مــجلــــس شعراء المنتدى

[نسايم ريف]

أشتكي من جور ليعات الزمن

والمصيبه زادها طعن الجريب

لو أحاسيسي لها صوت إشتكن

لكن الشكوى من احساسي لهيب

 

[وافي وطبعي سنافي]

ثــوانـــي يـاعــرب وأشـقـت كـيـانـي

غـيرت سـسـتـم الــقــلــب ونـظـامــه

حـيــن الــدمـانـي شــوفـه أرمـانــي

وصـــوب فــي فــــواد ســـهــامــــه

 

[نسايم ريف]

أنا رغم العنا والآه مابين معاناتي

لــو ان الهم يذبحني أببقى مهرة ن حره

أدوس الشوك في دربي ولا اغير مساراتي

معى قلبي على دربي أذوق الحـلوه والمره

 

[وافي وطبعي سنافي]

بيع العضيد بنوط تسعين
وأصبح أضعاف القوم جيدوم
لو شان فعله يذكر بزين
وان عاب قيل فلان محشوم

 

[نسايم ريف]

دنية ن عوفه يمشيها النفاق

والصدق ماعد له فيها سكن

بين جمع المال وانفاقه سباق

بيع ذاتك واكسب بزود الثمن

شوف في هالوقت شي ن لايطاق

تبلع لسانك او انك تندفن

 

[وافي وطبعي سنافي]

هــوب شخـص ن مـثـلــه انـسـانـي
فـرق نــوعــه واخـتـلـف لامــــه
حــور كــنـه نــوره وســانــــي
جـوهــر تـبـر غـالــي مـسـامـــه​

 

[نسايم ريف]

الهوى غلاب يوم انه يجيك

ظالم ن مايرحم قلوب البشر

 

[طلال الشامسي]

أكبر مصيبـــة لا تعلقت بإنسان

تهديه قلبك وهو يهديلك الموت

طلال الشامسي

 

[نسايم ريف]

لاحـول من كلمه بها البال مشـغول

وياكبر همي لاغدى الكــون كلمه

عايش حياتك كبرها عرض ن وطول

وانا حياتي بين حله وحرمه

مشغول بالي والعقل صابه ذهول

هل مـر طيفه ؟! والا انا حلمت رسمه

 

[طلال الشامسي]

الله يا حبن بنيته على الملح

بار الزمان وخالط الملح دمعي

ما قول يا حبي وتستاهل الذبح

ولا قول يا جرحي ومن زد ربعي

لكن اقول الجرح لو يطعم الجرح

ما طاح عنقود الغلا ومات زرعي

طلال الشامسي​

 

[وافي وطبعي سنافي]

من تمنى ف العمر كرز
والا ستندريه من قطر
ماييبه الا قاري وحرز
لو كل طلوس وخـطـــر​

 

[طلال الشامسي]

لو ما الغياب اعذاره اسباب وظروف

لجعل غيابك موت بينك وبيني

طلال الشامسي

 

[نسايم ريف]

لو كان للفرقا قوانين واحكام

اليوم كل الناس تبكي سجينه

مير الوفا ينزف وفــ الأرض ظلاّم

وكل وله جرحه ويرثي سنينه

 

[طلال الشامسي]

العمر حلم اطفال ومزاحم جروح

بالله يا جرح العمر هدني شوي

يا ليتني اي شي واصعد مع نوح

فلك النجاه وابتدي من ولا شي

او ليتني رساله مع طاير الدوح

تحمل خبر مفرح ويفرح بها حي

طلال الشامسي​

 

[نسايم ريف]

مدري سؤالي صعب ياشيخ حله ؟؟!!

والا كذا سلم المعلـم وطبعه ؟؟!!

 

[طلال الشامسي]

وين السؤااااال ان كان للشمس ظله!!!

ناخذ ونعطي وم الشياطين سبـــعه!!!

 

[وافي وطبعي سنافي]

طبعي عن الشبهات مرفوع
نفسي عزيزة ودوم مرفوعه
العز اداريه والذل ممنوع
واساير اللذي ذربة سنوعه​

 

[نسايم ريف]

السؤال اللي صعيب وحله أصعب مايكون

والحلول اللي تجي لاجات صارت طايفه

وان بغيت تقول حلك يالسنافي من تكون ؟؟

بس صار الحل واضح والعمي هـو شايفه

مرحبابك مين كنت وكيف كنت ولاتهون

صرح شامخ في دروب الشعر قافك عارفه

 

[طلال الشامسي]

لو ينقطع الارسال واحساسك يكون وما يكون

من علمك تجرح وتبعد والليالي خايفة

ومن علمك بان الهوى مخلوق من نظرة عيون

يا اجمل من اوراق الخريف اللي سقط من نايفة

اكتب شعر لاجل الحقيقه اللي احبها ما تخون

واكتب شعر لاني اموت بكف تسوى طـــــايفه

طلال الشامسي​

 

[نسايم ريف]

من قال بان القلب يعشق بس من نظرة عيون ؟؟

وكيف البشر رغم العنا تقدر تسـيب العاطفه ؟؟

وان كان إحساسي فرض إني أكون وما أكون

فـ اللي حدث إني أنا بطلت باب ن عارفه

وان كنت حدثت ونسيت .. ماني من اللي يفقدون

وكلام استاذي على طول المساير شايفه

انته ذكرت المنتدى مره على حسب الضنون

وانا من المره حفظت وذا الأسم مب حاذفه