أختار عضو وطلبه أجمل قصيده؟؟

[ريمـــــان]

أحــــــــم أحــــــم كنش ما طلبتي حد

 

[ذبحهم غروري]

هههههههههه نزين بختاااااااار امير الحب

 

[امير الحب]

احب هاي القصيد
أخذيني اليـا عجبتـك بـس ردينـي
و أن ما عجبتك خلاص أخذيني ما بيني


مادامني شفت فيـك الطهـر و العفـه
باعيـف نفسـي ليامنـك كرهتـنـي


أخذيني لو اعتبر من ضمـن أشيائـك
و انــا بحـبـك ولا لازم تحبـنـي


لابي علاقه ولابـي نظـره و بسمـه
أحساسي اني بقربـك بـس يكفينـي


ولو ني انضفت لشيائك غصب عنـك
طلـي علـي يـا غناتـي لا تخلينـي


تراي لاجـا المصامـل مانـي بهيـن
تقـول كـن العـرب لعبـه بيديـنـي


شخصيتـي مـن غرابتهـا و طيبتهـا
كن الزمن في تحـدي بينـه و بينـي


أخذيني الشاعر اللي ما صـدق حظـه
لاقلت يا حـض وينـك قـال ياوينـي


أخذينـي المبـدع المتفلسـف التحفـه
مؤمن و تضحك على العالم شياطينـي


شهرة شكسبير و أفلاطـون وأنيوتـن
لا قلتلي بيت شعر تطيح مـن عينـي


أخذيني العنصري اللي صدق متعنصـر
من دون ربعي لـو أقطـع شرايينـي


أخذينـي اللـي ليامنـه طلـب يعطـا
و تكفيـن لامـن طلبتـك لا تردينـي


تكفين يـا غايتـي يـا بهجـة الدنيـا
أبحـرق قلـوب نـاس مـا تدانينـي


أخذينـي بكـل شـوق وقولـي أحبـه
و أن شككو فيـك وإلا فـي ضمينـي


قولي سعـد و الله انـه غالـي جـدا
و ياجعل فدوه شبابي و آخـر سنينـي


و انا بصـدق كلامـك و اعتنـز بالله
وباقول للنـاس مـا يعنيـك يعنينـي


و أنا على نذر ما أرخص جيتك
و أنتي نذر على أرقبتـك انـك مـا تخلينـي



*


*


للشاعـر (( سعد علوش ))

 

[ذبحهم غروري]

تسلم
بس منو الي بتطلب منه احمل قصيده عنده ؟؟؟؟

 

[امير الحب]

××** شموخ**

 

[ღ أ”أ£أ¦أژ ღ]

اوووووووبس ..." مرتين " :29:​

احم .. هالقصيدة للشاعر الإماراتي : محمد بو رحيمة .. ~> خانته حبيبته وكتبها فيها خخخ​

طويلة وايد بس كلماتها طررررررررررر

يقول الشاعر كحكح ::

