وَقْفَةٌ مَعَ / مُبْدِع ..!!

[!الـغ ـروب!]

همسه :. وصلت للمعنى المطلوب في طرحي السابق .. واتقنت الاجابه

 

[بو جسيمـ]

*" مساج الله بالخير يالغ ــروب وكل المتواجدين ..}

فالج طيـّـب والنيه بشارك بس أتريـآآ الفرصه لأنتهزهـآ )"


|" مخ ــاوي ... من أكثر الشعراء المعاصرين ترك في نفسك أثر ؟؟

* واللهـ كثـآر من شعراء الخليج ينالون اعجابنـآ ونتأثربهم مثل :

بن فطيس وبن جخير ,, هم أكثر الشعراء اللي تأثر فيني افكارهم ..


|" نسج القصيده يحتاج لوقت يحدده الشاعر .. فكم كانت أطول فتره قضيتها في كتابة قصيده ؟؟

وهل بإمكانك طرحها لنا ؟؟

* القصيده يبالهـآ وقت على حسب الافكار اللي يحددها الشاعر

شي قصايد ما تاخذ ساعتين وشي قصايد تبقى أيام ما تكتمل ..

آنـا عن نفسي بروحي أوخر عمري فـ كتابة القصيده وأذكر أطول فتره خذتها في كتابة قصيده

كانت لقصيده قديمه كتبتهـآ اسمهـآ "وصـآتي" طولت فيهـآ ما لـأني يالس افكر بطيت

لأني نسيتهـآ يعني جات على جزئين واحد غزل والثاني وصاه ,,

انا كتبت الغزل وتوقفت فتره ثم رجعت اكملهـآ بـ وصاه ~ بطرحهــآ عقب هالأسئله ^^


|" لو كانت اشعارك سفينة فإلى أى جزيرة تتمنى ان ترسو بك ؟

* لو كانت قصايدي سفينه اباها توصلني لشـآطي الرآحهـ وانا أحمل البيرق ^^


|" ماذا يعني لك البكاء ؟؟ وهل حدث أن انهمرت دموعك أمام أحد ؟؟

ام ان الشعر هو المنديل الذي يخفي حزنك ؟؟

* قدام الوالده اذكر نزلت دموعي ولاني بداري بس كانت دموع فرح الحمد لله ..{ الله لا جاب الحزن

ومثل ما قلتي آنــا ما ابكي حزن أخلي القصيده تترجم شعوري وتبكي حزن ..


|" بصراحة وموضوعية مارأيك في الشعر الحر ؟؟

* الشعر الحر ّ بإختصار ما اطربله موول ..


|" حكمتك في الحياه ؟؟

* تجري الريـآح بمـآ لا تشتهي السفن ..


|" لو طلبت منك أن تكتب لي شعرا عن مناسبة معينه بشرط ان انسب الكلمات الى نفسي ..

فماهي ردة فعلك ؟؟ وبماذا تنصحني ؟؟

* اذا الغ ـــروب طلبت على هالخشم بلبي ^^ ونصيحتي لهـآ ما يردج الا لسانج

أمـا الغير بكتب له بس الحقوق لزوم تنحفظ بإسمي ونصيحتي له بتكون بـ قولي

لا تعتمد على أحد اعتمد على نفسك دام ما ناقصك هجس ..


|" رأيك في شعر اليوم ... هل هو قوي كما في السابق بمعانيه وبقوة مايحمله من جمال ؟؟

أم انك تراه مغاير عما سبق ؟؟

* شعر اليوم مغاير أشوفهـ ابصراحه يعتمد على الرمزيه بشكل كبير

امـآ الاولي هو يطربني وآحس مفرداته أقوى وعربيه بحت ما يخالطهـآ غير

بس لكل نوع الشعر له ميزاته اللي تحليه وما أقدر أقول ان شعر اليوم

ما له هيبه ,, الشعر ضخم وبيبقى ضخم مهمهـآ استوت تغيرات شاسعه وتعددت انواعه ..

