"خٌلُنيُ قَصٌُةَ هَوًىٌ تٌسُكًنَ كًيانكٌ"

[موزة النعيمي]

صبآح\ مسآآء الخير....~

لكل القلوب النقيه التي تنبض هنا...لكل الاقلام الوفيه التي شاركتني هنا...


" خلني قصة هوا تسكن كيانك" قد تحتوي على احداث حقيقه ولكنها اندمجت بالخيال...

وقد تكون هناك احداث خياليه تم رمسها فقط لتبيان الهدف من القصه والامور المستفاده منها..~

ليس كل مايكتب هنا.. يعبر عن || اليازيه..||..

انما هيه فقط طريقة لتوصيل مشاكلنا وقضايانا باسلوب يفهمه الجميع.. مع وجود الحل المناسب...


فٌعَذٌرًاً.. كل حرف هنا وكل حركة وكل موقف لم يكتب هباءا وانما كُتب لاسباب مرسومه..."


لنعالج مانعانيه بصورة واقعيه خياليه...

وسوء الظن" ارجوا ابعاده ابعاده ابعاداً نهائيا عن قصتي....

والله على ما اقول شهيد...~

نتمنى الاخذ بدروس القصه .. عند القراءه والتعلم.. وليس فقط القراءه من اجل التسلية..^_^

يرجى عدم الرد للحين الانتهاء من انزال الباآرت..~


تحياتي: الكاتبه.​

 

[موزة النعيمي]

البآرت اليوم.. احسه شي شي مب اي شي. قريب مني وايد..



بارت حلو\ خفيف\ مميز\ شفاف\ عفوي..~ وباررد.:hehe2:
​

يمكن اغلب الاحداث تحصل في مكان واحد او مكانين..:giving-up:
​

كل لي اتناه. قضااء وقت ممتع وانتوا تقروون ..اهم شي:

​

خلكم ع الموجه الصح...:00:

​

هع:10:



​

البآرت السابع ----*



​

في بيت العم زورو.
الساعه: 5:30 المساء
الحاله: البنات يتعدلون والام في المطبببخ...^^​

شموخ: يزوي يزوي.. احين عيال عمي مايابوا بنت صغيره وياهم؟​

يزوي:ههههه ومن وين يعني بييبونها ههههه؟​

شموخ: مادري بس ترا هم ماعندهم بنات من سني عسب نلعب عرايس ويا بعض.!​

سويره: هيه والله ماعندهم بنات كله اولاد... بس ها المنصوري اللي اكبر عنج بثلاث سنوات..​

شموخ: ها خقاق كل ما ايي لازم يغايضني ويخق علي​

يزوي: هههه وكيف يعني يخق عليج؟​

شموخ: مادري كله يغلبني في البلاي ستيشن انا يوم العب ويا CR9 كله اغلبه الا ها كله هو يغلبني..​

سويره: ترا CR9 الا قاص عليج ومخلنج تغلبينه خخخخ( بصوت خفيف
)
يزوي: خخخخخخخ​

شموخ: شووه قلتي؟​

سويره: ماشي حبيبتي يالله سيري جهزي وخلصي..​

وتطلع شموخ من الغرفه ورايحه صوب امها عسب تسحي لها شعرهااا...​

يزوي: حبي سويره خلصي عسب ما نتاخر ع امي وننزل نساعدهاا​

سويره: ان شاء الله فديتج كاني مخلصه بس باجي شوي​

يزوي: وحق شو هالكشخه كلها اللي يسمع يقول يايين يخطبون..خخخ​

سويره: اي خطبه اي بطيخ خخخ ويا راسج.. ​

يزووي: خخخخخخ​

سويره: يزوي..؟!​

يزوي: لبيه( وهي تعدل شعرها)..​

سويره: تخيلي في حد تقدم لاي وحده منا؟.؟. شو راح نسوي؟.​

يزوي وهي تضحك): مايبالها سؤال.. بنرفض طبعا.. وثانيا ليش السؤال؟​

سويره: مادري بس هاي سنة الحياه
...
يزوي( تعصب ع كلام اختهاا ): شو سنة الحياه؟ الزواج هب غصب.. وانتي واعدتني لو شو ماصار ان نظل رباعه ومع بعض ع طوول ومانفترق.​

