موضوع ( عن الزواج )

[GAME _OVER]

السلام عليكم ورحمة الله وبركاتة


حبيت أن أطرح لكم موضوع عن الزواج وأتمنى التفاعل من كل الأعضاء

كل عضو له الحريه في الأختيار مع توضيح السبب :

1- هل تؤيد الزواج التقليدي أو ضد الزواج التقليدي ؟

2- هل تؤيد الزواج من العائله أو ضد الزواج من العائله ؟

3- هل تؤيد الزواج من خارج العائله أو ضد الزواج من العائله ؟

4- هل تؤيد الزواج الناتج عن علاقة حب أو ضد الزواج الناتج عن علاقة حب ؟

أبغي أشوف تفاعلكم يا أعضاء منتدى البريمي

أخوكم :

مستروووووه ​

 

[مجروحة المشاعر]

دوم متميز بمواضيعك اخويه


1- هل تؤيد الزواج التقليدي أو ضد الزواج التقليدي ؟
ضــــــــــــده
2- هل تؤيد الزواج من العائله أو ضد الزواج من العائله ؟
ضــــــــــــــده
3- هل تؤيد الزواج من خارج العائله أو ضد الزواج من العائله ؟
اكيد

مابي اقول الاسباب ابي احتفظ فيها لنفسي
4- هل تؤيد الزواج الناتج عن علاقة حب أو ضد الزواج الناتج عن علاقة حب ؟

موافق

 

[سمو الأميره]

خلى نشوف وجهة نظر الشباب احسن...:Afkr:

 

[Silent heart]

كل وااحد ونصيبه ف هالدنيا يعني اذا مكتوبله يعرس بيعرس وبياخذ اللي الله كاتبنه له بدوون انوااع الزوواج اللي ذكرتهن


عسااك ع القووه

والسموووحه

 

[الوحدانــي]

اشكرك اخويه ع الموضوع الغاااااوي

اؤيد ازواج التقليدي

بصراحه وبختصااااار

من باع أصله ضاااع فصله​

 

[ترحال]

يسلموو ع الموضوع...

بس حبيت ابين وجهة نظري بخصوص هالموضوع وانا رايي يتفق مع سايلنت هيرت كل واحد ونصيبه فهالدنيا ومحد يأخذ اكثر من نصيبه وكل انسان بيحصل وين ما ربه كتبله سواء كان زواج تقليدي او م الاهل او ع حب ... طريقه الزواج مو مهمه بقدر ما مهم تفاهم الشخصين والموده والاحترام المتبادل للطرفين والمحبه ...
وياما ناس اعتمدو ع الزواج التقليدي البحت وانصطدمو فالنهايه ان الطرف الاخر ما يناسب تفكيرهم او اختلافات كبيره بينهم انا ما اؤيد ان البنت تعيش قصه حب عشان تتزوج لانها ما بتضمن الشخص اذا اكيد بيتقدملها بس اذا كان يباها فعلا...
وقليل م الشباب يفكرو بهالتفكير ..
الانسان فالنهايه كتله م المشاعر والاحاسيس يعني ما بيقدر يرتبط بانسان ما يكن له ولو شي قليل م المشاعر ...
وانا بصراحة واحد م اهلي تفكيره تقليدي بحت وما يفكر يرتبط بوحده تشتغل الا اذا كانت مدرسه وبعد حاط مواصفات وايد فيها ف النهايه لحد الحين ما عرس وعمره كبير ...

سبحان الله كا انسان وطريقه تفكيره فالحياه ...

قال الله تعالي { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً }...ز

وهذا رايي المتواضع....​

 

[GAME _OVER]

أولاً يسلمو على هذا المرور والتفاعل الرائع منكم

والكل يدري أنه ما بياخذ من الدنيا ألا الي كاتبه له الله

وأنا كتبت هالموضوع للنقاش لا أكثر وكل شخص وما يؤيده

وربي يعطيكم الصحه والعافيه

 

[رواضي]

- هل تؤيد الزواج التقليدي أو ضد الزواج التقليدي ؟
ضده
2- هل تؤيد الزواج من العائله أو ضد الزواج من العائله ؟
ضده
3- هل تؤيد الزواج من خارج العائله أو ضد الزواج من العائله ؟
نعم
4- هل تؤيد الزواج الناتج عن علاقة حب أو ضد الزواج الناتج عن علاقة حب ؟
طبعا الزواج عن علاقه حب

وتسلم اخويه ع الطرح الجميل

 

[الم الهواجس]

ليش محتجين على موضوع الريال هو يرمسكم في سبيل مناقشة الموضوع لا اكثر

عصبت

بصراحه انا اشوف ان الزواج التقليدي مب دايما ناجح لان احيانا الولد ممكن يكون اتزوج مو برضاه
والبنت نفس الشي وكل واحد ما يعرف عن الثاني شي ..
وعلاقات الحب تكون نفس السالفة تحتمل النجاح والفشل

يعني قدر الله وما شاء فعل

 

[GAME _OVER]

ليش محتجين على موضوع الريال هو يرمسكم في سبيل مناقشة الموضوع لا اكثر

عصبت

بصراحه انا اشوف ان الزواج التقليدي مب دايما ناجح لان احيانا الولد ممكن يكون اتزوج مو برضاه
والبنت نفس الشي وكل واحد ما يعرف عن الثاني شي ..
وعلاقات الحب تكون نفس السالفة تحتمل النجاح والفشل

يعني قدر الله وما شاء فعل

يسلمووووو خيتي على تفاعلج ولا تعصبي

وربي يعطيكم الصحه والعافيه على هذا التفاعل

ولا تحرموني من طلتكم

 

[Smoooya]

1- هل تؤيد الزواج التقليدي أو ضد الزواج التقليدي ؟

نعم ..

