ما احب احد يسالني هذا السؤال؟؟؟؟؟؟؟؟؟؟؟؟

[علمني كيف أخونك]

في الغالب في اسئـــــــله مايحب الشخص يجـــــاوب عليها لانه مايحب حد يســـــأله هالسؤال..!!


والاسئله تختلف من شخص لاخر على حسب الشخصيــــــات فالبعض يشوفونه سؤال عادي
والبعض يعصب ويرفض الاجـــــــابه..؟
سؤالي.. مـــــــــاهو الســــــــؤال الذي لاتحب ان يسألك به احــــــد ولاتحب الاجابه عليه؟؟والسبب؟


(ارجو تحديد السؤال.. وكتابته بعد مواجهه صريحــــــــــه مع النفس)!!​

 

[غربة الروح]

حلو الموضوع بصراحه...

إذا الشخص قريب مني وايد يسأل إللي يباه عادي بس إذا ما اعرفه يعرف شو هن حدوده...

يسلمو ع الموضوع الحلو ...

 

[غريب الاحساس]

تسلم الغالي ع الموضوع الجميل ..

ننتظر جديدك ..

تقبل تحياتي ..

 

[علمني كيف أخونك]

يسلموا على الردود الطيبه

ان شاء الله نشوفكم على جسر تواصل في

منتديا الغالي​

 

[أبو سلطااان]

ما أحب حد يسألني.....
باجر فاضي ؟؟
لأني بصراحه تطلع لي شغلات ما كانت بالجدول دائما ...

 

[عيوشه الكشه]

علمني .. الموضوع حلو .. و حلو وااايد بعد ..

انا الصراحه ما احب حد يسألني اساله شخصيه ..

و انزعج منها ..

لانه كل انسان له خصوصياته ..

 

[الخآطر الولهآن]

آممممممممممم
^ليش سويتي هشي؟؟ كيفي يـــآآخي^

يسلموو حلوو الموضووع

 

[حراميـه حلـوه]

انا ما عندي سؤال محدد ما احب أحد يسألني

يعطيكـ العافيه اخووي

تسلم وماتقصر

دمت بــــــــوود

 

[علمني كيف أخونك]

يسلموا على الردود الطيبه

ان شاء الله نشوفكم على جسر تواصل في

منتديا الغالي​

 

[دايم السيف]

يسلمو طارح الموضوع موضوعك روعه
أنا وايد أسأله ماحبها منها :
_ لما أكون ظاهر ويا أحد ماحب يسألني .. وين نسير ؟؟
لإنه مايهمني المكان جد مايهمني منو الي ساير وياي هالمكان .

_ ايضا لما أكون متكدر من دون سبب واحب أحد يسألني ... شالي مكدرنك ؟
لإني بروحي ماعرف الجواب

_ لما أشتري حايه ماحب أحد يسألني ... بكم شتريتها؟
السبب غير معرف
دمة بود أخوي

 

[أم أحمـد]

مممم


اول شي يسلموو على الموضوع


وانا اشووف الموضوع مكانه قسم النقااش


على العموم


انا السؤاال الي ما احب يسالني ايااه

حليتي الواجب ؟؟


يعني انا اتعب وغيري ياخذ تعبي

والقهر عاده

يوم يكون في غلط

ناكراات الجميل اونة ليش هاي غلط انتي غلطانه اوك انا غلطت

احسن عن الي ما حل موليه هع هع هع


احترامي

سويره

 

[حلوة مكحلة]

ما حب أحد يسألني

"" ممتى عرسج أو متى بتتجهزي ""

لأني أحسها كنهم يريدوا الفكه منى وشكل بخليه السنه الجاية

هههههههههههههههههههه

تسلم على الموضوع يأخوي

 

[همسة حنين]

شكرا على طرح الموضوع المميز

أنا وايد أسئلة ما حب حد يسألني إياها
على سبيل المثال

أمس (شو قرتي تدشين من التخصص؟؟)
لآني بعدي ما قررت
أخاف أقول قررت شي ويظهرلي شي ثاني وتقول كذبتي علينا

 

[لحن الخلود]

متى عرسج؟هههههههههه امزح

انقهر يوم اشتري هدية لحد و يسألني عن السعر ..اهم شي مضمون الهدية مب جيمتها

اشرايكم؟؟

 

[بنت الكعبي]

الاسئله الشخصيه واااااااااااااااااي انقهر بس احب اسأل غيري هعهعهعهع (( لقافه))

يسلموووووووووووووووووا

 

[القلب الحســــــــــاس]

يسلمو ع الموضوع ..

 

[علمني كيف أخونك]

يسلموا على الردود الطيبه منكم

واشكر كل من خط بقلمه على صفحتي هذي

ان شاء الله نشوفكم على جسر تواصل في

منتديا الغالي​

 

[قطوة البريمي]

امممم

اذا سويت شي وغلط فيه ولا ندمت عليه .. ماحب حد يتم يسالني ليش سويتيه .؟؟

يعني انا كنت اعرف اني بيستوي جذا.. احسه سؤال غبااااااااااااااااء..

 

[السيف]

تسلم على الموضوع الشيق

وايد اسأله ماحب حد يسألني فيهم
1- وين تشتغل
2-كم راتبك
3-ليش ما تريد تزوج
4-اذا طالعين نتمشي حد يسالني وين نروح
5-اذا رايحين نتعشى شوه نطلب
6-اذا اتكلم تلفون من تكلم
7-اذا حد عندي من عندك في السياراه

 

[سحر العيون]

تسلم علمني كيف اخوونك ع هالمووضووع الحلو...

انا ما أحب حد يسألني عن درجاتي..؟؟؟

ومشكوووور..