سويره: هيه انزين بس..​

يزوي: شو بس وخل عنج هالرمسسسه.. نحن بتم ويا بعض يعني ويا بعض.. ومحد بيفرق بينا..​

تسكت سويره.. لانها مب قادره تقنع اختها ان كل البشر تفترق.. حتى التووم.​

يزوي: سويره اوعديني..​

سويره وهي تطالع اختها: اووعدج..
يزوي:^_^
هذي هي المشكله اللي تعانيها سويره مع اختها يزوي.. سالفة الزواج وان كل وحده منهم راح تروح في درب يزوي مب قادره تستوعبها ولا تتعود عليها ومع ان هالشي سنة الحياه.. سويره خايفه وايد من هالشي انه يأثر ع يزوي بعدين وياثر على نفسيتها وخاصه انه يزوي من النوع الحساس..ولكن قالت.. فتره وبتعدي عليهاا وبيتغير كل شي عقب..وراح نشووف. اذا بيتغير او لا..!!!!!)​

يزوي: دبوه انا خلصت يالله ننزل رباعه.. يسد ان البارحه مانزلنا بسبة CR9 خخخ​

سويره: ههه هيه والله سوا لنا رعب البارحه..انا اتوقع CR9 في اي لحظه بيي ويعطيني كففففففف.​

يزوي: هههههههههههههههههههههههههههههه....​

العم عاطن يوصل قبل الكل هناك لانه كان ويا اخوه زورو في الشركه رباعه.. وطلعوا من الشركه وراحوا بيت زورو طبعا استقبلوه العيال واقعدوا معاه وسلموا عليه وعقب خلوهم اروحهم يناقشوون امورهم..^_^​

يتبع ---------*​

 

[موزة النعيمي]

يزوي.. طبعا مع سويره يتذكرون ايامهم مع عيال العم ويحاولن يعصرون المخ..هع..لان كانت بينهم ذكريات حلوه تفطر القلب.~
اليوم اعتقد الكل راح يستعيد هالشريط. والكل راح يحن لذيج الآيام لوول.​

يزوي ماتذكرت الا موقف واحد..
يوم تلعب مع راعي غميضه..​

ويوم يكون هو دوره اطفربه واتم تنادي عليه بصوتها وتضيعه لوول​

" يزوي\ راعي\ سويره\ سي ار) << كلهم يروحون ينخشوون..
الدور كان هالمره ع راعي.. وهو لي بيغمض عيونه بالشيله..​

غمضوا عيونه الوكل راح وانخش.. سي ار مكانه المفضل( المطبخ)\ سويره مكانها المفضل( غرفة ابوها)\ اما يزوي فكان مكانها المفضل.. ورى حيطان الصاله..^^​

وهيه تماشي تنادري" رااااااااااااااعي\\ انا هني...."..
.
راعي: وهو يسمع صوتها يحاول يتبعها عشان يعرف هيه وين ولكن صعب يزخها لانها كل مره تتنقل..​

يزوي: راااااعي تسمعني<< وبصوت خفيف وهادي..​

راعي: ( كان دايم يتنكر ع يزوي ويقولها: يزوي الشيله تبطلت عن عيوني تراني اشووفج...​

واتي يزوي تركض وتقول: صبر بربطها لك من يديد..​

من تقرب صوبه يزخها ولا عاد يفجها هع..​

والكل يطلع​

سويره: يووووووووووووووووووه زخوهاااااااااا​

سي ار: ههههههههههههههههههههه وخوها​

يزوي: والله مايصير غشششششششش.. قص عليه قص عليه.....​

راعيلوتي من صغره): خخخخخخخخ زخيتج زخيتج زخيتج...​

وع هالذكريات يزوي اقعدت تضحك.. وحنت لذيج الايام. سويره معاها وتطالعها..​

سويره: اسميه كان دومه يقص عليج ههههه​

يزوي: الاشو ماكان يقص عليه ههههه..!​

نرجع لسوالف الشواب في الميلس...~​

زورو: هو اتصل فيني وقال انهم موافقين على التمويل لكن باجي اجاراءات بسيطه..​

​

عاطن: يعني الموضوع تقريبا مخلص.. عيل كم يبالهم لين ما يجهز كل شي؟​

زورو: قول جذا ع الاسبوعين او الثلاثه ويكون كل شي جاهز للبنياان ان شاء الله..​

(

وفي هذه الاثناا ورجال الاعمال قاعدين يدردشوون عن الشركه وغيره.. اتي يزوي وتحدر عندهم الميلس..)

