العاثرة
¬°•| عضــو مــهــم|•°¬
السلام عليكم ورحمة الله وبركاته
:imuae83:
شحالكم وشو هباتكم.!!
وشو استعداداتكم للعيد
اكيد يمشي على قدمً وخشم..
انا عن نفسي ما مزهبه شي حق العيد امرررررره بس اتريا الاجازه
حتى اليوم امي بالغصب تسحبني من الفراش وانا متقبضه بيديني وضروسي
طبعاً قايمه مالي خلق دوام ولا لي خاطر اجابل هالاجانب وسخافتهم
بس ما باليد حيله ..
رفست باب المكتب ودشيت ولاقيت وحده من الموظفات العمانيات
سلمت عليها وردت بدون نفس وطلعت من المكتب
وانا فخاطري اقول يااالله بصباح خير
شوي ولا تدخل موظفه سوريه مسيحيه وتقولي صباح الورد ، كيفك وشو عامله..الخ
بعدين قالت كل عام وانتي بخير وهنا وهي مبتسمه
المهم قامت تدعيلي بالخير وغيره وآخر شي قالت عقبال ما نشوفك عروس<<<:29: خير ان شاء الله
انا ابتسمت بعبط وانا ارد عليها
Stop
هني عاد ابا ادش وياكم فموضوعي
والذي سأتحدث فيه عن الأخلاق والسلوكيات<<<ارسيلج على بر يا عامي يا فصحه
انا بحكم طبيعة عملي أختلط ويا الاجانب من مختلف الدول
اشوف ناس من كل الأصناف والشخصيات والالوان والديانات
الصينين والكورين مستحيل يرمسون انسان دون مايحنون ظهرهم ويبينوله احترامهم
الهنود ما يرفعون ايدينهم فويه الشخص اللي يرمسونه
الأوربيين والامريكين مايكلمون شخص بدون مايقولون لو سمحت ، من فضلك ، يا آنسه ، يا سيد...الخ
وفالمقابل نيي نحن العرب اللي انعرفنا باخلاقنا وكرمنا وذرابتنا
نحن المسلمين اللي دينا وصانا بحسن الاخلاق والتصرف
ندش على العرب وبالعافيه نسلم جنه السلام بفلوس
ما نبتسم الا حسب المزاج ..اذا دق فبالي ببتسملك واذا لا بتفل فويهك
نستصغر الناس ونحكم من المظاهر ..نفترض انه كل هندي دش بلادنا يشتغل عندنا ونقدر نامره وننهيه بكيفنا فالأخير الا هنيدي
نتوقع كل شي شين من اي شخص ابيض من شرب خمر وقمار و××× تراهم الا عيال الحمرا
ابا اعرف ليش نحتقر اليهود ونحن بطبايعنا صرنا مثل اليهود واخس
شو الفرق يعني اننا نحن مانقول " نحن شعب الله المختار"
يمكن ما قلناها لكن سويناها بافعالنا
مب الكل طبعاً للحين عندنا عرب يعرفون معنى العروبه
وعندنا مسلمين يطبقون دينهم
بس الباقين انجرفوا ورا حياتنا الخليجيه المظهريه ونسوا المهم وهو الاخلاق
احيان استحي لما اكون ويا أجنبي ويسألني عن حضارتنا ودينا وانا ايلس اتكلم بفخر
بعدها يقولي بس انا ما اشوف اي شي من اللي تقولونه
استحي لما اقوله انه الصلاه عندنا هي عموود الدين
ويقولي بس انا ما الاحظ ان الناس تصلي الا فوقت العيد
استحي لما اقول انه الستر واجب لأنه يدعي للفاحشه
وتمر وراي فنفس اللحظه بنت حاطه اللوان الطيف فويها
استحي اتكلم عن كرمنا ونبل اخلاقنا واحترامنا للكبير
بعدها ايي واحد يقول جدام الاجنبي طبه هالشايب المخرف والشايب ..أبوه!!
استحي حتى النخاع ..تباً للي فشلونا
لا عرفوا دينهم ولا حضارتهم
يعيشون هني على ارضنا وبينا لكن افكارهم غربيه
بالله ابا اعرف هذيلا شو موقعهم من الاعراب
هل هم مسلمين مع وقف التنفيذ
ولا عرب بكفرات غربيه!!
حالهم عجيب غريب مثل البوكيمونات ماينتمون للواقع.. يبالهم عالم خاص فيهم يناسب شذوذهم الاخلاقي والسلوكي:29:
^
^
ذكرني بتيسنا الأشقر
يرحم ايامه ..ياما ناطحنا وركض ورانا
هع
كل عام وانتوا بخير وسلامه
محدثتكم
العـــــاثرة
:imuae83:
شحالكم وشو هباتكم.!!
