معجم رمسة الشواب

[سقوط المطر]

دغنه : ما يفتهم

 

[البدوي]

مشكور

مشكور يا راعي الخيارية علي جهودك في تذكيرنا بالماضي ... ودوم منور موقع البريمي .. وحسب معلوماتي ... شغلك له علاقة بالنور والاضاءة وخدماتك في خدمة البريمي ملموسة ... يا .... حفيد بن فري ودمت علي الخير

 

[alshibli]

شكككككككككككككككرا

 

[نار الشوق]

تسلم ابــــداااااع صراااحه....
بس معظم الكلمات نقولها مب بس الشواب...^_^

احدر أو حدري : يعني انزل(لما أحد يكون فمكان عالي وتباه ينزل تقوله احدر
يــــــوّد: (لما تبا تعطي أحد شي تقوله يود يعني خذ..واحيانا اتي بمعنى امسك )

 

[راعي صوغة]

أنخمد(يعني ارقد )

 

[سقوط المطر]

أنطب : يعني اسكت ...

 

[راعي صوغة]

سقم (يعني خايس أو طعمه هب شي)

 

[Samt Sohar]

مشكور اخويه ......

 

[راعي صوغة]

سير أطلق الباب (يعني سير أفتح الباب )

 

[سقوط المطر]

يدقه او يرنه :يضربه

 

[راعي الخيارية]

السويعية: عباءة مطرزة بخيوط الذهب أو الفضة , وتعتبر من أهم لباس المرأة لأنها تستر المرأة .

 

[سقوط المطر]

وااابويه عليه ...ما كنت اتوقع ....

 

[راعي الخيارية]

صك التراب: تعني اهدأ واجلس تقال للغضبان

 

[راعي صوغة]

الزربوووول( يعني زليغ يصنع من صوف الغنم قديما ويحل محل لبس النعال ف الرمضه والبرد )

 

[سقوط المطر]

حده :يعني اربع ورااه ..او اركض وراه

 

[راعي صوغة]

القحور: (الناقه الي مضى على ولادتها أكثر من ستة أشهر)

 

[سقوط المطر]

عقاطه : هيه الحجاب ..عرفين قصدي ...اللي لونها ابيض ....ويليسنها بنت الابتدائي ...

 

[راعي الخيارية]

يقولون فلان يتر فلان. يتره تعني يسحبه ناحيته أثناء المشي

 

[راعي صوغة]

الوطية (تعني النعال )

 

[سقوط المطر]

منفتق او منطر: الشيء انقسم اللي جزاين او اكثر