​

يزوي: عمي ابووي.. امي تقولكم تعالوا داخل لان حرمة عمي قربت توصل..​

​

عاطن: ام عيالي احين بتوصل؟.؟. غريبه قلت لهم من يظهرون يتصلون فيني..​

​

يزوي: توهم متصلين وقالوا انهم قريب..​

​

زورو : خلاص بنتي الحين بني... اجدمينا..​

​

يزوي: ان شاء الله( وتطلع من الميلس)..​

​

عاطن( وهو يتصل على راعي صوغه): هلا راعي صوغه وين انتوا؟​

حمد: مرحبا ابووي.. نحن دقاي وبنكون عند الباب.. انت من متى عندهم؟​

عاطن: انا من ثلاث ساعات تقريبا ... وجي ماخبرتني يوم ظهرتوا من البيت؟​

راعي صوغه: بس وليش نخبرك يا بووي..ترا الا بنوصل عندكم​

عاطن:اها زين. يالله عيل اترياكم​

بند راعي صوغه عن ابوه وقعد يستعيدشريط الذكريات مع عيال عمه.. هع ​

راعي: صدق ايام حلوه..​

بنت الكلباني: أي ايام؟​

راعي: ايامنا مع عيال عمنا.. بصراحه يوم كنا يهال الا اقص على يزوي ههه احينه كبرت ماشاء الله.​

بنت الكلباني استغلت الفرصه .." هيه كبرت وغدت حرمه وماشاء الله عليها جمال الكون فيها هيه واختها. حرام يروح لحد غريب...​

راعي:حس انه امه بترجع تفتح الموضوع ف عطووول تضيج وبدا هالشي ع ويهه.. لان الريال مابيا يتزوج وعمره ماطالع بنات
عمه ع اسا انه وحده منهن بتكون ام عياله..^_^

​

 

[موزة النعيمي]

داخل الصاله قطرية ذوق..تتريا ام راعي صوغه.. لانها مشتاقه لها ومن مده هب شايفتنهاا​

.. شوي والا يوصلوون ويدخل راعي صوغه السياره الكراج ويطلع لهم CR9​

عشان يستقبلهم وبالمره عشان يروح المكتب سريه اييب اوراق حق ابووه من هناكي...​

CR9( وهو يسلم ع حرمة عمه): هلاااااااااااا هلاااااااااا اسفرت وانووورت حرمة عمي هني.. لا لا ما اصدق..ههه​

ام راعي صوغه: ولدي.. هههه ماشاء الله عليك كبرت .. غديت ريااال ..​

CR9: اووب اووب قويه هاي حرمة عمي.. عيل شو كنت قبل يوم اني احين غديت ريال؟.؟. خخخ​

