بيت شعر والشاعر يكمل * ( نرجو الالتزامـ بالوزن )

[نسايم ريف]

مـعتـاش معـتاز والعــيشـــه تبــا عــازه .. فقير والفقر مــا فضـّـح ولا عيـّـب
شوري فـ راسي وعقلي وش يبي جازه .. من يوم يومي وعقلي حر ماغيّب
الحـــر بالأخـلاق وطيب الأصل لا حازه .. أرخى جناحه وحام ومن بغى صيّب
طبع الفهيم ان هو حكى قوله قبل رازه .. وان هو عزاه الغير لاشك به ثيّب

&&&&&&&&&&&&&&&&&&&&&&&&&&&&&&&&&&&

ياللي تقول انك تقاوي وتقوى ,,, بالله خبرني وش اخبار قلبك ؟!

 

[بو جسيمـ]

ياللي تقول انك تقاوي وتقــــــــوى ,,, بالله خبرني وش اخبار قلبك ؟!
آشاورك وتقول فـ الحب بهوى .. وش عازتك فيني اذا خسرت حربك ؟!

***

اشقر على اشقر من سنامـ وغوارب ~ والذيل كنهـ مغمس (ن) في ذهبهــآ​

 

[نسايم ريف]

شقر على اشقر من سنامـ وغوارب ~ والذيل كنهـ مغمس (ن) في ذهبهــآ
مـا جـاك فـي سـبقه يـدور سـوارب ~ كنّه سراب او نار لاضــي لهبهــا

*************************************************************

قرب على قلبي تحسس وش يقول && تلقى خفوقي دووم يخفق ( أحبك )

 

[miss 6air]

