اليآزيه بنت يآقوت | ممنوع القراءة . . . !!

[موزة النعيمي]

اليوم الجمعه . .
يه
حاطين فلم عا لتيزون ومندمجين فيه
وانا ياسه اطقطق هني على المنتدى
واسوي شغل اخوي في موقعه^^ .

يآخي أحس بتعب مادري يمكن تعب الاسبوع كله يطلع اليوم . .!
ماعلينا . .

احسني مشتاقه للمنتدى
وايد اشياء تصير وانابعيده عنها:298b5a831e8a667c2ba
بس ماعليه احاول اكون بالقرب قدر المستطاع​

 

[موزة النعيمي]

سأكتب كل مايقوله الناس ضدي في أوراق
,

وأضعها تحت أقدامي
,

فكلما زادت أرتفعت أنا ​

 

[موزة النعيمي]

:imuae27:​

 

[موزة النعيمي]

مسآء الخيرآآت . .

:6:​

 

[موزة النعيمي]

السلامز عليكم

شحآلكم؟؟

كنت قاعده أدرس . . قلت اطل عليكم شويآت ..^^

مسائكم ورد ياربي . .

:imuae83::imuae83:​

 

[موزة النعيمي]

كح . .
طبعا مثل ماتدرون الاخت اليازيه هالايام وايد بزي< اللي يسمع يقول بتخترع الذره هع . .!
بس يعني هالكورس ناوية على شي ومتحديه القروب خخخ اني لييب عينه الامتياز
عسب جيه لازم اتفرع تفرغ تام وغير جيه اصلن المواد دسمه شوي هالمره . .^^

ماعلينا تذكرون مره قلت لكم برجع اخذ رايكم في منهج البحث؟

طول الاسبوعين الله يسلمكم كنت ادور موضوع عدل مدل . . واخترت موضوع . .
ولازم قبل اراوي الدكتور عسب يعتمده . . يوم خبرته ماعيبه العنوان فغيره لي < هذي بدايتها خخ . .
الموهيم قالي تأكدي انج راح تحصلين اكثر عن 20 مرجع لموضوعج قلت [ تم ] . .
وسرت المكتبة اخبص وادور لين لقيت عشره . .
كتبت اسمائهم .. ورزيت العنوان اللي يباه بالخط العريض فوق الصفحه وعطيته اياه . .

قلت له بالنسبة للعشره الباجيه الله يسهل امورهم هوع هوع
جان يضحك . . وعقب معاناه ونقاشات دامت لمدة ساعه . .

قالي : اعتمدي الموضوع وتوكلي على الله . .
وجآن استانس لوول مابغيت اسبوعين انبش فيه وانقر هههههه . .

الحمدالله:==:​

 

[موزة النعيمي]

وعآد من يومها الدكتور عرفني وعرف موضوعي
ترا المشكله يوم الدكاتره في بداية الكورس يحطون طالب في بالهم
خخخخ ع طول عينهم عليه مايروم يسوي شي الا نادون باسمه
<< فرحانين انهم حافظين اسمي خخ . .

ماعلينا . في المحاضره اللي عقبها كانت في نقاشات عن كيفية كتابة الخطه . .
انا كنت حاطه شي ثاني في بالي وبصراحه كنت مصعبه الموضوع على عمري

بس من حسن حظي . . هذي المحاضره الدكتور خذ موضوعي كمثال للطالبات يشرح لهم كيف يكتبون الخطخ خخخخخخ . . وجآن استانس صدق عاد

حطالي مص الخطه وانا اكتب وراه واكتب كل شي خخخ وهو مسكين هب منتبه اني اكتب وراه . .
شكله نسى او شي خخخ . .

ومن انتبه قالي: انتي بتكتبي ورايه . . ده موزوعك؟ يخربيتي . .
هههههههههههه

وجان يضكون كل اللي بالكلاس . . وعقبها وقف

قلت له دكتور كمل ماطاع ههههههههههه . .
بس الحمدالله بصراحه عق حمل ثقيل عني

باجر بسير مكتبة زايد وببدأ احط الخطه بتاعتي..^^

بربز​

 

[موزة النعيمي]

علم النفس ؛ وما ادراك ماعلم النفس . .
ياخي من اشوف هالكتاب وهالماده اتذكرج ياسويره يا رفيقة دربي ههههههههههه
كنا محتاجين هالماده من خاطر .. في فتره من الفترات الزمنيه الماضيه هووع . .

الموهيم هذي احلى ماده عندي ولكن للافس الشديد انه الدكتور مب محتوي الماده< اروحه يبيله علاج نفسي . .:66:

يعني ياخي . . أحسه مب فاهم الماده بس ايي ويلقيها مع انه وايد امور حلوه بس ياخي . . شو نسوي . . الله كريم . .

والماده الثانيه اللي تعجبني.. القضايا الفقهيه المعاصره ماده وايد حلوه . وصدق صدق مفيده للحياه مب بس للأمتحانات خخخ . .

فيها وايد قضايا طالعه ع الساحه . . ان شاء الله استانس فيها بعد^^ . .


