت فريــت شوي على الـTV ....طبعــا بندتــه على طـــول مثل مــا تعــرفوون مب من حلات البرامــج الصبــح....

المهــــم....وأنــا متــردده إنــي أسيــر حذال كتبــي....ياللــه بالستــر...مسكــت واحــد منهــم...وقمت أفــر فيه فــر..عــاد شو مــا أقولكــم..أنــا مقطعــه الكتب مذاكــر..خخخخخخخخ..يلست أذاكــر لحــد صلاة الظهــر قمت أصلي...وبعدين تدرزززن تجهــيزات الغداء.....عــاد شو كــان غدانــا..إممممممممم..ايه تذكــرت مكبــوس سمكـ... واللــه لذيذ....خلصت متغديــه..وتعرفوون...بعد الغداء تجتمــع العــايلهـ.....ويشربوون شـــاي...مثل مــا يقــول أبــوبه..شــــاي سليمــاني...ههههـ....


وشوي سوالف من هنــا وهنــاك مع الاهــل..إلا وأخــوي يقــرر إن بعد صلاة المغــرب نرووح الفجيــره..وشووو عـــاد طــرت من الفــرح..تدروون ظروووف الدراســهـ..خخخخخ(أدري هلكتكــم من كثر مــا أقــول ظرووف الدراســه...)... المهــم.....صلينــا العصــر وشوي فريــت..على الـ TV ...

وبعديــن قمــت أتجهــز حج الطلعـهـ...إلا هذا أخــوي ويصدمنــي وقــال مــا نقــدر نــروح..عندي صدااع ومــا أقدر أســوق السيــاره..(شووفووا دلــع الشباب)....هههههـ...وأونــه عند المركــز زحمــهـ....يوم الخميس الامــاراتيين طالعييــن إجــازه....طبعــا لمــا تأجلت رحلــة الفجيــره ...تمـ تغيير الرحلــه الى اللــولو...والسنتــر بويــنت..خخخخخخخخ( من الفجيــره حج السنتــر)...


المهــم رحت السنتــر..وأول مــا دخلــت طــاحت عيني في عيــن بنات خــالي...واااااااي كنــت بصــرخ من الفرحــهـ..مــا شايفتنهــم من شهريــن....وعلى طــول رحت عندهــم ..(طبعــا سوينــا فلــم هندي من كثــر مــا نسلمـ على بعض)..خخخخخخ......ونكمــل الرحــله...تمشيت شوي وشفت أخــر الصرعــات..).....وإلا وأنا وخــوتي نتمشــا وشفت بنت بنت عمـ أمــايه وسلمت عليهــا وقالتلي "هـا مــا شاء الله حبوبهـ تتمشين ..قلتلهــا ايه واللــهـ..يــايهـ أشووف أخــر الصرعــات..وضحكــت علي قــالت أخــر الصرعــات وإلا لان اليــو أخــر يوم للتنزيلات..واللــه طاح ويهــي..مــا كنت أعــرف إن في تنزيلات...هههههههههه على العمــومـ.... خلصنــا من السنتــر...

وتعبــت ومــا فيني حيــله أرووح اللولو...رديت البيت...صليت العشاء ..... وتعشيت لو إن الوقــت شوي متأخــر مب واايد.... وبعديــن فرفرت شوي على الكتــب(مجتهــده)....وجيت على المنتدى أشــوف شو أخــر أخبــاره....نزلــت شوية مواضــع...ورديــت على شوية مواضيــع....كنت تعبــانهـ..خخخخخخخ...

وفي أخــر اليووم ..صليــت الوتــر..وقريــت قــرآن..ودعيت اللــه..يوفقنــا في الدراســهـ...قولوا آميـــن....

ياللــه..إن شاء اللــه عجبكمـ ........


على العمــومـ...بنــاء على طلب جســوم..إن يريــد يشــاركـ..راح أعطيه الفرصهـ...


تحيــاتي لكمـ..

