مــجلــــس شعراء المنتدى

[طلال الشامسي]

الجميع هني شعراء

والشاهد الله كلهم فوق الخشم وزود

ويا الجرناس تسلم اخوي على الكلام اللي اكبر عني

لكن تاكد انك شاعر وما فيك حيلة

 

[يوسف الكعبي]

لي متى كاس الحقيقة ينسكب فوق الورق
يطمس حروف المشاعر بين طيات الضلوع
هذه هي شمعة غلانا سنين واهيه تحترق
ماكنت تشعر في ضياها وسط ضحكات الشموع
لو كلام الحب منك جاني كالسيل اندفق
من على شامخ شعورك ترجم الحب الولوع
حبنا يطفي ع لوحن عاد يوشك ع الغرق
بحر واسرار وخفايا اليوم تطميها الدموع
لي متي بصبر!! سكوتك زادبي صبري طفق
من حبيبن راح مبعد كنت راجيه الرجوع
الكذب سكر حياتك ذاب في كوب الصدق
والصدق كذبة غلاتك يومن اوشكت الوقوع
وش يفيد الزهر يشكي من مواصيل العبق
والوطن اغلى وطن لو ماترك لجلي ربوع
ذا سؤال فداخلي يجمح يموت ويختنق
ذا سؤالي للأسف ماهان يرضخ ل الخضوع
ألمتى كاس الحقيقة ينسكب فوق الورق
يطمس حروف المشاعر بين طيات الضلوع

 

[طلال الشامسي]

الشوق ياللي الناس هذا يحسوه

ما هو تصنع او مجرد خزاعات

الشوق مثل الماي يا اللي يدسوه

فالجوف وين الروح عند الخليات

احساس ماهو بالطبيعي ويكسوه

الخوف يا اللي تصاحبه الانفعالات

مع هبوط الضغط واليأس يرسوه

زائد تسبب في حدوث انهيارات

الشوق هذا غير عن من تقيسوه

مجنون حتى يعيش عند العصابات

مخلوق مخفي يصبحوه ويمسوه

يا كبر هذا الشوق عند المعانات

ولو صار نسيانه او انه تناسوه

المشكله مربوط عند النهايات

والمشكله لا قالو الناس دوسوه

يزيد حجمه بانقطاع العلاقات

يا ناس يا عالم اذا صار بوسوه

الشوق يعني كيف تحيي العلاقات


طلال الشامسي​

 

[الجرناس]

استاذي طلال الشامسي

دائماً يكون الإبداع مرافق لك حين ما شئت

تلميذك

الجرناسِ​

 

[يوسف الكعبي]

اعيش بداخل الماسه! بريقك يشبه الألماس
واعيش بداخلك كني اعيش بداخل الماسه!!


على كل الحلا هذا.. وقلبك منعدم الأحساس!!!
على كل الدلع هذا.. وقلبك ميت احساسه!!!!


انا ياكم علمتك.. غيابك يحبس الأنفاس!!!!!
معي تتعمد غيابك وصدري تخنق انفاسه!!!!!


وضعت اسهم غلا حبك ف قلبن ماعرف الأفلاس
تجي تسحب غلا حبك وقلبي تعلن أفلاسه!!!!!!


حسبتك للهوى قصة على سطر الزمن نبراس
كشفت ان حبنا سطرن ذبل حبره ع قرطاسه


بعد ماراح لك قلبي وأنا خلفه رفعت الراس
ابرجــــع خافض ن راسي وقلبي للوطى راسه


غريبه هالزمن والله!!!!! يغير من خصال الناس
غريبه هالبشر والله!!!!!! زماني غيره ناسه

 

[طلال الشامسي]

خل الظروف القاهره تجرح الود

من كان له حيله فلا بد يحتال

ما ودي افضح علة الحب وانهد

وباكر بحبي يضحك القيل والقال

خلني ثقيل آمارس الحب بالجد

احشم لحايا تقدر ارجال برجال


طلال الشامسي​

 