بشكل عام كل المواد ههالكورس حبيتهم من ألبي . . لكن دكاترتهم الله يستر منهم ^^ . .:66:​

 

[موزة النعيمي]

يالله بخليكم بسير ادرس ..^^
أشوفكم على خير ياربي^^

سي يو سوون​

 

[موزة النعيمي]

بسير كارفور . .
حد يبي شي؟ هع

مابييب لكم
لوول

أشوفكم باجر باذن الله اذا حدرت..~​

 

[إنسآنـﮧ]

[url=http://www.0zz0.com] [/url]



صباح الدوامات.......والمحاضرات

.........

خلي عنج كارفور وربعه.......

أن مايبتي أمتياز هالكورس ياويلج........:a036:

مابتشاركين فالصيفي..............سمعتي..؟؟!!


[url=http://www.0zz0.com] [/url]


:biglaugh:

 

[موزة النعيمي]

ههههههههههه
مابشارك فيه؟\خليه يدوه عيل ترتبه حقكم خخخ . .\
لاتوصين فديتج . . بديت اتعود على الكرآف
بس لازم شوي بعد اغير جو
وثانيا لعملج رايحه اشتري روشن البيت هههه . .​

 

[موزة النعيمي]

مسآآء الخيرات . .

[ فديت باباتي ]

:001:​

 

[موزة النعيمي]

ماخبرتكم شو صار معاي اليوم هع . .
الله يسلمكم
ربيعاتي كلهن حوامل . . محاضرتي الاولى كانت من الساعه 8 ونص لين 9 ونص
ومن عقبها بريك لين 11 . .
وجان نسير نتريق ونسولف وجذا وكنا نبي نروح المكتبه عسب نبدأ في التقارير . .
عسب نتفرغ حق البحث العود . .
الموهيم ماحسينا بالوقت الا اخر ربع ساعه . .
وسرنا ركض ع المكتبه
انا سايره والحمدالله اعرف اماكن الكتب اللي ابيها .
بس للافس . . البنات شحتواهن مابقول لي شي وجان انقهر. .

الموهيم مني مناك طلعنا من المكتبه 11 ضبط . .
وجان نسير ركض عآد يوم وصلنا اللفت لقينناه زحمه قلنا بنتريا . . وطبعا هو يمر على الاربع طوابق عقب بيرجع لنا
واللفت الثاني بعيد طشه
وربيعاتي مايرومون يمشن \جج ثقال الله يحفهن ههه
وانا اشالي بهن . .
ماطاعن يركبن الدري .
وجان عقب عشر دقايق ايي اللفت ركبنا وسريع ع القاعه اول مافجيت الباب
ع طول الدكتور قالي : ماشي دخله

ههههههههههههههه
ماعرفت شو اسوي ربيعتي ترمسه وتراويه الكرشه عسب يفهم
ماشي فايد ههههههه

عقب قلنا نطلع بكرامتنا احسن
تمينا عند الباب يمكن عشر دقايق
عقب فجيت الباب ودخلت راسي وقلت له: ممكن نحضر؟
تم يضحك وقل دخلوا بس مابحضركم . .

انا كان همي اني احضر بصراحه لان لو طوفنا محاضره ماراح نفهم عقب هع . .

ويالله الله كريم لووول . .​

 

[قڵبيـﮱْ خَـقـأإقْ ❥'¬.]

يسعدني ان امر على يوميات جميلتنا :cupidarrow:
طابت لي القراءه هنا
اعجبتني روح المرح في شخصيتك الجميله
ساكون ​

دائما بالقرب من هناااااااا
تقبلي مروري​

 

[رحآيل]

يا عيني .. طردوج .. خخخخ
:2ef0feb6691ddf055e6كيب جونج .. عجيبة والله:approved: .. هع

 

[غزلان البريمي]

يعطييج العااافيه خيتوو اليزوووي ع طرحج ليوميااتج الحلووووه
وع الذوووج الرااقي ف الطرح
:4f7c50bc2e7eee3c450
:ast7y:

ونتريا الزوووود من يدااااج الغاليييه ​

 

[موزة النعيمي]

مساء الخيرآآآت . .^^

بزي طشه . . قاعده اسوي بروكتي . .

باجر بعرضه^^

دعواتكم

بربز​

 

[موزة النعيمي]

بعدني ماخلصت
بس قلت انزل موضوع شاغل بالي في قسم الاخبار..^^

بربز​

 

[موزة النعيمي]

اليوم الظهر نمت وانا ساكته<< عيل حد يتكلم وهو نايم؟
هع ماعلينا . . كنت ساكته . . وماقلت شي . .
وكل حد كان ساكت ومحد قال شي . .
ورقدنا ​

ببعثر حكاية سكوتك . .
واجمع مشاعر تحااتي . .
وينك ؟
كل ما ااشتقت اشوفك
صرت ابعد عن امنياتي . .​

حقيقه مرها دموعك
حلاتها في وصف ذاتي
مصيبه لاصرت مجنونك
واجمع شتاتك وشتاتي​

بقلمي :ast7y:​