اللي يبا يدرس في الهند

[السنقباسي]

السلام عليكم ..... هذي اول مشاركه لي اقصد اول موضوع اطرحه .. أنا مسافر للهند الاسبوع الياي عندي دوره عن طريق اشغل لدراسة MCSE .. واي شخص حاب يستفسر عن شي او يحب يدرس في الهند انا حاضر اكون له عون لانها فرصه ما تتعوض والدراسه في الهند في ولاية كرناتكا مدينة بنجلور ما تكلف ابد شي ... وعلى فكرة انا درس البكالرويس هناك عشت فيها تقريبا 5 سنوات والحينه بعد اربع سنوات بزورها عشان دوره اخترتها عشان ارتقي في العطاء للعمل .. المهم انا بس حبيت اعرض لكم يمكن عنكم احد يبا يدرس عشان ارتب امورها مره وحده هناك ع فكره الدوره مدتها شهر ونصف تقريبا وانا حاجز شقه هناك والامور طيبه هناك ما باقي منكم غير تذكرة السفر ... ويا مرحبا فيكم

 

[سعود الظاهري]

مرحبا أخوي والله ماتقصر من طيب أصلك وأشكرك على طرحك للموضوع ربما أحد الاعضاء الاستفاده .​

أتمنالك التوفيج في الدراسه وسفر ممتع . وأهتم بنفسك​

وفداعة الله​

 

[بريماوية]

تسلم اخوي
اتمنى الاستفاااادهـ للجميع

وتروح وترد بالسلامه ان شالله

^^

 

[السنقباسي]

شكرا الظاهري وبريماويه على الرد اللطيف الله يسلمكم انشاء الله السفر بتاريخ 27 - 03 ونرجع ونشوفكم سالمين ما تقصرون

 

[~*¤ô§ô¤*~القلب داعيلك~*¤ô§ô¤*~]

با توفيق اخوي

 

[بصراااحة]

تسلم الغالي ع المجهود ...

 

[يديدة^^]

أخوي كم مدة البكالوريوس عندهم ..............عندي شخص أباه يكمل دراسته

ممكن تعطاني شويت تفاصيل ؟؟؟؟؟؟؟؟؟؟والمدة

 

[مروض الكهان]

مشكور وما تقصر

اتروح وترد بالسلامه وربي يوفقك

ممكن اتخبرنا عن الشهاده الي تاخذها مناك كيف قوتها في عمان
وتعامل الناس اوياك كيف

 

[أ¥أ£أ“ أ‡أ،أ£أ”أƒأڑأ‘]

مشكور اخوي

وبالتوفيق

 

[السنقباسي]

مرحبا للجميع من الهند اراسلكم وصلت بالسلامه ويجزاكم الله الف خير على الردود وانا اسف على التأخير على بال ما وصلوا لي النت ... اختى يديده تسأل عن مدة البكالريوس المده طال عمرج 3 سنوات مقسمه على النظام اليديد عندهم على 6 سميسترات يعني فصول يوم انا درست البكالريوس ما كان موجود هالنظام يعني الاول تمتحن امتحان واحد ف السنه وخلاص مثل المدرسه يعني امتحان اخر السنة بس النظام اليديد احسن لانه يخفف من كثر المواد ... المهم الدراسه رخيصه تدفعين عن التخصص تقريبا 12 الف درهم وتدفعين للكليه اللي بتدرسين فيها 400 دولاار سنويا فقط وبس السكن للبنات موجود اما للشباب لا وحتى البنت الخليجيه ترفض تسكن في سكن الجامعة لانه مب شي ومب من مقامها اصلاا ... وفي الشهر يكفي 1000 درهم مصروف شخصي يعين شامل السكن الخاص والاكل والموصلات .. والخ .. أختي اي حايه او سؤال ما يردج غير لسانج ...................................... أخوي ردي الحال الشهاده اسمها Microsoft Certified Systems Engineer هذي الشهاده طبعا تتقدم لها بعد ما تاخذ دورة الشبكات والهادر وورجينج يعني تخطف قبل على دورة N+ و دوره A+ ومن بعدها تقدر تتقدم للـ MCSE وهذي الدوره قويه جدا لاانها تأهلك بعد تاخذ اخر الدورات اللي وصلة في تطوير الشبكات وهي دورة سيسكو عقبال ما اوصلها انشاء الله .. MCSE تاخذها نظري في ستة شهور وتمتحنها عن طريق اون لااين من شركة ميكروسوفت وعدد الامتحانات 7 ارواق وكل ورقه قيمتها ب 350 درهم وتعتمد على الذكاء الحسي يعني ما في تطبيقي تحلل وتجاوب في نفس الوقت .. بس انصحك اذا عندك خبرات ف الشبكات وصيانة الكمبيوتر خذها لاانه في عمان عدد قليل جدا عندهم هالدوره .. واتمنى للجميع التوفيق دائما نتطلع الى الاعلى .. واي استسفار انا حاضر .. والسموحه منكم

 

[اثير]

احم احم ترووح وترجع بالسلامه واعتقد حد من الاهل بيسافر بنفس التاريخ ونفس المنطقه وبنغس الشهاده بالتوفيق

 

[السنقباسي]

احم احم لا تعليق ! ! !