رحآيل
¬°•| مُشْرِفة سابقة |•°¬
سوآاالف رمضآآانية ..
{1}
مرة من المرات الساعة 3 الفير تقريباً ، كنت قاعدة
أسوي رياضة .. وفجأة شفت قطو كبيير قاعد يتمشى
فالحوي ، قلت هذا لو شاف سلفستر بيقطه وبيشويه
، تو براويك ، جان أسير ألحقه وانخش عني ورا النخلة
قلت : هاااا مسكتك .. ويوم لفيت ورا النخلة ما لقيته
أدور فوق تحت يسار يمين مالقيته ! قلت : أصلاً ألحين
فرمضان تصفد الشياطين .. بس يعني بسني سبورت
اليوم بروح أقرأ قرآن أبرك .. وشررررردة .. هع
{2}
فرمضان الماضي سرت المسيد لأول مرة فالتاريخ
،أوني أبا أصلي فالمسيد أيرب .. قمنا وصلينا تحية المسيد
ولما بدت الصلاة تفاعصنا واللي جدامي يوم تسجد يطولن
ريولها وتضرب راسي واللي وراي تتحلطم وبنت أخوي سايرة
ويانا ياتها الضحكة وأختها أصغر منها قاعدة تطالعني وتضحك
وعاد أنا ما يبالي ، يلست أتبسم وآخر شيء ما رمت طلعن
ضروسي ، بعدين قمت أختض .. بس الله ستر ما طلعت صوت
عقب قعدنا نقرا التحيات وأنا أسابق الريح قريت التحيات وسلمت
والإمام بعده ما مسلم .. وما يطيح السيد كله يضحك ولا
يوم كملنا وسلمنا شفت المديرة مالت مدرستنا واقفة عدالي
قلت : اللهم سكنهم مساكنهم وطلعت من المسيد بسرعة
وركبنا السيارة وسيداااا عالبيت .. عاد تبت ما سرت المسيد
مرة ثانية .. هع ^^
{3}
مرة شفنا أنا وأختي الصغيرة عنكبوت عوودة فالميلس
وشردنا وخلينا المسلسل .. عقب قلت أنا : خل انادي البشكارة
وتخمها ! ، سرنا ونادينها قلنالها شفناها دخلت تحت الكرسي العود
قامت تبا تلز ما قدرت ، قلت يلا بنساعدها وسرت وقلبت وياها الكرسي
وما لقينها وين سارت ، ويوم رفعت راسي لقيتها عدالي متعلقة بطرف
الكرسي وياتني مثل ما نسميها فالبيت ( الشمبريشة ) وقمت أتحرقص
وي وي وي وي .. وأدور فالميلس وأناقز وأقول : هناااااك .. زخيها ..
وتسير البشكارة وتزخها بإيدها وتفعصها !!! وأنا وأختي ساكتين نطالع..
خبلة ولله الحمد ..هع
{4}
فآخر أيام رمضان سرنا نشتري حق العيد وعاد حدود العين يلسنا أكثر
من نص ساعة وأنا قاعدة أراقب الناس وأضحك واحد يسحي شعره
والثانية تعدل مكياجها .. هع .. المهم لما وصلنا السوق يلست أختي
وأخوي يجادلون البتاني عالسعر .. وطلع ملابس خايسات وسألتني أختي
: ها زينات هاذيلا ؟ قلت : يع ودلعت لساني ولويته ونفخت برطمي وحسته
كل هذا لأني لابسة غشوة .. هع .. بعدين شفت البتاني يشوفني ويضحك
مسكت الغشوة أشوفها طاحت سرت حق أختي الصغيرة وقلتلها بنشاف
ويهي ؟ قالت : هيه كل شيء ينشاف .. قلتلها : حتى لو دلعت .. قالت : هيه
قلت : وااااابوي يالفضيحة ..!!!
{5}
آخر يوم فرمضان كنت قاعدة أسوي رياضة وزايدة الجرعة عاد آخر يوم
ويايبة سلفستر وياي وقاعد يحوس يسار ويمين وكان هذاك اليوم السرميك
فيه ماي وأنا مشيت فوقه كذا مرت ما صار شيء .. طلع سلفستر يركض
ومشى من تحت رويلي وسوى تشويحات .. قلت ما عليك تعااال ..
وسرت أبا أمسكه ودخل تحت الشيرة بسررررعة .. ومشيت فوق الماي ..