[بو جسيمـ]

هــذا يـقول اني تكبرت ونسيت
وهذا عيونه دوم نظره ضيومه

وهذا طوى ذكرى بحسن المواقيت
وهذا تبع من كان بإسم الــحكومه

وهذا فتح للذم لي باب تصويت
وهذا شقي بعتاب ربعه ويومه

وش بالأوادم كلهــا رافعة صيت ؟
وانا على حسن النوى والجزومه

يا كثر من فيهم على قول حييت
ويا قلهم لا ييت تبغــــآ لزومه

مخ ــآويـ ,,​

 

[المـــــهآ]

صح لسانك يالمخاوي
تسلم يالشاعر

 

[نسايم ريف]

الناس صارت في متاهات لاهين

والكل تايه مادرى عن زمانه

يادنيتي بسج من اللف تكفين

خلي القلوب تحس معنى الأمانه

بسألج يادنيا عن اهل الوفى وين ؟؟

ضاعو مع التيار كل ن وشانه ؟؟

كل ن على ماقيل فـ الوجه ذربين

لكن مرور الوقت يكشف شيانه

ياضيعة الطيب بليا عناوين

وياكبرها لاصار وقتك خيانه

مسكين ياقلب ن من الهم والبين

لا من رماك الوقت وسط اللعانه

أبكي من الأقدار والناس لاهين

وكل ن رسم دنيا بليا ضمانه

ماهو خطا الأقدار لا صابنا شين

لانسان من يدّه يحدد مكانه

أفكار تتضارب و تحدر براكين

في خاطري والعقل سلّم رهانه

 

[الجرناس]

تعنينا على بعد المسافة والسفر والشوم

نداري صحبة الغالي على شرقى وشمالية

توقعنــا توقعنــا توقعنــا عليها علوم

وأنا ما قد ذكرت الوقت لا قاضي وقاضية

تمر أيام والحيلة على شوفت عيون القوم

عليه الحال يا فلانه سوابق عارف النية


الجرناس​

 

[طلال الشامسي]

انا المولود في عشرين من سبعه سنة مليون

بحب اللي معشمني غلاوة خالي وعمي

وانا الميت بنفس اليوم لكن ميت ومديون

بتاريخ حمل نعشي ودمعه من عيون امي

اذا هي سالفة موتي اموت ومن حضرتي يكون

جعل موتي يعلمني اغطي الشمس من دمي

تصور خمسه يجمعني بهذا العالم المجنون

ابوي وجدتي مريم وهرج المدح والذمي

وكلمه تاخذ الاول ويبقى آخري مدفون

على شفاه تحسسني بقيمة شاربي وفمي

اذا الادمان يجبرني على الدخان والافيون

انا ادمنت من جرح القلوب وخيبتي وهمي

واذا الادمان يجعلني شخص منفاي او مسجون

انا مسجون من شيئين نعمة سمعي وشمي



طلال الشامسي​

 

[بو جسيمـ]

بعض الرجال ان جا بشوفه تعافيت
والــبعض لا قــرب تعافه الخشومه

يا شين رجال (ن) تبسمـ اذا جيت
والـــغل في قلبه يـــداول عــتومه

لا مـن لفيت يــقول يــا حي ألفيت
ولا من قفيت يصب بإسمك سمومه

ويا شين رجال (ن) على برود كالميت
مـــا ناقصه غـــير الـــعبي واللثـومه

يا عــوق منه كالمره ضمها بيت
مندس عن شوفة رجال وقرومه

ويا شين رجال (ن) له اعوامـ وفيت
في ربعتي مـــا شاف غير الحشومه

هاليومـ في صدري قبرته وعزيت
بعته مثل مـــا بــاع تهبى سلومه


مخ ـــآويـ ,,​

 

[نسايم ريف]

