جريمة سويتها انت وصغير ؟!؟ منو أكبر مجرم فالمنتدى ؟

[غــرتــكـ دنيــاكـ]

الســــــلام عــــــليكم

كيف الحال شبــاب وبــنات ؟؟


الموضوع :: جريمة سويتها وانت صغير

لا احد يقول ماسويت شي وخصوصاً الشباب لأن حياتكم كلها جرااااااايم

فتعال هنا واكتب لنا شو الجريمه اللي سويتها وانت صغير

تهاوشت مع ولد جيرانكم
كفخته
نتفت شعر أختك
فلقت راس أخوك بالكاس

المهم اي نوع من الجرايم أنتوا فاهمين قصدي طبعاً .. صح ؟؟



دعوه مني لجميع الأعضاء والمشرفين والإداره للمشاركه في هذه الجرائم

يمكن اللي تهاوشت معه يكون عضو هنا ويسامحك عاللي سويته

يلا بسرعه تعالوا
خلونا نشوف مين أكبر مجرم في المنتدى atch_mechan:


أحينه عاد صدج بتبدا الجرااااااااااااااااايم

 

[اهات برشود]

بصراحه انا سويت جرايم واااااااااايد من كثرهن نسيتهن

لاكن اخبث جريمه سويتها هي كالاتي مره واحد دخل بيتنا بدون ما يستأذن الساعه وحده الفير

واشوفه وهو بعد شافني يوم شافني شرد اول ما لف عني كفخ اليدار واونه سريع يبا يغض بصري عنه قالي امك تباك

وفل عني والحقه وهو يركض وانا الحقه وكنت اريد افلعه بالنعال لاكن النعال ما وصلت عنده قص علي اونه بيروح يمين راح يسار

ودار على البيت دورتين وعقب تخرطف على النعال الي فريتها وازخه من حلجه واعطيه كف ايسر قال والله ما كنت ويـاهـم

واقوله يا ملعون الصير وادبحه يمع على ظهره قال اي واقوله كلب انذل كيف دخلت بيتنا اعترف بسرعه هذا بيكون يومك

وقالي من الباب قلتله تستهبل بععد قال لا انا دقيت الجرس لاكن محد رد ودخلت من الباب قلتله كذاب الجرس خربان

وييت البشكاره اونها تحاايز واقوولها هديني عليه خليني اكفخه قالتلي اذا كفخته والله وراس امي الي فبلادها

ما اسويلك همبرجر باجر وتكه ورحمته وهديت اعصابي وعقب قلنا بنخليه في سبيله ما اسير انا

بالغلط ادوسه بريلي وعطاكم الصرصور عمره وسرت دفنته برع

وحطيتله لوحه( ما يهزك ريح )وتحت( نتلاقى ع خير)

هاي اخبث جريمه عندي لحد يتروع مني

تراني اهتديت وتبت خخخخخخ

ومشكوره ع الموضوع

الجميييييييييييييل

بـرابـر

 

[البطرااان]

هع هع
اتذكر يوم صغير كنت اخاف ربي ^^
سرقت من الدكان ورحمته وبعدين رحت ارد الحلاوه
.
..
...
تحيااااااااااااتي

 

[السَعيدي]

اممممممممممم

انا سويت شي ما بنساه دامني حي

ياخي قتلت قطوه

كان عندنا قطره ومره شليتها خارج البيت وحطيتها وجلست اشل طابوق واعقة فوقها
تقريبا عشر مرات
وماتت

كنت ما اعرف شي

والله حرام
الحين ندمان


​

 

[اهات برشود]

عادي عادي ما استوا الا الخير كل واحد منكم ايصلح سيارته فهمتو

البطرااان راعي الدكان قص عليك الي سرقته سجله حساب

الأرجنتيني البار الحل عندي سير حج عنها وبتسامحك

الله يوفقكم في صالح اعمالكم برابر

 

[غــرتــكـ دنيــاكـ]

اممممممممممممممممممممممممم؟؟؟؟؟؟؟
احم احم في مرة فالمدرسة بنت أكبر عني قامت اطالعني بنظرات مب حلوة فرحتلها قلتلها شو فيج جي اطالعيني ؟؟
قامت تتكلم اروحها جان أقوم وأسبها وقامت اضارب وما أعصب وأمسكها من كشتها ولين أحين هي لما تشوفني تنزل راسها أونها مستحية

كنت وااااااااااايد اضارب البنات

 

[إلي خلقني ما يضيعني]

هههههههههههههههه والله وناااااااااسه ...

 

[جنون قلم]

اكبر جريمة سويها كنت ارمي شنط اطلاب من الباص والقي الوم على اثانيين


جنون قلم

 

[♦L♦]

انا زخيت ديج يوم كنت صغير بطلت حلجه وماخليت حشره ماحطيتها في حلجه
.
وآخر شيء غريته ببيبسي الين مالطلعن الفقاعات من خشمة أستوى سكران
.
آخر شيء أنتفخ بطنه ومات غدى مثل سانتا كلوز
.
هذي أصغر جريمة أرتكبتها
.
مابخبركم جريمتي العوده عشان ماتخافون O_O XD