وكل حقبهـ تختلف عن غيرهـآ من ناحية الاغراض والاهتمامات وأيضا من ناحية الكلمات

طبعـا هالكلام كله من وجهة نظري ما غير ولكل واحد وجهة نظر مختلفه ^^


مشكوره يالغ ـــروب ..{ لا زلت معـآج على الخط ّ ^^​

 

[بو جسيمـ]

* قصيدة : " وصــآتي " ,,


يـآ زيـن أنــا بــهـمـي أتـــوق لـحـراويك
والـــقـلـب يـنـخـى شــآقـني لـعـذب لـقـيــآ

انـتـه وجـيـه الـخـيـر مـن قآل مـبـغـيك ؟؟
كـذّب لــــســآني ان قـــآل فـرقـى ونـهـيــآ

مثـلك غـضـي ٍّ مـآزح الـحـسـن غــآويـك
يــآ حـي ّ فـالك يــــوم تـظـهـر بـــالأزيــآ

يـاللي تـحــوم فـ بـحـر قـلـبـي رواسيك
مـــآخذ بـديـع أوصــآف وأطـبـاع لـمـيــآ

والله كـن ّ الــــطـيـب يـحـذي خـطــآويك
والـــــسكـّــر الـذايـب خــصـالك ومـزيــآ

يـكـفـي ابـتـســآمة ثغـرك ووجه حـآويك
كنـّــه عـــلى محيـّــآك بـــرق ٍ وسنيــــآ

تــرف ٍ وكــي ّ الـــقـلـب أبـرك مـعـآنـيـك
والـنـيـّـه الـسـمـحه مـن الــخـلـق تـعـيــآ

الـــــــــعـمـر لو روّح عشـآنك فـداويــك
مــآ وا خــســاره مــآ غـدآ فـيـك جـزيــآ

كـنـّـك مع وصـوفـك تـمـثــّـل بـمــآ فـيك
خـيــر الـسـفـيـر لـجـنـّــة الـحسن كفيــآ

تدري علوم الـشوق ؟؟ مآ غـير طاريك
بــس أطـــلـب الله أغـتـنــم منك طـريــآ

جـعـله مـفـآل الـيـسـر والــخـيـر تـآتيك
مـبـعـود عـن درب الـبلا وكـل ّ شـقـيــآ

وان كـنـت بـبـعـد عـنـك والـبعـد وازيـك
خـذلـك ثـمـيـن الـقـول هــرج ٍ ووصيــآ

بعض الكلام أغلــى من الذهب يـغـنـيـك
وبـعـض الـكلام رخيص بالهـزل مـلـيــآ

خــذلك وصــآة الـخـيـر والـخـيـر آويـك
لا تــستـنـد دانــي ســفـيـه ٍ وهـــزيــــآ

وان كـآن في صدرك من الحقد شـآويك
طـــهـّــر فـوادك وابـعـد الـغـل ّ جـزيــآ

وأصحب خلوق ٍ معـدنه صلب حـامـيـك
وازفـر مـن اللـي دوم تـقـفــآه بـلـيــآ

واصــبر تــرانـي ابـنـه الـحـر ّ شـآريك
لـيـن الـهـمـوم تـصد ّ وتـشـوم خـزيــآ

لا تـرتـضـي عـيش الـعـنــآ والمهاليـك
خلـّـك صــمد مـا صرت كالعبد شريــآ

حـتـى الصلف لو جــآك ربـّـك يداريك
خـل ّ الـجهم يرمـيـك والــصبر رسيــآ

درب الـمـعـزّه فـاتـح ٍ بــآب يـنجـيــك
كـــل ّ الـظـلام بـيـتـبـعـه نـور وضيــآ

يــآ زمن ملعون ٍ غدآ الشين يـعـمـيك
مـآ نـرتـجـي غـيـر الـبلا مـنـك تـلـيــآ

والله لـــو درب الـسـهـالـه بـيـعـنـيـك
مـــآ كــآن امـّـك تـزقـر بـإسـم دنيـــآ

هـذي وصــآتي جـعـلهـآ ذخر كـآفـيـك
خذهــآ سـنـود ٍ نـافـع ٍ لك وحـمـيــــآ

بـعـض الـكـلام لـدرب طعس ٍ يودّيـك
وبعض الكلام أغـلى من نفيس حليــآ


وسوالمـ ,,​

 

