مــجلــــس شعراء المنتدى

[يوسف الكعبي]

آسف على البلوك ماكان قصدي
اجرح شعورك لا تظنها اهانه


لكن مزاج اللي يحب التحدي
قرر يصد بكل عنف ورعانه


ياخوف يوقف كل شين ف ضدي
واصبح ذليل القوم خاسر رهانه


لا يزعجك البلوك فجأة وصدي
الشات عمره ماعطاك الضمانه


لاني وعدتك يوم واخلفت وعدي
حتى تقول اليوم خنت الأمانه


ماهو مزاح الوضع بالكاد جدي
من شخص سامي ماتعليت شانه


فالخاص مع غيري ومرات عندي
حريتك وان صح قولي خيانة


قد كنت وحدي آه مازلت وحدي
من خبرك محتاج حب وإعانه!!!


قضيت وقتي ليت هالوقت يجدي
حتى الوم النفس لحظه عشانه


فانته مثل غيرك تروح وتعدي
واغلى البشر مازال فارغ مكانه


آسف على البلوك ماكان قصدي
اجرح شعورك لا تظنها اهانه

 

[بو جسيمـ]

تمـّـدح بـــــعضهمـ قـــــوّل زيوفهـ
ويــمدح بـــعضهمـ من شان حـاجه

وبعض الــــعرب تقرب به شوفهـ
ومــعظمهمـ مــن كتب وده هــراجه

مـ هو مــحمد يماري مع ضيوفهـ
ولا أمــــدح ســوى كــفو المواجه

وكفوج يــالمهــــــــآ كفوج منوفهـ
تـــعليتي قـــممـ عـــــــزه وأواجه

نــــسايمـ ريف يـــــا بنت النكوفهـ
هلابــــج مرحبـــــــآ حــي المناجه

خشرتي لبـّــة الـــــشعر بــعنوفهـ
ولبـّـآ لــــج قــــــصيدج من نتاجه

حضورج نـــومس بصدري خطوفهـ
مثل كـــوس انـــفرد عقب العجاجه

تــرا الوافي , له سلومـ (ن) تنوفهـ
ســـراجه الجود والـــطيبه سذاجه

اكتفي يالوافين ~ ربي حافظكمـ​

 

[المـــــهآ]

ويحفظ الجميع يالمخاوي صح لسانك ياخوي
وربي لا هان مقدارك ويسلم هالمنطوق والله أشهد انك كفيت و وفيت وتعاليت ياخوي وتسلم

 

[بو جسيمـ]

مبداكمـ الكـــــــــاري ومنهاكمـ الكار
والــــــجزل معناكمـ معـآ طيب نيـّـه

والخير طاريـّــــه معقـّـــد بالإجبــآر
مــــع ذكركمـ يـ أهل القلوب النديـّـه

والــجود لو كانت له أوطــآن وديـآر
مــــــــــــــا دوّر الا بيوتكمـ منتقيـّـه

نبراس الأجيال وغطاريف واحرار
تشهد لكمـ بالستر ناس (ن) عميـّـه

يــا كيف أودعكمـ وهالشهر قد سار
مـــا خذت منـّـه وقت كافي بهنـيـّـه

أبكي وأعدد في تــــحاسير واعسار
مــا شرط دمعي يهل ّ بيـّـن خويـّـه

ودي أعيش أعـوامـ في ربعة ابرار
يا غير ظرف الوقت دومهـ عصيـّـه

مـــحال ينسى القلب له طيب تذكار
ومـــــحال أنا بنسى ويوه (ن) وفيـّـه

لأني نجيب (ن) فـ المعاني ومغوار
وحال السنافي وافي (ن) مع خويـّـه

أشرب حليب البوش من صغر الأعمــآر
واكيـّـــف بفنجـــــان همـّـي ووزيـّـه


وسوالمـ ,, قلتهـآ في ربع الدراسهـ​

 

[طلال الشامسي]

ياحي من عده على الوزن والقاف

الصاحب اللي يرفع الراس شوفه

الصاحب المذكور لا مر مضياف

يا حيبه ما انشغ وبل ن بنوفه

لكن على طاري ابو ستة اصناف

العز والطيبه ومخفي ظروفه

والحب وبساط الحيا ومزبن اللاف

الشاهد اني شلتها بيوم عوفه

يوم الولايف تنكر حقوق الاولاف

ويوم المعزب يعتذر عن ضيوفه

لكن مثل ما قيل للسيف سياف

ولكل بندق من يزهب كتوفه

ذيبن مخاليبي على العز تنخاف

ماني بمن ربعه محني كفوفه


طلال الشامسي​

 