ام راعي صوغه: غربلات بليسك لسانك يباله قص هههه .. وينها امك؟​

CR9: قربي قربي داخل امي..​

( ويرح سرراب يسلم ع راعي صوغه والمنصوري.. ويقربهم الميلس​

ويدخل راعي صوغه الميلس ويسلم على عمه..​

راعي صوغه: السلام علييييييييييييييهم حيهم البزنسس مان..ههه​

زورو( وهو يقوم يبا يسلم): عليكم السلام ولد اخووي منورررر..​

راعي صوغه: استريح استريح عمي..شو حالك عساك بخير وسهاله؟.؟.​

( وفي ميلس الحريم.. يزوي وسويره يسلمن ع حرمة عمهم.. وطبعا شموخ تتوسطهن..)​

ام راعي صوغه: هلاااا هلااااااا.( وتقوم تبا تسلم)​

يزوي: استريحي استريحي خالووه..​

ام راعي صوغه: افا اذا ماقمت حق التوم حق منو بقوم عيل؟.؟.​

يزوي: هههه شحالج خالوه عساج بخير؟​

ام راعي صوغه: انا بخير ربي يعافيج ويبقيج.. ​

واتي سويره​

سويره: فديت هالطله ورررررررربي.. حرمة عمي منورتناا​

ام راعي صوغهه: فديت قلبج والله.. فديتج شو حالج؟​

سويره انا بخير ربي يعافيج..​

ام راعي صوغه ويزوي شو مسويه في الدراسه ​

يزوي والححمدالله كل شي تماموو حرمة عمي​

سويره: استريحي استريحي خالوه..​

قطرية ذوق: يزوي امي قومي روحي شوفي الفواله جهزت ولا بعدها..​

يزوي: ان شاء الله امي( وتقوم)​

ام راعي صوغه: مشاء الله ع بنات اخوي.. غدن حريم.. ماباقي الا الريل​

سويره( تقول في خاطرها عل وعسى بس يزوي ماتسمع هالرمسه مره ثانيه لانها صج بتجلب وخاصه عقب ما لاحظت ان يزوي عصبت من الكلام الي صار من شوي..)​

ام راعي صوغه: ولا شو رايج سويره.؟.؟.​

سويره: ههههه والله مالي راي يا حرمة عمي..​

قطرية ذوق: هههههههههههه ام راعي صوغه.. مب وقته مب وقته البنات يستحن..​

وتدخل يزوي ع هالرمسه..)​

يزوي: من اللي يستحي؟.؟. وحق شو يستحن؟ هههه​

سويره: وانتي هب عارفه اسالفه جي ادشين عرض ههه( تبغي تغير لموضوع).. خلاص سيري الميلس وازقريهم خلهم هني ايوون..​

قطرية ذوق لاهيه بالسوالف ويا ام راعي صوغه. ويزوي تاشر ع سويره انها ماتبغي تروح الميلس لانها توها يايه من المطبخ.. وتقول لسويره انتي روحي.. سويره فهمت ليزوي.. وقامت..)​

سويره: انا بسير اناديهم وبيي..​

قطرية ذوق: زين تسوين بنتي.. حطي وقايتج زين..​

سويره : ان شاء الله..​

وتطلع سويره رايحه صوب الميلس.. وطبعا بحكم ان الحووش كشف.. وان الكراج امبطل لان راعي صوغه مدخل سيارته اليديده.. .. في هذه الاثناء الشبلي كان متفق ويا CR9 انه ايي يعطيه الاوراق الي CR9 يبيهن ويروح.. فوقف سيارته ورا سيارة راعي صوغه وبند الليتات.. واتصل ع CR9..)​

سويره طالعه من الصاله رايحه صوب المميلس.. من بعيد لمحت السياره وشافت ثنتين فعبالهاا انه سيارة عمها وولد عمها راعي صوغه وما انتبهت انه الشبلي موجود في سيارته..​

الشبلي: CR9 يالله بوي تراني خست خاري الا اوراق بعطيك وبروح.​

CR9: يبوي صبر شوي انا احين برد البيت دقايق والله بخلي ولد عمي يطلع لك بس صبر اتصل عليه يطلع لك.~​

الشبلي : اوكي اترياك لا تتاخر( وهو يبند الخط.. الشبلي و لمح سويره وهي يايه صوب الميلس.. تخبل. ومب مصدق عمره..)​

الشبلي: ياربي شو هالحظ.. للمره الثانيه اشوفها.. ماشاء الله عليهاا.​

وتم الشبلي يطالع سويره لين ماحطها في باله. الريال كان يدور بنت لحلال.. وشكله لقاها..^_^)​

سويره( يوم اوصلت الميلس.. سمعت راعي وهو هلا سي ار. وين؟ برع؟ طيب تمام احين بظهر له..~في هالوقت يت يزوي لان شافت اختها سويره تأخرت.
من سمعت سويره هالرمسه شافت السياره وشافت ان الشبلي فيهاا.. وع طول تغشت وعطت الظهر..)شافتها يزوي..​

