مــجلــــس شعراء المنتدى

[بو جسيمـ]

سلام الله

حبيت أوضـّـح هنيه اني ما قصدت شي سلبي

استاذي طلال بس حبيت امشي على نفس النسق مالك

ومنك السموحه واعذرني ,, فـ داعة الله​

 

[طلال الشامسي]

يا حي ه الساعه ويا حي ه الفال

باللي علوومه اشهد انها ثقيلة

يامرحبا ترحبية إثقال بثقاال

من قلب صادق والمعاني نبيلة

اقلط وانا من يحمس البن والهال

لعيون من مثلك ولو هي قبيلة

ما نشري الرجآل بقروش ورياال

نشريه لامنه تعلى الاصيـــــلة

واللي يريد يشوف ف العز رجال

ينظر(مخاوي) كيف فعله وقيلـه



السموحة يالشاعر ... ومجاراتك تشريف على راسي يا النشمي​

 

[بو جسيمـ]

وش ببتدي واقول ترحيب مدخال ؟
كل الـــمراحب في وجودك هزيله

يـــا غير دوك الحال يفداك هالحال
مـــــــا نعرف نرّحب بكود البديله

استغفر الله كــــان بتصب ّ فنجال
وانـــــا ملقـّــــمـ دلتي لك تصيله

اقلط على صدري وشله لك اجلال
حــــالف عليك انك ترا تهد ّ حيله

هذي قهاوي الصفر رسلان ودلال
تـــحوي من العرفان عز وجزيله

من تـــحضر امثالك تذاهيل واهوال
وش قدها غير الشعوب المثيله ؟

والــمرجله لو رمزها كان تمثال
بيكون تــــــمثالك رمــوز ودليله


وجودك تشريف ومجاراتك راس الشرف استاذي

ومنك السموحه بطيت لاني متغرب عن البلاد

ربي حافظك​

 

[المـــــهآ]

اللــــــــــــه اللـــــــــــــــه


صح لسانكم يارب


وربي لا هانكم

 

[يوسف الكعبي]

مدري الاجي بينكم بعض ترحيب... والا على الله وانا رايح ع الله
بالخص من قوم(ن) يداروا المواجيب... حبوا بعضهم حب ل الله فلالله

 

[المـــــهآ]

هلا وملايين ترحيب وتلابيب ،،،،،، باللي لفى من بلاد الله

هلابه عد ما لفى مزن ويجيب ،،،،، همّاله مطر من خير الله

انجييت يالخوي بسكر نذيب ،،،،، وان رحت بالعمر هالله هالله

 

[طلال الشامسي]

تعودنا على كسب الجمايل والجروح جروح

ولا نعرف من العالي سوى نرقى الى العالي

ولا ضاقت خواطرنا نسليـــــها شعر ومزوح

ولا عيت على القبله اقبلها على قبالـــي

انا من علم الدنيا على كسب الحيا والصوح

انوخها بعصا جدي مثل ما انوخ جمالـــــي

ولا جت زلة الغالي امررها كـــذا مسمووح

نعم مسموح لو جتني لانها جات م الغالــي




طلال الشامسي​

 

[المـــــهآ]

غريب امر الجروح بالجروح

وغريب امر انسان مايبالي

يعني لو نحط الأمر مطروح

تحكم وتسيطر وقال غالي

حنا كذا نعيش العمر بمزوح

ولمّن تجي ع الجرح هالي

ياخي من تمرد تراه مطروح

محد جبر ايده ع التسالي

من لعب بالنار لعب بالروح

ومن حشمها اصبح يلالي

لاتشتكي من جور الشوح

صلّح دنياك واترك اللعب تالي​

 

[يوسف الكعبي]

عيل وشله نبي تقفي كذا يعني نويت تروح!!!
وانا اللي قلت بايرجع برد ع النار فنجالي

أخاطب بس قفى ظهرك من اللي قاللك مسموح
كذا قررت بالاول عشان تروح فالتالي

بلا عاده بلا سنة نسيت ان المعاني صروح
طلبت رخيص مانلته..عيل لو اطلب الغالي؟؟؟

 

