فيْڹيْ أڵم مآ مر فيْ " قڵب مطع‘ـۈڹ" فيْڹيْ حزڹ مآ مر فيْ "ع‘ـيْۈڹ آڵأيْتآم"

[""فـوشـهـ""]

 

[الــــ ع ــــنــــود]

يسلموووو فوشهـ

بصراحه م حسيت بعيد ميلادي شرات اليووم

حسيت كل الاعضاااء ويايه

واقرب الناس وربعاتي مالت عليهن ولا وحده هنتني :h035: :h035: :h035:

حتى البنك مطرشلي مسج يهنيني هههههههه

مشكووورين للكل مروركم افرحني بصراحه​

 

[الــــ ع ــــنــــود]

يــآعيــد قلبي .. صآحبي عيد ميلادك
" العمـــركله " لــك .. فرحه وشرحه
عسآني حي .. وأحضر كـــل أعيآدك
واهديك وردآت الـــغلآ فوق صرحه
ازدآد عمــــرك .. صح!.. لكنه ازدآدك
في خآفقي لك بالـــغلآ ألف صفحــــه

[YOUTUBE]3rn5IZ_9N9k&feature=related[/YOUTUBE]

ترى شي نآآآآآآآآآدر:50399aa2a5b1e0dda15

يا سلااااااااااااااااام وناسه والله

مشكووره غناتي مرورج اسعدني

 

[الــــ ع ــــنــــود]

عرب المنتدى باجر بيسولج حفله وآنتي ما تدري!!

هع :0962b59e9642d670ff5

وين هنيه لا انا ابا بالطبيعه هههههههههه

يسلمووو ندوووي

 

[الــــ ع ــــنــــود]

امين يالدبه الي قيمتني


بصراحه هالايااام م شي اكشناات بحيااتي

صابتني حاله ركوود وملل >>> حد دقج بعين هههههههههه

بس بحاول ارووح مكان ع هالاسبووع وبصوووور صراصير وفيراان جان احصل ف مزرعتنا

وبنزلهن هووون :001:


تصبحوون ع خير


برووح انخمد ​

 

[الــــ ع ــــنــــود]

القلم والقلب

هما رفيقان الدرب القلم يكتب مايشعر به القلب

ولكن لأنى أنثى فلابد أن أنمق الكلمات وأزخرف
الحروف لكى تبدو حروف أنثى وقوره

القلب دائماً يتمرد على المعقول ويأمر القلم

بكتابة مايحسه لا مااريده انا ولذلك دائماً قلمى

فى حالة صراع مابينى وبين قلبى صراع يجعل

المداد يجف

 

[الــــ ع ــــنــــود]

ساعدوني!!!



اختارتني لأكون صديقة لها

ولكني رفضت وبشدة

أخبرتها بأني لا أريدها أبدا

ولا أريد أن تكون ولا لحظة معي

ولكنها لم تستمع لي ورافقتني

وأنا أرجوها أن تبتعد عني...

حاولت بكل الطرق وبكل الوسائل أن أهرب منها

أن أختفي عنها

انتقلت من مكان لآخر.. ولكن بلا جدوى

دوما أجدها ورائي

تلاحقني إلى أي مكان أذهب إليه...

فعلت المستحيل لأرتاح منها

ولكنها لم تريحني أبدا... لماذا؟؟؟

لماذا اختارتني أنا بالذات؟!؟

اختارتني لأنها تحب أن ترى الدموع في عيني

اختارتني لأنها تحب أن ترى الألم يمزقني

وهاهي اليوم ترافقني

وتعذبني

وتعاقبني لأنها تعلم اني أرفضها

ســـــــــــــــــــاعدوني

في الهرب منها...

في التخلص منها..

أعلم أنكم حائرون وتقولون:

كيف نخلصك منها

ونحن لانعرف من هي؟؟؟










(الهمـــــــــــــــــــــوم)

 

[الــــ ع ــــنــــود]

تصبحوون ع خير

نووم العوافي

واللحااف الدافي هع


ليش انا جيه

موديه " مزاجيه " لاخر درجه

يباالي حل عاجل

واحيانا احب اتفلسف وارمس بكل طلاقه واحيانا اخورها بالرمسه

يمكن فيني انفصاام شخصيه وانا مدري هع

يالسه الف ع المنتديات اجمع اي دعاااء يعيبني واكتبه ف ورقه

عسب من اقرا قران او اصلي اقرااه

والله من سويت جيه احس براااحه والحمدالله

طبعا لا شغله ولا مشغله

فاستغل اوقااتي بالصووم وقراءه القران

الحمدالله ختمته اول امس واليووم ببيدي اختمه قبل لا ايي رمضاان

والله يثبتني ع طريق الحق والهدايه يارب


تصبحووون ع خير
:basketball:

 

[ندى الصباح]

ما شاء الله عليج
ربي يثبتج ع الطاعه
والله زين تسوي ربي يأجرج

 

[الــــ ع ــــنــــود]