طبيعة هـ البشر صارت عجيبه

وطبع الشين سايد في سماهم

كثر زينك يزيد الخبث منهم

مصيبة غلهم والله عماهم

انا مايوم كان الزيف طبعي

ولا أقبل اسوي من سواهم

ولكني كسيف الحال منهم

يـ ليت فيوم ماكنا معاهم

يجازونك على طيبك مذمه

ولا في يوم كدرنا سماهم

وكل اللي يغثك كيف خانو

وكيف الذم في ظهرك رضاهم

ولكن دامني واثق بنفسي

انا نخله طرح تمري حصاهم

 

[طلال الشامسي]

لو القصه مثل م انته تتصورها حمدت الرب

ولكن يلعن العالم كشفتك باسعد ايامي

لعنت الحب واسم الحب واللي جاب طاري الحب

متى كان الهوى كذبه واعيشه حتى باحلامي


طلال الشامسي​

 

[بو جسيمـ]

سلامـــي والتحيهـ بالرضــوفه
يسيربهـــآ براق (ن) في عراجه

سلامــــــاتي سلامـ اللي بجوفه
رعــــود الصيب تنقع في أواجه

بعدهـــا يلوف تــرحيبي ويلوفه
كبير الـــــعز مدراي (ن) نهاجه

تــرآ مح ـــمد اذا قلــّـط ضيوفه
عــلومـ الـــشعر مبدى كل حاجه​

 

[المـــــهآ]

حي السلام وحي لي شالها مرضوفه

حياه الرب بتباشير خير وسراجه

عليه السلام اللي عاليه وصوفه

إليا منه تبادى تبادى بأنوار وهاجه

مرحبا يالخوي عد ما صوتك يلوفه

الشآن وريحة الهيل والبن يهتاجه

ويامحمد ننتظر منك الرد ونبشوفه

والقوافي تطبع لنامن الشعر تاجه

 

[بو جسيمـ]

مــراحب يالمهــآ حي الصدوفه
شرق وقت الفجر وقت انبلاجه

حضورج غير , والبنت معروفه
مـ كنج غير للــــعايق عــلاجه

منيفه نايفة قدر (ن) ونـــوفه
وولد الحر مدراي (ن) نهاجه

تعلينــآ رتب روس وكـــتوفه
وحطمنـآ تشاويش وعجاجه

ولا من ييت مــا أبدي شفوفه
يشف الشعر لأجلي كل حاجه

ترا مح ـــمد ولو شــانت ظروفه
عجر حال الزمن يقبض حجاجه

 

[المـــــهآ]

حلآت الفجر وحلات ذكرك بشوفه​

وحلاته يوم الناس بتقضي لها حاجه​

شيخ ن والشيوخ بالمعاني موصوفه​

حضورك يكفي ويرد للصدر انبهاجه​

النايف وجودك وسط قوم ن هتوفه​

حلاالوقت بـ حسك والناس دواجه​

نشامى القوم عن الخطا مكفوفه​

مدارين العز وبالعزالعمايم نسّاجه​

منك ومني يبدا تمني شعر مشغوفه​

ويبني القاف سطور ن بنا هجاجه​

ما كنها يامحمد الا القلب وحروفه​

 

[نسايم ريف]

حلا لي ماقريت وما أشوفه

هلا باللي شعل وانور سراجه

كلامك يالشهم تنور حروفه

كلام ن يشرح الخاطر نهاجه

هلا باللي يكرّم من يلوفه

مخاوي الطيب والضايج علاجه

 

[طلال الشامسي]

ان زانتك دنياك فتعلم الطيب

الطيب يطلع صاحبه فالمقابيل

ابسط ذراعك واكسر الحقد والعيب

ولا زرت دار العز صب الفناجيل

مثل النخل يطلع وفي كبده الحيب

اطلع يا ولد الناس هذي الرجاجيل



طلال الشامسي​

​