صدك

[بنت المقابيل]

أشوف الوقت يطوف مني ويعدي
وانت لهاي يا الغلا عني ومرتاحي
ولاتنشد عن اخباري وتجيب ردي
ومنك حالي يهمل وابل سيل جراحي
ياما تذكرت ليالي ف عمرنا الوردي
انقضت وياك بلا كدر وهم نشاحي
غير ايدك بالحيل ماسكة راحة يدي
واليوم وين علومك وذيك الأفراحي
شو الذي جاك وغيرك يا المودي
وصار موج صدك معاكس ارياحي
وصرت عني دايما مبعد ومتردي
وشح وصلك وقطعت حبل سراحي
انت ضدي وكل شئ صار ضدي
وكل معتلي لي فوق وقتها طاحي
اشد عزومي وبالحيل قمت اشدي
ومنك حالي صار مكسور الجناحي
أجامل الناس واكتم واحاول اهدي
واصبر النفس عسى الغيم ينزاحي
وتمطر دنيتي بك مزن(ن) ورعدي
واري ظماي ويشرق نور الصباحي​

 

[العا(هدوء)صفه]

أجامل الناس واكتم واحاول اهدي
واصبر النفس عسى الغيم ينزاحي
وتمطر دنيتي بك مزن(ن) ورعدي
واري ظماي ويشرق نور الصباحي



كلمات في منتهى الاحساس
بس ((واري )) أو (( اروي )) انتبهي شوي
انا لبست 4 نظارات لحد ما شفت خطج ((هع))

حبيت اكون اول واحد يرد عليج
بصراحه القصيده كلها حلوه
مووزونه وكلماتها حلوه وراقيه
انتي شاعره بنت المقابيل ولج حضورج
تسلميين
وبأنتظار الزود منج

 

[بو جسيمـ]

صح الله لسانج بنت المقابيل .. ونعومه النسب

قصيده كلهـآ احساس وعاطفه وقصيده مؤنثه بحت ..

دايم الحنس الناعم يتميز بالاحساس فـ قصايده ^^

لا هنتي ولا هان نطقج .. ربي يبقيج فـ سما الشعر نجم بازغ

فـ داعة الله

 

[آل يذوه]

صح لسانج يا بنت المقابيل

مميزه دومج

أشوف الوقت يطوف مني ويعدي
وانت لهاي يا الغلا عني ومرتاحي


عندج غلط هنيه الكلمة لاهي هب لهاي ..!*

ياما تذكرت ليالي ف عمرنا الوردي
انقضت وياك بلا كدر وهم نشاحي

شو القصد من كلمة نشاحي .. ؟ هل تقصدين انشاحي والا معنى ثاني ..؟

واذا كان في معنى ثاني يا ريت توضحينه

وصرت عني دايما مبعد ومتردي
وشح وصلك وقطعت حبل سراحي

سراحي << ممكن توضحين لي معناها ؟؟ لانه هب واضح بالنسبه لي

وتمطر دنيتي بك مزن(ن) ورعدي
واري ظماي ويشرق نور الصباحي

لو كنتي مخليه كلمة الصباحي الاصباحي بتكون افضل للوزن في القصيده


ربي يعطيج الف عافيه

وفي انتظار جديدج

دمتي بود​

 

[نسايم ريف]

صح لسانج يالغلا وربي لاهانج ع الطرح

تقبلي مروري

 

[أ“أ‡أ،أ£ أ‡أ،أˆأ‡أڈأ­]

أجامل الناس واكتم واحاول اهدي
واصبر النفس عسى الغيم ينزاحي
وتمطر دنيتي بك مزن(ن) ورعدي
واري ظماي ويشرق نور الصباحي



صح لسانج على هالكلمات والاحاسيس الجميله
وربي لا هانج يا مبدعه ..كلمات نابعه من قلب
واحاسيس رائعه جدا..استمتعت كثيرا لقرائتج



يعطيج العافيه ولا تحرمينا من يديدج المميز


​

 

[المنصوووري]

مشكورة عالكلمات الحلوة

 

[»̶»̶̥ м̽ɐ̲łќ 3̨̐τ̅н̲]

صـــــــــــــــــــــــــــــح لسانج

 

[مشاغب]

من قال من قال

 

[םـوٍچـ\وْכֿ]

أجامل الناس واكتم واحاول اهدي
واصبر النفس عسى الغيم ينزاحي

ابيات كلها احاسيس

صح اللساانج

 

[بيـاض السحـب]

بنت المقابيل

كلمات جميلة سكن وتربع الاحساس فيها

الله يعطيك العافية على ما باح به قلمك

فصح لسانك وعلا وارتفع شانك

مشكورة ولك تحيتي ومودتي

ودمت بود ومحبة

 

[حشيمة القلب]

أجامل الناس واكتم واحاول اهدي
واصبر النفس عسى الغيم ينزاحي
وتمطر دنيتي بك مزن(ن) ورعدي
واري ظماي ويشرق نور الصباحي


كلمات جميله واحساس مرهف فكاتبة الابيات الشاعريه

صح لسانج يالغلا

وبأنتظار جديدج