هلا اشحالكم حبيت اراويكم طريقتي في عمل الفطاير
والعجينه بس خلال 10 دقائق لا غير ومضمونه مني لكم
جربوها بصراحة حلوة وايد وبتعجبكم
بدل ساعة او اكثر تخلصونها في 10 دقايق
نبدء باسم الله
المقادير :
طبعا تنقسمين لمرحلتين :
المرحلة الاولى :
2 كوب طحين - فنجان سكر - رشة ملح - 2 ملعقة كبيرة مليانه حليب بودرة - 2 ملعقة كبيرة مليانه خميرة فوريه - 2 كوب ماء دافى
تخلط مع بعض
بعد ما خلطتوها بتكون سائلة نتركها 10 دقايق وتغطونها
( حطوها في مكان دافئ احسن )
بعد مرور 10 دقائق نضيف عليها (3 أكواب طحين - ونصف كوب زيت ) يعني المجموع صار خمس اكواب
ونعجنها بالخلاط او باليد وأحسن تحطينها على سطح سميك علشان تعجنينها
العجينه بتمسك في اليد بس من كثرة العجن تصير حلوة ( لا تحطون عليها زيت او طحين )
الحين نبدء التطبيق أنا قسمت العجينه نصفين قسم للاقماع وقسم للبيتزاء
هنيه للاقماع نفرد قسم من العجينه ونقطعه مثل الصورة
ندهن القمع بالزيت قبل وضع العجينه عليه
وهنيه نلفها
وهذا القسم الثاني من العجينه للبتزاء
نحط كتشب ثم حشوة البيتزاء ( فلفل - زيتون - طماطم - فطر - جبن موزريلا ) هذا بنسبة للبتزاء
إما بالنسبة للاقماع ندهنها بالبيض
وهذي النتيجة
نحشي الاقماع باي حشوة تحبونها ( لبنه وزيتون - جبن وزعتر - حشوة دجاج وميونيز ) أي شي تحبونه
وبصحة وعافيه
جربوها وخبروني النتيجة
وبالتوفيق لكم
![•¦[محمد السعدي]¦•](/vb/data/avatars/m/3/3994.jpg?1455351284){kind=avatar}