اليآزيه بنت يآقوت | ممنوع القراءة . . . !!

[موزة النعيمي]

عاااااااااااااد دخيلج يالتوأم من زين لونج

تراه الا شراتي ههههههههه​

 

[موزة النعيمي]

النار تشعل بالخشب وتاكل اقصاه
والبعد يشعل داخل وياكل القلب

لا تحسب اني بلاك ساهي ولا لاه
اضحك مع العالم وفكري معك طب

جسمي مع غيرك وكياني بلا اسعاه
يكيف تحسب راحتي بدونك ارغب؟

هذا عهد مني وبالعهد والله والله
ياقي على صجق المشاعر وبالحب

وبسقيك من كاسالموده قد املاه
وبرويك من فيض العاده وبسكب..



" جميع الحقوق محفوظه لــ" يزوووويه & A " هع​

 

[موزة النعيمي]

من ديواني الخآص:
​

قبل ان أنثر ما احمله في جعبتي..
ااود ان اراك هنا.. كي تقرأ وتسمع بقلبك..~ ولكن..
اين انت؟؟

............​

تنبض بهذا القلب روحا.. تمتلئ ايمانا برب الدنيا بان الدنيا " لسه بخير"..
عندما نعطي دونما مقابل.. نعرف ان الدنيا "لسه بخير.."
ولكن عندما تعطي تأكد انك لست بحاجه الى انسان حقيقي كي تعطيه..
وعندما تحتاج كن ع يقين انك تبحث عن شخص حقيقي..~


............
​

خبرت السنين علمتني اكون معطاءه دون حد للتوقف..~
دون من او استكثار على من اعطي.
فكل ذلك سوف يسجل في لوح محفوظ اجازي به عند رب العالمين.. ولكن
مقابلة العطاء بالنكران قد يجرح قلب انثى..
قلب طفله..
لاتعرف سوى النطق بـ." بابا" عندما تشتاق وعندما تحن..
"بابا" انت الوحيد الذي قد يستحق العطاء ومن دون مبالاه..
انت الوحيد الذي تستحق الحب دون قياس

............


​

باباه".---*

انت الوحيد الذي به اعيش في هذه الدنيا وانت الوحيد الذي تجعلني ابصر طريقي بعد ان اصحبت عمياء..~

باباه.-----*

أحبك..!


............
​

 

[موزة النعيمي]

من ديواني الخآص:

ألا ياليت انا يمك
ابات بادخل ضلوعك
واسري انا بدمك
ولحد يجي صوبك
وتمسك يدك بيدي
وتعانقني انا كفوفك​

:imuae71:​

هذا حلم من احلامي
وياليت الحلم ماينساني
ونكون انا وانت سوى
وكل منا يناظر الثاني

وابي منك بكل احساس
تنطقها يا اعز الناس
وتقول لي انا احبك
وحبك تاج فوق الراس
​

:imuae71:​

​

يا اغلى شي انا عندي
احبك حيل وانت تدري
وان كنت ناوي تصد
ع نيتك يسامحك ربي

لاتحرمني دفا صوتك
ولا من بحة ضحوكك
كفاية لاتعذبني
دخيل الله ترفق بمحبوبك


​

:imuae71:


" جميع الحقوق محفوظه لـ " يزووووي".​

 

[موزة النعيمي]

من ديواني الخآص:

تدري وش اللي يخرب اجمل علاقه بين اثنين؟
لاصار واحد عزته فوق الثريا مبالغ(ن) فيها..

كنه يزيد فوق الغرور والكبر واخوانه حبتين
نسى انها هيه حبيبته ومن بد المخاليق يغليها

حبيبي,, عزتك مدري تودينا على وين.؟
من شرق وجنوب وشمال كيف بعديها!
.
تعبت من الهوى ياناس تعبت تعبت مرتين
مره لانوى يزعل وافكر كيف بمشيها

حيل صعبه رضا قلبي لازعل مايلين
تثور نفسه وتغضب وعلى الله كيف اهديها

ومره لانويت ازعل. ولا ادري حبيبي وين
يوم\يومين\ ثلاثه\\ ولا فكر أبد فيها

صعبة بالبشر تلقى حبيبن كاملـ(ن) بالزين
وترى كلمة حبيبتي مع الاهمال تفقد معانيها


جميع الحقوق محفوظه لـ" يزووووي"

 

[موزة النعيمي]

من صد بكيفه

يرجع بكيفه..^_^

دامني ماغلطت في شي.. ماراح اماطل في الاعتذار..

