سيارات الإسعاف بمستشفى البريمي

[شرطي مرور]

سلام للجميع


اخواني سياارات الإسعاف داخل مستشفى البريمي لماذا وضعت؟


من فتره طلبنا منهم سيارة لنقل المغفور له بإذن الله زوج خالتي وذلك لكبر سنه قرابة 80 سنه ولوجود كسر فالحوض والكتف ولا يستطيع الحركة تخيلوا انهم رفضوا وحضرت المدير قالي اياها بصريح العبارة ما عندنا سيارات اسعاف لنقل المرضى من المنازل إلى المستشفيات حتى لوصار حادث على التقاطع الخارجي للمستشفى ما بنحرك سيارة وحده لنقل أي شخص .


بالله عليكم هل هذا الأمر يعقل ؟

أين حقوق الإنسان بل أين الضمير أين الإنسانيه ؟


لو كان لهذا المسؤول أحد من ذويه في نفس هذه المصيبه صدقوني سوف يقوم بنقله بواسطة الإسعاف ولن يتردد ثانيه أو لشخص ما علية القوم


مات زوج خالتي من 6 شهور ولين اليوم اسمع صراخه داخل السيارة وأنا ناقله إلى المستشفى من شدة الألم ..


أدام الله الصحة والعافية لكم ولجميع أهليكم ودمتم ...

 

[مشاغب]

علمي علمك وان شاء الله خير

 

[شرطي مرور]

موجود الغالي بس غلطيت طشووووونه تسلم على زيارتك الحلوة

 

[اليوبيل الماسي]

الله يرحمه ويغمد روحه الجنة _

اخوي سيارات الاسعاف في مستشفى البريمي اغسل ايدك وريلك من هالسالفة _ بس ان شاء الله نتأمل خير يمكن مسؤول عود يحلم انه فيه ناس في البريمي ويحتاجون سيارة اسعاف _

 

[شرطي مرور]

ما أظن يا أخوي إلا قول يمكن هو يبتلا مثل هالحالة ويحس في غيره وبصراحة أتمنى
وأعرف إنه هذا ما يجوز لكن عشان يحس الفاضل مدير ............................

الكل فاهم وهذيك الساعه بنشوف إذا ما طلب سيارة إسعاف بكامل طاقمها الطبي

 

[طبيب الحب]

الله يرحمه و يمغد روحه الجنه

بس هاذا غلط انه ما يطرش لكم سياره اسعاااف

عيل ليش موفرين السيارت حق الزينه ف المستشفى

 

[وقباوي]

الله يهدي كبار المسؤولين عشان يوفرولنا الخدمة الجيدة لا نريد بل نطمح ونأمل للخدمة الممتازة

 

[مظلوم البريمي]

نفس الموضوع اللى صار عندنا عندن مريض نبا ننقله من صحار لين العين مسوى حادث ف صحار رفضو يحركوا سيارة اسعاف وصلت السالفه لين الوزين وماسوى شي؟؟ ليش سوى سيارة اسعااااف؟؟
بس الله يطول عمر الشيوووخ شليناه بطيارة من صحار لين العين....

 

[شرطي مرور]

شكرا على المرور

 

[شرطي مرور]

عزيز الطياره هذي تابعه وين

 

[زهرالصباح]

سيــــارات الإسعــــاف في البريمـــــي

لإستخــــدام شخصــــي لمدير المستشــــفى وأهــــله

فقـــط لا غير

من إنت عشــــان يحرك لك سيــــارة إسعــــاف

لا تـــاجر ولا هامــــور من هوامير البريمــــي

فهمـــت قصــــدي !!!!!!!

 

[~*¤ô§ô¤*~القلب داعيلك~*¤ô§ô¤*~]

الله يرحمه ويغمد روحه الجنه
والله يعين اهل البريمي على هذا المستشفى وتره
يا شباب ليش معصبين ترها سيارة الاسعاف الي فا المستشفى ما فيها بترول

 

[أ¥أ£أ“ أ‡أ،أ£أ”أƒأڑأ‘]

لا حول ولا قوة الا بالله

 

[الـشـبـلـي]

لا حول ولا قوة الا بالله

لين متى بنتم على ها الجهل وعدم الامسؤوليه .

هذي ضريبة الشخص الغير مناسب في المكان غير مناسب له .

و العيب فينا نحن ..كم بنسكت وبنغطي ...المفروض تشتكي عليه او ترفع دعوه ضده ليكون عبره لغيره الحق ما ينزعل منه يا خوي .

والله يرحمه ويغفرله .

 

[حلوة مكحلة]

الله يرحمه
ويغمد روحه الجنة نشالله

ومثل ما قالوا سيارات الاسعاف بس حق المدير وربعة وأهلة بس

والقهر أذ تحركوا سنة لحد ما يوصلوا

وصارات على السالفة فــــ " الشارع الي يودي صوب العقد "

صار على أنا وأخوي وأمي وأبوي

حادث

وفي ناس الله يذكرهم بالخير تصلوا بالاسعاف

لان الحادث كان قوى وكل الي شاف الحادث ظن متوفيين


وصادف انه ولد عم ابوي كان ورانا

وطلعنا من السيارة وركبنا سيارة وسيده حق المستشفي


وتصدقوا


لما وصلنا المستشفى

طلعت سيارة الاسعاف

بس مانقول غير حسبي الله ونعم الوكيل

 

[شرطي مرور]

شكراً على مرووووركم

 

[دمعه المقهور]

موظوع ان سياره الاسعاف ما تطلع من المستشفى للبيوت عشان مرضى هاي معممه فكل السلطنه اما بالنسبه للمتوفيين فالبيوت لهم اسعاف خاصه موجوده فمكتب البلديه فكل ولايه.الاسعاف موجوده فالمستشفى بس لنقل المرضى من المستشفى الى باقي المستشفيات المرجعيه فالسلطنه مثلا من مستشفى البريمي الى مستشفلى صحار للاشعات المقطعيه ومن مستشفى البريمي الى مستشفيات مسقط للمناظير وغيرها وهكذا.بس اللي مايعرف المفروض يسال مب بس يرمس بدون ادله.اما عن اللي يجول ان اذا المدير حصل عنده شئ ويا اهله او اقاربه بيطلع سياره الاسعاف هذا الشئ صحيح واكثر من كذا تعرفوا ليش؟؟؟؟؟؟؟؟؟؟؟؟؟؟؟؟لان المسؤولين ماتمشي عليهم القوانين وهالشئ فكل العاللللللللللللللللللللللللللم مب بس فمستشفى البريمي صح صح صح

 

[smart boy]

السلام عليكم

شو نقول اخوي

صراحة السيارات وضعت علشان الزينة

 

[دمعه المقهور]

ردوا اشوف.خخخخخخخخخخخخخخخخخخخخخخخخخخخخخخخخ

 

[شرطي مرور]

ردوا اشوف.خخخخخخخخخخخخخخخخخخخخخخخخخخخخخخخخ

صحيح أخي العزيز هذا الكلام قالي اياه مدير المستشفى

أنه السيارات فقط وضعت لتحويلات المستشفى

لكن من باب الإنسانية دام هو يقدر يطلع هالسيارة له أو لأهله ليش ما يطلعها لشخص كبير فالسن وتعبان ومكسر

ليش أنا أعرف هالشي بس ليش ما تبعث رسائل للوزارة من قبل إدارات المستشفيات تطالب بأن يصرح لهم بنقل المرضى من البيوت وللحالات المستعصية شو كان بيخسروا

على العموم شكراً على ردك الجميل ​