نرجو تعاونكم

[بروكر البريمي]

السلام عليكم ورحمه الله وبركاته

اليوم وانا مار عند قيادة الشرطة شفت شي غريب مقابل القيادة ( شي على شكل قبر )وتخبرت عن الموضوع يقال ان اب قتل ابنته ودفنها هناك وسلم نفسه للشرطة .

ارجو إلي عنده معلومات يفيدنه .

احترامي للجميع ​

 

[اليوبيل الماسي]

والله ياخوي سمعت انا نفس السالفة هاااي _

يلا نتريا وانشوف ممكن حد من الاعضاء عنده السالفة _

 

[وقباوي]

بسير أشوفه أول وبعدين بفيدك

 

[طبيب الحب]

انا سمعت مثل الكلااااام الي قلته بس شو السالفه ب الظبط ما عندي علم عنها

 

[السيف]

والله اول مره اسمع عن السالفه

لي عنده فكره يخبرنا

 

[قطوة البريمي]

امبيه ,,

نا اول مرة اسمعبها السالفه هااي..

كملو كملو ..

 

[بروكر البريمي]

نتمنى حد يفيدنا

 

[همسة حنين]

والخيبة بسم الله
أنا ما عندي أخبار عن هالسالفة ..
شو صاير على البريمي فغيابنا

 

[السيف]

متابعين في انتضار التاكيد

 

[طبيب الحب]

انا اليوم مريت جدام القياده بس ما شفت قبر لو توصف لنا مكانه يكون زين الله لا هانك

 

[طبيب الحب]

خلاااااااااص اليوم سرت و دروت هناك و حصلته

والله اني لين احين ممب مصدق الي شفته

 

[زهرالصباح]

شــــو الســــالفة

شـــــو بلاهـــا البنت؟؟؟؟؟؟

 

[آل عزان]

الله يسلمكم هالريال

جاتل بنته عسب انه شافها نازله من عند واحد

وهو عاده مقبالي

ما يتفاهم

نش وجتلها ودفنها بدون ما يغسلها حتى وفرها فالقبر فر

وماشيء

دفنها تحت سمره

جنه


حتى لو بتسيرون عند القياده بتشوفونه القبر

وهذا الكلام صحيح 100 %

وشكرا

 

[زهرالصباح]

المفـــروض أبوهـــا

يتــأكد يمكـــن بنتــــه مظلــــومة

ليـــش دوم البنت تدفع الثمــــن

اللـــــه يهـــدي الجميــــع

ويرحمهــــا ويصـــبر أهلهـــا

 

[smart boy]

سمعت عن السالفة

وبس ما عندي معلومات زيادة وشكرا

 

[السيف]

السلام عليكم

اخواني انا اليوم تأكدت من الخبر وطلع الخبر غير صحيح هذا قبر واحد شيبه من الشرقيه عمر القير تقريبا 30 سنه وكان الناس ما عارفه عنه ولاكن في الفتره الاخيره حد عمله نفس الاسمنت ونتبهوله الناس وسوو هذي الاشاعه
وتحركة الجهات الامنيه لما سمعو الخبر وشافو انه القبر قديم وطلبو بعض مشايخ الولايه وناس كبار في السن عندهم فكره عن هذا الامر واكدولهم انه هذا قبر شايب من الشرقيه ومدفون هناك من 30 سنه تقربا وهذا الكلام مافيه اي شي من الصحه فقط مجرد اشاعه
وهذا الكلام اكده احد مسؤولين الجهات الامنيه في الولاية
وانا مسؤول عن كلامي

 

[آل عزان]

عفواً

شباب

اسمحولي

الحين انتبهت لكلام اخوي السيف وكلمت واحد من الجماعة وهو رائد فالشرطه وقالي نفس الكلام اللي اكد عليه

وكلام اخوي السيف صحيح

 

[السيف]

عفواً

شباب

اسمحولي

الحين انتبهت لكلام اخوي السيف وكلمت واحد من الجماعة وهو رائد فالشرطه وقالي نفس الكلام اللي اكد عليه

وكلام اخوي السيف صحيح

تسلم اخوي ال عزان

معروف الرجال سلم عليه​

 

[آل عزان]

يبلغ يالسيف

 

[السَعيدي]

السلام عليكم

ما كل شي نسمعه نصدقة

أشكر الاخ السيف على التحقق من الموضوع والتوضيح لنا

​