[بو جسيمـ]

Phet مسرع ومقبل منتهض فـ استشاط
والـــــخلايق على الله حالهــا في زحيمـ

وش على الناس والوقت الخطير المحاط ؟
غير ذكــر الله الـــــقيومـ راعي القسيمـ

ربي ارحم تـــــلطـّـف ما لنا من وسـاط
والدعـــآ والرجـآ نرجوك محق الضريمـ

ربي احفظ عمان وشعبهــا من قــــحاط
وابعد الضيمـ عن عبدك يـ راحمـ رحيمـ

يـــــا عرب اخذوا الاحذار كل الــحياط
وابعدوا واقربوا صوب الأمان العصيمـ

ذي نـصايح وزارات الحكومهـ والبلاط
يــا عسى يلتزمـ فيهــــا صحي ّ وفهيمـ



مخ ــآويـ​

 

[المـــــهآ]

ياجاره ناديتج ولا رديتي نداي
ياجاره وشله التكبر انتي رجاي
طيفه وحشني وانا بعيد
روحي لداره واحدريله سلام
روحي بقلبي واهديله الغرام
وقوليله حبيبك شوقه يزيد

 

[الجرناس]

يا مجلس الشعار ويا حي طاريه

ويا حي باللي قد لفتني علومه

لا مر بالمجلس وباقي تواليـه

يفز خشمي له محاذي خشومــه

الغايب الحاضر بلا شك حاويه

وسط الضلوع اللي عليها رسومه

واللي فقد غاليه نبكي لغاليه

الوضع الواحد والنتايج قدومه

والله لو ماهي تقاليد قاضيه

أقلط عليها والمساير بقومه


الجرناس​

 

[حديث قبله]

اسمحوا لي يا الشعرا اشارك بهذي الابيات العزيزه على قلبي ارجوا ان تنال على إعجابكم


قالولي اكتب شعر لو عندك حبيبه
ارسم لها من حرف الشعر صوره

و ذكر محاسنها و ان كانت لبيبه
و ذكر مفاخرها كل حسب دوره

قلت والله لو تدورون منابع الطيبه
ما تلقون مثل معشوقتي طيبا شوره

و لا مفاخرها لا تسالوني عجيبه
مثل بدر الدجى لما ياضي بنـوره

حبيبتي صعبا تطلع منها العيبـه
حبيبتي ما هي بشر بجمالها مغروره

حبيبتي اسسها زايد راعي النجيبه
لمها سبع دانات من غزير بحـوره

كيف ما حبها وقبلي حبها الشيبه
وصيته لنـا قبل ليكون في قبـوره

نفديها بالارواح في الحزه العصيبه
نموت و لا تبات رايتها مكسـوره

بيرقها عالي في يد صاحب الهيبه
قالها نفسي ترى للشعب منـذوره

امرك خليفه في سواد الليل نجيبه
قبل ما يبين شعاع الشمس بظهوره

ديرتي يا ناس عندي هي الحبيبه
ان مت في حبها النفس معــذوره

لفراقها دمعتي لعيوني جريبـه
و على ارضها تبات النفس مسروره



حديث قبله ( الظفيري )

 

[يوسف الكعبي]

دقيقة يابعد كــل الدقايق ,,, ويخرب بيت مــن خلك دقيقة

دقيقة دامني هـادي ورايق ,,,ابى اقارنـك مابين الخليقة

ابي اكشـف بمنظوري حقايق ,,, ووضح للبشر هــذه الحقيقة

بأنك ورد وضلــوعك حدايق ،،، وحبك يملي اضـلاعي رحيــقه

يوسف الكعبي​

 

[بو جسيمـ]

أشوف اليوم صافي مـ العجاجه
وتــــــــــلفح كوسه بكل البراد

أثاري اليومـ يومك وانبهــــــاجه
وعيدك أقــــبل ونـــــوّر تبــــاد

يـ رب الحسن يـــا عمه وتــاجه
تـــفاصيلك تــــفنـّد وانـــــــفراد

عليك الـــوجد وشجونه وأواجه
رصــــاين مـ الــتوثـّق والــوكاد

فوادي عرش واتـفحج فــحاجه
موسـّع لك وســــــاحاته بــــلاد

أحبك والــــمحبه هوب حـــاجه
لو ان حشــــاشتي تعرض زياد

عسآ هالعامـ مرخي لك حجاجه
وفــــالك خير مسعـــاك المراد

يذب الله عنك أهـــل اللـــجاجه
وتسفــــر لك تبـــاشير الـــرغاد

دروبك يــا عساهــــا انبـــلاجه
ممزق شينهــــا وكل الـــــسواد

على اقبال العمر ، عمر اندراجه
مـن الاعوام مــــا يحصى عداد

تعيش بــرخو في طيب وغناجه
وناي الــــدهر غــرهدلك وشاد


مخ ـآويـ ,, ​

 

