طـــــــــــاري العشرة

[طلال الشامسي]

دقيقه ضمني بصدرك واجمع للزمن لحظات

يجي باكر وتتركني ويبقى طاري العشره

او اني اتركك ساعه وتبكي عقرب الساعات

تعال وضمني باكر... اموت وتنتهي بكره

اريد آخرها أيامي اعيش باسعد الاوقات

واريد الشمس في كفي تنام من الخجل حمره

واريد الليل يغشيني مثل ما يغشي الواحات

سكون وزمهرة بردن ونجمن يــــحرس القمره

تعال وتمتم باذني واشرح عن هوى النظرات

وانا كلي بتمتملك عن العشق وجزى النظره

تريد الصدق _ _ من عيني تعال واحسب العبرات

بعدها بتعرف الانسان كم يفرق عن الصخره

انا ما قلتلك باني بشر في كلها الحالات

اكيد اخطي ولا اخطي واكيد ازعل ولو مره

اموت وانجرح واضحك واعيش الفرح والاهات

من اللي قاللك عفوا اعيش الحب بالعثره

يجي او ما يجي باكر نهاية عشرتك قد جات

احاول ارسم ايامك ولا ألقى لــــها فكره

احاول والعمر يرفض حتى بعالـــم الاموات

اشوفك تمشي بيمي وكفك حاملن زهـــــــره

تعال وبدل المره يا بعد المره والمرات

تعال واحرق اعصاب الزمان واكسر الجره

ثواني ضمني بصدرك وخلي للزمن للحظات

نغيضه كلما قلنا هلا يا طـــاري العشره


طلال الشامسي​

 

[نسايم ريف]

على طاري الفراق وحرته ومهامل العبرات

ترى حتى الصخر يبكي وتخنق روحه العبره

نشوف ان الصخر يحدر من العالي فتات فتات

صحيح انه جبل جامد _ طبيعي دمعته صخره

ولكنه يحـس ويهمل دمـوعه على مافات

ويذكر كل ضحكات البشر فـ دروبه الوعره

اذا كان الجبل واهو الجبل يضعف فـ هاللحضات

أجل كيف البشر تقدر تخون وتنسي العشره ؟!



صح لسانك يالشاعر

قصيده في قمة الروعه

جميله بكل معانيها والأحلى الإحساس اللي فيها

واسمحلي ع البيتين

كان ودي أكمل بس بتستوي مجاراة للقصيده ^^

وأكيد تستاهل التقييم

 

[Ąℓŋ3αỉмỉ]

هــلآبك آخووويه ..~

يـــآويلي شو هالآبيـــآت الغ ـــآوية

صح لسســـآن قــآيلهــآ

""

تعال وتمتم باذني واشرح عن هوى النظرات

وانا كلي بتمتملك عن العشق وجزى النظره

تريد الصدق _ _ من عيني تعال واحسب العبرات

بعدها بتعرف الانسان كم يفرق عن الصخره

""

لآ هنت يخوووي ع الطررح ننتظر الزووود ..~

 

[سنافي]

قصيده حلوه يعطيك العافيه وتسلم الشيخ

 

[بنت المقابيل]

طلال الشامسي صح لسانك

ربي لا هان منطوقك

تعودنا ع إبداعك الدايم

تقبل مروري المتواضع​

 

[خـجـل]

صح لسانك يالشاعر

 

[بنت المقابيل]

نسايم ريف

صح لسانج

لو كملتين ما شاء الله أبدعتي ف المجاراه

كل الود​

 

[مس كلوزر]

صح لسااانك
ماعرف ع منووو اعلق عليك ولا همس ^^
ماشاء الله ابداع
وربي لاهانك

 

[محمد الخروصي]

اريد آخرها أيامي اعيش باسعد الاوقات

واريد الشمس في كفي تنام من الخجل حمره

واريد الليل يغشيني مثل ما يغشي الواحات

سكون وزمهرة بردن ونجمن يــــحرس القمره

لي قصيدة رسلتها للشاعر طلال وضفت فيها الكثير من أبيات وقصائد الشاعر ...

وأقول في بيت يخص هذه القصيدة الأجمل من رائعة صور وموسيقى ألفاظ ما شاء الله أقول فيه :

صدق وإن قالها قبلي ملك في حضرت السلطان
نعم أمة حضارية تحاور طاري العشرة

وإن شاء الله تصب لنا بريق قصيدتك التي احتواها البيت الشعري أمه حضارية ...


تقبل مروري لك خالص ودي ...​

 

[طلال الشامسي]

على طاري الفراق وحرته ومهامل العبرات

ترى حتى الصخر يبكي وتخنق روحه العبره

نشوف ان الصخر يحدر من العالي فتات فتات

صحيح انه جبل جامد _ طبيعي دمعته صخره

ولكنه يحـس ويهمل دمـوعه على مافات

ويذكر كل ضحكات البشر فـ دروبه الوعره

اذا كان الجبل واهو الجبل يضعف فـ هاللحضات

أجل كيف البشر تقدر تخون وتنسي العشره ؟!



صح لسانك يالشاعر

قصيده في قمة الروعه

جميله بكل معانيها والأحلى الإحساس اللي فيها

واسمحلي ع البيتين

كان ودي أكمل بس بتستوي مجاراة للقصيده ^^

وأكيد تستاهل التقييم

يا مرحبا باختي الاستاذة نسايم

تشريف مرورك الراقي والمجاراة اللي اكثر من رائعة

قلت ارد على ابياتك لكن العين ما تعلى على الحاجب يا الشيخه

يحفظج الرحمن بحفظه ويسهلج طريق الخير ... اللهم اميييين​

 

[وافي وطبعي سنافي]

وصح لسانك وربي لا هانك ولا هان منطوقك ​

 

[سِكًـآرِيُبِ]

ثواني ضمني بصدرك وخلي للزمن للحظات

نغيضه كلما قلنا هلا يا طـــاري العشره


مااعليييك زوووووووووود....شاااعر بالحل..

 

[حلا بدويه]

صح لسانك الشاعر..
بصراحه كلمات قمه فالروعه..

تقبل مروري

 

[غٌَ ـلآ بُنٍيً گـ عُ ــبُ]

من اللي قاللك عفوا اعيش الحب بالعثره

يجي او ما يجي باكر نهاية عشرتك قد جات

احاول ارسم ايامك ولا ألقى لــــها فكره

احاول والعمر يرفض حتى بعالـــم الاموات

اشوفك تمشي بيمي وكفك حاملن زهـــــــره

روعه واكثر من روعه هالابيات
سلمت يمناك ياخوي وصح لسانك
ونرقب منك الزود

 

[طلال الشامسي]

يسلم الجميع على المرور الراقي واللي وبكل صرااااحة ما عارف شو ارد واقول

حفظكم الرحمن

 

[بطرانه]

تسلم اخوي ع الابداع والتالق
احاول ارسم ايامك ولا ألقى لــــها فكره

احاول والعمر يرفض حتى بعالـــم الاموات

 

[طلال الشامسي]

يسلمو على المرور الراقي

 

[مجروحة المشاعر]

ثواني ضمني بصدرك وخلي للزمن للحظات

نغيضه كلما قلنا هلا يا طـــاري العشره




صح لسانك ولا هان منطوقك

وعلا شانك


ابدعت اخوي كلمات قمة ف الابداع والذوق

 

[كراون]

تسلم على الجصيدة الحلوه
يسلمواااااااااااااا

 

[طلال الشامسي]

يسلموا الجميع وتشريف وعلى راسي