مــجلــــس شعراء المنتدى

[طلال الشامسي]

ماني من اللي ينكسر او يكتب اللي يكتبون

انا الذي قبل الكلام اوقف واهز العاطفة

احسب لنفسي قبل ما احسب لغيري ولا يهون

لاني من افكاري خلقت اعصار يعشق عاصفه

والمشكله ما هي بحجم اللي يخون وما يخون

ولاهي لان اللي احبه من عرب والنايفة

المشكله باني انا انسان ميت والجنون

باني احب انسان ما يعرف جنون العاطفة

طلال الشامسي​

 

[نسايم ريف]

يامكثر اللي يتركك وسط المعامع والضنون

وان جاك باكر مايعرف انك وطيت العاطفه

وانك على رغم المآسي شارينه ماتخون

لكن مع توقيف حب ن م حفضه فـ العاصفه

واللي يميت القلب هـو كثر التجافي و الطـعون

وياكم قلب ن مات والسبه جروح ن نازفه

واللي بإيده يشفي جروحك يناضر بالعيون

مايدري انه ينزف بدمي وعينه شايفه

 

[طلال الشامسي]

يا الله يا اللي كاشف الضيقات وأمرك كاف نون

كيف سبيل الى هواها والعيون النايفة

الم ترى يا من ترى باني أجمعلك مزون

مزنة غلا مزنة وفا مزنة جوارح شايفة

ليه الظلام ان مر يذبحني ويسكني سكون

ولامن نوى يتنفس الامي تنفس عاطفه

تدري لأني منغمس ما بين بعدك والجنون

اللي مغير اكثر هدوئي بضيق وعاصفة

فياسائلي عن ما جرالي من جراح ومن طعون

معظم جراحي تساقطت مثل الورق من خايفة

طلال الشامسي​

 

[وافي وطبعي سنافي]

ياحبيبي ليش تقـطعــني

وانا اللذي بك مغـــرم

من وصلكم يازين تمنعني

ما ترفـق بحالي وتـرحم

تـكدر الخاطـر وتزعلني

وتسقيني ف الهوى هـــم​

 

[نسايم ريف]

سبحان من يجلي الهموم ويقلب الضيجه سكون

وسبحان من جمّع شتات وبث روح ن سارفه

الحل عند الله ياللي تشتكي كثر الطعون

والخير فـ اللي يستخيره والضماير عارفه

إن كان بك ضيجه تصبر باكر الضيجه تهون

وان كنت عند الله صادق وصلك للنايفه

وان كنت تجمعله مزون .المزن هطاله هتون

وانته مزونك مختلط من طيب قلب وعاطفه

 

[وافي وطبعي سنافي]

حال الزمن ياناس غدار

ماله خوي وحدن مصاحب

جاسي ودايم دوم جبار

وجه الامل بالكدر شاحب​

 

[طلال الشامسي]

حي الله اللي حاشمه والزين ما يعرف يخون

وقُف وسلم والعرب بسلومها متكاتفة

من وين ما سمر برجله جعل داره ما تهون

يزبر عليها الموسمي بكنوف تسقي طايفة

دارن عليها من نظر عيني سلام ولا يمون

الا على اللي يستحق الشارده والنايفة

والصدق ما احطه مع قلبي وانا قلبي طعون

انا حصدت من الصدق مليون دمعة زايفة

ولو كان اخرها ندم لعيون يا ام العيون

حلفت لاقلعها بكفي بدون رحمة وعاطفة

حر ومخاليبي مشكلها على مليون لوووون

ما غطت عيوني البراقع والليالي خايفة​

 

[نسايم ريف]

ياحيه الله لي يسلّم ولمواثيقه يصون

يستاهل انك تحشمه راعي المعاني النايفه

وآمين يالشاعر عسى داره مخاييل المزون

إن كان في عينك وحيد ن بس يسوى طايفه



السموحه بس الوقت مايسمح اني أكمل ^^

ان شالله بكمله باجر وانتظروني عاد

 

[نسايم ريف]

ياحيه الله لي يسلّم ولمواثيقه يصون

يستاهل انك تحشمه راعي المعاني النايفه

وآمين يالشاعر عسى داره مخاييل المزون

إن كان في عينك وحيد ن بس يسوى طايفه

بالعون وفيت فقصيدك والمعاني يشهدون

واليوم يالشاعر دموع الأغلبيه زايـفه

لاهانك الله يالسنافي ولي شراتك مايهون

والله يعزك عن علوم الركركه والحايفه

 

[طلال الشامسي]

اعتذر عن عدم إكمالي المجاراة والسموحة من الجميع

وتسلم أختي همس القصيد على المجاراة والشاهد الله ما عليها قصور

 

[نسايم ريف]

اعتذر عن عدم إكمالي المجاراة والسموحة من الجميع

وتسلم أختي همس القصيد على المجاراة والشاهد الله ما عليها قصور

فــ الحل يالشاعر وربي يسمح ذنوبك

الله يسلمك وماااا عليك زوود ياخوي

تشرفت فالمحاوره ويا شاعر مثلك

 

[طلال الشامسي]