يزوي: خير شفيج متغشيه؟ الا عيال عمج​

سويره: وهيه خايفه: اهئ يزوووووي​

يزوي: شفيج؟​

سويره: اهئ يزووووي( وهيه هب رايمه ترمس)​

يزوي: بترمسين ولا شو؟ شو فيج؟​

سويره: اهئ ربيع اخوج في السياره اهئ اهئ​

يزوي من انتهت له.. اروحها زاغت قالت لو أي حد شافهم بيهاوشهم ..<< سالفة عيب ومنقود هع ولكن خلت الامور طبيعيه يوم شافت اختها جذا قالت لها​

يزوي: انجلعي داخل يا ام البلاوي هههههه​

سويره: والله انج سباله اهئ اكرهج.​

 

[موزة النعيمي]

سارت يزوي وحدرت الميلس​

يزوي: السلام علييكم..ششافت بن عمها راعي صوغه​

وهو منسمع صوتها تذكرها.. اهتز في داخله شي. تذكر الايام الخوالي​

يزوي: رااعي؟​

راعي: ممم عاد انا كيف بعرف انتي أي وحده ههه.. ممم يزوي؟​

عاطن: هههههه بنت عمك وماتعرفها؟​

راعي: ابوي نسيت انهن توم؟​

عاطن: هيه صح ههه​

يزوي: شحالك ولد عمي عساكك بخير؟​

راعي: انا بخير علج الخير انتي شحالج؟ شو مسويه؟​

يزوي: والله انا تمام. زين شفناكم وتذكرتونا..^_
^
زورو: متابع الحديث بين الاثنين فقاطعهم​

زورو: ها بنتي يزوي. شو تبين امي؟​

يزوي: ولا شي ابوي بس امي دازتني عسب اقولكم تعالوا داخل نترياكم..^^​

زورو : ان شاء الله بنتي..^^​

وسارت يزوي وسكرت الباب..​

يزوي( ماتحرك فيها ساكن). بس استانست انها شافت ولد عمها من بعد فتره طووييله..^^​

وتصد سويره وهي مره مخترعه وتقول في خاطرها.. هالريال مابيرتاح الا يوم يوهقني مع اخوي ياربي.. عسى بس ماشافني​

. وتصد سويره تبغي تشوف .. فضول مدري شو خلاها تصد والا تطيح عينها في عين الشبلي ولكن.. نظرتها خجووله.. وراحت والشبلي.. مب مصدق عمره انه سويره شافته....^^)..​

يزوي قالت حق سويره: شو انتي بعدج هني اشوفها عيبتج السالفه..​

سويره: جب ولي يسلمج . احين انا خايفه لايروح هذا بعد ينطق​

يزوي: تعالي تعالي نسير داخل انتي ماوراج الا المصايب ههههههه​

وسارن داخل...​

وصل سي ار البييت طبعا استغرب ان راعي ماطلع لي الشبلي..​

بنفس الوقت راعي من راحت يزوي وهو يفكر.. يحس عمره مش ع بعضه احساس غريب|| حس انه قلبه بيطله منه.. يحس انه الارض هب شايلته. طيب << قلنالك من قبل يار اعي ههههه قلت مابا.​

خلونا نتابع..​

راعي وهو يسبح يسبح في افكاره... تذكر الريال وقام طلع له ع السريع...​

راعي: سي ارررررررررر السموحه منك الغالي بس انشغلت هههههه​

سي ار: وانا اقول وينه هذا ماططلع حق الريال...​

.. الشبلي عشان يتفادى الشك من صوب CR9 نزل راسه وخله نفسه يلعب بتلفونه وهب منتبه انه سويره واختها كانت في الحووش..​

CR9: هلا هلا الشبلي. السموحه تاخرت عليك​

الشبلي: لا عادي افا عليك لهيت عمري بهاللعبه ههههه عموما خذ اوراقك وانا رايح لاني مستعيل.​