وشو استعداداتكم للعيد
اكيد يمشي على قدمً وخشم..
انا عن نفسي ما مزهبه شي حق العيد امرررررره بس اتريا الاجازه
حتى اليوم امي بالغصب تسحبني من الفراش وانا متقبضه بيديني وضروسي
طبعاً قايمه مالي خلق دوام ولا لي خاطر اجابل هالاجانب وسخافتهم
بس ما باليد حيله ..
رفست باب المكتب ودشيت ولاقيت وحده من الموظفات العمانيات
سلمت عليها وردت بدون نفس وطلعت من المكتب
وانا فخاطري اقول يااالله بصباح خير
شوي ولا تدخل موظفه سوريه مسيحيه وتقولي صباح الورد ، كيفك وشو عامله..الخ
بعدين قالت كل عام وانتي بخير وهنا وهي مبتسمه
المهم قامت تدعيلي بالخير وغيره وآخر شي قالت عقبال ما نشوفك عروس<<<:29: خير ان شاء الله
انا ابتسمت بعبط وانا ارد عليها
Stop
هني عاد ابا ادش وياكم فموضوعي
والذي سأتحدث فيه عن الأخلاق والسلوكيات<<<ارسيلج على بر يا عامي يا فصحه
انا بحكم طبيعة عملي أختلط ويا الاجانب من مختلف الدول
اشوف ناس من كل الأصناف والشخصيات والالوان والديانات
الصينين والكورين مستحيل يرمسون انسان دون مايحنون ظهرهم ويبينوله احترامهم
الهنود ما يرفعون ايدينهم فويه الشخص اللي يرمسونه
الأوربيين والامريكين مايكلمون شخص بدون مايقولون لو سمحت ، من فضلك ، يا آنسه ، يا سيد...الخ
وفالمقابل نيي نحن العرب اللي انعرفنا باخلاقنا وكرمنا وذرابتنا
نحن المسلمين اللي دينا وصانا بحسن الاخلاق والتصرف
ندش على العرب وبالعافيه نسلم جنه السلام بفلوس
ما نبتسم الا حسب المزاج ..اذا دق فبالي ببتسملك واذا لا بتفل فويهك
نستصغر الناس ونحكم من المظاهر ..نفترض انه كل هندي دش بلادنا يشتغل عندنا ونقدر نامره وننهيه بكيفنا فالأخير الا هنيدي
نتوقع كل شي شين من اي شخص ابيض من شرب خمر وقمار و××× تراهم الا عيال الحمرا
ابا اعرف ليش نحتقر اليهود ونحن بطبايعنا صرنا مثل اليهود واخس
شو الفرق يعني اننا نحن مانقول " نحن شعب الله المختار"
يمكن ما قلناها لكن سويناها بافعالنا
مب الكل طبعاً للحين عندنا عرب يعرفون معنى العروبه
وعندنا مسلمين يطبقون دينهم
بس الباقين انجرفوا ورا حياتنا الخليجيه المظهريه ونسوا المهم وهو الاخلاق
احيان استحي لما اكون ويا أجنبي ويسألني عن حضارتنا ودينا وانا ايلس اتكلم بفخر
بعدها يقولي بس انا ما اشوف اي شي من اللي تقولونه
استحي لما اقوله انه الصلاه عندنا هي عموود الدين
ويقولي بس انا ما الاحظ ان الناس تصلي الا فوقت العيد
استحي لما اقول انه الستر واجب لأنه يدعي للفاحشه
وتمر وراي فنفس اللحظه بنت حاطه اللوان الطيف فويها
استحي اتكلم عن كرمنا ونبل اخلاقنا واحترامنا للكبير
بعدها ايي واحد يقول جدام الاجنبي طبه هالشايب المخرف والشايب ..أبوه!!
استحي حتى النخاع ..تباً للي فشلونا
لا عرفوا دينهم ولا حضارتهم
يعيشون هني على ارضنا وبينا لكن افكارهم غربيه
بالله ابا اعرف هذيلا شو موقعهم من الاعراب
هل هم مسلمين مع وقف التنفيذ
ولا عرب بكفرات غربيه!!
حالهم عجيب غريب مثل البوكيمونات ماينتمون للواقع.. يبالهم عالم خاص فيهم يناسب شذوذهم الاخلاقي والسلوكي:29:
^
^
ذكرني بتيسنا الأشقر
يرحم ايامه ..ياما ناطحنا وركض ورانا
هع
كل عام وانتوا بخير وسلامه
محدثتكم
العـــــاثرة