2- هل تؤيد الزواج من العائله أو ضد الزواج من العائله ؟

ضد

3- هل تؤيد الزواج من خارج العائله أو ضد الزواج من العائله ؟

خارج العائله

4- هل تؤيد الزواج الناتج عن علاقة حب أو ضد الزواج الناتج عن علاقة حب ؟

ما اعرف ..

 

[تـعـبـت اكـتـم الـحـزن]

1- هل تؤيد الزواج التقليدي أو ضد الزواج التقليدي ؟

ضد الانه فيه ظلم ..
2- هل تؤيد الزواج من العائله أو ضد الزواج من العائله ؟

ضد لانهم مثل اخوواني بعدين أحسه فااشل ..

3- هل تؤيد الزواج من خارج العائله أو ضد الزواج من العائله ؟


أيد الزواج من خارج العائله أحسهاا أوكيه ..

4- هل تؤيد الزواج الناتج عن علاقة حب أو ضد الزواج الناتج عن علاقة حب ؟

لا مااأيد ززواج الحب الانه شسمه هب حلوو أحسن يطلع الحب بعد الزواج ..

تسلم يمناك على طرح وسموحه...

 

[مزيونة قطر]

بصرااحه نحن أحين صار ويانا الزواج التقليدي أكثر شيء ..
وهالشيء الكل يعرفه ..أنه الولد العم هو الاقرب لبنت العم .. وجيه ..
عسب جيه أنا ويا الزواج التقليدي ..زالحب دووم اي بعد الزواج ..لانه الحب قبل الزواج فااااشل ..
والسموووحه..

 

[GAME _OVER]

ما شاء الله على هذا التفاعل أعجبتني كل الردود

وأتمنى يستمر هذا التفاعل

ولا تحرموني من طلتكم

:3ash:

 

[صاحب الرنج]

1- هل تؤيد الزواج التقليدي أو ضد الزواج التقليدي ؟

اطلاقآ لا أؤيده
2- هل تؤيد الزواج من العائله أو ضد الزواج من العائله ؟
ضد ضد ضد ضدض ضضضضضضضضضضضضضد
3- هل تؤيد الزواج من خارج العائله أو ضد الزواج من العائله ؟
اكيـــــــــــــــــــــــــــــــــــــــــــــــــــد الزواج من خارج العايله افضل
4- هل تؤيد الزواج الناتج عن علاقة حب أو ضد الزواج الناتج عن علاقة حب ؟
بلاشك تحب وحده وتتزوجها بس شرط حب عفيف يعني قلبك يحن عليها وانغرم فيها

سمحوووولي انا صريح من حقي لاني عزاااااابي ولحد الحين ابحثلي عن حرمه ومالقيت:clap:

 

[قطوة البريمي]

- هل تؤيد الزواج التقليدي أو ضد الزواج التقليدي ؟
ممممممم عادي الصوبين اوك مافيه اي مانع

2- هل تؤيد الزواج من العائله أو ضد الزواج من العائله ؟
عادي أأيده مب ضده انا .. : بالعكس احس احسن ناخذ حد نعرفه عن نسير عند الغريب ويبهدلنا .. :

hehe2:
3- هل تؤيد الزواج من خارج العائله أو ضد الزواج من العائله ؟
مممممم مب ضده .. عادي ع حسب بعد اذا كان الريال ما ينعاب ليش ينرد بس بسبت انه ما يقربلي
!! مب عذر ^^

4- هل تؤيد الزواج الناتج عن علاقة حب أو ضد الزواج الناتج عن علاقة حب ؟
بالعكس حلو الزواج اللي يكون ناتج عن حب .. :ast7y: اتمنى بصراحه اخذ واحد احبه ويحبني هع
احسه فنتك ^^:hehe2:


رايي ^^

 

[GAME _OVER]

ما شاء الله على هذا التفاعل أعجبتني كل الردود

وأتمنى يستمر هذا التفاعل

ولا تحرموني من طلتكم


:16:

 

[bintsur]

كل شي قسمه ونصيب الواحد او الوحده ما تعرف نصيبها وين ...

 

[GAME _OVER]

ثانكيوووو بنت صور على هذا المرور

وشي أكيد أن شي قمه ونصيب

بس حلو نعرف كل شخص ونظريته

وأختلاف الأراء

وربي يعطيج الصحه على هذي الطله

الكشوخيه

:ijhu:

 

[مريومة]

هل تؤيد الزواج الناتج عن علاقة حب أو ضد الزواج الناتج عن علاقة حب؟
الصراحة اذ كانو الشخصين يحبون بعض ومتفاهمين راح تكون عرقتهم اوكية والحب كلمة عضيمة وانا ايد هشي

والتوفيج للجميع،،،،،،