ليش الغير أقرب لنا.......^^

[إنسآنـﮧ]

[url=http://www.0zz0.com] [/url]


يسعــد أيامكم بكل خيــر.......أن شاء الله

حبيت نتحاور ونتناقش فـ مواقف صارت جدامي...

لـيش؟؟؟


*ليش لما أختج تكون ع المسن تضحك وتبتسم ويوم تكلمينها تقولج مالج خص ومكشرة بعد...!!!؟؟:333:
/
/
*ليش لما أطلبين أخوج يوصلج مكان يقولج مب فاضي حق خرابيطج ويوم يكلمه حد من ربعه يقوله فالك طيب ماطلبت...!!؟؟:angry:
/
/
*ليش يوم تردين على حد من أخوانج فـ التيلفون يدش فـ السالفة على طول وحتى مايسلم عليج...!!؟؟:ha:
/
/

*ليش إذا قلتي حق أخوج يطلعج تتمشين فـ السيارة بس وطالعون شو صاير يديد فـ البلاد يقولج وأنتي من حضرتج ...!!؟؟:65:
/
/

يمكن تشوفونهن مواقف سهلة وعادية لكن بالنسبة للشخص الثاني صعبة واااااااايد وتجرح فـ الصميم.....:cute:

ليش أخوانا آخر الناس اللي نفكر فيهم وربايعنا وكمبيوترنا وتيلفوناتنا أهم منهم.....!!!؟؟؟؟؟​

أتمنى تفاعلكم:imuae39:....^^ ورأيكم الصريح....:imuae39:

 

[تـعـبـت اكـتـم الـحـزن]

لانه جذي الدنيا والحين اللهم نفسي مااحد له خص في الثاني كل واحد يربع وراء مصالحه وناسته يسلمووو ..​

 

[محمد المرزوقي]

تسلمين أختي ع الطرح ..


عن جد كلامج صح في صح ....

وكل هذا المواقف صارت لي مع أني كبير وصارت لي ........


الله يعين الجميع ..........


وسموحه

 

[رسام2]

تعرفين ليش لان اخوك او اختك مثل العطر اذا رشيتي على نفسك وبعد مدة ما تشمين ريحته ولكن حد اخر يمر من عندك يشم ريحته لان خشمك تعود على رحته لكن بعد مدة يوم تيين تشمينه تسحين بريحته هكذا الاخوة والاهل ما نحس هم بعد ما نفقدهم ولا تحسبي ان اخوك قالج ما فاضي لا لانه ما يحب ان تطلعين عن البيت او يغار عليك انت بنت يمكن ما تحسين هذا لكن اسالي الاخوان وتعرفين السبب لانه لا يحب ان يطالع احد في اتجاه اذا كانت اخته وامه تمشي معه

 

[تجرحني الذكرى]

يسلمووو على طرح الموضوع بصراااحة الكل الحين جذيه يالله نفسي ...

 

[غيثة السحايب]

والله كلامج معقول

بس بطبيعة اخوانا والكل تقريبا مايظهرون مشاعرهم صوبنا

صح يسوي جذا بس احس بداخله طيبه ونخوه اذا طحتي ف مصبيه

ولان بعد خلاص تعودوا عليج وهذي طبيعتهم

يسلمووو

 

[متغطية ببرقع امايه]

انا بعد احس ان الغريب اقرب

حتى احيانا تقدر تصارح الغريب بأشياء ما تقدر تصارح القريب فيهم !!!

 

[حشيمة القلب]

*ليش لما أطلبين أخوج يوصلج مكان يقولج مب فاضي حق خرابيطج ويوم يكلمه حد من ربعه يقوله فالك طيب ماطلبت...!!؟؟:angry:

انا الحمدلله اخواني مب مقصرين

لكن عندي اخوي الصغير احيانا يوم ابا منه شي مايوصلني الا بالغصب


ويوم ربعه يتصلوبه طوالي عندهم صح انقهر واعصب لكن عقب عادي لنا يرد ويشلني ومتعوده ع اسلوبه


لكن فديتج كل عائله او اسرة لها طبع خاص بعضهم متفاهمين وبعضهم لا



تسلمين غلاي ع الطرح ويعطيج العافيه

 

[SaD G!Rl]

،،،

أسعد الله حياتكِ وحياة الجميع،،،

موضوع مميز من إنسانة مميزة،،

هذا حال الدنيا أخيتي،،

الشخص يستأمن الغريب ولا يأمن أخيه ..

أصبحت معاملاتنا وعلاقاتنا كلها "مصلحه × مصلحه" ..!!

" لدرجة إني أطلب من أخوي الصغير اللي توه طالع من البيضة يسير لي الدكان ،،، تصوري يقول لي طيب عطيني بترول أول عقب بسير ،،

يعني أعطيه بيزات عسب يشتري حق عمره بعد،،، ولا ما بيسير خير شر، والكبار ما شاء الله شو انقول عنهم"

الحمد لله على كل حال ،،،

تسلمين عزيزتي على الطرح الواقعي والصريح،،،

،،،​

 

[إنسآنـﮧ]

تسلمون ع مروركم الطيب

وآرائكم المميزة


وبأنتظار آراء

بقية

الأعضاء

 

[بريمي دار عيني]

مشكور ع الطرح

 

[رماد الشوق]

مووووووووضوع حلوو وشيق

فديتج انا مب كل الاخوان واحد لازم حد من العيلة يطلع غير يعني عنيد ولازم فيه احد احسن من الثاني ..
واتمنى التفاعل فمثل هالمواضيع
يسلمو ع الطرح