ما شاء الله عليج
ربي يثبتج ع الطاعه
والله زين تسوي ربي يأجرج

هلا فديتج نورت اليوميات بردج

ربي يعطيج العافيه ع هالرد

ويثبتنا انا ويااج ع طريق الطااعه ياارب


تحيااتي لج الغلا ​

 

[الــــ ع ــــنــــود]

اليوووم جاان عرس بنت خالوووه

بصرااحه العرس وايد كشخه

ياخي بطرانه هالانساانه

مسووويه توديع لعزوبيه ف فندق الانتر الي احينه اسمه دانات

هذا طبعا امس

انا بصراحه م حضرت لان حسيته شرات الاجانب

اول مره اسمع حفله توديع عزوبيه وغيره

المهم اليوم حضرت العرس جاام كشخه

الكوشه والقااعه غير شكل

شرات الثلج يعني الواحد من يدش يحس عمره داش قاعه تزلج ههههه

ويايبين فرقتين فرقه اسبانيه طبعاا يرقصون اسباني وبعد رقصن رقصه شكيرا

وانا هب متفيجه حقهم

هناكي ولد صغرووون يخطف عدالي ويطالعني بنص عين وحاط صبعه بحلجه

جان اقووله تعال

وياني قلتله حق شو حاط صبعك بحلج عسب الارساااال والا شووو

قال شووووو

قلتله م شي وين امك

قال هناك بعيد

قلتله مره ثانيه اشوفك حاط صبعك بحلجك بحط فيها فلفل

وطبعا كنت م اضحك واشووف الولد مد بوزه

قلت خيبه احينه بيخبر عليه امه

قلتله اضحك عليك

قال بخبر امايه عليج

قلتله سير تندلهاا والا اداليك

وساار هههههههههههههه

وتم رايح راد عليه ويغايضني قلت لو اقووم اصفعه جان زين

قالت لي امايه اسميج مستويه ياهل

قلتلهاا ياخي م شوفيه يغايضني

قالت لا اتمي تفضحينا

قلتهااا ملل شو اسوووي ههههههههههه

شكلي خبله وهب داريه بعمريه

المهم عقب دشت العرووووس

وقعدت واشووف من هناااك حد ياي يطير وزاخ مكرفووون

قلت عافانا الله منو هذا

اخر شي من شفت عدل اشووف اخووها

وحليله يغنيلهاااا اغنيه شي فيهاا عن العروووس

بس بصراحه صووته طرررررررررررررررررررررر

قلت لامايه اسير اغني عداله

قالت تشوفين هالهريس بجبه ع ويهج

جان اضحك

ترى صوتي حلوو بعد انااا :hehe2:

بس محد ينمي موهبتي :cry:

المهم عيبتني حركه العرووس واخوهاا يغنيلهااا

وناااسه والله

طبعاا انا من ارووح مكاان ولد اختيه لازم يفضحني

شاف باقه العروووس تم يصيح اونه يباها عسب يعطيهاا اخته

قلتله يا ولد الحلال بشتريلك ورده قال انتي خداعه

من يقولي جيه اسميني امووت ضحك

لان كل مره يسووي جيه وانا اعطيه ورده الشوارع

الي لونهن وردي

عقب قال انتي تعطيني ورده شوارع

وامه ماتت ضحك قالت انا اقوله ان هااي ورده شوارع

عقب جان ايبله كيكه وسكت وقلت الحمدالله فكنا من حشرتك

ومن فضايحك

وعقب رجعت لبيت وخلص يوووومي

باجر بقووم الصبح وبسير الجامعه

عسب اخلص اموووري وعسى يستوي اكشن ههههههههههههه

تصبحووون ع فل ونرجس

 

[الــــ ع ــــنــــود]

مسااء الخير


اشحالكم عساكم بخير


م سرت الجامعه ولا مكان

سرت من الغرفه لمطبخ ومن المطبخ لصاله :biglaugh:

الرقااااااااااااااد مشكله

وايد احبه عادي ارقد يوم كامل :mh0226: ههه

اليوم متصله فيه اختيه تغايضني

بترووح صلاله وانا هووون ف هالحر

وانا عاد قلتلهااا سيري ربي يحفظج بس لا تنشي المشلي واااو حلووو

قالت سيري كارفوور وبتحصلي منه

نذله تبا بس تغايضني بس اعرف م اهوون عليهاا اكيد بتيبلي

عاااد من شافني ولد اخوويه ارمس بفوون يااا صووبي

قال انتي توج واعيه

قلتله هيه لا يكووون حاسدني ع الرقااد

قال ايووه >>> يقول ايوه بطريقه غير وانا اضحك من يقولهاا ههه

عقب زخ ايدي قال

فيج صبع ضغرونه شراتي يقصد الابهاااام

قلتله احلف بس انت

قال ايوووه

قلتله سير شووف عمومتك جان فيهم شراتك

قال ايووه

وسااار ورجعلي يضحك وعيونه من يضحك يستون خط هههههههههههه
:7btain: شرات هذا

قال حتى عمي فيه صبع ضغروونه

قلتله يا سلاام انت خطير

بس م شااء الله عمره 4 سنوات بس لساانه عن شيبه

م ارووم اشله بقعه الا بيتم يرمس جداام العرب

مره كنا رايحين عن عمي مسويين عزومه حقنا ف مزيد فالعين

المهم طبعاا ولد اخووويه ييلس جدام الريايل

وكلهم يسولفووون وهو ساكت وفجااه سكتوا كلهم

وقال اخووويه ان ولده قااام
وقالهم انتم احينه ليش ساكتين

وكلهم ضحكوا ضحك

قالهم علومكم بعد

وبعد قال شي ثاني م اروم اقوله ههههههههههههههه عااد هالشي تحفه

واخويه ف هالسااعه يبا يشله عنهم

وهب عارف كيف

اتصل ف امه وقالهاا بييب ولدج فضحني عند العرب

اخويه م اييوز عنه

دومه يفضحه عااد هالسالفه تحفه

ياا ولد اخووويه عباادي لامه

وطبعا اخووويه شالنه عنده يتحوطوون ف السياااره

وتاخروا تقريبا ساعه وشي

المهم الحبيب من رجع سيده طاير عند امه

قالها : ماما ..........بابا خلاني اكلم حرمه وعطيتها بوسه

امه قالتله : من هالحرمه عموتك تقصد>>>دووم ييلس عند اختي عسب يلعب عند عيالهاا

قال لا م عموووه وحده قالت انت شو اسمك
وعطاني بوسه

عاد الحرمه طنقرت ووصلت الحراره فووووووووووق ههههه

:7btain: فديت عباادي انا فضوحي

واشووف ياي اخوويه كاشخ

قالتله هااا شو من هالحرمه الي رمسه عبادي

وانا ناقعه ضحك اشووف رده الفعل لاخويه

اشووف اخويه احمر ع اخضر ع اصفر

قال اي حرمه

قالت الي ترمسهاا

قالهاا انتي تحلمين يمكن

م رمست حد

وشلت فونه وشاافت السجل فاضي

اخويه ذكي طلع

وتمت عااد معصبه قالهاا لا تسمعي كلام الياهل

رمس ربيعي ,.>> ربيعك وصوته حرمه ههههه عاد مب جذبه

قالت انزين حبل الجذب قصير

وسرت المطبخ واخويه دش عندي وانا مب رايمه اشوووف ويهه

بتم اضحك بويهه

قلته ربيعك صوته حرمه

قال سكتي لا الطمج كف

ياخي هذا محد يشله فضحني وبيسويلي مشاكل

قلتله محد قالك عاد انت تتمدح انه اخوك الصغير م بتقوول انه ولدك عسب م تنفضح هههه

قال جلبي ويهج انا بطلع

ومب هامني شي

وانا ها مسولكم مقلب

متفق عند ولدي جيه يقوول عسب اشوووف امه كيف تعصب

جان اقوول

والعثره لا يطيح علينا السقف دخيلك تتفق عند ياهل عمره 4 سنوات

جان يضحك وطلع عني

وحرم يشله مكاااان واذا شله بيودره عند اختي عسب يلعب عند عيالهاا ههه

تحفه ولد اخووويه محد شراته بيطلع داهيه

وايد سوالف عن هالفضوحي

بس ان شااء الله جريب بسدحلكم فضايحه

 

[الــــ ع ــــنــــود]

يا سلااام ع الصووره الحلووه

روميووو وجوليت

المهم امس امايه سارت المزرعه ويابت ديايه عسب تذبحهاا

وشاافها عبااادي ولد اخووويه

واحتشر قال اليوم اباهاا اباهاا

قالت امايه بذبحهاا حق العشى وقعد عدالهاا الحبيب

واعرفه خبله شراتي ههه

جان ارووح حق امايه قلتلهاا اياج وتذبحينهاا جدامه اخااف يذبح اخووه ههه

قالت صدقج عاد هذا يقلد كل شي

وقصيت عليه قلتله تعال وما طاع

عقب قلتله سير عند امك ييب حبل عسب نربطه ونحووم وياهاا

قال : ايووووه

وسار وامايه استغلت الوضع وذبحتها م شااء الله عليهاا انا طبعا مستحيل اشووف شي ينذبح جدامي بمووت

ويا عباادي يركض يقوول حقي عمووه اندوج ربطيهاا

قلتله شردت وسار يدوور ع طوول البيت اونه يدورهاااا

وياني قال م حصلتها

وسار حق امايه الحبيب خطير ع باله المزرعه حديقه حيوانات

احينه يصيح يبا امايه اتيبله اسد ههههههههههههههههههه

عنبوووه عيل انت مب عبادي جان عندك اسد

وكل م يشوفهاا

يدووه وين الاسد وين الاسد

ومصدق الحبيب

عاد احينه شو بيفكنا من حشرته

حد يتبرع ايبله اسد ههههههه

 

[الــــ ع ــــنــــود]

حشى شكبر الصوووره


غيرتهاا

يبتلكم هاااي


بصراحه دياي الاجانب غير هب شرات دياينا منتفات وكحيانات

 

[الــــ ع ــــنــــود]

مدري شو سالفتي مع الدياااااي

ههههه


المهم نتلاقى بوووقت ثاني