[!الـغ ـروب!]

فااااااااااااااااااااااااصل ونواااااااااصل
فالجمال لا يقاوم

||.. صح لسانك الشاعر وماعليك قصور ...||

 

[بو جسيمـ]

,,

صح بدنج يالغ ـروب ~ ولا هانج اللهـ

,,​

 

[!الـغ ـروب!]

صباحكم يشع بنور قلوبكم
صباحكم سكر وفنجان قهوة
وصباحي ارتشاف ^_^
صباحك صبر مخ ــاوي

​

.
.
.
** مخ ـــاوي ... ما الحاء التي تحرق أحاسيسك أكثر ( حاء الحب .. حاء الحنين ... حاء الحزن ) ؟؟​

** من هو الشاعر الذي تلقبه أنت أو يستحق أن يلقب بأمير الشعراء ؟؟​

** هل تتمنى بينك وبين نفسك أن تصل للمشاركه في شاعر المليون ؟؟ ومارأيك في تلك المسابقه هل هي منصفة للشعراء المشاركين ؟؟​

** قالوا ... بأن الشاعر العماني محصورا في بيئته فقط ولم يصل شعره الى أرجاء واسعه من الخليج ... من وجهة نظرك هل هذه المقوله صحيحه ؟؟ واذا كانت الاجابة بــ نعم فما الأسباب التي تراها وأدت الى ذلك ؟؟​

** قصيده قرأتها وأعجبتك حتى أنك تمنيت أن تكون كاتبها ؟؟​

** هل كتبت قصيده وندمت على كتابتها ؟؟​

** مااقرب قصائدك الى قلبك ؟؟ وهل بإمكانك الاتيان بها ؟؟​

 

[بو جسيمـ]

* ( مسائج ينبض بالسعد يالغ ـروبـ ~ ومسائي تصبير مثل ما قلتي ^^ }"


|" مخ ـــاوي مالحاء التي تحرق أحاسيسك أكثر حاء الحب \حاء الحنين \حاء الحزن ؟؟

* الحنين واللهـ وآيد يأثر فـ مخ ـــآويـ ,,


|" من هو الشاعر الذي تلقبه أنت أو يستحق أن يلقب بأمير الشعراء ؟؟

* أمير الشعراء معروف هو أحمد شوقي ما لنـآ اعتراض ولا عليه زود

كفـّـى ووفـّـى وعطـآ فـ الساحه الشعريه ما عجر عنه كثير من الشعراء

فـ العصور الفايته والحاليه ~ يستحق هاللقبـ وبجدآره وقوه بعد ..

* واذا تبيني أعطي أحد هاللقب فـ هالعصر فـ هي صعبهـ لـأن الساحه

الشعريه الحينه ممزوره وكثير من الشعراء متعلين القمه يعني صعبهـ

نعيـّـن أمير الشعراء ف هالوقتـ ,, ممكن نعيـّن أمراء الشعر ان صح التعبير ..


|" هل تتمنى بينك وبين نفسك أن تصل للمشاركه في شاعر المليون ؟؟

ومارأيك في تلك المسابقه هل هي منصفة للشعراء المشاركين ؟؟

* هيهـ والله اتمنى بس يبالي تشجيع شوي ^^ وما هي صعبه نوصلهـ

شاعر المليون مسابقه كبيره ونحن نلاحظ انهـآ رفعت اسم الشعر بالنايف فـ الوقت

الحالي خلـال سنوات قصيره ,, آشوفهـآ مسابقه منصفهـ وما بهـآ قصور

القصور اذا جـآ بيجي عـآد من الجمهور والتصويتـ ..