تصبحون ع خير..~

:imuae83:

 

[موزة النعيمي]

صبآآآىحكم خير يااااااارب..\\ اقصد مسااكم هع..~

سويره حبيبتي لاتفكرين وااايد.. هاي خراريف اخر الليل هههههههه

يختي يوم كونون ناس زعلانين منج وبدون سبب او بالاحرى ماتعرفين شو هناك ههههه

تنصدمين انهم زعلانين.. شو راح تسوين؟؟

تسألين محد يرد؟ تحاولين تشوفين العله وين ماتعرفين

ياخي بهدله.


عسب جذا لي يزعل بروحه يرضى اروحه فهميتي؟

 

[موزة النعيمي]

اليوم.. مش مثل كل يوم.

من صحيت وانا منزعجه.. واحس بتاشير .. ماهي بخير..

يالله بس يعدي على خير..


مساكم .. زهر...~​

 

[موزة النعيمي]

كل الناس تحب تشكي..​

وكل الناس تحب تقول: انا فيني وفيني..~​

ولكن..​

انا لابغيت اشكي.. الكلمة ماتظهر مني..​

يتم الاحساس بداخلي مخنووق..
يظل الحزن بداخلي محفوور..​

محد درا به.. ومحد شافه​

احيان الانسان يحتاج انه يحسس اللي حوله بحزنه\ همه.. عشان يشوف من لي راح يوقف جنبه ولي راح يخفف عنه..​

مممم مادري شو اقول​

بس افتقد ربيعاتي وايد.. مع انهم قريبين مني ولكن احس" بمناوشات تصير " وانا مادري عنها...​

احبهم..^_^​

 

[موزة النعيمي]

جآي احمر || في العصرية..

شو احلى عن هالجو. وانا ياسه اطقطق ع الجهاز.. واتابع موضوعي ورسايلي.. والناس لي تسال عن اخباري..^_^

المنتدى صحيح انه شي وهمي| شبكه عنكبوتيه|| مممم بمجرد ما اسوي| شت داون| انتهى عالمه..

لكنه يظل غالي ع قلبي. وله مكانه وغلاته من غلات اسمه ولي عرفتهم فيه...|| فديتهم..:giving-up:​

 

[موزة النعيمي]

بنت عمي يايه

تباني اظهر لولدها حق المدرسه اونه هع.

تبا عن مؤسس النهضه ..

برررررررررررب

 

[موزة النعيمي]

اشتقت لداري الثانيه||:artist:

اشتقت لج يا || الدوحهـ ||....

وحشتووووووووووووني.

وحشوني اهلها. ريحتها. جوها

واهم شي: كورنشيها

آيآآآم... وراح ترجع ع شهر | 3| هع.

اتريوووووووني..~​

 

[موزة النعيمي]

في هالليله كانت عندنا ليلة الحنا. وعقبها بيومين راح يكون عرس ولد عمي..

الموهييم.

حيل كنت مستانسه .. عقب ماخلصت العزيمه...

انا وبنات عمتي يالسين نقول ان نبي نطلع كشته كنا ضيجين من خاطر | وخاصه ان في العزيمة صارت امور تقهر هع

ماعلينا

بنت عموه قالت راح نروح الكورنيش لكن مانبي عيايز معانا خخخ

فقررنا ان كلنا نروح في سيارتها

ولكن نحن تقريبا ع ال15 بنيه

نحتااج سياره ثانيه.. وهيه سيارتها بورش يعني يدوبها راح تشل خمسه<< بالزور خخخ

ماعلينا دبرنا استشين لكزس شحتناها من عند بنت عمتي العوده...

