انخطبت باركوا لي

[مجروحة المشاعر]

انخطبت باركوا لي




يالله ابي اسمع التهاني




منو راح يهنيني




اكيد بتقولون الموضوع ف القسم الغلط :h035:





انا وفي وايد بنات مثلي



يكون في شخص ف قلبنا و ننخطب لشخص ثاني


واذا رفضنا شو يكون السبب؟؟

طبعا الاهل مستحيل يقتنعون انه بنتهم يكون ف قلبها واحد


احين اذا كنت انا و هالشخص الي ف قلبي متفاهمين ومتفقين ع كل شي

بس باقي اشياء يبي لها وقت مب طويل

وكل شخص عنده ظروفه

واكيد اكثر الشباب فاهمين وعارفين بعضهم

حد بيقول انه اهو يلعب عليج

بس بامانه كم واحد كان يحب وحدة وتزوجت عنه

هالشي دايم يصير

بس نحن البنات ما نقدر نقول شي

ولو قلنا لا كلام الناس ما يرحم

انا ما يهمني كلام الناس بس الي يهمني ما اطيح سمعت اهلي

وابي ارفع روسهم

*******************
سؤالي:

شو الحل؟

ما نحب؟والا نطلع عن شو اهلنا؟:nocomennt:

 

[بلوشية كريزي]

موضوعك حلو ..


شوفي حبيبتي

إذا طلعت البنت عن شورهم .. قالوا عقوق

وإذا أخذت بشورهم وهي تفكر بـ حبيبها .. راح تتعذب و تظلم إلي بتاخذه

...............

تجلس بدون زواجأحسن لحد ما ربنا يفرجهاااا



تقبلي مروري​

 

[جامعية]

مرحبا


اني اقولج لا تحبين فصعبة لان الانسان مايتحكم بمشاعره ..بس من البداية اذا تعرفين بمجرد البنت تحس بمشاعر صوب الشخص الثاني لازم تحكم عقلها ... هالانسان يصلح لي؟؟؟ اهلي بيوافقون؟؟؟ شو عيوبه ؟؟؟ شو مزاياه؟؟؟

وصدقيني بتكون حطت نفسها ف موقف صعب وايد اذا هاند اهلها لان الاهل عزوة اذا فيوم صار لج شي بيكونون سندج ومابيتخلون عنج لكن لو طلعتي عن شورهم لو شو مايصير مابيهمهم ..

والاهل ناس عاشو الحياة وعروفها زين وعرفوا معادن الناس واكيد دايما يدورن الاحسن لعيالهم خصوصا البنات يعرفوهن ضعيفات وبسرعة ينكسرن فيتنقولهن الريال الحشيم اللي يصونهن ... ومايرفضون الا لسبب مقنع اللهم في حالات نادرة وهالحالات يتراجعون او مع الوقت يقتنعون بالريال ...

نصيحيتي لكل بنت لا تطلع عن شور اهلها ... اللي مافيه خير لاهله مافيه خيرللناس


وسلامتكم

 

[مجروحة المشاعر]

يسلموا ع رايكم


ربي لا هان قدركم وغلاكم

 

[GAME _OVER]

السلام عليكم ورحمة الله وبركاتة

طرح حلوووو وجميل

ونصيحتي ونظريتي في هذا الموضوع ان الشخص يمسك قلبه وعقله وعواطفه ولا يسلم نفسه للحب

لكي لا يكون في يوم ضحية شخص

والأهم أن البنت ترفع راس أهلها وما تخطي أي خطوه من وراهم لأن هذا شي منقود وغير قانوني :91:

أبعدي عن الحب وأنتظري اللي ربج كاتبه لج

مووو كل شخصين يحبون بعض يعني لازم يتزوجون لان الزواج قسمه ونصيب وكل شي مكتوب

ربي يعطيج العافيه والصحه خيتي

وثانكس على هذا الطرح

ولا تحرمينا من يديدج

:MercI:

 

[نملة متحنية]

تسلمين مجرومة على الموضوعى النااايس ..

صح البنت اذا حبت صعب تملك مشاعرهاا واتم متعلقة وتفكر بالانساان لي تحبة وكل تفكيرها فيه واي حد يخطبها ترفضة عسب حبيبها وحبيبها عايش في خبر كانه والبنت اذا تمت ترفض مايايه تعررس وبيخليهاا عانس انصح كل بنت لاتفكر بالحب الا بعد الزواج وهذه الحب الصاادق صح يكون بعد الزوااج محد خرب هالبنات غير تفكيرهن والحب والجذب بخذج وغيرة وهو حتى مايضحي عشانها بشي ..