|" قالوا بأن الشاعر العماني محصورا في بيئته فقط ولم يصل شعره الى

أرجاء واسعه من الخليج . من وجهة نظرك هل هذه المقوله صحيحه ؟؟

واذا كانت الاجابة بــ نعم فما الأسباب التي تراها وأدت الى ذلك ؟؟

* هالكلـآم صحيح أغلب الشعراء العمانيين محصورين فـ بيآتهم

وكله هذا بسبب الإعلام المقصر وعدم تشجيع واستغلال هالمواهب

ولمـآ يشاركون فـ مسابقات وين التصويت ؟؟ ما شي تصويت

يعني هو يطرح قصيده ثقيله فـ المسابقه بس يخونه التصويتـ ,,

هذا حال الشاعر العماني دائمـآ مختفي عن الساحه الشعريهـ


|" قصيده قرأتها وأعجبتك حتى أنك تمنيت أن تكون كاتبها ؟؟

* وايد قصايد ينالن اعجابي بس ما قد فكرت وقلت يا ليت اني كاتبهـآ ..


|" هل كتبت قصيده وندمت على كتابتها ؟؟

* أذكر اني كتبت قصيده لمـآ كنت صغير لصاحبي فيهـآ تودد وترغيب

بس لأسف ما قدرّهـآ واتندمت يوم اني كتبتهـآ وحتى محيتهـآ من ديواني

لأنهــآ كانت تحمل اسمه وانهيت علاقتي فيه ..


|" ما اقرب قصائدك الى قلبك ؟؟ وهل بإمكانك الاتيان بها ؟؟

* أقربـ قصيده كانت فـ توديع ربعنا واخواتنـآ اللي خاويناهم ودرسنـآ وياهم

فـ المستوى الرابع من مرحلة الفاونديشن هالسنه ~ عملنا حفله صغيره ونهضت

ألقي لهم قصيده بطرحها لكم .. هي قصيده عاديهـ كـ رمز للأخوه ما سوى

وكـتدليل بصفـآ النيه والقلوب ..

* بس الحينه آعد ّ قصيده لـأمي وابويه وبتكون هي الأقرب بس بسبب انهـآ

هب زاهبه بطرح القصيده اللي طريتهـآ قبل .. وعسى اللهـ يجملني فـ الثنتين


مشكوره يالغ ــروب ~ لـآ هانج الله يالوفـآ لـآ زلت وياج ^^​

 

[بو جسيمـ]

,,

هذي هي القصيده وكانت يوم الأربعـآء , قلت :