أختكــم ريــانة العـــود....​

 

[أم أحمـد]

تسلمين الغاليه ريانه العوود

ونحن في اننتظاار


جسووم او بنت البريمي

^_^

احترامي

سويرة

 

[● مسـگـيـטּ قلبـيـﮯ●]

اوووويه وواااايد حلوو
المووضوع عيبنيه يلا نترياا
جسووم ولا بنت البررررريمي

 

[أم أحمـد]

اشكر الجميع على التعاون

وتسلمين شيخه

وان شااء الله نشووف يومج


احترامي

سويرة

 

[amoor]

جسوم مشغول هل ايام وانشاءالله من يفضئ راح يرجعلكم ..

 

[شيخة المزايين]

بنتظااار جسووووووووووم

 

[بنت البريمي]

بسم الله الرحمن الرحيم ..

الدور طاح علي هالمرة الله يعين ههههه .. لا تضحكون علي وايد بخبركم يوم ما أنساه هن كم يوم مرن علي ما أنساهن بس أنا بخبركم يوم يكفي خخخ .. نبدأ :

الله يسلمكم السنة الماضية كان عندي امتحان والمادة يبالها يعني والدكتور اللي يدرسنا شوي عصبي ... انزين كان اليوم يوم الاثنين أضني وهو يوم الامتحان قمت الفجر وصليت عقب رديت أرقد لحد 7:30 وبعدني بغصب لحد ما أقوم الله يعين بنات حجرتنا خخخ ( تراني أسكن سكن ) لأنه الكلية مب فالبريمي ( متغربة حليلي ) ههههه ..

قمت وتجهزت وعقب روحنا المحاضرة ( كالعادة دووم ندخل أنا وربيعتي متأخرين شوووية ) بس الحمدلله ما يهزبونا .. بس الحين اصطلبنا هاي السنة نروح قبل الوقت خخخ ..

المهم دخلنا المحاضرة الأولى وانتهت على خير وطبعا دايما بعد المحاضرة الأولى لازم نروح الكافتيريا أنا وبنات الجروب نتريق شوي لأنه المحاضرة اللي عقبها بيكون الامتحان ..

المهم خلصنا متريقين اووه صح تريقت دونات وحليب ( لازم نشري حليب عشان الامتحان) .. المهم روحنا قبل الوقت بشوية ودشينا القاعة ويلسنا نتريا الدكتور ..كان وقت الامتحان الساعة عشر .. المهم يانا الدكتور ووزعلنا الأوراق وبدينا نحل .. الله لا رواكم الامتحان صعب وطوووويل يباله وقت وهوه حضرته قالنا ماشي عندكم الا ساعة وربع واستوت حشرة ف القاعة ( حد يقول دكتور ما عرفنا نحل هالسؤال وحد دكتور الوقت ما يكفي وحد دكتور زيدنا وقت وحد من الصوب الثاني دكتور شو هالرمز ما فهمته وأنا رااااسي افتر من الحشرة ما عرفت أحل )

انزين الله يسلمكم عصب الدكتور وقالنا بالمصري ( اللي عاوز يخرج يخرج وحجيبلكو امتحان تاني الأسبوع الجاي مش حتقدروا تحطوا ايديكوا فيه ) عاد نحن متنا من الخوف قلنا شو نسوي يا ربي ..

أول واحد تشجع وطلع واحد من الشباب شفناه معصب وطالع ..

بعدين البنات لفن صوبي قالن شو رايج نطلع والا شو .. وأنا بعد كنت مترددة عقب قلنا نطلع وطلعنا البنات كلنا الوحدة ورى الثانية نسلم الورقة حق الدكتور .. المهم الشباب يوم شافونا طلعنا نفس الشيء هم طلعوا من القاعة .. ما أضني حد بقى الا ثلاثة أولاد بقوا صامدين وما طلعوا من الامتحان والدكتور حضرته عطاهم الوقت كااامل خخخخخ ..

ما أدري كيف ياتنا الشجاعة وطلعنا من الامتحان ( صدج قواة عين فينا ) خخخ بس يستاهل محد قاله اييبلنا امتحان صعب لو ما طلعنا بنرسب اضني خخخ ..

انزين عقب وصلنا الخبر انه الدكتور شرخ أوراقنا وحطهن هناك ...المهم روحنا المحاضرة اللي بعدها وعقب خلصنا وروحنا السكن .. اوووه صح قبل خطفنا ع الكافتيريا واشترينا غداء وعقب رجعنا السكن ..