مستحيييييييييييييييييييييييييييل اطلع عن شوور اهلي لوهالانساان لي احبة كل حيااتي وكل دنيتي مستحيييل مالي غير اهلي فديتهم ياررربي ويخليهم لي سالمين ويشوفوني عرووس :005:
كلللوووووووووووووووووووووووووووووووووووووووووووش فديتني والله وجان استحي:005

:

احترامي
نمولهـ

 

[Ąℓŋ3αỉмỉ]

يسلموو مجرووحه ع المووضووع

متاابع بصمت ..~>

 

[ندى الصباح]

ربي يسرلج اللي فيه الخير والسعادة عزيزتي
أن بغيتي شوري صلي صلاة استخارة
واللي ربي كاتبة لج بيصير أن شاء الله،،،،،،،،،،،

حبيبتي أكيد ما تطلعي عن شور أهلج
واللي يشوروه عليج أن شاء الله فيه الخير والسعادة

 

[قطوة البريمي]

مممممممممم

لازم ما نطلع عن شور اهلنا طبعا ..

صح انه نحن ما نقدر نتحكم ب عواطفنا .. بس لازم اول شي نشوف عقلنا شو يقول ..

طبعا اذا حبيتي منو بتحبين ؟ وكيف علاقتكم ؟ متاكده انه بياخذج ؟ لهالدرجه واثقه منه ؟

انا اقول اول ما تحسين انج منجذبه لشخص ابركلج تبتعدين عنه عسب ما تتعلقين فيه وعقب تسوين امور

غلط ف غلط والله ما يرضاها ولا اهلج^^

ف حاولو قد ما تقدرون انكم تبتعدن عن الحب يا بنات خاصه ^^ لانه صعبه انج تخلينه ياخذج ^^

والسموحه^^

 

[غيثة السحايب]

محد يقدر يتحكم بمشاعره خاصه اذا وصلت قلبه

وطبعا مايصير تعصين شور اهلج لانهم سند لج وعزوتج وف نفس الوقت لازم تحكمين عقلج قبل قلبج

وصدقيني اذا خذيتي ريال وقلبج عند واحد ثاني تعتبر خيانه ف من الاحسن انه تقنعين اهلج بالحسنى

يعني بالتفاهم كل شئ ينحل واذا عارضوا الحين باجر بيوافقون​

 

[الم الهواجس]

اولا طبعا ما تطلع من شور اهلها طول ولا تفكر تشرد وياه مثلا ..لانها بتستانس ف الدنيا بس الاخره ما بتشوف الجنة طوول
حرام يعني

بس اذا البنت حبت وبكل مشاعرها وفعلا كان الشاب مب نفس الشباب هالزمن وكان انسان معتدل اصلا هو بنفسة ما راح يقولج انقوم نشرد يالله العكس بيي وبيخطبج المره الاول والثانية والثالثة والعاشرة طالما انتوا تحبوا بعض وانتي المفروض انج تتمسكين بكلامج ورايج وما تقبلين انج تتزوجين غيرة لانه كافح عشانج ف هالحاله معناته صادق ومش لعاب لانه وصل البيت وحاول بكل الطرق حرام يضيع حب سنين ف لحظة تراها صعبة

ولو حد ثاني تقدم محد يقدر يجبرج انج توافقي قولي ما افكر اتزوج او من شفت الشاب ذاك بصراحه يا هو يا ما با اتزوج طول
والسموحه

 

[shadow]

مبروووووووووك

متى العرس ؟

وانا ليش ما انعزمت للخطبة ؟

:imuae55:

 

[الوحدانــي]

الف الف مبرووووك




وعقبال ما نشووووف صورة البيبي:bicycle:​

 

[غزلان البريمي]

اشلج بالحب وعواار الراس
خذي نصيحتي وانا خيتج لا تحبي ولا هم يحزنون
ريحي راااسج من الحب واااهوااله
:approved:
باختصار شديد
احسن تنحبي ولا تحبي
ههههههه :a7m:

مبرووووووك ع الخطبه حبيبتي :026:

 

[مزيونة قطر]

مرحباا الملايين ولا يسدن ..
بصرااحه يالغلا .. (بلا حب بلا وجع قلب )..
بصرااحه الكل يدري بأن الحب لي وصل ما يستأذن ..بس أنا أقول لج (شور هلج فوووق كل شي ) ..لانهم سندج وعزوتج وكل الدنيا ..فلا تتخلين عنهم بسبب حب ..
عسب جيه أنا ما أقدر أضيف رمسه أكثر من رمسه أخواني ..وأنا أضم صوتي ورمستي ويا ..قطوة البريمي ..ومستر قناص ..

وربي يوفقج ومبرووووووووووووك يالغلا ..
عااد عاا لا تنسينا فالعرس ..​

 

[قيادة حرس الرئاسة]

مبوؤوؤوؤوك نزيييين امتى العرس ((محد عزمنا اهئ اهئ اهئ ههههاي ))


مجروحه ترا ما فهمت يعني انتي نخطبتي وانتي تحبين واحد ثاني ولا شو السالفه هههاي صج لقافه صح هآع​

 

[راعية بو شنب]

انا نفس كلامهم وخم ما قصروا وفوا وكفوا

والله يعطيج العافيه خيتوووو

 

[مجروحة المشاعر]

يسلموا ع هالمرور

والي دشوا وقروا العنوان بس


افهموا شو السالفة بالاول بعدين ردوا