قرب على قلبي تحسس وش يقول...تلقى خفوقي دووم يخفق ( أحبك )
وتلقى فوآدي بآلمشآريع مشغول .. وسط آلضلوع الوآهنة ينحته حبكـ ​

~~~~~~~~~~~~​

آنشدك بآلله :: كيف تطبيب آلجروح ~~ ودي آخفي من جروحي حضرتكـ​

 

[نسايم ريف]

آنشدك بآلله :: كيف تطبيب آلجروح ~~ ودي آخفي من جروحي حضرتكـ ​

ودي اشكر ساعة الفرقى بـ وضوح ~~ وادفن احسـاس ن وصدفـه جابتكـ
ودي انــك لــو علــى الطـاري تلـوح ~~ مـ اذكره صـوتك ولا اذكر بسمتكـ
حــانت الســاعه وجـا وقــت النزوح ~~ والرجوله في عيوني خانتكـ

&&&&&&&&&&&&&&&&&&&&&&&&&&&&&&&&&&&&&&&

الله يادنيا على مــر طبعج %% وياما حلاتج لاغدى الجو رايق ^^

 

[فيصل محمد البادي]

الله يادنيا على مــر طبعج --- وياما حلاتج لاغدى الجو رايق
مره اكرهج ومر اهيم في حبج --- اتونس احيان واحيانا كذا ضايق





يامكدر الخاطر ترى قدرك معي عالي --- عالي ولو كان لك هالخاطر مكدر
​

 

[نسايم ريف]

يامكدر الخاطر ترى قدرك معي عالي --- عالي ولو كان لك هالخاطر مكدر

غالي وتبقى على رغم القسى غالي --- مشتاق شوفك وانا ع البعد مااأقدر

ــــــــــــــــــــــــــــــــــــــــــــــــــــــــــــــــــــــــ

لا قلت احبج فز قلبي على الدوب && ياللي أحبك لاتفارق حياتي

 

[فيصل محمد البادي]

لا قلت احبك فز قلبي على الدوب --- ياللي أحبك لاتفارق حياتي
تبغي افسرها على نهج واسلوب --- يعكس لك اللي ماحوته منياتي
انك غريب فدنيتي قاطع دروب --- واصير انا المرشد لكل الجهاتي

----------------------------------------------------------------------------

ياقلب ميل لا لفتك النسايم --- واتبع مهب الريح واسلك طريقه

​

 

[نسايم ريف]

ياقلب ميل لا لفتك النسايم --- واتبع مهب الريح واسلك طريقه

ياقلب لا تشري غلا شخص سايم --- يهمل ومن حبه فقلبك حريقه
&&&&&&&&&&&&&&&&&&&&&&&&&&
احساسي انك منشغل فيني الحين %% وانه رغم ماصار تدمع عيونك

 

[المسماري]

احساسي انك منشغل فيني الحين %% وانه رغم ماصار تدمع عيونك

وانا شراتك دمعتي ف محجر العين %% وبكل دمعه ادعي الله يصونك

احساس صادق ما يداخله تخمين%% واصدق شعور اني وحيد ن بدونك

--------------------------------------------------------------

لو هو تناسى انا ما تناسى ** يزوره خيالي بليل ن عتيم

 

[نسايم ريف]

لو هو تناسى انا ما تناسى ** يزوره خيالي بليل ن عتيم
يلملم بقايا غرامه ويذرف ** من القلب دمع ن كـ دمع اليتيم
حياتي غناتي غزا القلب حبك ** وخنجر غرامك طعن فالصميم

ـــــــــــــــــــــــــــــــــــــــــــــــــــــــــــــــــــــــــــــــــــــــــ

على هونك على هونك && دخيلك راعي احساسي

 

[انسياب حرف]

على هونك على هونك ... دخيلك راعي احساسي
ودي بْـ طيبك مع لحونك ... دخيلك يَ تاج ع الراسي
بالهون ع قلبي وهونك ... بمن عدك أغلى هالناسي
/
ليس لي بالشعر لا ناقة ولا بعير .. ولكنني أحببت مجاراة الأخت نسايم ريف
منا والدرب

 

[نسايم ريف]

تسلميين الغاليه على المجاراة وماشالله عليج ماعليج زود
ولي الشرف يالشيخه

وبيت النكمله يقول :

أعز النفس عن قاصر وداني && عزيز ودايم اسعى للمعاني
عـزيز وعـزتي من عـز لآبــه && لهم في خافقي رفعه وشاني

 

[انسياب حرف]

سلّمكِ ربي وعافاكِ
ولشرف أعظم يعتريني أختي الغالية
/
أعز النفس عن قاصر وداني ... عزيز ودايم أسعى للمعاني
عــزيز وعـزتي من عــز لابه ... لهم في خافقي رفعه وشاني
حكـيي قليل"ن" فِ الـذيابه ... وأفخـر بْ لابتي .. وكل خلاني
/
أرى أن القلة القليلة ممن يكتبون على هذه الشاكلة .. فأحببت التغيير
مثال لأحد الشعراء :
ورق لعى بصواته / فـ اغصونه / أرق نظير العين
أون مــن ونـــــّاته / ولحـــــونه / ونـة قلب حزين
يتسقى بحسراته / من بــونه / ما وقف مَ الونين
/
منا والدرب

 

[نسايم ريف]

الغاليه المفروض تكتبين ثلاث اشطر والرابع على وزن البيت الاخير وهالنوع من الشعر يسمونه المربوع ^^

واللي عليه التكمله يسمونه الطارق على ماأعتقد

وماطلبتي الشيخه غاليه والطلب رخيص

ياهل الهوى ثيبوني .. ممحوني .. قلبي عوقه شديد

 

[فيصل محمد البادي]

ياهل الهوى ثيبوني .. ممحوني .. قلبي عوقه شديد

من سبت المزيوني .. مطعوني .. حولين بالتوكيد
تذرف عليه عيوني .. وجفوني .. امقيده تقييد



فكرت(ن) في راس فيصل ماتحملها هجوسه --- للفهيم اللي بهرني في ذكاه وفي حماسه




​

 

[بو جسيمـ]

اقتباس:
المشاركة الأصلية كتبت بواسطة منا والدرب
سلّمكِ ربي وعافاكِ
ولشرف أعظم يعتريني أختي الغالية
/
أعز النفس عن قاصر وداني ... عزيز ودايم أسعى للمعاني
عــزيز وعـزتي من عــز لابه ... لهم في خافقي رفعه وشاني
حكـيي قليل"ن" فِ الـذيابه ... وأفخـر بْ لابتي .. وكل خلاني
/
أرى أن القلة القليلة ممن يكتبون على هذه الشاكلة .. فأحببت التغيير :
يا من وجوده يبري العله / ويشله / عوقي إللي بصدري مستكيني
يا منى وروح قلبي وخله / وكله / يا مداوي وطب عوق العاشقيني
/
مثال لأحد الشعراء :
ورق لعى بصواته / فـ اغصونه / أرق نظير العين
أون مــن ونـــــّاته / ولحـــــونه / ونـة قلب حزين
يتسقى بحسراته / من بــونه / ما وقف مَ الونين
/
منا والدرب




وزن الطارق لي قالت عنهـ نسايمـ مـآ سمعت عنهـ ابدا ..

غير عندي سؤال : احين انتي يومـ كتبتي

يا من وجوده يبري العله / ويشله / عوقي إللي بصدري مستكيني

قصدج تمشين على هالوزن :

ورق لعى بصواته / فـ اغصونه / أرق نظير العين

؟؟

 

[المسماري]

فكرت(ن)في راس فيصل ماتحملها هجوسه --- للفهيم اللي بهرني في ذكاه وفي حماسه

وفكرته فيها تفرد كن يديها بطقوسه--- بارك الله شاعريه خطها بلمسة حواسه

--------------------------------------------------------------------

تجارب هذي الدنيا تجارب && اشوف انها ملذات وهوايل

 

[فيصل محمد البادي]

تجارب هذي الدنيا تجارب && اشوف انها ملذات وهوايل

اقضيها على ماكل وشارب --- وتاخذني على درب متمايل




آآه يامقسى طعونك يالأناني --- شوف حالي كيف مايصبر بدونك

​

 

[نسايم ريف]

آآه يامقسى طعونك يالأناني --- شوف حالي كيف مايصبر بدونك

بعد ماحسيت بالحب اعتراني --- و اسلبت عقلي أنا نظرة عيونك

بعتني برخيص وارخصتك تراني -- من بعد ماكنت مجنون بجنونك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ذاك المكان اللي على الحب شاهد && أصبح ظلام وحالته تبكي الطير