ويا راعي صوغه وسلم عليه....~​

CR9: خلاص مشكوور الشبلي عنينا بك..​

الشبلي : افا عليك CR9. مابينا يالله برايك سير عن تتاخر عليهم..​

راعي: قرب ياريال كيف تروح جذا​

الشبلي: ماعليه مره ثانيه الغالي..​

CR9: تمام يالله فداعة الله..​

ويشغل الشبلي سيارته.. ويطلع من الكراج وهو يحاول يلمح سويره.. وسويره نفسهاا واقفه وتتريا الشبلي يروح عشان تدخل داخل.... الشبلي.. راح وطار وهو فرحان.. ويقول.. هلا هلا.. توي عرفت حق شوه اعيش..فديت نظرتها الخجووله.. فديتهااا..))​

ما سألتوا صاحب النظرة iiالخجولة كيف يسهرني وله وجهٍ iiصبوح
كيف يظلمني وله طهر iiالطفولة كيف يسكنّي وهو دايم iiيروح
أسعد بشوفه ولكن ما iiأطوله كنّي الوادي وهو أعلى iiالسفوح
يبتسم لا منهم عنّي حكوا له ولا حكوا لي عنه أعماقي iiتنوح
ما عرفتوا ليه تسهرني iiفعوله وليه يسكنّي وهو دايم iiيروح
هو يبيني بسّ أطباعه iiخجوله وما يبي أغفى وهو وجهه iiصبوح

​

تدخل سويره البيت.. وقلبها بيطلع منها من كثر مايدق..ياربي​

لاتعليق||:imuae83:



ترقبوا البارت الثامن....~

والسموحه ع القصؤؤؤؤر.~​

 

[مس كلوزر]

ايييييييي متى انا اقووول لاه ؟؟؟
لاتطلعين عليه اشاعات وتضيعيلي اصلي هع هع
<<< حشيمة المنتدى ولا فلساني كلمه هع

ولا اونه ماتبين تعرسين وماتبين تودرين سويره جي ريلج
صراحه حسيتج غبيه هع

كملي متابعين ^^

 

[موزة النعيمي]

شز اسوي

حب التوم لبعضهم ممكن انه يسوي اكثر عن جي هع..

تشكرين قوم لاااااه هع

 

[مس كلوزر]

الله واكبر عااااااد هب حب هع

لاتقووووولين قم لالالاه لاشوتج بالشوته

وبعديييين ياخي جي ماحيروج فالقصه من يوم يهال حق ولد عمج ؟. جذا الاصول هع

 

[موزة النعيمي]

هههههههههههه

لاتستعيلين انتي ياخي

وثانيا لو حيروني جيه مالي شوور

ياخي انا مابا اعررررررس ياخي..~

 

[مس كلوزر]

ويه ويه ارجوووووج اللي ماتبا تعرس
تصرقين شخصيتي فالصدق هع هع

لالا مايخصه الشور الاول النبت مايشاورنها
تحيدين منو يشاورون ؟ يشاورون اليتيمه بس
وسالي اهلج بعد ^^

 

[موزة النعيمي]

قلبتي الموضوع سوالف><

بس خلاااص..~ كح

اتمنى لي يقرا القصه يفيدني بجد

لاني محتاجه للردود البناءه الي تفيدني في القصه ومجرياتها

كل الشكر..^_^

:imuae83:​

 

[مس كلوزر]

هع يعني يوم رمست انا جي قلتي؟؟
يبوج السموحه طويلة العمر مابنتقد ولابنرمس ^^

 

[!الـغ ـروب!]

ههههههههههههههههههههه
يس يس حب التوأم يسوي جيه وأكثر ^_^
بس عاد يزيو ماتبي تعرس هههههههههههههه هاي عاد أكبر تمويه هههههههههه
بصراحه يايزوي انتي وايد متأثرة بالروايات السعوديه ^__^
وماشاء الله عليج خيالج واسع
ونتريا اليديد

 

[™β.в]

*
{آلحين آنآ آم رآعي صۈغه ۈلآ ڜـ آلسآلفه <--- مآتدري لۈۈۈۈل
لآنچ آلحين قلتي بنت آلڪلبآني .. ۈمره آم رآعي ..<--- ^_^"
ۈآآآآآآآآآآآآآآآآآآآآآآآي دآم آنآ آلآم آڪييد لآبسه برقع <---عۈقهآ ههههه
ۈلآ يهمڪ رآعي بزۈچڪ بس لآتتحرقص لۈۈۈۈۈل
بـــــــــــــــــــــآرت ڪۈۈۈۈۈۈۈۈۈۈۈۈۈل
صچ څيآلچ ۈآآسع يزۈۈي ..,
ۈآنآ څبآلي على هـ آلقصص إلي فيهآ طڜت رۈمنس لۈۈۈل
يعطيچ آلعآفيه ننتظر آلبآرت إلي عقبه لآ تبطين آمي ههه
\
/
\
​

