آل يذوه
¬°•| ناقد شعري |•°¬
كل ما تثاوب ليلي فـ وجه الأماني و الهوى !
.. .. .. .. .. .. غفت عيون السجن عن سجّانها و قيد الفرج
و بانت ملامح صورة اللي كل ما ليلي عوى
.. .. .. .. .. .. .. أتخيّله \\ بين الممرّات الحزينه و الدرج !!
و بدت بصدري ، ذكريات الحب تحطب للنوى
.. .. .. .. .. .. .. ضلوع لا من شافهن حطّاب الأحلام إنحرج
للّي تركني بين لاهوب الجفا و برد الغوى !
.. .. .. .. .. .. .. من بعد ما قلبي تحت رحمة لواحظه إندرج
آمر من بيته ، لو إن قلبي من الفرقى إستوا
.. .. .. .. .. .. .. أتكي على الذكرى ؛ لإني من فراقه آعرج !
و أتنشّد الجيران عن حلمٍ سقيته و ما روا ..
.. .. .. .. .. .. .. وجه اليتيم اللي الحزن من بين حيّاته مرج
ما مرّكم ليلٍ \\ فضحه النور لا منّه .. لوى
.. .. .. .. .. .. .. يدايله ، كن القمر في وجهه الغاوي عرج ؟
وآصد لو إن صمتهم عالي و في صدري دوى
.. .. .. .. .. .. .. لو إنها في شور قلبي كان من صدري خرج
عسا عيونه ما تشوف إلاّ السعاده و الهوى
.. .. .. .. .. .. .. و عسا عيوني ما تشوف إلا مداخيل الفرج