هاليوم يوم الأربعـــــــآء شين الأيام
بنــودع الربعـه وجميـــع الــــرفاقه

والله حالـــي حـــال جـــهم ٍ ومنضام
ملتـــاع قلبـــي ممتحن به فـــــراقه

ما عندي الا بيت شعـــر ٍ مــن الهام
ودي أوفـــي واهـــدي الــربع باقه

أنتم رجـــال الــــصعب مــاني بجزّام
وانتن مع الـــــمستور خوّه وشقاقه

كلـــن يمثل خيـــــر مرجــع ومــقدام
وكلــن يوثـّـق منسبــه مــن سيـــاقه

هـذي السمـــآ لــو تنثر الوسم أنعام
أنتم تــــــــرا فيهــــا رعود وبراقه

تنور بروقه بليل وتـــــزيح مظلام
وتدوي رعوده مثل نــــقع التفاقه

كيف الوداع يكون والــقلب بآلام ؟؟
حاله كذا والــــشوق مـــا بعد ذاقه

النفس لــمفارق عزيزين الأخشــام
مثل الــذي للــــموت مسيوق ساقه

يبكي الخفوق وخاطري يعزف أنغام
أنغـــــام تــــوجيل الشحـآ واحتراقه

مالي سوآ عذري وهوجآس ما نام
وأرجي العذر من كل زل وخنــاقه

ربي يجملكم على مر ّ الاعــــوام
تسمون مثل الطير بأعلى نــطاقه

الدار تطمح بالرقي عال واقـــدام
وانتم مفال الخير فيه انـــطلاقه

في داعة الرحمــــن واقولها دام
بعض الأمل موجود محد يعاقه


وسوالمـ ,, السموحه ترا كنت كاتبنهـآ ع السريع ^^

,,​

 

[!الـغ ـروب!]

صح لسانك لاهنت
وبصراحه اللسان يخرس عن الرد أحيان
ربي يعطيك العافيه

.
.
.
||... مخ ــاوي وأسئله خارج نطاق الشعر ..||

** مواقف( محرجة / مفرحه / مضحكه / محزنه ) مرت بحياتك ومازالت مأثرة فيك لليوم ؟؟

** ثلاث وردات لمن ستهديها ؟؟

** هل تشجع الفضفضه لصديق أم الفضفضه بالحرف ؟؟

** لو تم اعطاؤك ثلاث أوسمة وتكليفك بمهمه اختيار مبدعين يستحقون تلك الأوسمه فمن سيكون ؟؟​

 

[بو جسيمـ]

( صح بدنج يالغ ـروبـ ~دمتي بالخير واليسر }"


|" مواقف ( محرجة / مفرحه / مضحكه / محزنه ) مرت بحياتك ومازالت مأثرة فيك لليوم ؟؟

* محرجهـ : حصلي موقفـ محرج في أحد المنتزهـآت مع بنيهـ ^^ وقلت :


منــــج الــــسموحه يالغضيـّـه والاعذر

مـآ كـان ودي يصيبج الموقف احراجي

كنه مفــــال عسير مــــع صلف الأقدار

متخاويــــــــات ٍ لجل تـــــعكيره مزاجي

يا غير أنا وش لي حدث وش غدآ وصار ؟؟

لحظه غريبهـ جـآت مـــا هي بمنهاجي

أصـــــرخ وأوهوه كني هــــبيل الأفكار

والعقل صابه من عمى الجهل دواجي

واليوم متندم على مـــا مضى وسـآر

عمر الــــندم مـآ فاد ما عانه اللاجي

* مفرحهـ : يوم شفت خبر قبولي فـ الجامعهـ ^^

* مضحكهـ : المواقفـ المضحكه ما أحصيهـآ وآيد منهنـ كل دقيقهـ خاصه ويـآ الربع ,,

* محزنـهـ : يوم قالـوا قريبي ورفيقي محمد المعمري ف ذمة اللهـ ,,

" الله يرحمك يـ محمد ويغمد روحك الفردوس العالي من جنانهـ ويطيب ثراك "


|" ثلاث وردات لمن ستهديها ؟؟

* الأولى : للوالدهـ ~

* الثانيهـ : لمنتديـآت محافظة البريمي ~

* الثالثهـ : لـ واحد فـ خاطري اللهـ يستر عليهـ ~


|" هل تشجع الفضفضه لصديق أم الفضفضه بالحرف ؟؟

*عن نفسي اقول ان الشعر هو الصديق القريب لنفس الشاعر يعني يفضفض له بالاحساس

والشعر يرد عليه بالكلمات ..


|" لو تم اعطاؤك ثلاث أوسمة وتكليفك بمهمه اختيار مبدعين يستحقون

تلك الأوسمه فمن سيكون ؟؟

~ كل الاعضاء مبدعين ولا عليهم زود بس هالأوسمه بتكون :

* الوسـآم الأول : لمديرنــآ عتيج ~

* الوسـآم الثاني : لمشرفي قسمـ الشعر ~

* الوســـآم الثالثـ : حق الغ ـروب بسبب هالاستضافهـ المشرفهـ ~


"( لـآ زلت قريبـ يالغ ـروبـ ^^ |..​

 

[!الـغ ـروب!]