يوم بغينا نروووووح
يت عمتي وقالت.. ماتروحون اروحكم لازم حد كبير معاكم خخخخ

قلنا اوهوووووووووو هع

طبعا الساعه كانت على ال11 وخرده بليل بتوقيتهم يعني عندنا الساعهه 12 وخرده...

ماعلينا...

عموه قالت الا اسير معاكم خخخخ

وصج سارت وسارت بنت عموه العوده

المهم تونسنا ظلينا هناكي لين الساعه ثنتين وخرده

لعبنا.. ركبنا العباره..

واحلى شي كانت العباره..

صدقوني لي يركبها ..ويتأثر .. يكون عشقان ههههههههه

وربي ايام حلوه..^_^​

 

[موزة النعيمي]

كح...

مساكم ورررررررررررررررررد

اشتاقيت لكم وااااااااااااايد

وشتاقيت حق باباتي وااااااااااااااااااااايد

وحق ماماتي >> فوفو بعد هع

عموما..

بخبركم سالفة عبودي اليوم.

عبودي فديت روحه والله.. فديت اسمه

يالسه اقوله: منو حبيبييييييي؟

يقولي" ابدالله"..

ياعمري والله طبعا هالبيبي يصير ولد بنت عمتي

ووايد احبه. ووايد يحبني ومتعلق فيني..

... ربي يحفظه من الشر"..

يحب ياكل ايسكريم واااااااااايد..

ويحب يشرب نسكافيه ع صغره خخخخ

عموما...

..
__________________




هع...

تشكرات...~​

 

[موزة النعيمي]

صبآآآح الخير....~*

شحالكم ..

عساكم بخير؟ وكيف اصبحتوا؟

مممم حبيت ادش اسلم بس..:19:

لان حاليا عندي كلاس IT بس المس مادرستناا لانه اونه اول يوم من الكورس الثاني هع...~

سلملم..

:imuae83:​

 

[موزة النعيمي]

\
/
\
/

الله يسلمكم داشه الميل.. الا واشوف ايميل من ربيعتي المصون مطرشتلي حركات الشباب في الفيس بووك


يعني مو بس البنات لي يسوون حركات.



بررررررررررررررب​

 

[موزة النعيمي]

سويييييييييييييييييييييييييييييره

بكسررررررررررررررررج

حتى في الكولج تقلديني؟ ههههههههههههه

أحبج يااخي

 

[موزة النعيمي]

آمممم ,, فديييييته بوحميد خخخ حبيته تخطبينه لي ؟ لوؤولز ,, شسمه حلوؤه يوميآآتج ,, آممم آنتي تدرسين ف تقنية آلعين صآآح ؟ لووؤل موفجه يآآربي ^^

كح كح.

اولا ثانكس ع التقييم.. لكن ماعرفت منو لي قيمني خخخ..

فالج طيب نخطبه لج اذا تبين بس انتظري 20 سنه<< يكون نفسه هههههههه

فديتج ما اقدر اقولج وين ادرس << هاي خصوصيات خخخخخخ...

والحيطان لها اودان هع..~



عموما تشكرين ع مداخلتج الحلوه. ولو اني ماعرفج منو^^

سلملم..~​

 

[موزة النعيمي]

اليوم انا هب مداومه..

|| مريضه ||

ومب قادره اشيل عمري..

فيني تعب مش طبيعي| جسمي متكسر..

من بديت هالاسبوع غبت يومين<< الله يعني على الانذارات....~

رفيقة دربي الله يسلمج من الشر.

اتمنى من متابعين القصه مايزعلون مني
لان بجد ما اقدر ايلس على الجهاز وايد عشان جذا مارمت انزلها

ان شاء في الويك اند اكون احسن.^_^​

 

[موزة النعيمي]

احيانا لما تعطي الشخص" اكبر عن حجمه"مايقدر هالشي..

طيب ليش الناس اطالب بالاحترام وهيه ماتحترم؟؟

عموما صارلي موقف..وخلاني اقول هالكلام

كل لي اقدر اقوله ان الدنيا تعلم لي مايتعلم..^_^

مساكم وووورد​