[وافي وطبعي سنافي]

عـن وصـالـه الأيـد مـكـتـوفـــه
وقـعتــه فالـيـــوف رجــافــــه
فـــي بـعــاده الـحـال متـلوفـه
شـرع الـهـوى والـشـوق تلافـه
مـاخــذانــي بـالـرفـق روفــــه
لا ولا جـــــــت مـنـه لـطــافــه
يـاهـنـي لـي ماشـكـى حـوفــه
ولا أشـتـكـى مـالـوقـت خـلافـه
مـهتـنـي مـع خـلـه يـشـــوفـــه
مـستـانسـا بـالـطيـب وأصنـافـه
أنـــزوات الــــود مـعــروفـــــه
مـن عـصــور الـحـب وأسلافــه
بـالـخـطـر غـلـجـات مـحفـوفـه
تـظـمي الخفـا وتـزيـد هـيـافـه
حــالـتـه حــالات مـكـسوفــــه
كـــم ضـيـع فالـهـوى أشـرافــه​

 

[مشـــ كوول ـــاغب]

وصفولي حســــــــــــنك وجمــــــــــــلك والزيـــــــن
وطلعت انت الجمـــــــــال كله الزيـــــــن والزيــــــن

 

[بو جسيمـ]

يـ راس الــــحب حيـّـك مرحبابك
كثر مــا زارنـــــآ سهيل بضيـــاه

شكـــرت الرب يومـ الــقدر يابك
وفرحي فـــرح من فرّج عمـــاه

تـــعال واقلط بصدري هـــــــلابك
يــــشلـّـك شلـّــة القرمـ لـــــدواه

عــــلومي شوق منهج ّ فـ عذابك
ومنهو يطيق شوق (ن) قد وطاه ؟


مخ ـآوي

 

[نسايم ريف]

صابر على مر المقادير دومي

لكن سؤالي .. لي متى هالمصايب ؟!

في عز ساعات العجاجه يـ يومي

ماقد حلا لك غير وقت التعايب ؟!

محتاج من يوقف يقوي عزومي

واللي بغيته صار بالحق عايب !!

 

[بو جسيمـ]

نــــحن فـ عامنـــــآ الألــــفين والدنيــــا لــــها مله
تبعهـــآ من هداني ومـــن خسيس ومن بهمـ غفله

تطورنــــــآ في كسب الاثمـ بـــأحوال (ن) من العله
وصار الشين درب (ن) طرقته ميسورة (ن) سهله

بغينــــــآ نعتق نفوس (ن) يراودهــــــــا من الغله
يـ غــير نشوفهــــــآ تـــزداد فـ الـــسو تبــــا فضله

مـ دام الله خــلق هـــــالدين لـــــزم نقومـ به كله
نـــــحارب من عــرضله عثر يتمنى له الــــسفله

 

[المـــــهآ]

أواه من يوف ن يشب الحرايق

محد ن درابه وخفف شقاه

وأواه من هم ن بات عايق

لامن يشوفه ويخفف محتواه

 

[بو جسيمـ]

كان الـــــــمدايح نومست والصدر ثــــآر
دوك الــــــــــــقصايد والورق حان حبره

باقول وش باقول والــــــشعر فـ اصغار
في شـــــف من شل المراجل بستره

الــــــــمدح قاصر والشعر وسع اعذار
وكيف الشويعر ضاف مدحك فـ شعره ؟

انت والوفـــــآ صيغه ومعدن لك اجبار
وانت المثل يـــــــومـ ان بغينــآ نذكره

وانت الــــزبن تلفاك شيخان واشوار
وانت الوسمـ لا عج ّ وقت (ن) بغبره

مخ ـآوي ,,​

 

[فـيـ الـكـعـبـي ـصـل]

واحد ب الميه حبهم صادق .... و اميه ب لميه حبي لهم صادق

 

[بو جسيمـ]

يا مرحبـآ باللي يشعشع بنوره
خلوه يقلط والصدر دار وسكون

ان كان ما يلقى مشارف حضوره
عل الفواد يموتـ وتموت الشجون

هذي محبه من شعوري وشعوره
وحشاشتي وحشاه تمزيج وفتون

آنـا بلاه ايـــــــطار من غير صوره
وهوه بلاي طوير مب لاقي غصون

مخ ـآوي​