ربي اغفر لموتانا وجميع موتى المسلمين وادخلهم فسيح جناتك ​

>> كنا نبيك تشاركنا بمواقفكم المضحكه طشونيه بس بنطوفها هالمره ^^​

هنـــــــــــا لن اطوي الجمال بأسئلتي .. إنما سأترك للجميع الارتشاف حتى عودتي من جديد لك ^^
حتى ذلك الحين أتمنى لك أمتع واسعد الأوقات​

 

[!الـغ ـروب!]

.
.
.
نعود لنسج الأسئله :giving-up:

** مخ ـــاوي :.
هل الشعر يعتبر مرآة لشخصية الشاعر؟ بحيث يكون الشعر معبرًا عن حياة الشاعر وسلوكه، فإذا كتب الشاعر قصائد حب وغزل يكون رومانسيًّا، وإذا كتب قصائد سياسية يكون سياسيًّا، أم أن الشاعر في وادٍ وشعره يهيم في وادٍ آخر؟؟

ومامدى تطابق ذلك عليك ؟؟

** بنظرك مالعوامل التي تقوي الشعر عند الشاعر ؟؟

** ذكرت سابقا بأنك مع المقوله التي تنسب الشعر العماني الى بيئته أكثر عن محاولته الصعود .. فماالحلول التي تراها مناسبة لخروج الشاعر العماني من كينونته ؟؟​

​

 

[بو جسيمـ]

مرحبـآبج خيتي الغ ـروبـ ,, )"


|"مخ ـــاوي : هل الشعر يعتبر مرآة لشخصية الشاعر ؟ بحيث يكون الشعر معبرًا عن

حياة الشاعر وسلوكه، فإذا كتب الشاعر قصائد حب وغزل يكون رومانسيًّا ،

وإذا كتب قصائد سياسية يكون سياسيًّا، أم أن الشاعر في وادٍ وشعره يهيم في وادٍ آخر ؟؟

ومامدى تطابق ذلك عليك ؟؟

* لـآ شخصية الشاعر فـ أغلب الأوقات تختلف عن مـآ يكتبهـ ,,

مب شرط ان اللي يكتب غزل رومانسي أو اللي يكتب سياسه سياسيـ ,,

لـأن الشعراء معروفـ عنهم ف بعض الاحيان يقولون ما لـأ يفعلون ..

* أحيان أنا أكتب شي من خيالي وأحيان اكتب شي من الواقع ..

يعني ما كل قصيده اكتبهـآ تمثل شخصية مخ ـــاوي ..


|" بنظرك مالعوامل التي تقوي الشعر عند الشاعر ؟؟

* كثير من العوامل تساعد وتساند الشاعر في تطويره ومنهـآ :

~ المشاركهـ فـي بعض المسابقات المحليهـ أو الخارجيهـ

~ الإختلاط مع شعراء آخرين وتكوين شخصيه اجتماعيهـ

~ الإجتهـآد وتوفر العوامل القياديهـ والفعالهـ

~ متابعة بعض المسابقاتـ لمعرفة سلبيات بعض القصايد وتجنبهـآ


|" ذكرت سابقا بأنك مع المقوله التي تنسب الشعر العماني الى بيئته أكثر عن

محاولته الصعود .. فما الحلول التي تراها مناسبة لخروج الشاعر العماني من كينونته ؟؟

* هيه نعم قلت ,, الاهتمام بهالمواهب واستغلالهــآ واظهارهـآ اعلاميـآ

أو تنظيم مسابقات محليهـ تخدم الشعر والشعراء وتبرز اسم الشعر فـ عمان

وأيضـآ يمكن القول تنظيم هيئهـ تراثيه متخصصه تدرّس علوم الشعر الشعبي

والفصيح لمختلف الأعمـآر ..