وما أطيح وأتشقلب فالأرض وتشمخت وتفدعت وقلت : آآآخ .. طلع سلفستر
وشوح علي وشرد .. قلت ما عليك السبال .. آآه يا ريولي .. يا ربييي
عاد يوم العيد طلعت أمشي مثل العيوز واللي يشوفني يضحك عاد مخبرتنهم
بس عادي .. عشان العيدية كل شيء يهون حتى لو أمشي على يديدني .. هع
وتوتة توتة .. خلصت الحتوتة ..^^
{1}
مرة من المرات الساعة 3 الفير تقريباً ، كنت قاعدة
أسوي رياضة .. وفجأة شفت قطو كبيير قاعد يتمشى
فالحوي ، قلت هذا لو شاف سلفستر بيقطه وبيشويه
، تو براويك ، جان أسير ألحقه وانخش عني ورا النخلة
قلت : هاااا مسكتك .. ويوم لفيت ورا النخلة ما لقيته
أدور فوق تحت يسار يمين مالقيته ! قلت : أصلاً ألحين
فرمضان تصفد الشياطين .. بس يعني بسني سبورت
اليوم بروح أقرأ قرآن أبرك .. وشررررردة .. هع
{2}
فرمضان الماضي سرت المسيد لأول مرة فالتاريخ
،أوني أبا أصلي فالمسيد أيرب .. قمنا وصلينا تحية المسيد
ولما بدت الصلاة تفاعصنا واللي جدامي يوم تسجد يطولن
ريولها وتضرب راسي واللي وراي تتحلطم وبنت أخوي سايرة
ويانا ياتها الضحكة وأختها أصغر منها قاعدة تطالعني وتضحك
وعاد أنا ما يبالي ، يلست أتبسم وآخر شيء ما رمت طلعن
ضروسي ، بعدين قمت أختض .. بس الله ستر ما طلعت صوت
عقب قعدنا نقرا التحيات وأنا أسابق الريح قريت التحيات وسلمت
والإمام بعده ما مسلم .. وما يطيح السيد كله يضحك ولا
يوم كملنا وسلمنا شفت المديرة مالت مدرستنا واقفة عدالي
قلت : اللهم سكنهم مساكنهم وطلعت من المسيد بسرعة
وركبنا السيارة وسيداااا عالبيت .. عاد تبت ما سرت المسيد
مرة ثانية .. هع ^^
{3}
مرة شفنا أنا وأختي الصغيرة عنكبوت عوودة فالميلس
وشردنا وخلينا المسلسل .. عقب قلت أنا : خل انادي البشكارة
وتخمها ! ، سرنا ونادينها قلنالها شفناها دخلت تحت الكرسي العود
قامت تبا تلز ما قدرت ، قلت يلا بنساعدها وسرت وقلبت وياها الكرسي
وما لقينها وين سارت ، ويوم رفعت راسي لقيتها عدالي متعلقة بطرف
الكرسي وياتني مثل ما نسميها فالبيت ( الشمبريشة ) وقمت أتحرقص
وي وي وي وي .. وأدور فالميلس وأناقز وأقول : هناااااك .. زخيها ..
وتسير البشكارة وتزخها بإيدها وتفعصها !!! وأنا وأختي ساكتين نطالع..
خبلة ولله الحمد ..هع
{4}
فآخر أيام رمضان سرنا نشتري حق العيد وعاد حدود العين يلسنا أكثر
من نص ساعة وأنا قاعدة أراقب الناس وأضحك واحد يسحي شعره
والثانية تعدل مكياجها .. هع .. المهم لما وصلنا السوق يلست أختي
وأخوي يجادلون البتاني عالسعر .. وطلع ملابس خايسات وسألتني أختي
: ها زينات هاذيلا ؟ قلت : يع ودلعت لساني ولويته ونفخت برطمي وحسته
كل هذا لأني لابسة غشوة .. هع .. بعدين شفت البتاني يشوفني ويضحك
مسكت الغشوة أشوفها طاحت سرت حق أختي الصغيرة وقلتلها بنشاف
ويهي ؟ قالت : هيه كل شيء ينشاف .. قلتلها : حتى لو دلعت .. قالت : هيه
قلت : وااااابوي يالفضيحة ..!!!
{5}
آخر يوم فرمضان كنت قاعدة أسوي رياضة وزايدة الجرعة عاد آخر يوم
ويايبة سلفستر وياي وقاعد يحوس يسار ويمين وكان هذاك اليوم السرميك
فيه ماي وأنا مشيت فوقه كذا مرت ما صار شيء .. طلع سلفستر يركض
ومشى من تحت رويلي وسوى تشويحات .. قلت ما عليك تعااال ..
وسرت أبا أمسكه ودخل تحت الشيرة بسررررعة .. ومشيت فوق الماي ..
وما أطيح وأتشقلب فالأرض وتشمخت وتفدعت وقلت : آآآخ .. طلع سلفستر
وشوح علي وشرد .. قلت ما عليك السبال .. آآه يا ريولي .. يا ربييي
عاد يوم العيد طلعت أمشي مثل العيوز واللي يشوفني يضحك عاد مخبرتنهم
بس عادي .. عشان العيدية كل شيء يهون حتى لو أمشي على يديدني .. هع
وتوتة توتة .. خلصت الحتوتة ..^^