انزين دخلنا حجرتنا وخبرنا ربعنا ف الحجرة عن سالفتنا وضحكن علينا قالن كيف قدرتن تسونها حشى مقواكن قلنا عادي خخخخ تراه بيعيد الامتحان ..

المهم تغدينا وصلينا الظهر وعقب رقدنا لحد العصر وبعدين ( صلاة العصر ) ويلسنا العصر طبعا ما نسوي شيء سوالف ويا البنات وإذا شيء شغل سويناه .. المهم بعدين صلينا المغرب وطلعنا عند وحدة من ربعاتنا من الجروب ويلسنا نستذكر سالفة الامتحان وسوالف وتجمعنا نحن بنات الجروب بس مب كلنا المهم تمينا نحوط ف السكن بس جيه ( قلة شغل ) هههههه ..كالعادة روحنا الكافتيريا واشترينا عشى وتعشينا ف مكان حلوو عندا ف السكن .. المهم يات الساعة 11 أضني ما أدري بالضبط الساعة كم ويلسنا فقلنا بما أنه الدكتور مشرخ أوراقنا شرايكن بنات نروح الكلية محد فيها الحين ( طبعا السكن ملاصق الكلية باب واحد بين السكن والكلية) روحنا الكلية بلواسينا ( أحلى شيء) خخخخخخخ وشلينا الأوراق المشرخة ورجعنا السكن ( تقولوا لصوص) أعوذ بالله ما أدري شو مودنا هذا الوقت خخخخ

اووه صح كنا أنا وثنتين من ربايعي .. المهم يلسنا نجمع الأوراق مع بعضها وضحكنا الصراحة على أوراق الأولاد ( حالين بس ما أدري شو مظهرنهم ) يمكن غاروا منا خخخخخخخ ..

والبنات يخطفن علينا ويشوفنا ومستغربات يقولن شو فيهن هذلاء ( متخبلات مجمعات أجزاء الأوراق المقطعة ) ههههههه .. المهم عقينا الأوراق ف الزبالة ..ورجعنا حجرنا ورقدنا طبعا لازم نسوي اندومي قبل ما نرقد خخخخ
ورقدنا كالعادة متأخرين ..


.وتوتة توتة خلصت الحتوتة .


ع فكرة الدكتور عاد الامتحان حقنا ف الأسيوع اللي بعده وكان عادي صح فيه صعوبة شوي بس أقل صعوبة من الأول ...


وسلااااامتكم ..شو رايكم
atch_balon:

 

[أم أحمـد]

الله يسلمج بنوته ما قصرتي بس ما اخترتي حد بعدج


احترامي


سويرة

 

[بنت البريمي]

هيه صح نسيت بختااااااااار بعدي :



المحيط الهادي ..

 

[أم أحمـد]

في انتظاار المحيط الهادي

^_^


احترامي


سويرة

 

[● مسـگـيـטּ قلبـيـﮯ●]

اووووووووووووووويه
صدق قوووووووووياااااااااااااات
لا وويطلعن من الامتحاااااااااااااااان
بعد لوو مكانكن بيلس اصييح ههههههه يوم اايي
الامتحاان صعب وماعرف احله لازم اصيح هههههههههه

 

[أم أحمـد]

اونه بصيح

ظهرتي صياحه ههههههه

تسلمين على المرور


وفي انتظار المحيط الهادي

احترامي


سويرة

 

[ღ أ”أ£أ¦أژ ღ]

وينه هذا محيطكم خخخخخخخخخخخ

 

[بنت البريمي]

اووووووووووووووويه
صدق قوووووووووياااااااااااااات
لا وويطلعن من الامتحاااااااااااااااان
بعد لوو مكانكن بيلس اصييح ههههههه يوم اايي
الامتحاان صعب وماعرف احله لازم اصيح هههههههههه

هههههه .. عادي يوم الكل طلع مب بروحي ... عيل تبيني أصيح جدامهم فضييييييييييحة جيه أنا مب صغيرة ف المدرسة هع هع هع ..أيام أول كنت أصيح الحين كبرنا أونا ..atch_rir:atch_rir:

 

[منوة الروح]

هههههههه

تفاعل حلووو

يلا نحن فأنتظار المحيط الهاااااادي
اكيد يومه اعصاااار هههههههه