​

لا ردج الله لا ولا اطلب ترديــن ......ادعي عليج بعثرة فـي صلاتـــــــي​

عثره تشلج ما بعدها تقوميـن ......يا للي نقضتي عهودنا الماضياتي​

خدان لج بالقلب كانت بساتين ......وريضان وغصوناً بها يانعاتـــــــي​

كانت تروح الروح ساعة تروحين ...... وتعاف نفسي شربها و المقاتي​

و كنتي مناة القلب والروح والعين ....واليوم عينج يعلها ما تباتـــــــــي​

كنت أحسبج للعهد والحب توفين ..قلتي الغدر بالحب ماهو بسواتــي​

وحلفتي يمين الله ما منج اثنين.......وانج ملاك دون كل البناتـــــــــي​

وانج على عهد المودة تسيرين ....ولا تسمعين أهل الحسد والوشاتـي​

وصار اليمين ستار خلفه توارين .......ورماح غدرج بالخفا مشرعاتـــي​

وبان الغدر سمٍ جرى بالشرايين ......الله عسى يسقيج سم الفعاتــــي​

كلي سقيتج حب واليوم تنسيـن........تقولين حلم ايام واليوم فاتــــــي​

و خذتي الهوى لعبه على ما تحبين ......لين عصفت بالهوى عاصفاتـــي​

من زينج يا بنت بالشعر تزيين ............ من صورج بابياته الطايلاتـــي ​

انا من غرامي قلت كانج تذكرين ...... قلت الخجل صاب البدر من مناتـي​

وصرتي بشعري في العذارى تباهين....تقولين انا شمس العصر في حلاتي​

زينتج بشعري ولا غربج الزين ..........ما زانتج صبغات حمر الشفاتــــي​

و بالشعر صورتج خزام ورياحين .......واثرج هضاب وشوك ما به هداتـي​

وبالشعر غليتج على كل غاليين ...........واثرج دنيه تتبعين الدناتـــي​

وبالشعر عاتبتج عتاب المحبين .........انا من يسوم الروح لج يا غناتـي ؟​

رسمتج سحابة خير قطرٍ تنفين .........فزت لج الصحراء زهور ونباتـــي​

رسمتج مهاةٍ للجميله تقودين .............واثرج خروفٍ ضيعتها الرعاتـي​

واثرج غراب يوم سدل الجناحين ......كنت احسب اني شايف لي قطاتي​

توسلت لج على حب عامين .......عامين لكن في حسابي مئاتــي​

ناديت لكن لي ابد ما تسمعين ...........عمري وروحي و الفكر في شتاتي​

حذراج للشينات عمري تماشين ............عديمات اصل اخلاقهن دانياتي​

غاب الولي عنهن ولعبن بحبلين ................يا خس واليهن وخس الولاتي​

ما همهن في الناس زين ولا شين ...........وقلوبهن من حقدهن مظلماتي​

وقلتي وربج لو يكونن ملايين ..............ما غيرن بأطباعهن من سماتي​

وخنتي وبعتي كل عهد وايامين ............ما عاد يفرق بين ماضي وآتي​

وصرتي مثل غيرج برخص تبيعين .........يا مرخصتني ما بقى لج غلاتي​

تحسبين انج بالمهافات ترقين .................كيف الصعود يكون للهاوياتي​

والنوق من تخرس فلا يفيد تمرين ... ما يفيدها قلص وضرب العصاتي​

ومع ناقتاً خرساااا تكلفت سنتين ........ فلا لانت بشدة و لا بالهداتي​

اسبوع في دوامي ولا ايي غير يومين ........ ويوم اوصل الدار اتصل واحاتي​

صبري نفذ واليوم ثارت براكين .............مظلوم انا وباجر تحل ادعواتي​

سمعي عسى من بعدها ما تسمعين ...سمعي دعا من صار قلبه حصاتي​

عساج عوق منه ما عاد تبرين ..............عوق تشافق له قلوب العداتي​

ادعي عسى من ناضرج ما تشوفين ......وتطحن بج الايام طحن الرحاتي​

ويالله عسى يحتار فيج المداوين ...........تبين الممات ولا يجيج المماتي​

ويالله عسى كف الندامه تعضين ..............تندمين يوم انه يفوت الفواتي​

وتبكين دم يسيل من مقلة العين .............ويحتار قلبج من عناج وتعاتي​

وعسى ما تلاقي من له القلب تهدين .....وان هو حصل ادعي عساج الشتاتي​

يا بلوة اللي وسط بيته تعيشين ..........غافي وحوله شب جمر الغضاتي​

عسى بعمرج ساعه ما تهنين ..............وتمضي حياتج بين هم وشقاتي​

يا بنت قلبي وين مثله تلاقين .................قلباً عطاج الحب ما قال هاتي​

جيتج وروحي شلتها لج بكفين ............وفي التاليه رمح الخيانه جزاتي​

يالله عساج النار يا أم ويهين ................كله انكشف لا ما تفيد العباتي​

ويالله عسى تلبسج جن وشياطين .....وتكونين مدعاة الحكي والشماتي​

والله ماني منتظر قلبج يلين ............و المقبلات أكثر من الفاايتــــــــــاتي​

وما عادتي اتبع ضعون المقفين ..........ريحٍ تشل ضعونج المقفياتي​

يا ليلة ظلمة على الله تزولين ....... و تاتي ليالي سعدنا مشرقاااااااتي​

و يا حية رقطه تقود الثعابيـــــــــــن .........باجر تحن ايامك المعتمـــــــاتي​

يا ظالمة نفسج ترى الدهر يومين ......... يوم النجاة و يوم ما به نجاتي​

وباجر على فعلج بمثله تجازين ..............ظلم المشاعر ما تحكمه قضاتي​

بيني وبينج تحكم ايام وسنين ............وانا شاهدي قلباً من الغدر ماتي​

لو كان عذرج في كفوف الموازين ......لكان ربح كل غــــــــــدر البناتي​

ويا دمعة التمساح لا لا تذرفين ..........العيون رغم ادموعها كاذباتي​

لا ما عرفتي الحب لا ما تحسين ..........وغدرج تعدى غدر ذيب الفلاتي​

الذيب يعوي قبل يغدر بمسكين ........وانتي غدرتي خافقي في سباتي​

و انتي السبب سقتي على القلب جرحين ....... غدر الغرام وموجع الذكرياتي​

وانتي السبب واليوم لالا تلومين ....... وان ياج باجر شوفي وشلون يأتي​

والله لاكتب وافضحج في دواوين .........وارزف واغني يوم خبر الوفاتي​

وارسم لاهل العشق قلبا وسهمين ............وقصة خيانه ما روتها الرواتي​

ويمين لانشر فوق اسمج عناوين ........واشهرج من قاصي اليمن للفراتي​

ومن غرب هالدنيا الى قاصي الصين .....ديوان غـدر فيه كل اللغـــــــاتي​

والبادي اظلم سنة العين بالعين .............والا في هاذي لا عادتي ولا صفاتي

ويا شبه انسانه براس ورجلين .............اعوذ بالرحمن منج بصـــــــلاتي​

وسوااااااالم ^^​

و اللي حاب يسمع الشلة ​

اضغط هنا للحفظ​

بس الشلة ما فيها كل الأبيات ~> طبعاً شموخ حافظتنها صم هع :hehe2:

السموحة ​

 

[ღ أ”أ£أ¦أژ ღ]

اممممممم اختاااااااااار " عتيج "

بس بشرط .... يحط قصيدة من كتابته

​

 

[المنصوووري]

انا بطلب قصيدة من عند ال يذووة

 

[ريمـــــان]

أحم أحم عتيج وال يذوه وينكم مطلوبيييييين
يعطيكم العافية عالتفاعل يسلموا
وعلى المرور الحلو وردد واقول يشرفني مروركم

رحت اشتغل دفان محدٍ رضي يموت ....والله من قل البخت..

ياعين هلي صافي الدمع هليه×××وليا انتهى صافيه هاتي سريبه
ياعين شوفي زرع خلك وراعيه×××شوفي معاويده وشوفي قليبه
اللي يبينا عيت النفس تبغيه×××واللي نبي عيا البخت لايجيبه.


وأنـــــــــــــــــــــا بنتضر أخوي عتيج وال يذوه

 

[ღ أ”أ£أ¦أژ ღ]

{ عتيج بيوصل السنة الياية

خلاص غيرت رايي ما اريده :a054:

اختار بداله " خريش بنوتهـ "​

 

[مشاغب]

كيف الشعر معكم

 

[لحن غجري]

اذا اهداج الزهر مرة , فانا اهديتج بساتينه
واذا الهاج بفرح ليله , فانا تهت لبكاج سنين
واذا استضعفتج املاكه و شتتج ملايينه
انا حتى فتات الخبزة اقسمها معج نصين
طموحي , بس اجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما ارضى بكل اللي تمنينه
لو انج تطلبين الله يعنيني.. بقول : آمين
( انا ما العب على الحبلين ) وقت الطيش و سنينه
تبيني الحين يوم اني كبرت العب على الحبلين ؟
ترى عند البدو بالذات عيب اللي تسوينه
حلاتج لا عشقتيني .. تعشقيني ليوم الدين ..

احم كلمات حامد زيد ...~​

 

[لحن غجري]

آختاااار راعي مشاكل

 

[ذبحهم غروري]

نزين منو بدالج ؟؟ بس لاتقولي انااا

 

[لحن غجري]

كح كح شكله راعي مشاكل مابيحدر النت قريب

اختار من بداله ذبحهم غروري ^^

 

[ريمـــــان]

أحم أحم ذبحهم غروري وينج

 

[ريمـــــان]

لحد ما تي ذبحهم غروري


بس يكفي جروح




تراك جبتها ع الجرح لا تسوي روحك ما دريت..
تراني مثلك بشر أحس واشعر مو مثل ما أنت سويت ..
خلني اروح بطريقي اللى شفت منك كفيت..
تراك والله كفيت و وفيت..

الجروح بيدك وانت لعبت فيها وزودتها ألم..
خلني افهم سبب جرحك ما ابي شئ منك بس ابي افهم..


مو مهم اعرف غلاتي ومو مهم أبقى معك..
بس ابتعد عني وخلني اعيش باقي عمري بدونك..
بلي خلقك وخلق الكوون كله معك..
خلني ارووووح واعيش الوحده لا أنها بأسبابك..


ااهـ من الظروف اللي رمتني ..
ااهـ من الظروف اللي حرمتني..
ااهـ من الظروف اللي عذبتني..
ااهـ من الظروف اللي جرحتني ..

ليت الايام تمشي مثل ما نخطط لها..
كان نعيش ونقاسي غصب عنها..
مو مثل قلبي حرام يتأسى منها..
ويعش ويتمنى وما يبالي با فعالها..


يالليل يالي من ناسك نعاني جروح..
قلبي الحزين يتمنى روحه تروح..
وماتعاني منك ومن غيرك الم وجروح..




تحيااااااااااااااتي





نتريا ذبحهم غروري​

 

[المنصوووري]

اليووم ما بختار احد بس بطالع

 

[ذبحهم غروري]

ها قد اتييييييييت >>>>>> امحق لغه هههههههههههاي

 

[المنصوووري]

طلبووج شعر عطيهم شعر سا مغرورة لا تنسحبين