ليش الشباب يرقمون؟؟؟

[عسووولة]

اسمحلي اخوي بس انا مب معاك ف هالنقطه
انا مرره صادفت بنت والله انك ما تشوف منها غير عيونها ويديهاالمحنايه و4 شباب وراها وهي ولا ف الخاطر
انتوا الشباب لو البنت محتشمه ولا ما محتشمه بعد بترقمونها وبتمشوا وراها ..

أنا بعد معاااج يا راعيه بو شنب ,,,,البنت محترمه وفحالها بعد بتلاحجوها وبترقموها ,,,,ما مخلين حد فحاله ,,,


ما معناته أنه ما فيه بنات ما يرقم ,,,فيه بنات وااايد بس الغلط منكم أنتوا عاطينهن ويه ,,,

والسموحه منكم,,,

 

[بحر الشوق]

اسمحلي اخوي بس انا مب معاك ف هالنقطه
انا مرره صادفت بنت والله انك ما تشوف منها غير عيونها ويديهاالمحنايه و4 شباب وراها وهي ولا ف الخاطر
انتوا الشباب لو البنت محتشمه ولا ما محتشمه بعد بترقمونها وبتمشوا وراها ..

أنا بعد معاج خيتووو ..بصراحه هذا هو الكلام الصحيييييييييييييح 100%

:imuae86: تـحيــاتـي :imuae86:

 

[AL W$WAS]

يسلموووووو ع الموضوع

 

[رماد الشوق]

اولا تسلمي اختي ع الطرح الجميل..

البنت المحترمه مستحيل اي احد يلاحقها او يغلط عليها..

واتمنى هالظاهره تنعدم في مجتمعنا والله يستر على اي بنت..


وانا اقول حق الشباب الي يسوون كذا:: [ كما تدين تدان ]

لا والله انت غلطان
ياما بنات محترمات
ما عليهن رمسة ويرقموهن
بالعكس انا احسن ان بعض الشباب
يدورون البنات المحترمات
عشان يضيعووون سمعتهن ..
لكن هالبنات
شوووو يسون ما يعطنهم وييه
الين يذلف بويه واذا ما نفع
بالتهديد بينفع ..
وسوووووري ع المداخله

 

[Dark & Light]

وااااااااه كلام ماخوذ خيره

 

[عليا العلوي]

الشباب هالأيام يغازلوا المحترمه ولي مب محترمه لمجرد اثبات الوجود وبس ويتضايقوا لو وحده تمشي وما عطتهم سالفه يضايقوها لين ما تعصب وطبعا مب كل الشباب في شباب قمه في الاحترام والردود الي قالوا فيها هالكلام على البنات اقوللهم شوفو انفسكم وعن الغلط كلنا ابناء آدم وحوا ولي يحافظ على بنت الناس يجي من يحافظ على شرفك واهلك وسامحوني

 

[♦L♦]

شيء معروف هذيلا الشباب اللي يرقمون شباب موب محترمين أبدا ولا يخافون ربهم أصلا ولا مابيعملون كذا من الأساس

بس حبيت أعلق انه الخطأ موب بس من الشباب الخطأ أيضا من البنات

بعطيكم مثال انا كنت طالب في كلية البريمي طبعا كان عندنا كلاس ومعانا شلة بنات داخل الكلاس

وكان علينا امتحان انا وربيعي جالسين في مكان بعيد عن البنات في صوب بروحنا

جان وحده من البنات تقوله تعال أريدك تيلس جدامي...!! وطبعا ربيعي ماعطاها فيس

ومره طلبت منه أنته يروح معاها في كلاس لحالهم وربيعي رفض..!

والآن هل السبب منه أم من البنت؟؟!؟!

شوفو بقولكم حاجه الانسان المحترم والمرباي تربيه صحيحه ويخاف الله مستحيل يعمل هذي الحركات سواء كان بنت أو ولد

كما تشوفون نسبة من الاولاد مافيهم أي ذرة أحترام في المقابل بتحصلون نسبة من البنات مافيهم أي احترام وهذا واقع ..!!!!

المحترم يعرف الطريق الصحيح ويمشي فيه واللي تخلو نفسه من الأحترام و الخوف من الله

بيترك للشيطان أثر في سائر أمور الحياه

هذي مداخله بسيطه

تحياتي دانتي

 

[القلب الأبيض]

أنا مع وسمي البريمي، الشباب ما يرقموا إلا إذا شافوا البنت إلي جدام مب محترمة: من ناحية المشي أو اللبس أو أي شي ثاني يخلي الشاب يرقم البنت.. وصدقوني يا أخواني / أخواتي شرف البنت شي كبير وما أعتقد حد عارف قيمته. إلا لما البنت تفقد هذا الشي، وصدقوني إلي ما يرضى ف بنات الناس مايرضى ف أهله. ومشكورة خيتي ع الطرح، والسموحة من أخواتي...