Copyright ©

. S τ y l є . 2 0 1 0​

 

[موزة النعيمي]

ههههههههههههههههههههه
يس يس حب التوأم يسوي جيه وأكثر ^_^
بس عاد يزيو ماتبي تعرس هههههههههههههه هاي عاد أكبر تمويه هههههههههه
بصراحه يايزوي انتي وايد متأثرة بالروايات السعوديه ^__^
وماشاء الله عليج خيالج واسع
ونتريا اليديد

ههه لان من خمس سنين قارية قصه فيها حب التووم وبصراحه وايد أثرت فيني..ولكن مسارها غير عن مسار قصتي..

الغروب ماتعرفين ان كلمة السر" مابا اعرس<< يعني ابا اعرس؟ ههههه خخخخ


طبعا نهاية القصه يوم اختمها راح ابين سبب اختياري لهالقضيه^^

تسلميين اختي الغروووب ع المرور

 

[موزة النعيمي]

*

{آلحين آنآ آم رآعي صۈغه ۈلآ ڜـ آلسآلفه <--- مآتدري لۈۈۈۈل
لآنچ آلحين قلتي بنت آلڪلبآني .. ۈمره آم رآعي ..<--- ^_^"
ۈآآآآآآآآآآآآآآآآآآآآآآآي دآم آنآ آلآم آڪييد لآبسه برقع <---عۈقهآ ههههه
ۈلآ يهمڪ رآعي بزۈچڪ بس لآتتحرقص لۈۈۈۈۈل
بـــــــــــــــــــــآرت ڪۈۈۈۈۈۈۈۈۈۈۈۈۈل
صچ څيآلچ ۈآآسع يزۈۈي ..,
ۈآنآ څبآلي على هـ آلقصص إلي فيهآ طڜت رۈمنس لۈۈۈل
يعطيچ آلعآفيه ننتظر آلبآرت إلي عقبه لآ تبطين آمي ههه
\
/
\​

Copyright ©

. S τ y l є . 2 0 1 0​

لان من الاساس لازم احط بنت الكلباني من البدايه لكن نسيت اغير><"

اسفه حبيبتي..

هيه انتي مبرقعه عيل شلون ههههههههه

يعطيج ربي الف عافيه ع المورو وكلماتج الحلوه^^

 

[بيـاض السحـب]

اليآزيه


الله على الرومنسية في هذا البارت


وعلى الحب الكبير بين التوأمين


عجبني موقف الشبلي ^_^ << الأخ طلع مغرم وعلى الأخر ههههههه


أحداث جميلة ومشوقة ورائعة


تأكدي أني بانتظار الأحداث القادمة بفارغ الصبر


كل الشكر والاحترام والتقدير لك غاليتي


ودمت بود وسعادة

 

[راعي صوغة]

توقعااتي ,,

الشبلي بيي يخطب سويره ’’

وسويره تحركن مشاعرها من شافت الشبلي للمره الثانية

يزوووووي ,, ما تبا تعرس ’’

وراعي صوغه ما يبا يعرس قبل’ بس من شاف يزووي بغيير رااايه ,,

وبيقول حق أمه تخطبله يزوووي ,, ><


توقعااات

ونترقب ><

 

[واسع الصدر]

يسلم راسج على هالتاليف الانيق والجميل

والاسلوب الراقي للكتابه وصف الكلمات

 

[CR7]

سويرة راح يخلف بوعدها
وبتوافق ع الشبلي<< الي يباله ضرب ،، ما اعرف ليش

وبعدين راعي صواغة بغير رايه ويخطب يزوي

هع
توقعااات
^^

كح كح

تسلمين اختيه يزوي ع البارت الغااوي

ونترقب القاادم
تقبلي مروري المتواضع