"( ويـآج يالغ ــروبـ ,,

 

[!الـغ ـروب!]

مخاوي
سأترك لك هذه المساحه للبوح ..

 

[بو جسيمـ]

"( فالج طيب يالوفــآ ~ وهالقصيده حصريهـ ..!

أتمنى تعجبكمـ يالوافين ..{ هي عن الوالد والوالدهـ

الله يطول بعمارهمـ واتمنى ان الله يجملني في هالقصيده القاصره

واتمنى منهم السموحهـ على القصور اللي بيبدآ مني ومن قصيدي ||

* الوالدين شي ثمين يفوق التصوير والشعر ويفوق الخيـآل

لكن أنا كـ ترميز لمحبتهمـ قلت :


بالــسعد أبشر يـ بويه وبالجمايل
دام ربيت الذي ما يـــعرف برود

طبـّـعه نهجك طباع الــحر شايل
للمنيفه يرتقي مــــا مس ّ منقود

مـــاخذ ٍ سلمك وفعلك والــجزايل
يـــآ مزبـّـن كل من ينصاك ويرود

عآلي القمــه وقــــدرك مـــآ تمايل
لو تميل شعوب تبقى واقف صمود

فـ الــصدآره مركزك صف الأوايل
فـ الــــحشآمه بيتك معزز ومعهود

فـ الـزعامه درع من غيرك بدآيل ؟
فـ الدواهي مآ عرفت الدرب مسدود

فــ الـشهامه والكرم نبرآس صآيل
لــو طلبته لك عطآ لو تطلبه كــبود

عـايش ٍ بــركود فـ الشدات قــآيل
مرحبآبك يالخطر والموت محمود

لا ركد يـــركد من الدنيآ الهوايل
ولا زعل شبت مقاصيهآ والحدود

بآعدك ربــــي عن دروب العلايل
دوم تبقى اسراج معنى وواسع بنود

ممتلي صــــدري كبير الفخر نايل
دامني صقر ٍ من الصقآر بو سعود

منسبي محشـّـم عـــريبين القبآيل
والوثآقه عند ربعي وعند الحشود

طآرشي يــالطير يآ حــــايم وجايل
رح لهآ مبلـّـغ سلامن مآ له حدود

قلهــــآ تكفـــى يـ زاهية الخصايل
دوج مكتوب ولدج مضمونه عهود

عآهــدج معهود ما ينقض صمآيل
دام جــده وافي الــمنسوب وجدود

الـــسند يبقى وفـ الـــشدآت شايل
كـــل مآ يوعر دروبج كل جلمود

والــسند والعون فـ الشدآت زايل
كل مـآ يوزي شعورج كل مشدود

وش يقول الشعر يآ رمز العوايل ؟
وش يقول مخآوي وشلون بيذود ؟

كلمــــآ حـــآول يعد ّ امن الجزآيل
وقـّـف الــفكر وتداله كل مقصود

الـــشمل قربج ومبعودج وجآيل
والــوفآ طفل ٍ لج محـبـّـب ومولود

والـــرحومه دآر في قلبج حـصآيل
والـــمحبه والــــحنآن تزيد وتسود

والخـــلايق لـــو نجمـّـعهآ فــــعآيل
مآ سوت من طيبتج والله ثقل عود

جعلني لج غيم عن شمسج ظلآيل
جعلني لج درب مخضر ٍّ ومنضود

جعلني لج فرد عن كــــل القبايل
جعلني لج ذروة ٍ عــن كل مفرود

جعلني لج نور مـــآ يطفي فتايل
جعلني لج قلب ينبض لج بـ الخلود

مآ سوى شعري من بحور الفضايل
قطره ترجم شعوري وتحمل ودود

قبل لأختـم خاطري آجــيج مــايل
ثــم أنزلـج وأقبل رآســـج بجود

هآج يمي والـــعذوره بالـــهمايل
كلي قصور وعلي أكثر من الزود


وسوالمـ ,, والسموحهـ يـأ بوي والسموحهـ يا امي ..​

 

[!الـغ ـروب!]