[نسايم ريف]

من باب تجميل الحياة ... دورت واحتار الدليل

مامرني طوق النجاة ..... وماحب كلمة مستحيل

 

[يوسف الكعبي]

لا تحسبوني ف كل حاجة رسمي... كل القواعد لا بغيت اكسرها
تسألني شسمك وآنا نكي باسمي... مدري غبيه!!جنب الله شرها
مره على الايميل مره رقمي... تطلب وانا من طيب ما اعبرها
ماهو لأني راعي فزعه ونشمي... لكن لحاجة داخلي م ذكرها
ماهو على ما قيل (رافع خشمي)... لكن دروب المعصيات احذرها
ماقلت قسمه وآنا باخذ قسمي... والا ارحب بالوصل واشكرها
والا اعيشها الغرام الوهمي... واترك سنين من الندم تنطرها
مازال ثابت في ضميري عزمي... غلطات مرت ماأبي اكررها
بعد التأني بالفكر جا نطمي... قررت عن درب الدنى انهرها




يوسف الكعبي

 

[طلال الشامسي]

عيل وشله نبي تقفي كذا يعني نويت تروح!!!
وانا اللي قلت بايرجع برد ع النار فنجالي

أخاطب بس قفى ظهرك من اللي قاللك مسموح
كذا قررت بالاول عشان تروح فالتالي

بلا عاده بلا سنة نسيت ان المعاني صروح
طلبت رخيص مانلته..عيل لو اطلب الغالي؟؟؟

تسلم يا الكعبي ولعيونك ابشر وفالك الغنيمة

لو طلبت واحد من اولادي

ولاهنت يا النشمي​

 

[المـــــهآ]

الله على شاعر ن من قومي

طيّب النفس بالفرح وعطرها

أصل ولابه اشدّبه اعزومي

اسمّي عليه والفلق اذكرها

يعل داره تزف همّال لوسومي

ويعله بالخير والسعاده تجرها​

 

[يوسف الكعبي]

تسلم يا الكعبي ولعيونك ابشر وفالك الغنيمة

لو طلبت واحد من اولادي

ولاهنت يا النشمي​

بي يحفظلك عيالك.. ومشكور كل الشكر الغالي

 

[يوسف الكعبي]

الله على شاعر ن من قومي

طيّب النفس بالفرح وعطرها

أصل ولابه اشدّبه اعزومي

اسمّي عليه والفلق اذكرها

يعل داره تزف همّال لوسومي

ويعله بالخير والسعاده تجرها​

ياحافظ عليج وعلى من رباج
صح لساااااااانج بنت عمي هههههههه

 

[المـــــهآ]

ياحافظ عليج وعلى من رباج
صح لساااااااانج بنت عمي هههههههه

^______________^


يصح بدنك والله

وربي يحفظك لهلك وناسك يارب

 

[نسايم ريف]

ألا ياشخص في قلبي احترامه

عزيز الشان من ناس محشومه

تعلى في خفى الخافي مقامه

يلين اصبح بدر يطمس نجومه

عطاه الله سخى نفس وشهامه

جليل اللي قدر خلقه يرومه

بخلق وطيب قد نال الزعامه

حفظه الله ذخر لاهله وقومه

 

[طلال الشامسي]

الانحطاط وقمة الجهل الجماعي والسذاجه

واختلاق العذر الاقبح وانكسار الانكسار

والشعور بدمع فاشل والتصنع لاجل حاجه

مقومات لاجل فرصه تعيش فيها الحلم عار

لاجل تبني عصر زاهر بالتقدم والغناجه

وعلم اسلوب الحداثه بدار ماهي اي دار

اي ديمقراطيه اللي تفرض انك ما تواجه

واي سياسه مستقله تنص قانون الدمار


طلال الشامسي​

​

 

[يوسف الكعبي]

يااا سلام شاعرنا على الابيات الجميله

مبدع كعادتك

 

[الجرناس]

مبدع أستاذي طلال الشامسي

تحياتي الخالصة له

تلميذك/ الجرناس​