الحب علمني اوقف عند ممنوع الوقوف

وقفت مدري من الغبا والا العيون الساحره

وقفت بين المستحيل وبين تغيير الظروف

مجنون دافعني الغرور بفكرتي المتعاصره

وقفت لعيون الظلام اللي بدنياها اطوف

ما بين احلام الفقير وبين قلبي وخاطره

احلام ألفها واخرجها معي الاستاذ خوف

احلام مجنونه نهايتها حدود الذاكره

الحب مدرسة التخرج الابتدائي للحروف

مع شهادة حسن سيره بالامور النادره


طلال الشامسي​

 

[بو جسيمـ]

يا ذا الرجال ان كان لـ عمان أسوار

أنتمـ سنود الــــدار وانتم حميـّـه

امـّـــــآ تجي رجال ٍ تشابهكمـ كبار

ولا تــــرا ماتت معاني القويـّـه

ما دام هذي اشنابكمـ صالية نـــآر

ما همنـّـآ ذا الـــيوم حال الدنيـّـه

ربي يجملكمـ وتسمون بإشعـــآر

آنــا عماني كان تدرى الهويـّـه


مخ ـــأويـ ,,​

 

[غيَّث]

ألبس الدشداشه وأعدل الشماغ وأتهيب للموعد الي جاي

موعد لقاي بالجماهير الغفيرة وسط مسرح شوقي فدنياي

محتار خايف مذهول صعب! ياناس صعب! ما تعتقده عداي

أني غريب ما أفهم أو أني مجنون بشعور محير ومخفاي

لآكن واثق من نفسي وهذا أهم ما أعرفه من كل صفاي

لو أن الناس تجتمع كلها وانا ما أكون من ضمنهم مدعاي

يكفيني أنه يرتفع قدر الأجتماع بحضور من كان منفاي

لحظات صعبة في خاطري عددها مجهول ولا محصاي

..

عزآف​

 

[تشكيل الحارثي]

انا برد ع عزاف واقول في القصيده



ياليت لك يالعيد نبضٍ مع إحساس=كانك قدرت تعرف معنى المشاعر

والله لو تدري بماتحت الأنفاس!=وتقرا حروفٍ ساترتها الدفاتر

وتسمع لمن يسهر ليا ناموا الناس=يقطع لأوطان المأسي تذاكر

يقبل بهوجاسٍ ويقفي بهوجاس=ودموع عينه حايرة بالمحاجر

إنك تحلف بواحدٍ خالق الناس=تسعد جميع الناس وتجبر خواطر

 

[غيَّث]

ناس وناس وأجناس ؟

مشوش تفكير وغايب إدراك وإحساس
منتظر موعد اليوم وخايف موعدي باكر
..
أبذكر واحد(ن) صريح وبالحكم دساس؟
فاضح(ن) نفسه بنفسه لانه تايه وماكر
..
يعلب على هذا ورضاه تظحك له الناس
مستانس على اللعبه ويحسب انه شاطر
..
ما يعرف الناس مخلوقة وكلها أجناس؟
ومصير الوقت يدور وتراه الزمن جاير
..
يا عمي مردنا تحت تراب بالقدم ينداس
داسه فلان ولا زالي يمشي عليه وساير



عزآف

 

[طلال الشامسي]

اليوم هذي غير وحسابها غير

حبيبي المبعد رجع من بعاده

احس فيها حلم ع شاكلة طير

واحس فيها اللا اراده اراده

اليوم هذي كل ابوها من الخير

كل شي فيها يعترف بالسعاده

لاني كذا مخلوق ما اعرف السير

الا اذا قلبي على ايد غاده


طلال الشامسي​

 

[غيَّث]

, الهم والغم }

أنهار من شامخ علوي وأسقط وأنكسر
وتطيح من عيني شضايا من بقايا الدم
..
مشلول تفكيري على حال(ن) قد عسر
ما أدري وش أسبابه وفـ أعتقادي الهم
..
من ما جرى يا ناس أنشد وأدور الفسر
تفسير(ن) عسى أنه يبعدني عن الذم
..
حلمي أحلق فوق وأعتلي مثل النسر
ولا أرتضي غير فـ هامات القمم ألتم
..
تم ما لم يتم وقد يعم من ثم قد حسر
في موقع(ن) قد يرفع بين أولاد العم


.
عزآف​

 

[طلال الشامسي]

ان جات في عد الرجاجيل رجال

لا بو شوارب ما تشيل الثقيله

وان جات من خلي مذاريب وخصال

امحق خليلن ما يداري خليله

يا حي رجالن بلا كشخ وعقال

ما مد من يمناه كود الطويله

سمحن اذا يفعل وسمحن اذا قال

ما بين حجاته تمون الاصيله

الحر ما يبني سوى جبال وجبال

يرقى على روس المراجل بخيله

والضيق لو يزحم على الكبد قتال

الله من ضيق الكبود النبيله


طلال الشامسي​

 

[بو جسيمـ]

ردي :

يا مرحبــآ تضرب على يمين وشمال
وتهز راسي الارض ويــــــطيح ميله

وان جيت انا ياعوق ياعوق وهبال
للي يــدّور فـ الـــــــــخلايق زليله

معقـــــود مع اسمي تباشير واجلال
والــــمرجله عيله وانا براس عيله

يا شين خل (ن) فـ المصاحيب همال
مـــــا عزني يا غير ألف (ن) بديله

امـــــا يرابعني على خير ووصال
ولا تـــــــــرا يا طول ليله بوجيله

ويا مرحبـآ بالضيق والكدر فـ الحال
دامـ الصدر موهوب صبر ووسيله​