صح لسانك ملايين ولا يسدن
والحرف مايوفي حق الوالدين وغلاهم




** مخ ــاوي :. استمتعنا بكل حرف نسجته ومازلنا على ذلك كلما توسطنا بطن الصفحات تجول ..

حروفكم جميعا من ذهب .. وبحق نحن فخوريم بتواجدكم بيننا بطرحكم وبردودكم الشيقة الحكيمه


اخواني المبدعين .. احيي روحكم الهادئه وصبركم الطويل وابداعكم اللامحدود ... واترك لك اخي مخ ــاوي مساحه لنسج الكلمة الأخيره يصاحبها نسج ختامي ..


||... واتمنى لكم جميعا التفوق والنجاح ...||

 

[بو جسيمـ]

" صح بدنج يالغ ــروب ~ ولا هنتي )"

المتعه واللهـ من بينكم وتشريف كان هاللقاء الغاوي ^^

ربي يجملكم دوم يالوافين ,, والسموحهـ على القصور

ومشكوره يالغ ــروب على هالأسئله الغاويهـ

كلمه أخيره :

والله منتدى البريمي ما له مثيل ~ كل ما فيه غاوي ووناسي ..}

من اداره من اعضاء من اقسام من تفاعل ,, منبر حافل بالشي الراهي والرزه

وبيض اللهـ ويهك يا خوي عتيج معناك جميل يوم انك سويت هالصرح الشامخ

وحبيت فـ النهايهـ أختم بقصيده بسيطه حق المنتدى والمدير عتيج والاعضاء

قلت :

يا منبر يضم ّ الاجواد

منصى العرب والقبايل

مرتع هل الطيب ووداد

أهل الفضل والجزايل

يسلم كفيلك ع مجهـآد

زين الفعول وخصايل

سوّى من الخير مقصاد

ودعاه شامخ وطايل

عتيج مزبون مسناد

شيخ الكرم والرجايل

وزنه ثقيل ٍ ومعتاد

من يحضر الباس زايل

جعلك مديم ٍ ومنقاد

خلفك جميع الجمايل

اتم ّ وافي وفـــــــوّاد

وتبقى سراج وفتايل

يأهل الوفـآ دون منشاد

انتم عيال الحمايل

من بينكم طاب الفواد

ما زارني مـ الوجايل

الخير فيكم بيزداد

ما تعرفون الهزايل

تفداكم الروح وأكباد

يلكم تروّح حلايل

أدعي لكم رب ّ العباد

وأدعي لكم الفضايل

ما جاكم التعس واحداد

ولا جاء مفال الهوايل


وسوالمـ ,, ومنكم السموحه جميع

ربي حافظكم ..{ وفـ داعة الرحمـــن

 

[!الـغ ـروب!]

صح لسانك وربي انك ابدعت وزياده وماعليك قصور
واترك الكلمة للاعضاء

 

[موزة النعيمي]

[ صح لسانك. وعلا شانك.]

مــخ ـــاوي..

شهادتي فيكم جروحه استضافتك هنا.. شي رائع..

وكلماتك من بدون مجامله.. رائعه.. وذات معنى أصيل

ما اقول غير.. فالك النامووس..

وربي يوفجك ان شاء الله.~

نشوفك في القمه....~

اذهلتنا...ياشاعر

اختي الغروب]..

شي اكثر عن رائع هذه الوقفه المبدعه يا مبدعه

عساج ع القوة اختي.~

تشكرين..~​

 

[CR7]

صــح لســانكــ الشــاعر
^^
كلمات رائعة وجميلة
ويستاهلونها الاعضاء
^^