 

[مجروحة المشاعر]

ثانكس ع مروركم ورايكم

ربي لا خلا ولا عدمنا

 

[محمد المرزوقي]

أولاً تسلمين أختي على الطرح

ثانياً
1- يرجمون عشان يسلون وقتهم (( ما لاجين سالفه ))
2- مالهم عجل طول

و الله يهديهم أن شاء الله (( الله يهدي من يشاء ))


ثالثاً
يعلقون
1- يبو يضحكون البنات بحركاتهم الي مالها معنا ..!
2- بسبب حركات البنات أو (( اغراء ))

رابعاً

1- شكراً للأستماع .
2- عذراً على الكتابه .

 

[مجر(المشاعر)وحة]

تسلم اخوي ع مرورك

ربي لا هان قدرك وغلاك

 

[القلب الدافئ]

اووووووه حماااااس الترقيم خخخخخخخ..

ماعندي تعليق..

يسلموو خيتوووو ع الموضووووع

 

[مجر(المشاعر)وحة]

يسلموا اخويه ع هالمرور


نورت الموضوع

 

[قيادة حرس الرئاسة]

انتي سألتي ليه الشباب يرقموو ؟؟ .. وأنا أسألج ليه البنات يااخذن الرقم إذا أحد رقمهن ؟؟؟؟؟



ثانكس

 

[اللواء الركن طيار]

اخوي الترقيم مال زمان اول



الحين فالعام 2010 البنت هي الا ترقم الولد ...​

 

[رسام2]

لو كانت البنات في السماء لمالت اعناق الرجال من كثرة النظر

هاذي اصلا سنة الحياة الرجال يرغبون بالبنات والبنات يرغبن بالشباب ولا واحد يبري نفسه لانه لم يكن من هذا الزمان ولكن من قديم الزمان تذكرون قصة سيندنا يوسف عليه السلام وتذكرون قصة سيدنا موسى عليه السلام بعدما سقى بنات سيدنا شعيب فجلس تحت ظل الشجرة فاتته احدهما على الاستحياه فطلبت من المجي البيت ابيها لانه كان يريد ان يقابله فلما جاء احس سيدنا شعيب ان بنته تمدحه تقول خير ما استاجرت القوي الامين فاحس من ابنته انها ترغب اليه فطلب من ايزوجه احدى بناته له :e025fb6133:

 

[.." صموود "..]

لاااااااتعليييييق صراحة اتفق مع حمادة//// واعارضة فنفس الوقت

حتى البنت المحترمة يرقمونها .... والسبب من الجنسين..

من الطرفيين ...




الله يستر على الجميييع/ ويهدي الجمييييع


تحيااتي...

 

[DarkFireSlash]

انا محترم ما ارقم لا شباب ولا بنات انا اصلا التيلفون ما استخدمه



هع



الا شو الهدف من الترقيم يعني لو واحد رقم ونجح يرقم شو بيستفيد؟؟ ولا شي مشاكل له ولاهله ولاهل الي رقمها


يمكن يزج بمحاكم اخرتها بعد


لحد يسلك هالطريق ضياع مستقبل وسمعة طيبة

 

[فـيـ الـكـعـبـي ـصـل]

:8888:
لا تعليق

 

[ميمو]

السلام عليكم ورحمة الله وبركاته
..وعليج السلام ورحمه الله وبركاته ​

حبيت اسال الشبـــــــــــــــــــــاب​

ليش الترقيم؟؟؟
..عادي أجاوب هههه ..من الفضاوه ..وقله التربيه :999:
وبعد شي ثاني : ليش لما يشوفون بنات لازم يعلقون ؟؟؟
..سيم سيم جواب إلي فوقه ..ماعندهم شغله :999:​

..
يعني حبيت أعلق إلي يقول أنه البنت إلي حاشمه روحها
مايلحقوها الشباب أو أنه مايعلقون عليها أو يرقموها ..
أقول عيييييييييييينكم .:32:..
هذا أنا حاشمه روحي سواد في سواد ..:hai-there:
وبعدنا نلقى تعليقات
هايج المره أنا وسفيره رايحين ويا أمايه السوق
جان يخطف واحد ..ويقول طاع شيلتها جنها ستاره ..
بغيت أرد عليه وأقوله هاي غشوه الله يصلحك ..بس طاف
وبعدين يوم يينا نركب السياره جان يمر على أمايه يقولها يلعن يووووووومه ..

بالله لهدرجه عاد أمايه لابسه نقاب وعبايه بشت أدري أنها غاويه هههههههه ..بس وهيه حاشمه روحها بعد تلقى تعليقات
ومغازل ..هاي أمايه جي ويغازلوها لهدرجه مايفرقو خخخخ ..
فلحد يقول إلي حاشمه روحها ..ماتلقى تحرشات أو مغازل مناك بس

..
ها بعض الشباب لحد يشوتني

..
جست بوينت أوف يو

..
ولا أقول أن البنات بعد محشومات ..
إلي حاشمه روحها محشومه بث هههه
..سوري على الأطاله ..وربي يسلمج على الموضوع .^^​